ការផាត់ម្សៅលើផ្ទៃមុខដោយប្រើម្រាមដៃអាចជួយធ្វើឱ្យផ្ទៃមុខមើលទៅមានលក្ខណៈបែបធម្មជាតិនិងមានភាពស្រស់ស្អាតទៀតផង។ មានគ្រឿងសម្អាងផ្ដល់គុណប្រយោជន៍ខុសប្លែកគ្នាជាច្រើនដែលធ្វើឱ្យអ្នកមានភាពមមាញឹក្នុងការលាបផាត់ដើម្បីឱ្យមានភាពទាក់ទាញពេញមួយថ្ងៃ។
ការលាបឱ្យម្សៅជាប់នៅបានយូរដូចធម្មជាតិតាមដែលអាចធ្វើទៅបានគឺ ជាវិធិសាស្ដ្រដ៏ល្អបំផុតពីព្រោះការផាត់ម្សៅក្រាស់ខ្លាំងពេកធ្វើឱ្យរូបសម្រស់អ្នកគ្មានភាពហ្វែហ្សិនបន្ដិចទាល់តែសោះជាពិសេសនៅពេលថ្ងៃឬថ្ងៃមានអាកាសធាតុក្ដៅ។
១.លាបម្សៅបំបាត់ស្នាម ៖ លាបម្សៅបំបាត់ស្នាមជាំនៅលើផ្ទៃមុខជុំវិញស្នាមខ្មៅក្រោមភ្នែកឬនៅត្រង់ស្នាមជាំណាមួយ។ ប៉ាតម្សៅនោះស្រាលៗនៅលើស្បែកហើយប្រើម្រាមដៃនាងឈ្លីនៅត្រង់បរិវេណនោះ។ ការលាបនៅត្រង់ចំណុចនេះនិងបង្ការកុំឱ្យស្បែកឆាប់ខូចដោយកាត់បន្ថយស្នាមជាំខ្មៅនៅលើផ្ទៃមុខ។ ត្រូវចងចាំថាឱ្យម្សៅបំបាត់ស្នាមជាំនោះស្ងួតសិនមុននឹងលាបម្សៅទ្រនាប់។
២.លាបម្សៅទ្រនាប់៖ ចាក់ ម្សៅទ្រនាប់បន្ដិចដាក់ដៃហើយបន្តប៉ាតម្សៅទ្រនាប់់នោះនៅលើ ផ្ទៃមុខដោយប្រើម្រាមដៃលាប។ ត្រូវចាំថាត្រូវលាបនៅត្រង់ច្រមុះ ថ្ពាល់ ចង្ការ និងថ្ងាស ហើយលាបឈ្លឺឱ្យសព្វដោយប្រើម្រាមពីរ។ ដើម្បីលាបម្សៅទ្រនាប់ឱ្យជាប់ស្រាលៗត្រូវយកម្រាមដៃពីរនោះជ្រលក់ទឹកឱ្យសើមបន្ដិច ដើម្បីលាយឱ្យចូលសព្វសាច់ល្អមុនលាបពីលើផ្ទៃមុខនោះ។ លាយម្សៅទ្រនាប់នោះឱ្យសព្វនៅលើផ្ទៃមុខហើយត្រូវកុំលាបច្រើនពេកនៅក្បែរសក់។
៣.លាបម្សៅឬក្រែមពណ៌ផ្កាឈូក៖ ជាការចាំបាច់នៅពេលដែលម្សៅទ្រនាប់លាបសព្វល្អហើយត្រូវលាបក្រែមពណ៌ផ្កាឈូកនោះរាងស្នាមអុចៗនៅត្រង់ឆ្អឹងថ្ពាល់ឆ្ពោះទៅត្រង់សៀតផ្កា។ ប្រើចុងម្រាមដៃលាបឱ្យសព្វទាល់តែមើលឃើញផ្ទៃមុខលេច។
៤.លាបក្រែមត្របកភ្នែក ៖ បន្សែមពណ៌ភ្នែកចាំងព្រឹមៗដោយលាបក្រែមត្របកភ្នែក។ ក្រែមទាំងនេះអាចលាបទៅចេញស្ដាយច្រើនដែលមានដូចជាក្រែមបំពង់ឬកូនដបដោយអ្នកអាចទុកក្នុងកាបូបដៃ ឬដាក់ជាប់តាមខ្លួនពេញមួយថ្ងៃបាន។ មានគ្រឿងសម្អាងជាច្រើនដែលប្រើប្រាស់បាននច្រើនរបៀបសម្រាប់លាបភ្នែកថ្ពាល់និងបបូរមាត់ហើយងាយស្រួលប្រើនៅកន្លែងធ្វើការងារឬប្រសិនបើអ្នកចង់លាបក្រែមម្សៅតិចតួចនោះនៅពេលណាមួយ។ ដើម្បីបន្ថែមពណ៌ភ្នែកចាំងព្រឹមៗប្រើម្រាមដៃនាងលាបនិងឈ្លីក្រែមឱ្យសព្វហើយលាបនៅត្រងត្របកភ្នែក។
៥.លាបក្រែមបបូរមាត់៖ នៅទីបញ្ចប់បង្កើនសម្រស់ដោយលាបក្រែមបបូរមាត់ដើម្បីលើកពណ៌សម្បុណ៌ស្បែក។
