កាចរចារលើកិច្ចព្រមព្រាងពាណិជ្ជកម្មសេរីក្នុងតំបន់ចំនួន៥០ចំនុចនោះនៅមិនទាន់ឯកភាពគ្នានៅឡើយនោះទេ ប៉ុន្តែអ្វីដែលប្រទេសមហាអំណាចសេដ្ឋ កិច្ចអាស៊ីទាំងបីបានឯកភាពគ្នានោះគឺ ជាការបញ្ចៀសបញ្ហាផ្សេងៗក្នុងឧបទ្វិបកូរ៉េ និង ការដាក់ទណ្ឌកម្មលើប្រទេសកូរ៉េខាងជើង។
លោកយូស៊ីហ៊ីកូ ណូដា នាយករដ្ឋមន្ដ្រីជប៉ុន និងលោកលី ម្យុងបាក់ប្រធានាធិបតីកូរ៉េខាងត្បូងបានឲ្យដឹងថា ពួកគេនឹងខិតមិនឱ្យមានជម្លោះកើតឡើង ដែលបង្កឡើងដោយរដ្ឋាភិបាលព្យុងយ៉ាងនោះទេ។
ជាការកត់សម្គាល់បញ្ហាដែលនៅតែចោទនៅឡើយនោះ គឺជាការបង្ករឿងរបស់ប្រទេសកូរ៉េខាងជើងដែលតែងតែធ្វើការគំរាមកំហែង លើបណ្តាប្រទេសជិតខាងរបស់ខ្លួនជាពិសេសប្រទេសជប៉ុន និង កូរ៉េខាងត្បូងតែម្តង។
ដូច្នេះប្រធានបទដែលត្រូវតែលើកយកមកជជែកក្នុងកិច្ចប្រជុំនេះគឺជាបញ្ហាអាវុធនុយក្លែរអ៊ែរ របស់កូរ៉េខាងជើង បើទោះបីនៅពេលនេះ ប្រទេសទាំងបីនៅមិនទាន់មានភស្ថតាងគ្រប់គ្រាន់ ក៏ដោយ។
គួបញ្ជាក់ថា គម្រោងបង្កើតតំបន់ដោះដូរចិន ជប៉ុន និងកូរ៉េខាងត្បូងកើតមានចំពេលដែលតំបន់ដោះដូរសេរីមួយទៀត ឈ្មោះថា ភាពជាដៃគូអន្តរប៉ាស៊ីហ្វិក កំពុងត្រូវគេចរចាត្រៀមរៀបចំបង្កើតឡើងដែរ ដែលក្នុងនោះមានជប៉ុនកំពុងចូលរួមដែរជាមួយអាមេរិក និងប្រទេសអាស៊ីដទៃទៀតផងដែរ។
ដោយឃើញសភាពការបែបនេះចិនបានខិតខំជំរុញឲ្យតំបន់ដោះដូរសេរីនៅអាស៊ីបូព៌ាកើតចេញឆាប់ៗ ដើម្បីប្រជែងជាមួយអាមេរិក៕
