ប្រធានសហជីបសេរីកម្មករនៃព្រះរាជាណាចក្រកម្ពុជាលោកជា មុន្នីបានផ្ញើលិខិតទៅរដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈលោកវង សូតនៅថ្ងៃទី១៣ខែកុម្ភះនេះ ដើម្បីសុំអោយមានការស៊ើបអង្កេតករណីកម្មការិនីរោងចក្រណានគួដួលសន្លប់កាលពីថ្ងៃទី១៣កុម្ភៈកន្លងមកនេះ។
នៅក្នុងលិខិតនោះផងដែរ គឺសុំឲ្យមានវិធានការស៊ើបអង្គេតរកមូលហេតុជាក់លាក់ដែលនាំឲ្យកម្មករ-កម្មការិនីរោងចក្រណានគួ ទទួលរងការដួលសន្លប់និងស្នើឲ្យមន្ទីការងារបណ្ដុះបណ្ដាលវិជា្ជជីវៈខេត្តព្រះសីហនុ ត្រួតពិនិត្យនិងជួយផ្ដល់ការគាំពារចំពោះសុខភាពដល់កម្មករឈ្មោះង៉ូវ សំអេង និងកម្មការិនីឈ្មោះម៉ៅ ស្រីទូច ដែលទទួលរងការប៉ះពាល់សុខភាពយ៉ាងធ្ងន់ធ្ងរ។ ពាក់ព័ន្ធនឹងលិខិតនេះគេនៅមិនទាន់ឃើញមានការឆ្លើយតបពីលោកវង សូត រដ្ឋមន្ត្រីក្រសួងការងារយ៉ាងណានៅឡើយទេ។
