ស្ពានពេជ្រនៅទីក្រុងភ្នំពេញដែលជាស្ពានមួយទៅកាន់មជ្ឈមណ្ឌលកោះពេជនោះត្រូវបានក្រុមហ៊ុនម៉ៅកាមួយកំពុងវាយកំទេចចោល កាលពីថ្ងៃសុក្រសប្តាហ៍កន្លងទៅ ។
ប្រធានក្រុមហ៊ុនសាជីវកម្មសំណង់អាស៊ី ដែលទទួលបន្ទុកវាយកម្ទេចស្ពានពេជ្រ នេះបាននិយាយថា ខ្លួននឹងចំណាយពេលពីរខែ ដើម្បីវាយកម្ទេចស្ពានមួយនេះ។ ប៉ុន្តែលោកបានបន្តថាក្រុមហ៊ុនរបស់លោកមិនដឹងពីមូលហេតុដែលនាំឲ្យមានការវាយស្ពាននេះចោលទេ។
គួរបញ្ជាក់ថាស្ពានពេជ្រនៅតំបន់កោះពេជ្រមួយនេះជាស្ពានដែលមានមនុស្ស ៣៥៣នាក់ បានស្លាប់នៅក្នុងព្រឹត្តិការណ៍ផ្អើលរត់ជាន់គ្នា កាលពីយប់ថ្ងៃបុណ្យអុំទូកចុងថ្ងៃទី២២ ខែវិច្ឆិកា ឆ្នាំ២០១០កន្លងទៅ។
