សាលារាជធានីភ្នំពេញគ្រោងនឹងរៀបចំឱ្យមានប្រព័ន្ធដឹកជញ្ជូនតាមរថយន្តក្រុង (City Bus) នៅក្នុងឆ្នាំ២០១២នេះ។ នេះបើយោងតាមសេចក្តីជូនដំណឹងរបស់សាលារាជធានីភ្នំពេញ។ ការបង្កើតអោយមានប្រព័ន្ធដឹកជញ្ជូនសាធារណៈនេះគឺ ធ្វើឡើងដើម្បីសម្រួលដល់់ការកកស្ទះចរាចរនៅក្នុងរាជធានីភ្នំពេញ។
យោងតាមគេហទំព័ររបស់សាលារាជធានីភ្នំពេញចុះថ្ងៃទី១៧ ខែកុម្ភៈនេះបានឱ្យដឹងថា តាមរយៈការបង្ហាញពីភាគីបារាំងបានធ្វើសេចក្តីសន្និដ្ឋានជាបឋមថា រាជធានីភ្នំពេញ ស្ថិតនៅក្នុងចំណុចរបត់មួយដោយសារមានកំណើនប្រជាជនការរីកដុះដាលនៃការបំលាស់ទីកំណើនសេដ្ឋកិច្ចមានភាពជឿនលឿនទើបធ្វើឱ្យចរាចរក្នុងរាជធានីភ្នំពេញមានភាពស្មុគស្មាញដែលជាកត្តាចាំបាច់ត្រូវតែមានប្រព័ន្ធដឹកជញ្ជូនរួមមួយឱ្យសមស្របតាមស្ថានភាពនាពេលបច្ចុប្បន្ន។
ប្រព័ន្ធដឹកជញ្ជូននឹងធ្វើឡើងលើខ្សែរថអាទិភាពចំនួនដូចជា ផ្លូវមុនីរ៉េត មុនីវង្ស សហព័ន្ធរុស្ស៊ី ផ្លូវជាតិលេខ៥,២,១និងម្តុំចោមចៅដែលជាចំណុចតភ្ជាប់ពីតំបន់ជាយក្រុងមកកណ្តាលទីក្រុង។
