បន្ទាប់ពីកិច្ចប្រជុំមន្ដ្រីជាន់ខ្ពស់ការពារជាតិអាស៊ានរួចមកលទ្ធផល៦ចំណុចនៃកិច្ចប្រជុំនេះត្រូវបានអនុម័តឡើង។ យោងតាមសេចក្តីជូនដំណឹងរបស់ក្រសួងការពារជាតិកម្ពុជាបានអោយដឹងថា កិច្ចប្រជុំនេះបានឯកភាពលើសេចក្ដីព្រាងឯកសារទស្សនទានស្ដីពីវិវេចនារយៈពេលនៃកិច្ចប្រជុំរដ្ឋមន្ដ្រីការពារជាតិអាស៊ាន-បូកនិងសេចក្ដីព្រាងសេចក្ដីថ្លែងការណ៍រួមស្ដីពីការឯកភាពអាស៊ានដើម្បីសហគមន៍មួយដែលមានសន្ដិសុខនិងសុខដុមនីយកម្ម។
របាយការណ៍ ស្ដីពីវឌ្ឍនភាពនៃក្រុមការងារនៃកិច្ចប្រជុំមន្ដ្រីជាន់ខ្ពស់ការពារជាតិអាស៊ាន និង កិច្ចប្រជុំបណ្ដាញវិទ្យាស្ថានសន្ដិសុខនិងការពារជាតិអាស៊ាន។របាយការណ៍ស្ដីពីកិច្ចសហប្រតិបត្ដិការអាស៊ាន របាយការណ៏ស្ដីពីការប្រុងប្រៀបរៀបចំដំណើរការកិច្ចប្រជុំរដ្ឋមន្ដ្រីការពារជាតិអាស៊ានលើកទី៧និងកិច្ចប្រជុំរដ្ឋមន្ដ្រីការពារជាតិអាស៊ាន-បូកលើកទី២។
របាយការណ៍ស្នើសុំការសម្រេចស្ដីពីការបង្កើត Website របស់កិច្ចប្រជុំរដ្ឋមន្ដ្រីការពារជាតិអាស៊ាននិងឯកសារស្ដីពីវិធានណែនាំសម្រាប់ការធ្វើម្ចាស់ផ្ទះកិច្ចប្រជុំរដ្ឋមន្ដ្រីការពារជាតិអាស៊ាន កិច្ចប្រជុំរដ្ឋមន្ដ្រីការពារជាតិអាស៊ានបូក និងកិច្ចប្រជុំពាក់ព័ន្ធ និងកិច្ចប្រជុំបានពិភាក្សា ពិចារណានិងគាំទ្រគំនិតផ្ដួចផ្ដើមរបស់កម្ពុជាស្ដីពីតំបន់អាស៊ានគ្មានសង្គ្រាមស៊ីវិលនិងផែនការមេស្ដីពីភាពផ្សារភ្ជាប់ផ្នែកសន្ដិសុខអាស៊ាន។
គួរបញ្ជាក់ថាបន្ទាប់ពីបញ្ចប់កិច្ចមន្ដ្រីជាន់ខ្ពស់ការពារជាតិអាស៊ានរួចមកកម្ពុជានឹងរៀបរួមកិច្ចប្រជុំមន្ដ្រីជាន់ខ្ពស់ការពារជាតិអាស៊ាន-បូក (ADMM-Plus) មួយទៀតដែលគ្រោងនឹងរៀបចំនៅថ្ងៃទី២៦មេសានេះ៕
