ស្លាប់២នាក់ និងរបួសធ្ងន់ម្នាក់ បន្ទាប់ពីជនរងគ្រោះបានយកគ្រាប់បែកដែលសល់ពីសម័យសង្គ្រាមមកអុកលេង បណ្តាលឲ្យផ្ទុះ។ ហេតុការណ៍នេះបានកើតឡើងកាលពីវេលាម៉ោង ២ និង៤០នាទីរសៀល ថ្ងៃទី២១កញ្ញា ឆ្នាំ២០១១ នៅក្នុងភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់។
តាមប្រភពពីអាជ្ញាធរបានឲ្យដឹងថា ជនរងគ្រោះទាំង៣នាក់មាន ទី១ឈ្មោះ យឹម សៅរី អាយុជាង ២០ឆ្នាំ ជាទាហានទីបញ្ជាការវរៈសេនាតូចលេខ២ ទី២ឈ្មោះ យឹម យ៉ា ជាកម្មករទាំង២នាក់បានស្លាប់ភ្លាមៗនៅនឹងកន្លែង។ ចំណែកជនរងគ្រោះដែលរងរបួសធ្ងន់មានឈ្មោះ ញាញ់។
