នៅពេលជួបបញ្ហា ឬ មានអារម្មណ៍ឈឺចាប់ លោកអ្នកតែងត្រូវការជំនួយពីអ្នកដទៃជាពិសេសលោកអ្នកប្រាកដជា ត្រូវការការគាំទ្រ និងការលើកទឹកចិត្តពីសំណាក់ក្រុមគ្រួសារ និងមិត្តភក្តិ ។ ជាក់ស្តែង ទោះបីជាមានអ្នកនៅក្បែរចាំជួយលើកទឹកចិត្តយ៉ាងណាក៏នៅតែ មិនអាចបំបាត់អារម្មណ៍ឈឺចាប់របស់លោកអ្នកទាំងស្រុងបានដែរ ដរាបណាលោកអ្នកមិនព្យាយាមបំបាត់វាដោយខ្លួនឯងដូចពាក្យមួយឃ្លាពោលថា "គ្មានអ្វីប្រសើរជាងខ្លួនឯងជួយខ្លួនឯង" នោះទេ ។ ខាងក្រោមនេះគឺជាវិធីដោះស្រាយនៅពេលដែលលោកអ្នកជួបប្រទះនឹង អារម្មណ៍ឈឺចាប់ ។
វិធីទី១ ៖ នៅពេលមានអារម្មណ៍ឈឺចាប់ អ្វីដែលលោកអ្នកគួរធ្វើនោះគឺតាំងចិត្តឱ្យត្រជាក់កុំព្យាយាម បង្ខំខ្លួនឯងឱ្យកាន់តែឈឺចាប់បន្តទៀត ។ លោកអ្នកគួរព្យាយាមរក្សាឱ្យបាននូវភាពស្ងប់ស្ងាត់ ហើយទុកឱ្យពេលវេលាជួយលុបលាងស្នាមរបួសដែលឈឺដោយសន្សឹមៗ ។
វិធីទី២ ៖ គួរចាកចេញឱ្យឆ្ងាយពីទីកន្លែង ស្ថានភាព ឬមនុស្សដែលធ្វើឱ្យលោកអ្នកឈឺចាប់ ។ ការចាកចេញគឺមិនមែនជាការគេចវេសនោះទេប៉ុន្តែគឺជាឱកាសសំរាប់ខ្លួនលោកអ្នកធ្វើការពិចារណានិងផ្សះផ្សារចិត្ត មុននឹងបោះជំហានថ្មីនៅថ្ងៃខាងមុខ ។
វិធីទី៣ ៖ ដើម្បីបំបាត់អារម្មណ៍ឈឺចាប់ លោកអ្នកគួរតែប្រឈមមុខនឹងមនុស្សដែលធ្វើឱ្យលោកអ្នកឈឺចាប់ ហើយព្យាយាមស្វែងយល់ពីមូលហេតុដែលរូបគេធ្វើឱ្យលោកអ្នកឈឺចាប់ ជៀសវាងការឈឺចាប់ដែលបង្កមកពីការភាន់ច្រឡំ ។
វិធីទី៤ ៖ វិធីចុងក្រោយដែលជួយលោកអ្នកឱ្យបាត់នូវអារម្មណ៍ឈឺចាប់នោះ គឺលោក អ្នកអាចទៅកន្លែងណាមួយដែលមានភាពស្ងប់ស្ងាត់ដូចជាសមុទ្រ ឬ ភ្នំជាដើម ពីព្រោះនោះគឺជាទីកន្លែងដែលលោកអ្នកអាចបញ្ចេញ នូវអារម្មណ៍ឈឺចាប់ តាមរយៈ ការស្រែកចេញក្រៅឱ្យខ្លាំងៗនូវរឿងទុក្ខសោក ។ ការធ្វើបែបនេះអាចជួយបន្ធូរអារម្មណ៍ឈឺចាប់ និងភាពតានតឹងទាំងឡាយ ឱ្យចេញមកក្រៅបានយ៉ាងមានប្រសិទ្ធភាព៕
