ថ្លែងនៅក្នុងបទបង្ហាញផ្ទាល់មាត់ស្តីពីបញ្ហាព្រំដែនគោក និងសមុទ្ររវាងកម្ពុជា និងវៀតណាមនៅក្នុងរដ្ឋសភាកាលពីព្រឹកមិញនេះ សម្តេច នាយករដ្ឋមន្ត្រី ហ៊ុនសែន បានលើកឡើងពីភាពចាំបាច់នៃការសម្រួលព្រំដែនតាមការកាន់កាប់ជាក់ស្តែងរបស់ប្រជាជន។សម្តេចបានអះអាងថា ការធ្វើដូចនេះនឹងមិនមានការបាត់បង់ទេ។ សម្តេចបានពន្យល់ថាៈ
សំលេងៈ
គួរកត់សំគាល់ថា ការដោះដូរដីភូមិគឺត្រូវធ្វើនៅក្នុងខេត្តដែលជាប់គ្នាមុននឹងការដោះដូរត្រូវធ្វើទៅខេត្តផ្សេង។ ទាក់ទងទៅនឹងការដោះដូរភូមិនេះដែរសម្តេច ហ៊ុនសែនបានជ្រើសរើសយកវិធីសាស្ត្រទី៣គឺ រក្សាការកាន់កាប់ដីរបស់ប្រជាជន។
សម្តេចហ៊ុន សែនយល់ឃើញថា វិធីសាស្ត្រនោះគឺជាវិធីសាស្ត្រដែលគោរពទៅតាមអនុសារណៈរវាងវៀតណាម និងកម្ពុជាដែលបានធ្វើឡើងកាលពីថ្ងៃទី ២៣ មេសាឆ្នាំ ២០១១មកម្ល៉េះ។
សម្តេចនាយករដ្ឋមន្ត្រីបានបន្តថា មុននឹងធ្វើការដោះដូរភូមិ ឬដីដែលលយត្រូវមានការសិក្សាច្បាស់លាស់ និងសម្រួលដល់ការកាន់កាប់របស់ប្រជាពលរដ្ឋ។
រីឯការដោះដូរនោះសោតត្រូវធ្វើការដោះដូរស្មើទៅស្មើមកគ្មានភាគីណាខាតបង់នោះទេ។ នេះបើតាមបញ្ជាក់ឲ្យដឹងពីសម្តេចនាយករដ្ឋមន្ត្រីហ៊ុន សែន៕
