សហរដ្ឋអាមេរិកបានអះអាងថា អ្នកការទូតជាន់ខ្ពស់របស់ស៊ីរីចំនួន២នាក់ទៀត បានទៅចុះចូលជាមួយក្រុមប្រឆាំងរបបស៊ីរីដោយចាត់ទុកសកម្មភាពនេះថា ជាភស្តុងតាងមួយថារបបដឹកនាំដោយបាសា អាល់ អាស្សាត ប្រធានាធិបតីស៊ីរីជិតមកដល់ថ្ងៃបញ្ជប់ហើយ។
ការរត់ចុះចូលរបស់បេសកជនស៊ីរីទាំង២នាក់នេះ បានកើតឡើងស្របពេលដែលមានការវាយប្រយុទ្ធគ្នានៅក្នុងទីក្រុងអាឡេបប៉ូ (Aleppo) ជាកន្លែងដែលកងទ័ពរដ្ឋាភិបាលស៊ីរីកំពុងវាយទប់ទល់ នូវការវាយប្រហារ របស់ក្រុមឧទ្ទាម។
លោក ចាយ ខាណេ(Jay Carney) អ្នកនាំពាក្យសេតវិមានបាននិយាយថា ការរត់ចុះចូលនៃឯកអគ្គរដ្ឋទូតស៊ីរី ដែលប្រចាំការនៅប្រទេសអេមីរ៉ាតអារ៉ាប់រួម និង ប្រទេសស៊ីបនេះបាន។ លោកបានបន្តថា ចលនានៃការរត់ចុះចូលនេះ បានបង្ហាញឲ្យដឹងថា ពួកគេកំពុងរត់ចេញពីរដ្ឋាភិបាលរបស់ពួកគេ ដោយសារតែទង្វើដ៏អាក្រក់ដែលធ្វើឡើងដោយ លោក បាសា អាល់ អាស្សាតប្រឆាំងប្រជាជនខ្លួនឯង។ហើយការរត់ចុះចូលនេះ ក៏ជាការទទួលស្គាល់ផងដែរថា ថ្ងៃអវសាន របស់លោកបាសា អាល់ អាស្សាត ជិតមកដល់ហើយ។
