ប្រជាជនបារាំងចំនួន៤៣លាននាក់ ត្រូវចេញទៅបោះឆ្នោតចាប់តាំងពីម៉ោង២រសៀល បន្ទាប់ពីយុទ្ធនាការឃោសនាបានបញ្ចប់កាលពីយប់ថ្ងៃសុក្រ។
ការបោះឆ្នោតដំបូងបានបើកធ្វើនៅលើទឹកដីបរទេសកាលពីថ្ងៃសៅរិ៍និងការបោះឆ្នោតចុងក្រោយត្រូវបិទបញ្ចប់នៅបារាំង។
សុន្ទរកថានយោបាយនិងការស្ទង់មតិថ្មីៗត្រូវបានហាមឃាត់ចាប់តាំងពីយុទ្ធនាការបោះឆ្នោតបានបញ្ចប់កាលពីយប់ថ្ងៃសុក្រតែការស្ទង់មតិចុងក្រោយបង្ហាញថាលោកហ្វ្រង់ស័រ ហូឡង់ បេក្ខជនមកពីគណបក្សសង្គមនិយមមានការគាំទ្រ៥២%។ ចំណែកឯលោក នីកូឡាស់ សាក់គូស៊ី ប្រធានាធិបតីបារាំងផុតអាណត្តិមានសំលេងគាំទ្រតែ៤៨%ប៉ុណ្ណោះ។
លោកហ្វ្រង់ស័រហូឡង់ បេក្ខជននាំមុខ មកពីគណបក្សសង្គមនិយមសង្ឃឹមថាអ្នកបោះឆ្នោតនឹងបដិសេធចោលប្រវត្តិការងាររបស់ប្រធានាធិបតីផុតអាណត្តិលោកនីកូឡាស សាកូហ្ស៊ីនិងប្រែក្លាយរូបលោកជាប្រធានាធិបតីមកពីគណបក្សសង្គមនិយមរបស់បារាំងជាលើដំបូងចាប់តាំងពីឆ្នាំ១៩៩៥មកបន្ទាប់ពីការស្លាប់របស់លោកហ្វ្រង់ស័រ ម៉ាត់តេរ៉ង់ កាលពីឆ្នាំ១៩៩៥។
នៅក្នុងការបោះឆ្នោតជុំទី១ លោកហ្វ្រង់ស័រហូឡង់ បេក្ខជនមកពីគណបក្សសង្គមនិយមបានឈ្នះលោកសាក់គូស៊ី 28.6% លើ26.2%.។ ដូចនេះលទ្ធផលនៅជុំទី១រួមទាំងការស្ទង់មតិនៅមុនការបោះឆ្នោតជ្រើសរើសប្រធានាធិបតីបារាំងនៅជុំទី២នេះបង្ហាញថា លោកហ្វ្រង់ស័រ ហូឡង់បេក្ខជនមកពីគណបក្សសង្គមនិយមអាចនឹងក្លាយជាប្រធានាធិបតីបារាំងថ្មីយ៉ាងពិតប្រាកដ។
បញ្ហាកំណើនអ្នកគ្មានការងារធ្វើនិងវិបត្តិប្រាក់អ៊ឺរ៉ូ គឺជាអ្វីដែលរុញច្រានប្រជាប្រិយភាពរបស់លោកនីកូឡាស់សាក់ គូស៊ី បានធ្លាក់ចុះប្រជាប្រិយភាពរបស់លោកហ្វ្រង់ស័រ ហូឡង់មានការកើនឡើងជាមួយនឹងការសន្យាជំរុញអោយមានកំណើនសេដ្ឋកិច្ចកំណើនការងារ និងបញ្ហាសង្គមផ្សេងៗទៀត។
ការិយាល័យបោះឆ្នោតនឹងត្រូវបិទនៅម៉ោង៨យប់ម៉ោងនៅស្រុកបារាំងត្រូវនឹងម៉ោង១រំលងអាធ្រាត្រឈានចូលថ្ងៃចន្ទម៉ោងនៅកម្ពុជា៕
