ពីមួយថ្ងៃ ទៅមួយថ្ងៃ អំពើហិង្សាក្នុងប្រទេសស៊ីរី បានកើនឡើង ដោយសារការវាយប្រយុទ្ធគ្នា រវាងឧទ្ទាមប្រឆាំងរដ្ឋាភិបាល និង ក្រុមទាហានរបស់រដ្ឋាភិបាលស៊ីរី តែងតែផ្ទុះឡើង បណ្តាលអោយ ជីវិតមនុស្សជាច្រើននាក់បានស្លាប់ និង មានប្រជាជនស៊ីរីជាច្រើនបាន ភៀសខ្លួន ចេញពីលំនៅដ្ឋានរបស់ពួកគេ។
ស្របពេលដែលចំនួនជនភៀសខ្លួន មានចំនួនកាន់តែច្រើននោះ មន្រ្តីរបស់អង្គការសហប្រជាជាតិ បានធ្វើការព្រមានថា ប្រសិនបើមិនមានមូលនិធិ គ្រប់គ្រាន់សម្រាប់ផ្គត់ផ្គង់ដល់ជនភៀសខ្លួនទាំងនោះទេ អង្គការសហប្រជាជាតិ និង កាត់បន្ថយដំណើរការមនុស្សធម៌ក្នុងប្រទេសនេះជាមិនខាន។
ចំនួនជនភៀសខ្លួនបានកើនឡើងជាលំដាប់ ដោយកាលពីខែមេសា ចំនួនជនភៀសខ្លួនមានចំនួន២០ ម៉ឺននាក់ និង ខែ មេសា បានកើនឡើងដល់៥០ម៉ឺននាក់។ រីឯនៅខែកក្តដានេះ ចំនួនជនភៀសខ្លួនបានកើនឡើង រហូតដល់៨៥ ម៉ឺននាក់ឯណោះ។
មន្ត្រីរបស់អង្គការសហប្រជាជាតិក៏បានឲ្យដឹងទៀតថា ប្រសិនបើអង្គការសហប្រជាជាតិ មិនអាចស្វែងរកមូនិធិ ឲ្យបានគ្រប់គ្រាន់ និង ទាន់ពេលវេលា ជនភៀសខ្លួនស៊ីរីទាំងនោះនឹងប្រឈមមុខនឹងបញ្ហាជាច្រើនមិនខាន។
គួរបញ្ជាក់ថា មូលនិធិដែលបានជួយទៅដល់ជនភៀសខ្លួនទាំងនោះ នាពេលកន្លងមកគឺ ភាគច្រើន បានមកពី អាមេរិក សហភាពអ៊ឺរ៉ុប អូស្រ្តាលី អាឡឺម៉ង ជប៉ុន ចក្រភព អង់គ្លេស កាណាដា និង ប្រទសផ្សេងៗទៀតផងដែរ។
