ត្រឹមរយៈពេល៥ខែ ដើមឆ្នាំ២០១២ ភ្ញៀវទេសចរមកកម្ពុជាមានប្រមាណ១,៥លាននាក់ ក្នុងអត្រាកំណើន២៥% នេះបើយោងតាមរបាយការណ៍ របស់ក្រសួងទេសចរណ៍ ។ តាមការព្យាករណ៍នៅឆ្នាំ២០១២នេះ កម្ពុជាអាចទទួលភ្ញៀវទេសចរប្រមាណ៣,៣លាននាក់"។
របាយការណ៍របស់ក្រសួងទេសចរណ៍បានព្យាករណ៍ដោយសុទិដ្ឋិនិយមថា នៅឆ្នាំ២០១៣ ភ្ញៀវទេសចរមកប្រទេសកម្ពុជាអាចនឹងកើនឡើងប្រមាណ៣,៨លាននាក់ និង ឆ្នាំ២០១៥ ប្រមាណ៤,៥លាននាក់ ហើយរំពឹងថា នៅឆ្នាំ២០២០ ការមកដល់នៃភ្ញៀវទេសចរអន្តរជាតិ អាចកើនឡើងដល់៧លាននាក់ ។ ចំនួននេះនឹងនាំមកនូវចំណូលប្រមាណ៥ពាន់លានដុល្លារ សំរាប់ប្រទេសកម្ពុជាផងដែរ៕
