ក្រុមសមត្ថកិច្ចកម្ពុជាបានធ្វើការទាក់ទងជាមួយប៉ូលីសអន្តរជាតិរួចហើយដើម្បីធ្វើកិច្ចសហប្រតិបត្តិការជាមួយបណ្តាប្រទេសមួយចំនួនដើម្បីស្វែងរកចាប់ខ្លួនក្រុមចាប់ចំរិតដែលមេខ្លោងរបស់ក្រុមនេះគឺលោក ងួន សឿអតីតអគ្គស្នងការរងនគរបាលជាតិ។
លោកងួន សឿមេខ្លោងចាប់ជំរិតនិងបក្ខពួករបស់ខ្លួនបានរត់គេចខ្លួនចេញពីប្រទេសកម្ពុជាទៅបណ្តាប្រទេសមួយចំនួនដូចជាប្រទេសបារាំង និងបែលហ្សិច។
ដើម្បីគេចខ្លួនពីការតាមចាប់ខ្លួនរបស់អាជ្ញាធរកម្ពុជាបន្ទាប់ក្រុមឧក្រិតជនទាំងនេះបានធ្វើសកម្មភាពចាប់ចំរិតកូនប្រុសរបស់លោកសូរ ផនអតីតអគ្គស្នងការរងនគរបាលលជាតិរួចមក។ តាមការស្រាវជ្រាវបានឲ្យដឹងថា ក្រុមចាប់ចំរិតទាំងនេះមានមុខសញ្ញាសេសសល់ចំនួន៤នាក់ទៀតដែលមិនទាន់ចាប់ខ្លួន។
គួររំលឹកផងដែរថា កាលពីរាត្រីថ្ងៃទី៨ ខែតុលាឆ្នាំ២០១១ លោកសូរ អណូ កូនប្រុសរបស់លោកសូរ ផន ស្នាក់នៅសង្កាត់ជ្រោយចង្វារ ខណ្ឌឫស្សីកែវ ត្រូវបានឧក្រិដ្ឋជន ១ក្រុមប្រដាប់ដោយកាំភ្លើងAK ២ដើម និងកាំភ្លើងខ្លីគ្រប់ដៃបានចាប់ដាក់លើរថយន្តដើម្បីជំរិតទារប្រាក់ចំនួន៥០ម៉ឺនដុល្លារ។
ក្នុងការចាប់ជំរិតទារប្រាក់នោះ ក្រុមជនល្មើសបានឃុំខ្លួនជនរងគ្រោះជាច្រើនថ្ងៃលុះដល់ពីយប់ថ្ងៃទី២៤ខែតុលា ឆ្នាំ២០១១ទើបដោះលែងឲ្យមកវិញ។
គួបញ្ជាក់ថា ក្នុងចំណោមក្រុមឧក្រិតជនទាំងនោះគឺមានម្នាក់ឈ្មោះស៊ុត សុភីអាយុ៣៨ឆ្នាំ ត្រូវបានកងរាជអាវុធហត្ថលើផ្ទៃប្រទេសចាប់ខ្លូនបាននៅខេត្តមណ្ឌលគីរី កាលពីយប់ថ្ងៃទី២២ខែវិច្ឆិកា ឆ្នាំ២០១១ កន្លងទៅនេះ៕
