ហោរាសាស្រ្តប្រចាំថ្ងៃព្រហស្បត្តិ៍ ទី៥ ខែកក្កដា ឆ្នាំ២០១២
ឆ្នាំជូតពង្សទេព្តាប្រុស ធាតុទឹក
រាសីល្អជាមធ្យម ការប្រកបការងារលោកអ្នកជួបបញ្ហាតប់ប្រម៉ល់ផ្លូវចិត្តច្រើនពិសេស មិនត្រូវប្រកាន់ភាពមោហៈទោសៈឡើយនាំតែកើតរឿងរាវអាក្រក់ៗរត់ចូល ប៉ុណ្ណោះ។សម្រាប់អ្នកប្រកបរបររកស៊ីជួញដូរថ្ងៃនេះលាភហេងមានការ ខ្សត់ខ្សោយដូច្នេះមិនគប្បីមានក្តីលោភលន់ចង់ចំណេញច្រើនទ្បើយ ប្រយ័ត្នបានបាតដៃទទេវិលត្រទ្បប់មកផ្ទះវិញ។សម្ព័ន្ធស្នេហាប្រុសស្រីមាន ភាពសោះកក្រោះដោយសារម្នាក់ៗមានចិត្តខ្លាំង និង ចង់ចាញ់ឈ្នះមិនសូវចេះអត់ឱនឱ្យគ្នានោះឡើយ៕
ឆ្នាំឆ្លូវ ធាតុដី ពង្សមនុស្សប្រុស
រាសីស្រុតចុះ។នៅក្នុងថ្ងៃនេះ លោកអ្នកតោងតែចេះទប់ទល់ចំពោះស្ថានភាពមិនល្អហើយចូរចងចាំថាការតស៊ូ មិនអត់ប្រយោជន៍នោះឡើយ។ការប្រកបការងារជួបបញ្ហាលំបាកនិងមានរឿង រកាំចិត្តច្រើន។ចំពោះអ្នកប្រកបរបររកស៊ីជួញដូរការរកផលកម្រៃទោះ មានភាពជឿនលឿនទៅមុខក្តីតែក៏មានភាពប្រទាំងប្រទើសមិនស្ទើរដែរទេ។ ការធ្វើដំណើរទៅទិសឧត្តរមិនសូវមានសុវត្តិភាពទេគប្បីមានការ ប្រយ័ត្នប្រយែងបន្តិចទើបប្រសើរ។
រីឯបញ្ហាស្នេហាកំលោះក្រមុំ ភាគីម្ខាងទៀតអាចកើតមានចិត្តរេនិងមានការប្រែក្រឡាស់ច្រើនគប្បី មានការប្រយ័ត្នប្រយែង៕
ឆ្នាំខាល ធាតុឈើ ពង្សយក្សស្រី
រាសីខ្ពស់ត្រដែត ក្នុងថ្ងៃនេះ ដំណើរជីវិតរបស់លោកអ្នកមានភាពគាប់ប្រសើរជាងមុនហើយធ្វើអ្វីក៏តែងតែ មានការជឿនលឿនទៅមុខជាសន្សឹមៗជានិច្ច។ អ្នកអាជីវករថ្ងៃនេះ វិញទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាង ត្រជាក់ចិត្តហើយបើចង់បោះទុនលើអ្វីមួយក៏ជាពេលវេលាល្អផងដែរ។ រីឯបញ្ហាសេចក្តីស្នេហាកំលោះក្រមុំមានការជឿនលឿនទៅមុខនិង កំពុងបើកទំព័រថ្មីសម្រាប់អ្នកហើយ៕
ឆ្នាំថោះ ធាតុឈើ ពង្សមនុស្សស្រី
រាសីស្រុតចុះ។នៅថ្ងៃនេះព្រោះតែ ដួងរាសីរបស់លោកអ្នកបានផ្លាស់ប្តូរមកល្អប្រសើរឡើងវិញពិសេសស្ត្រី នាំឱ្យមានការផ្លាស់ប្តូរច្រើនរឿងដូចជាបញ្ហាការងារ ប្រាក់កាសបញ្ហា ផ្ទាល់ខ្លួន។ អ្នកប្រកបរបររកស៊ីជួញដូរក្នុងថ្ងៃនេះពុំសូវផ្តល់ផល ល្អទេដូច្នេះបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយ អ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាច ជួបផលអាក្រក់ណាមួយនៅថ្ងៃខាងមុខត្រូវរែកពន់ពុំខាន ។
រីឯបញ្ហាសេចក្តីស្នេហាប្រុសស្រីកុំជ្រួលជ្រើមខុសបែបបទប្រយ័ត្ននាំក្តីទុក្ខលំបាកមកវិញ៕
