កម្ពុជានឹងមានអង្ករនៅសល់ចំនួនប្រហែលជា២,៦លានតោននៅក្នុងឆ្នាំ២០១២នេះ។ នេះបើតាមការបញ្ជាក់ពីមន្ត្រីរដ្ឋាភិបាលកម្ពុជា។ តុល្យភាពស្បៀងសម្រាប់ឆ្នាំ២០១២គឺ កម្ពុជាអាចនឹងមានអតិរេកស្រូវប្រមាណ៤លានតោនដែលគិតជាអតិរេកអង្ករ២,៥៨លានតោន។
ជារួមកំណើនភាគរយនៃវិស័យកសិកម្មមានការកើនឡើងជាមធ្យមប្រចាំឆ្នាំក្នុងរង្វង់៤,៥-៥,៧%ពីឆ្នាំ២០០៦ដល់ឆ្នាំ២០១០។ កំណើននេះមានការប្រែប្រួលពីមួយឆ្នាំទៅមួយឆ្នាំ ហើយការប្រែប្រួលនេះមានពាក់ព័ន្ធទៅនឹងស្ថានភាពអាកាសធាតុនៃឆ្នាំនីមួយៗ។
តាមការប៉ាន់ស្មានលទ្ធផលដំណាំស្រូវរដូវប្រាំងឆ្នាំ២០១១-២០១២អាចអនុវត្តបានលើផ្ទៃដីដាំដុះសរុបជាង៤សែនហិកតានៃផែនការសរុបជាង៣សែនហិកតា លើសឆ្នាំមុនចំនួនជាង១ម៉ឺនហិកតា៕
