កិច្ចប្រជុំរដ្ឋសភា នាព្រឹកថ្ងៃទី២៥មេសា នេះបានបោះឆ្នោតជ្រើសតាំងសមាជិកព្រឹទ្ធសភាមួយរូបក្នុងចំណោមបេក្ខជនឈរឈ្មោះចំនួន១១រូប ជំនួសសម្តេចស៊ីសុវត្ថិ ជីវ័នមុនីរ័ក្ស ដែលបានសុំលាលែងពីសមាជិកព្រឹទ្ធសភា នីតិកាលទី៣ ដោយបញ្ហាសុខភាពហើយសុំចូលនិវត្តន៍។
ចំពោះលទ្ធផលនៃការបោះឆ្នោតជាសម្ងាត់បង្ហាញថា លោកប្រាក់ ចំរើន ត្រូវបានរដ្ឋសភាជ្រើសតាំងជាសមាជិកព្រឹទ្ធសភានីតិកាលទី៣ ដោយទទួលបានសំឡេងគាំទ្រ៩៧ លើ ៩៨សំឡេង។
គួរបញ្ជាក់ថា សមាជិកព្រឹទ្ធសភានីតិកាលទី៣មានចំនួន៦១រូប រយៈពេល៦ឆ្នាំ ចាប់ពីឆ្នាំ២០១២ ដល់ឆ្នាំ២០១៨ ក្នុងនោះ៥៧រូប បានមកពីការបោះឆ្នោតជាលក្ខណៈអសកល។ ចំណែក ២រូប ជ្រើសតាំងដោយរដ្ឋសភា និង ២រូបទៀត តែងតាំងដោយព្រះមហាក្សត្រ។