ឆ្នាំរោង ធាតុមាស ពង្សទេព្តាប្រុស
រាសីល្អជាមធ្យម ថ្ងៃនេះ ការប្រកបការងារលោកអ្នកឱ្យប្រយ័ត្នប្រយែងបញ្ហាបន្តិចពីព្រោះថាអាច ប្រែក្រឡាស់ពីល្អមកអាក្រក់បានគ្រប់ពេលវេលាទាំងអស់។ដូចនេះទោះ ធ្វើអ្វីមិនថាការប្រកបការងារធំដុំឬរាយរងក្តីគួរប្រយ័ត្នពីរឿង ល្អមកអាក្រក់ឬពីការធ្លាប់ទទួលបានបែរជាអត់ទៅវិញ។អ្នកប្រកបរបរ រកស៊ីជួញដូរក្នុងថ្ងៃនេះដែរជួបផលលំបាកក្នុងការរកផលចំណូលណាស់ហើយ ការជួញជិតឆ្ងាយ ទៀតសោតជួប តែភាពរកាំរកូស និង ក្រុមបាបមិត្តតាម ឈ្នានីសព្យាបាទយាយី។រីឯបញ្ហាស្នេហាកំលោះក្រមុំ បើចង់ធ្វើការជ្រើសរើសគូស្រករពុំសូវល្អទេព្រោះច្រើនជួបគូកម្ម ច្រើនជាងគូព្រេង៕
ឆ្នាំម្សាញ់ ធាតុភ្លើង ពង្សមនុស្សប្រុស
រាសីល្អជាមធ្យម ក្នុងខែកន្លងមកសម្រាប់លោកអ្នកកើតឆ្នាំម្សាញ់ទទួលរងការលំបាកនិង រែកពន់ផល លំបាកច្រើនត្រូវរាប់រងផង។ចំពោះស្ត្រីបានឆ្លងកាត់ផលលំបាកធ្វើ ឱ្យដឹងក្តៅដឹងត្រជាក់គួរសមមកហើយ។ បន្តិចបន្តួចគឺរាល់លោកអ្នកធ្វើអ្វីក៏ដោយ មានភាពរលូនល្អនិងមិនដូច្នេះក៏មានភាពភ្លឺថ្លាជាងមុនដែរ។ ចំពោះអ្នក ប្រកបរបរ រកស៊ីជួញដូរ ក្នុងថ្ងៃនេះដែរ លោកអ្នកមិន ត្រូវចេះដឹង ឮរឿង អ្នកដទៃ ច្រើនឡើយ ប្រយ័ត្នឥតការ អ្វីសោះ នាំរឿងរ៉ាវ អាក្រក់មក ដាក់ខ្លួនហើយ ខាតពេលទាំង រកស៊ីថែមទៀត។រីឯបញ្ហា សេចក្តី ស្នេហា ប្រុសស្រី ជួបរឿង ប្រទាំង ប្រទើស និង ចាប់កំហុស គ្នាច្រើន៕
ឆ្នាំមមី ធាតុភ្លើង ពង្សទេព្តាស្រី
រាសីខ្ពស់ត្រដែត ក្នុងពេលកន្លងមកពិសេសស្ត្រីលោកអ្នកទទួលរែកពន់ផលលំបាកច្រើនហើយ បើចង់ធ្វើ ល្អប៉ុនណាក៏គ្មាននរណាមើលឃើញទេពិសេសថែមទាំងខាតពេលវេលាទៀតផង។ ទោះបីយ៉ាងណានៅពេលនេះមនុស្សនៅជុំវិញខ្លួនលោកអ្នកចាប់ផ្តើមមើលឃើញនិង បានការជួយជ្រោមជ្រែងច្រើន។សម្រាប់ថ្ងៃនេះវិញការប្រកបការងារមាន ភាពជឿនលឿនទៅមុខនិងមានភាពសុខដុមគួរសម។អ្នកប្រកបរបររកស៊ីជួញដូ ក្នុងថ្ងៃនេះវិញមានការទិញចូលលក់ចេញគ្រាន់បើតែយ៉ាណាលោកអ្នកទាល់តែ ខិតខំខ្លាំងទើបទទួលជោគជ័យជំនួញធំៗទៅរួច។ រីឯបញ្ហាសម្ព័ន្ធស្នេហាកំលោះក្រមុំមានការរីកលូតលាស់ទៅមុខនិងកំពុង ផ្អែមល្ហែមប្រពៃណាស់៕
ឆ្នាំមមែ ធាតុមាស ពង្សទេព្តាស្រី
