តាមគេហទំព័រព៌តមានអន្តរជាតិមួយបានចុះផ្សាយនៅថ្ងៃទី២៧ ខែមេសានេះថា ធនាគារពិភពលោកហៅកាត់ WB បានប្រកាសឱ្យដឹងថា ខ្លួននឹងបើកការិយាល័យថ្មីនៅក្នុងប្រទេសមីយ៉ាន់ម៉ានៅខែមិថុនាខាងមុខនេះ។
ធនាគារពិភពលោកបានឱ្យដឹងទៀតថា ខ្លួននឹងរៀបចំបុគ្គលិកថ្មីសម្រាប់គ្រប់គ្រងដំណើរការធនាគារនៅក្រុងយ៉ាងហ្គន និងជ្រើសរើសអ្នកសេដ្ឋកិច្ច ដើម្បីជួយដល់កិច្ចការធនាគារស្របតាមកម្មវិធី ដើម្បីឲ្យប្រទេសនេះរីកចម្រើនឡើង។
លោកស្រីប៉ាម៉េឡា ខូស អនុប្រធានប្រចាំតំបន់អាស៊ីប៉ាស៊ីហ្វិកបានលើកឡើងថា គោលបំណងចំបងរបស់យើងគឺចង់ជួយដល់ពលរដ្ឋមីយ៉ាន់ម៉ាព្រោះកន្លងមកប្រទេសមីយ៉ាន់ម៉ាមានភាពជិតស្និតនឹងពិភពលោកក្នុងអំឡុងពេលប៉ុន្មានទសវត្សរ៍កន្លងមកនេះ៕
