ក្រុមបាល់ទាត់ជំរើសជាតិប្រចាំទ្វីបអ៊ឺរ៉ុបខ្លាំងៗចំនួន១៦នឹងធ្វើការប្រកួតជំរុះតាមពូលនៅយប់ថ្ងៃសុក្រទី៨មិថុនា នៅប្រទេសប៉ូឡូញនិងអ៊ុយក្រែននៅក្នុងព្រឹត្តិការណ៍បាលទាត់យូរ៉ូឆ្នាំ ២០១២។
ការប្រកួតនេះនឹងចាប់ផ្តើមនៅម៉ោង១១យប់ថ្ងៃសុក្រទី៨មិថុនានេះរវាងក្រុមបាល់ទាត់ជំរើសជាតិប៉ូឡូញ ប្រកួតបើកឆាកជាមួយក្រុមជំរើសជាតិក្រិកហើយនៅវេលាម៉ោង១និង៤៥នាទី ជាការជួបគ្នារវាងក្រុមជំរើសជាតិរូស្ស៊ី និង សាធារណៈរដ្ឋឆែក។
ព្រឹត្តិការណ៍៤ឆ្នាំម្តងនៃការប្រកួត Euro 2012នេះនឹងប្រព្រឹត្តទៅចាប់ពីថ្ងៃទី៨ មិថុនា រហូតដល់ថ្ងៃទី១កក្កដា ២០១២ នៅប្រទេសប៉ូឡូញនិងអ៊ុយក្រែនដោយមានក្រុមបាល់ទាត់ជំរើសជាតិខ្លាំងៗប្រចាំទ្វីបអ៊ឺរ៉ុបចំនួន១៦ចូលរួមហើយចែកចេញជា៤ពូល។
ពូលA មានក្រុមបាល់ទាត់មកពីប្រទេសប៉ូឡូញ ក្រិក រូស្ស៊ី និងប្រទេសឆេក
ពូលB មានប្រទេសដាណឺម៉ាក់ អាឡឺម៉ង់ ហូឡង់ និងប្រទេសព័រទុយហ្គាល់
ពូលC មានប្រទេសក្រូអាត អាយរីឡែន អ៊ីតតាលី និងប្រទេសអេស្ប៉ាញ់
ពូលD មានប្រទេសអង់គ្លេស បារាំង ស្វីស និងប្រទសអ៊ុយក្រែនដែលជាម្ចាស់ផ្ទះ។
ប្រទេសទាំងអស់នឹងប្រកួតជំរុះតាមពូល ដើម្បីឡើងទៅកាន់វគ្គបន្ទាប់។ គួរបញ្ជាក់ថា នេះគឺ ជាព្រឹត្តិការណ៍នៃការប្រកួតបាល់ទាត់ធំទី២ បន្ទាប់ពីការប្រកួត World Cup ដែលមានរយៈពេល៤ឆ្នាំម្តង។