រាសីល្អជាមធ្យម។នៅថ្ងៃនេះ ដំណើរជីវិតរបស់លោកអ្នកជួបរឿងខ្វាយខ្វល់ផ្លូវចិត្តបន្តិចហើយភាព រកាំរកូស ទាំងនៅ ក្នុងផ្ទះសម្បែង និង សូម្បី តែនៅ ក្រៅផ្ទះក្តីក៏មាន ច្រើន។ ការរស់នៅ ពិសេស ស្វាមីភរិយា រមែងតែកើត ការចង់ចាញ់ ឈ្នះដោយ មានការប៉ះទង្គិច ឈ្លោះប្រកែក គ្នា ញឹកញាប់ ដូច្នេះ បើមិនចេះអត់ឱនឱ្យគ្នា ទៅវិញទៅមកទេ នោះរឿងរាវ អាចរីកធំឡើងៗ រហូតមិនអាចបញ្ចប់ បានដោយងាយ នោះឡើយ។ រីឯបញ្ហាស្នេហា កំលោះក្រមុំ មានការប្រែប្រួលច្រើន ក្នុងអំឡុងពេលនេះ ដោយពេលខ្លះមានសង្ឃឹម ឯពេលខ្លះកើតទុក្ខ រកថាមិនត្រូវ៕
ឆ្នាំវក ធាតុដែក ពង្សយក្សប្រុស
រាសីខ្ពស់ត្រដែត ក្នុងថ្ងៃនេះ បើមានកិច្ចការតូចធំត្រូវបំពេញហើយលោកអ្នកចេះចាត់ចែងឱ្យបានល្អនោះ អាចនឹងទទួលផលប្រយោជន៍នៅពេលក្រោយវិញយ៉ាងច្រើនជាក់ជាពុំខាន។ អ្នកប្រកបរបររកស៊ីជួញដូរដោយសារយីអ៊ុនបានងើបខ្ពស់ប្រសើរឡើងវិញ ធ្វើឱ្យសូម្បីឧបសគ្គនានាដែលធា្លប់មានកាលពីមុនមកក៏ត្រូវ រលត់រលាយអស់ទៅវិញដែរ។រីឯបញ្ហាស្នេហាកំលោះក្រមុំហាក់មានការចុះសម្រុង និងអ្វីៗដែល អាក្រក់បានប្រែមកល្អប្រសើរវិញ៕
ឆ្នាំរកា ធាតុដែក ពង្សយក្សប្រុស
រាសីស្រុតចុះ។នៅថ្ងៃនេះដោយសារ ដួងរាសីធ្លាក់ស្រុតចុះម្ល៉ោះហើយទោះលោកអ្នកធ្វើដំណើរឆ្ងាយជិត មិនសូវមានសុវត្តិភាពប៉ុន្មានទេហើយគប្បីមានការប្រយ័ត្នប្រយែងបន្តិច ទើបចៀសផុតបញ្ហាអាក្រក់ទាំងពួងកើតឡើង។ចំពោះការប្រកបការងារឬធ្វើ អ្វីមួយតែងតែជួបនូវឧបសគ្គមករារាំងជានិច្ចហើយពិបាកនឹង ទម្លុះទម្លាយទៀតផង។បើជាអ្នកប្រកបរបររកស៊ីជួញដូរវិញលោកអ្នក ជួបផលលំបាកក្នុងការរកផលចំណូលណាស់ហើយការជួញជិតឆ្ងាយទៀតសោត ជួបតែភាពរកាំរកូស។
រីឯសម្ព័ន្ធស្នេហាប្រុសស្រីជួបបញ្ហាប្រទាំងប្រទើសក៏ច្រើនឯការ ផ្អែមល្ហែមក៏ច្រើន៕
ឆ្នាំច ធាតុដី ពង្សយក្សស្រី
រាសីស្រុតចុះ នៅថ្ងៃនេះដោយសារ ដួងរាសីដាំក្បាលចុះដូចនេះគប្បីលោកអ្នកប្រយ័ត្នប្រយែងបញ្ហាសុខភាព បន្តិចពីព្រោះងាយកើតបញ្ហាចូលលុកលុយយាយីណាស់ពិសេសបុរសតែម្តង។ ចំពោះអ្នកប្រកបរបររកស៊ីជួញដូរការរកផលកម្រៃទោះជួបបញ្ហា ស្មុគស្មាញម្តេចម្តាក៏អាចរកប្រាក់ចំណូលគ្រាន់បំពេញបំពង់អញ្ចឹងផង ។សម្ព័ន្ធស្នេហាប្រុសស្រីងាយទាំងផ្អែមល្ហែមនិងងាយទាំងប្រេះឆា៕
ឆ្នាំកុរ ធាតុទឹក ពង្សមនុស្សស្រី
រាសីខ្ពស់ត្រដែត នៅថ្ងៃនេះ ដោយសារដួងរាសីឡើងខ្ពស់ម្ល៉ោះហើយធ្វើឱ្យកិច្ចការងារដែលលោកអ្នកបាន បំពេញមានការចម្រើនលូតលាស់ទៅមុខជានិច្ច។ អ្នកប្រកបរបររកស៊ីជួញដូរការធ្វើជំនួញទោះទីជិតឆ្ងាយមានភាព សុខដុមល្អតែទោះធ្វើអ្វីៗលោកអ្នកតោងតែចេះបែងចែកល្អអាក្រក់ ឱ្យបានត្រឹមត្រូវទើបគ្មារឿងរាវចម្រូងចម្រាសជាមួយអ្នកដទៃ។សេចក្តីស្នេហា កំលោះក្រមុំមានភាពស្រស់ស្រាយនិងផ្អែមល្ហែមប្រពៃ៕
