មនុស្ស៥នាក់បានស្លាប់បាត់បង់ជីវិតនិងជិត១០នាក់ទៀតបានរងរបួសធ្ងន់ និងស្រាលដោយសារតែរថយន្តផ្ទុះកង់ក្រឡាប់ធ្លាក់ផ្លូវ។
ហេតុការណ៍គ្រោះថ្នាក់ចរាចរដ៏រន្ធត់បានកើតឡើងវេលាម៉ោងប្រមាណ១២ និង ២០នាទីថ្ងៃទី៨ ខែឧសភានៅក្នុងភូមិត្រាច ឃុំកំពង់ចិនជើង ស្រុកស្ទោង ខេត្តកំពង់ធំ។
រថយន្តបង្ករម៉ាកទួរីសពណ៌សបានផ្ទុះកង់រេចង្កូតក្រឡាប់ធ្លាក់ផ្លូវបណ្ដាលឲ្យមនុស្ស៤នាក់បានស្លាប់ភ្លាមៗនិងម្នាក់ទៀតបានស្លាប់នៅមន្ទីរពេទ្យនិងអ្នកដំណើរផ្សេងទៀតប្រមាណជិត១០នាក់បានរងរបួសធ្ងន់ និងស្រាល៕
