ប្រមុខរដ្ឋាភិបាលកម្ពុជាបានចេញមុខប្រកាសថា គ្មានការផាកពិន័យនោះទេ នៅពេលដែលពិធីមង្គលការមិនអនុវត្តតាមក្រសួងធម្មការនិងសាសនា ជុំវិញការកែប្រែកម្មវិធីមង្គលការដូចជាការលើកឡើងនាពេលកន្លងមក។
ការប្រកាសបែបនេះបានលុបលើពាក្យចចាមអារាមមួយចំនួនដែលបាននិយាយពីមាត់មួយទៅមាត់មួយថា អាជ្ញាធរឃុំ រឺសមត្ថកិច្ចនឹងធ្វើការផាកពិន័យ រឺបញ្ឈប់ពិធីមង្គលការនោះតែម្តង ប្រសិនបើមិនអនុវត្តតាមការកម្មវិធីណែនាំរបស់ក្រសួងទាំងពីរនេះ។
ថ្លែងទៅកាន់ អាចារ្យ អាចារិនី ជាង ៣២៥៥ នាក់ នៅក្នុងពិធីបិទវគ្គបណ្តុះបណ្តាលតួនាទី និងក្រមសីលធម៌អាចារ្យ ជំនាន់ទី១ដល់ជំនាន់ទី៩ កាលពីព្រឹកថ្ងៃទី១៥ ខែឧសភា នៅឯមជ្ឈមណ្ឌលកោះពេជ្យ សម្តេចហ៊ុន សែន នាយករដ្ឋមន្រ្តីហ៊ុន សែនបានធ្វើការបដិសេធយ៉ាងខ្លាំងៗចំពោះពាក្យចចាមអារ៉ាមខាងលើ។
កន្លងមកពាក្យចចាមអារ៉ាមខាងលើនេះ ត្រូវបានគេនិយាយតៗគ្នាពីមាត់មួយទៅមាត់មួយនៅទូទាំងប្រទេសកម្ពុជាថា អាជ្ញាធរឃុំ រឺសមត្ថកិច្ចនឹងធ្វើការផាកពិន័យ រឺបញ្ឈប់ពិធីមង្គលការនោះតែម្តង ប្រសិនបើម្ចាស់ពិធីមង្គលនោះមិនអនុវត្តតាមការកម្មវិធីណែនាំរបស់ក្រសួងធម្មការ និងក្រសួងវប្បធម៌នេះ។
ពាក្យចចាមអារ៉ាមនេះក៏ត្រូវបានទទួលការសាទរពីសំណាក់ប្រជាជនមួយចំនួន និងទទួលការរិះគន់ផងដែរ។ តែប្រជាជនទាំងនោះក៏មិនបានដឹងច្បាស់ លាស់ថា ពិតជាមានការផាកពិន័យពិតប្រាកដមែនរឺយ៉ាងណា។ តែយ៉ាងណាក៍ដោយមន្ទិលសង្ស័យ រឺពាក្យចចាមអារ៉ាមជុំវិញព័ត៌មានខាងលើនេះត្រូវបានលាតត្រដាងនៅពេលនេះហើយ។
កន្លងមកក៍មានលេចលឺនូវព័ត៌មានមួយចំនួនដែរថា នៅពេលខាងមុខនេះការយកថ្លៃទឹកដោះ រឺប្រាក់ការបង្គាប់ថ្លៃផ្ទះក៍នឹងត្រូវបញ្ឈប់ផងដែរ។ ចំពោះបញ្ហានេះនៅមិនទាន់មានការបញ្ជាក់យ៉ាងណានៅឡើយទេ៕
សំលេងៈ
