ទោះបីជាត្រូវទៅទទួលទានអាហារនៅក្រៅផ្ទះញឹកញាប់ក្តី ប៉ុន្តែ បើអ្នកចេះវិធីជ្រើសរើសអាហារអ្នកនៅតែរក្សាបានរាងស្វែល ដដែល ...។
1.ចៀសវាងភេសជ្ជៈ មានកាឡូរីច្រើន៖ អ្នកមិនគួរកុម្មង់ស្រាផ្លែឈើ ឬទឹកក្រូចហ្គាស់នោះទេ គួរកុម្មង់ទឹកសុទ្ធ ឬទឹករ៉ែវិញធ្វើឱ្យសន្សំសំចៃកាឡូរី និងសន្សំសំចៃប្រាក់កាសផង។
2.ជ្រើសអាហារដំបូង (អាហារនាំមុខឱ្យល្អ)៖ គួរជ្រើសរើសអាហារ នាំមុខដោយសង្កត់ធ្ងន់លើបន្លែ និងផ្លែឈើ និងចៀសវាងអាហារបំពង ឬចៀន ឬអាហារដែលមានជាតិក្រែម ឬហ្វ្រូម៉ា។
3.ចៀសវាងម្ហូបដែលមានជាតិម្សៅច្រើន៖ ដូចជាម្ហូប ដែលមានដំឡូងបារាំង ផាស្តា ឬបាយច្រើន រួមទាំងនំប៉័ង និង ភីសហ្សា។
4.កុម្មង់ម្ហូបមានសាច់ត្រី និងសាច់មាន់៖ ជាអាហារ ងាយស្រួលរំលាយ និងមានកាឡូរីតិច ប៉ុន្តែមិនមែនជាប្រភេទអាហារបំពង (ត្រីបំពង មាន់បំពង) ដែលមានជាតិខ្លាញ់-ច្រើន។
៥.ទំពារយឺតៗ៖ដែលអ្នកទៅជាមួយ ទោះជាសាច់ញាតិ មិត្តភក្តិ ឬគូស្នេហ៍។ គួរប្រើឱកាសនៃការជួបជុំគ្នានេះសំណេះសំណាលគ្នាយ៉ាងសប្បាយរីករាយ និងទទួលទានអាហារជាសន្សឹមពុំមែនគិតតែពីទទួលទាន ឬរវល់តែកុម្មង់បន្ថែមនោះទេ។
៦.ទទួលទានយ៉ូហ្គើត ឬផ្លែឈើស្រស់ជាបង្អែម ៖ ប៉ុន្តែ បើភោជនីយដ្ឋាននោះពុំមានយ៉ាអួ ឬផ្លែឈើស្រស់ទេ មិនគួរកុម្មង់បង្អែមតែម្តងល្អជាង។
៧.ឈប់ទទួលទានអាហគ្រប់យ៉ាងក្នុងរយៈពេល៣ម៉ោង មុនចូលគេង៖ មុនពេលចេញទៅទទួលទានអាហារពេលល្ងាចនៅក្រៅផ្ទះ គួរប៉ាន់ស្មានពេលវេលាត្រឡប់មកផ្ទះវិញ និងចូលគេងឱ្យសមល្មម និងគួរធ្វើអ្វីផ្សេង មុនពេលត្រឡប់មកផ្ទះចូលគេងដូចជា ឆ្លៀតពេលដើរលេងៗ មួយសន្ទុះសិនជាដើម៕
សំណួរមួយដែលយើងតែងឮញឹកញាប់ប់ផុំត គឺគួរប្រើពណ៌ផាត់ភ្នែកពណ៌ផ្សេងៗបែបណាទើបល្អ? ខាងក្រោមនេះគឺជាវិធីតុបតែងភ្នែកឱ្យស្អាតតាមចំនួនពណ៌...។
