សម្ដេចនាយករដ្ឋមន្ដ្រី ហ៊ុន សែន បានជំរុញឱ្យអង្គការវើលវីសិនបន្ដការងាររបស់ខ្លួននៅកម្ពុជាចំពោះការអប់រំនិងមើលទាំកុមារក្រីក្រដែលរងគ្រោះនៅកម្ពុជាឱ្យកាន់តែខ្លាំងឡើង ខណៈដែលអង្គការពិភពលោកមួយនេះបានឧបត្ថម្ភ និងផ្ដល់ជំនួយយ៉ាងច្រើនក្នុងការគាំទ្រកុមារនៅកម្ពុជានាពេលកន្លងមក។
ការស្នើពីប្រមុខរាជរដ្ឋាភិបាលនេះបានធ្វើឡើងខណៈពេលដែលសម្ដេចបានអនុញ្ញាតឱ្យលោកខេវិន ជេនឃីន ប្រធានអង្គការវើលវិសិនចូលជួបសម្ដែងការគួរសមនិងពិភាក្សាការងារមួយចំនួននៅវិមានសន្ដិភាពនៅព្រឹកថ្ងៃទី៧ ខែឧសភានេះ។
