ការអំពាវនាវនេះបានធ្វើឡើងនៅក្នុងកិច្ចប្រជុំមន្ត្រីជាន់ខ្ពស់អាស៊ានលើកទី៨ ដែលបានធ្វើឡើងចាប់ពីថ្ងៃទី៤ដល់ថ្ងៃទី១១ឧសភា នៅឯសណ្ឋាគាអ៊ីនធ័រកុងទីណង់តាល់ នៅក្នុងទីក្រុងភ្នំពេញ។
លោក វង សូត្រ រដ្ឋមន្ត្រីក្រសួងការងារកម្ពុជាដែលបានចូលរួមជាអធិបតីភាពក្នុងកិច្ចប្រជុំនៅថ្ងៃអាទិត្យនេះបានអំពាវនាវទៅបណ្តាប្រទេសអាស៊ានទាំងអស់ត្រូវតែយកចិត្តទុកដាក់ធ្វើយ៉ាងណាបង្កើតនិងពង្រឹងវិសាលភាពនៃកម្មវិធីគាំពារសង្គម និងការអភិវឌ្ឍន៍ជំនាញដល់កម្លាំងពលករក្នុងតំបន់។
លោកវង សូតបានមានប្រសាសន៍ថា តាមរយៈកិច្ចប្រជុំនេះកម្ពុជាចង់ឃើញការពិភាក្សាគ្នាឲ្យបានល្អិតល្អន់អំពីបញ្ហាការ ប្រើប្រាស់កម្លាំងពលកម្មនៅក្នុងតំបន់អាស៊ាន។
នៅក្នុងការផ្តើមកិច្ចប្រជុំកាលពីថ្ងៃទី៤ឧសភា បណ្ដាមន្ត្រីការងារអាស៊ានបានសំដែងការព្រួយបារម្ភយ៉ាងខ្លាំងចំពោះការការពារសិទ្ធិពលករទេសន្ដរប្រវេសន៍នៅក្នុងតំបន់អាស៊ាន ប៉ុន្តែសេចក្តីថ្លែងការណ៍រួមមួយលើលិខិតតូបករណ៍ស្តីពីការការពារសិទ្ធិពលករទេសន្តប្រវេសន៍នៅតែមិនអាចចេញជារូបរាងនៅឡើយខណៈដែលមន្ត្រីមកពីបណ្តាប្រទេសដែលទទួលយកពលករទេសន្តប្រវេសន៍ និងប្រទេសដែលត្រូវបញ្ជូនពលករនៅតែមានគំនិតខ្វែងគ្នា។
យ៉ាងណាក៍ដោយ លោក វង សូត្រ បានជំរុញអោយមានការពិភាក្សាគ្នាយ៉ាងល្អត់ ល្អន់មួយ ទៅលើការការពារសិទ្ធិរបស់ពលករទេសន្តរប្រវេសន៍នេះ៕
