កិច្ចប្រជុំរដ្ឋមន្ត្រីការបរទេសអាស៊ាន បូក ៣ លើកទី១៣នឹងចាប់ផ្តើមពីម៉ោង ២ ដល់ម៉ោង ៣ និង ៣០ នាទី រសៀលថ្ងៃទី១០ ខែកក្កដានេះ នៅវិមានសន្តិភាព។ កិច្ចប្រជុំនេះ ដឹកនាំដោយលោកហោ ណាំហុង រដ្ឋមន្ត្រីការបរទេសកម្ពុជា ក្នុងនាមជាប្រធានអាស៊ាន និងមានការចូលរួមពីរដ្ឋមន្ត្រីការបរទេសអាស៊ាន ៩ ប្រទេសផ្សេងទៀត ជួបប្រជុំជាមួយរដ្ឋមន្ត្រីការបរទេសចិន ជប៉ុន និង កូរ៉េ។
កិច្ចប្រជុំរដ្ឋមន្ត្រីការបរទេសអាស៊ាន បូក ៣ នឹងផ្តោតការពិភាក្សា លើការផ្លាស់ប្តូរយោបល់ អំពីបញ្ហាតំបន់ និង អន្តរជាតិ ព្រមទាំងគោលដៅទៅអនាគត រវាងអាស៊ាន ចិន ជប៉ុន និង កូរ៉េ។ ក្រៅពីនេះ រដ្ឋមន្ត្រីការបរទេសអាស៊ាន បូក ៣ នឹងផ្តោតការពិភាក្សាផងដែរ លើការរៀបចំសកម្មភាពសម្រាប់រម្លឹកខួបលើកទី១៥ នៃទំនាក់ទំនងអាស៊ាន បូក៣ នៅឆ្នាំនេះ។
