សាខារដ្ឋាករគយខេត្តក្រចេះរួមសហការជាមួយព្រះរាជអាជ្ញាអមសាលាដំបូងខេត្តក្រចេះព្រមទាំងស្នងការនគរបាលខេត្តកងរាជអាវុធហត្ថខេត្តបានចុះទៅឆែកឆេរម៉ូតូនាំចូលអត់ពន្ធនៅតាមបណ្ដាហាងលក់ម៉ូតូនិមួយៗនៅជុំវិញខេត្តក្រចេះដែលបានដាក់លក់នៅលើទីផ្សារយ៉ាងអានាធិបតេយ្យ។
ប្រធានអង្គភាពគ្រប់គ្រងហានិភ័យនៃអគ្គនាយករដ្ឋាករគយនិងរដ្ឋាករកម្ពុជា បានឲ្យដឹងថាដោយអនុវត្តន៍តាមអនុសាសន៍របស់រដ្ឋាភិបាល លោកបានសហការជាមួយព្រះរាជអាជ្ញាអមសាលាដំបូងខេត្ត និងដឹកនាំកម្លាំងសមត្ថកិច្ចដែលពាក់ព័ន្ធនៅក្នុងខេត្តចុះឆែកឆេរ និងត្រួតពិនិត្យរកមើលម៉ូតូដែលមិនមានពន្ធនាំចូលត្រឹមត្រូវដាក់លក់នៅលើទីផ្សារដែលមានការលំបាកដល់រដ្ឋាករគយក្នុងការគ្រប់គ្រងពីព្រោះកន្លងមកការនាំចូលម៉ូតូអត់ពន្ធមានច្រើនតាមបណ្តាច្រកនានានៅក្នុងខេត្តក្រចេះ។
