សហភាពអឺរ៉ុបប្រចាំកម្ពុជានឹងផ្តល់ថវិកាប្រមាណ៥លានដុល្លារដល់អង្គការមិនមែនរដ្ឋាភិបាលខាងផ្នែកគ្រប់គ្រងធម្មជាតិដើម្បីគាំទ្រដល់គំនិតផ្តួចផ្តើមទៅលើគម្រោងអភិវឌ្ឃន៏ផ្នែកធនធានធម្មជាតិ និងអភិវឌ្ឍន៍សង្គមនៅកម្ពុជា។
នេះបើយោងតាមសេចក្តីប្រកាសព័ត៌មានមួយដែលចេញផ្សាយកាលពីល្ងាចថ្ងៃចន្ទ។ គម្រោងនៃការផ្តល់ថវិកានេះបានកើតឡើងបន្ទាប់ពីមើលឃើញថាធនធានធម្មជាតិរបស់ប្រទេសកម្ពុជាកំពុងតែរងនូវការបំផ្លិចបំផ្លាញយ៉ាងដំណំពីមនុស្ស និងធម្មជាតិ។
គួរបញ្ជាក់ថា ដើម្បីទទួលបានមូលនិធិនេះអង្គការនានាអាចដាក់ពាក្យសុំដើម្បីអនុវត្តគម្រោងដែលខ្លួនគ្រោងដំណើរការ។ សហភាពអឺរ៉ុបបានប្រកាសជូនដំណឹងអំពីបញ្ហានេះកាលពីខែមេសាម្តងរួចហើយដោយកំណត់កាលបរិច្ឆេទផុតកំណត់ត្រឹមថ្ងៃទី៩កក្កដាខាងមុខនេះ។
