លោកនីកូឡា សាកូហ្ស៊ី ប្រធានាធិបតីបារាំងបានរីករាយចំពោះការបោះឆ្នោតប្រធានាធិតីនាពេលខាងមុខនេះបន្ទាប់ពីភេរវកម្នាក់ជាជនជ្រុលនិយមប្រដាប់អាវុធឈ្មោះ ម៉ូហាម៉េត មីរ៉ាដែលបានប្រកាសខ្លួនឯងថាជាសមាជិកក្រុមអាល់-កៃដា ត្រូវបានប៉ូលីសបារាំងបាញ់សម្លាប់កាលពីថ្ងៃទី២២ ខែមីនា។
ការរិះគន់ចំពោះក្រុមអ្នកនយោបាយដែលជាបេក្ខជនក្នុងការបោះឆ្នោតប្រធានាធិបតីបារាំងបានកម្រើករំជួលឡើងវិញកាលពីថ្ងៃព្រហស្បតិ៍។ ក្រុមអ្នកស្ទង់មតិបោះឆ្នោតបារាំងបានបង្ហាញថាលោកនីកូឡា សាកូហ្ស៊ីនឹងឈ្នះបានសម្លេងគាំងទ្រប្រហែល ៣០ភាគរយលើគូប្រជែងដ៏សំខាន់របស់លោកគឺលោក ហ្វ្រង់ស័រ ហូឡង់ មកពីគណបក្សសង្គមនិយមនិងលោក ស្រី ម៉ារីន ឡឺប៉ែន បេក្ខជនមកពីគណបក្សរណសិរ្សជាតិ។
កាលពីថ្ងៃព្រហស្បតិ៍លោក ស្រី ម៉ារីន ឡឺប៉ែនបានធ្វើអោយមានភាពប្រទូសរ៉ាយជាថ្មីដោយចោទប្រកាន់រដ្ឋាភិបាលរបស់លោកនីកូឡាសាកូហ្ស៊ីថាបានលះបង់តំបន់ជាយក្រុងក្រីក្រទៅអោយក្រុមប្រកាន់គំនិតជ្រុលនិយមអ៊ីស្លាមនិងបានទាមទារអោយមានការផ្តល់ចម្លើយចំពោះការបរាជ័យក្នុងការថែរក្សាសន្តិសុខក្នុងប្រទេស។
លោកស្រីបន្តថា នៅសង្កាត់ទីក្រុងស្ទើរតែទាំងស្រុងបានស្ថិតនៅក្នុងកណ្តាប់ដៃរបស់ក្រុមនិយមតាមគម្ពីរអ៊ីស្លាម គ្រោះថ្នាក់នឹងមានទំហំធេងជាងនេះព្រោះនៅក្នុងប្រទេសបារាំងបច្ចុប្បន្នមានជនសកម្មប្រយុទ្ធអ៊ីស្លាមនិយមរាប់ពាន់នាក់។
បន្ទាប់ពីគូប្រជែងធ្វើការរិះគន់ប៉ុន្មានម៉ោងក្រោយមកខ្មាន់កាំភ្លើង ដែលបានធ្វើការវាយប្រហារដោយបានសម្លាប់មនុស្ស៤នាក់នៅសាលាជ្វីហ្វ និងទាហាន៣នាក់នៅបារាំងខាងត្បូងនោះត្រូវបានប៉ូលីសកុម្មង់ដូបារាំងបាញ់សម្លាប់។ គួរបញ្ជាក់ថា មូលហេតុដែលខ្មាន់កាំភ្លើងរូបនេះប្រព្រឹត្តដូច្នេះគឺជាការសងសឹកអោយកុមារប៉ាឡេស្ទីននិងប្រឆាំងអន្តរាគមន៍យោធាបារាំងនៅបរទេស៕
