ដោយសារ​តែ​អត្រា​នៃ​ប្រាក់​កម្ចី​ច្រើន​ជា​អតិបរិមា និង​វិបត្តិ​សេដ្ឋកិច្ច​នៅក្នុង​សហភាព​អ៊ឺរ៉ុប​ដ៏​ធ្ងន់ធ្ងរ​នោះ​បាន​ជម្រុញ​ឲ្យ​ធនាគា​រល្បីៗ​នៅលើ​សាកលលោក​ចំនួន​១៥ ត្រូវ​បាន​ត្រូវ​បាន​ភ្នាក់ងារ​ហិរញ្ញវត្ថុ​នៃ​សវា​កម្ម​វិនិយោគ Moody’s ទម្លាក់​កំរិត​ឥណទាន​ជា​បន្ទាន់ ដោយ​ហេតុ​​ថា ​មាន​​ការ​កើត​ឡើង​​នូវ​ការយក​ចិត្ត​ទុក​ដាក់​យ៉ាង​ដិតដល់​ពី​បណ្តា​ទីផ្សារ និង ការចំណាយ​ប្រាក់​កំចី​ខ្ពស់​ហួសហេតុ​។

ធនាគារ​ទាំង​នោះ​មានដូចជា ធនាគារ Royal Bank របស់​ប្រទេស ស្កូត​លែន​, ធនាគារ Bank of America របស់​សហរដ្ឋអាមេរិក ធនាគារ Barclays, ធនាគារ Citigroup, ធនាគារ​ Credit Suisse ធនាគារ Goldman ធនាគារ Sachs ធនាគា​HSBC របស់​ចក្រភព​អង់គ្លេស​ធនាគារ JPMorgan Chase ធនាគារ Morgan Stanley ធនាគារ BNP Paribas ធនាគារ​Credit Agricole ធនាគារ Deutsche Bank ធនាគារ​Royal Bank របស់​ប្រទេស ប្រទេស កាណាដា និង​ធនាគារ Generale របស់​ប្រទេស​ស៊ុយ​អែត​។

អ្នក​គ្រប់គ្រង​ប្រព័ន្ធ​ធនាគារ​ពិភពលោក​របស់ Moody's លោក Greg Bauer បាន​និយាយថា ធនាគារ​ទាំង​អស់​ដែល​រង​ផលប៉ះពាល់​ដោយសារ​ចំណាត់ការ កាលពី​ថ្ងៃ​ព្រហស្បតិ៍ គឺ​ងាយ​នឹង​ទទួលរង​ផល​ប៉ះ​ពល​ពី​ការប្រែប្រួល​ក្នុង​ទីផ្សារ​ភ្លាមៗ និង មាន​ហានិភ័យ​ខ្ពស់ ប្រឈមមុខ ការខាតបង់​ធ្ងន់ធ្ងរ​ពាក់ព័ន្ធ​នឹង​សកម្មភាព​ទីផ្សារ​មូលធន ។

ចំណែក​ទីភ្នាក់ងារ​ហិរញ្ញវត្ថុ Moody's បាន​និយាយថា សកម្មភាព​របស់​បណ្តា​ធនាគារ​ទាំង​នេះ​បាន​ប្រឈម​នឹង​ការ​ខ្សៃ​ធន់​ជា​លក្ខណៈ​ទ្រង់ទ្រាយ​ធំ​យ៉ាង​ប្រទាក់ក្រឡា​គ្នា។ ដូច្នេះហើយ​ទើប​ធនាគារ​ទាំង​នោះ​ងាយ​នឹង​ប្រឈម​វិបត្តិ​ហិរញ្ញ​វត្ថុ​ដ៏​មហន្តរាយ និង​ជះឥទ្ធិពល​ដាក់​គ្នា​ទៅវិញទៅមក ។

គួសបញ្ជាក់​ថា ការទម្លាក់​របស់​ទីភ្នាក់ងារ​ហិរញ្ញវត្ថុ Moody’s ទៅលើ​ធនាគារ​ទាំង​១៥​នៅពេល​នេះ​ធ្វើឡើង​មាន​បី​កាំ គឺ​កាំ​ទី​១ កាំ​ទី​២ និង​កាំ​ទី​៣។ នៅក្នុង​នោះ​ធនាគារ​ចំនួន​បួន​ត្រូវ​បាន​គេ​ទម្លាក់​កំរិត​ឥណទាន​អស់​មួយ​កាំ ចំណែក​ធនាគារ​១០​ទៀត ត្រូវ​បាន​ទម្លាក់​អស់​ពី​រកាំ និង ធនាគារ​មួយទៀត​ត្រូវ​បាន​ទម្លាក់​​​រហូត​ដល់​​ទៅ​បី​កាំ។

ធនាគារ Credit Suisse របស់​ស្វីស​ត្រូវបាន​គេ​ទម្លាក់កំរិ​ត​ឥណទាន​ច្រើនជាងគេ​ដោយ​កំរិត​ឥណទាន របស់​ធនាគារ​នេះ​ត្រូវ​បាន​ទម្លាក់​អស់បី​កាំ៕(អត្ថបទ​ដោយ​លោកជា ធីរិទ្ធ)