លោកស្រីអ៊ុង សានស៊ូជី មេដឹកនាំប្រជាធិបតេយ្យមីយ៉ាន់ម៉ាកាលពីថ្ងៃព្រហស្បតិ៍ទី២៨ មិថុនា បាននិយាយថា លោកស្រីបានត្រៀមខ្លួនរួចជាស្រេចដើម្បីដឹកនាំប្រទេសមីយ៉ាន់ម៉ានៅថ្ងៃណាមួយ។
លោកស្រីស៊ូជីបានថ្លេងបែបនេះខណៈដែលលោកស្រីផ្តល់កិច្ចសម្ភាសន៍ជាមួយទីភ្នាក់ងារសារព័ត៌មាន AFP នៅទីក្រុងប៉ារីសនៅចុងបញ្ចប់នៃដំណើរមកតំបន់អឺរ៉ុបដ៏ជោគជ័យ។
លោកស្រីស៊ូជី អាយុ ៦៧ឆ្នាំ រូបនេះបានវិលត្រឡប់មកមីយ៉ាន់ម៉ាវិញនៅថ្ងៃសុក្រទី២៩មិថុនា នេះដោយបញ្ចប់នូវដំណើរទស្សនកិច្ចនៅអឺរ៉ុបដែលឃើញលោកស្រីត្រូវបានអបអរសាទរយ៉ាងយកចិត្តទុក្ខដាក់ពីមេដឹកនាំនៅប្រទេសស្វីស, ន័រវ៉េស, អៀរឡង់, អង់គ្លេស និង បារាំង៕
