នយោបាយអន្តរជាតិ
នាយករដ្ឋមន្ត្រី តួកគី លោក រីសីប តាយយីប អ៊ីដូហ្គេន បានអះអាងថា អ្នកវាយប្រហារដោយគ្រាប់បែកអត្តឃាត ស្ថានទូតអាមេរិកក្នុងរដ្ឋធានី អង់ការ៉ា កាលពីថ្ងៃសុក្រ ទី០១ ខែកុម្ភៈ ដែលបណ្តាលឲ្យមនុស្ស ២នាក់ស្លាប់ និងជាច្រើននាក់រងរបួស គឺជាអំពើរបស់សមាជិកក្រុម ឆ្វេងនិយមក្រៅច្បាប់។
នាយករដ្ឋមន្ត្រី តួកគី បានបញ្ជាក់ថាអ្នកដែលវាយប្រហារនោះ មានឈ្មោះថា អ៊ីស៊ីវីត សាន់លី អាយុ ៣០ឆ្នាំ ជាសមាជិករបស់បក្សបដិវត្តន៍ សេរីនិយមប្រជាជនដែលជាក្រុមក្រៅច្បាប់។
នៅថ្ងៃទី០១ ខែកុម្ភៈនេះ គឺជាថ្ងៃដែលប្រជាជនកម្ពុជាចូលរួមធ្វើព្រះរាជពិធីដង្ហែរព្រះបរមសព ព្រះបរមរតនកោដ្ឋនៅមុខព្រះបរមរាជវាំង។ ព្រះរាជពិធីនេះ ក៏បានធ្វើពិភពលោក មានការចាប់អារម្មណ៏យ៉ាងខ្លាំងផងដែរ។ ជាក់ស្តែងវេបសាយសារព័ត៌មានបរទេសជាច្រើនបានចុះផ្សាយពីរាជពិធីដង្ហែរព្រះបរមសព ព្រះបរមរតនកោដ្ឋនេះ។
ស្របពេលដែលរាជពិធីដង្ហែរព្រះបរមសព ព្រះបរមរតនកោដ្ឋបានប្រារពឡើងនេះ សារព័ត៌មានល្បីៗរបស់អន្តរជាតិជាច្រើនក៏បានចុះផ្សាយ៉ាងព្រោងព្រាតតែម្តងអំពីព្រះរាជពិធីនេះ។
សារព័ត៌មាន BBC របស់អង់គ្លេសដែលគេស្គាល់ថា ជាសារព័ត៌មានដ៏ល្បីមួយបានចុះផ្សាយអត្ថបទរបស់ខ្លួនទាក់ទងនឹងព្រះរាជពិធីដង្ហែរព្រះបរមសពដោយដាក់ចំណងជើងថា “កម្ពុជាចាប់ផ្តើមរាជពិធីដង្ហែរព្រះបរមសព”។ ហ្វូងមនុស្សជាច្រើនបានប្រមូលផ្តុំគ្នានៅទីក្រុងភ្នំពេញដើម្បីធ្វើការដង្ហែរព្រះបរមសព ព្រះបរមរតនកោដ្ឋ របស់អតីតមហាវីរៈក្សត្រកម្ពុជា សម្តេចឪនរោត្តម សីហនុ។
អតីតមហាវីរៈក្សត្រកម្ពុជា សម្តេចឪនរោត្តម សីហនុ គឺជាអ្នកបង្កើតនូវសុខសន្តិភាពសម្រាប់ប្រទេសកម្ពុជា អំឡុងពេលប្រទេសនេះកាត់នូវភ្លើងសង្គ្រាមដ៏ធ្ងន់ធ្ងរ។ នេះបើយោងតាមសារព័ត៌មានBBCរបស់អង់គ្លេស។
សារព័ត៌មាន The Nation របស់ថៃវិញក៏បានធ្វើការចាប់អាម្មណ៏ដោយបានចុះផ្សាយលើគេហទំព័ររបស់ខ្លួនផងដែរ ដោយសរសេរថា “ក្បូនដង្ហែរបស់កម្ពុជាបង្ហាញ់ពីក្តីគោរពចំពោះអតីតមហាក្សត្រ”។ អ្នកកាន់ទុកជាច្រើននាក់ ដោយមានទាំងព្រះសង្ឃច្រើនអង្គបានធ្វើការដង្ហែរព្រះបរមសព ព្រះបរមរតនកោដ្ឋពីព្រះបរមរាជវាំង ទៅកាន់វាលព្រះមេរុដើម្បីរងចាំការថ្វាយព្រះភ្លើង។
អតីតមហាក្សត្រកម្ពុជា ព្រះបាទ នរោត្តម សីហនុ គឺជាអ្នកនយោបាយដ៏សំខាន់ម្នាក់ក្នុងប្រទេសកម្ពុជាអស់រយៈពេលជិត ៦០ឆ្នាំ មុនពេលព្រះអង្គដាក់រាជ្យនៅឆ្នាំ ២០០៤ដោយសារបញ្ហាសុខភាព។ ព្រះអង្គបានសោយព្រះទីវង្គត់នៅថ្ងៃទី១៥ តុលា ឆ្នាំ២០១២ ក្នុងទីក្រុងប៉េកាំងប្រទេសចិន។ នេះបើយោងតាមសារព័ត៌មាន The Nation របស់ថៃ។
សារព័ត៌មាន The Channelnewsasia របស់សិង្ហបុរី ក៏បានចុះផ្សាយនៅនៅគេហទំព័ររបស់ខ្លួនដោយដាក់ចំណងជើងថា “ប្រជាជនមួយលាននាក់មកដង្ហែរព្រះបរមសពអតីតមហាវីរក្សត្ររបស់កម្ពុជា”។ នៅក្នុងអត្ថបទនោះក៏បានបញ្ជាក់អំពីរក្បួនដង្ហែរព្រះព្រះបរមសពអតីតមហាក្សត្រកម្ពុជាដែលតម្កល់លើព្រះទីនាំងបុស្បុកអមដោយព្រះរាជវង្សានុវង្ស នាម៉ឺនសព្វមុខមន្ត្រី និងប្រជាពលរដ្ឋយ៉ាងច្រើនកុះករ។
រីឯសារព័ត៌មាន ស៊ីន ហួរ របស់ចិនឯនោះវិញ ក៏បានចុះផ្សាយព័ត៌មានទាក់ទងនឹងព្រះរាជពិធីនេះផងដែរនៅលើវេសាយរបស់ខ្លួន។ ចំណងជើង ត្រូវបានរំលេចឡើងថា “ប្រជាជនកម្ពុជាត្រៀមខ្លួនជាស្រេចក្នុងព្រះរាជពិធីដង្ហែព្រះបរមសព។ ក្នុងនោះក៏បានរៀបរាប់ថា មានមនុស្សជាង១លាននាក់ចូលរួម និង មានកងកម្លាំងរក្សាសន្តិសុខប្រមាណ១ម៉ឺននាក់ផងដែរ ដើម្បីរក្សាសណ្តាបធ្នាប់។
សារព័ត៌មាន Al jazeera របស់ប្រទេសQatar ក៏បានចុះផ្សាយលើគេហទំព័ររបស់ខ្លួនដោយសរសេរចំណងជើងថា “កម្ពុជាប្រារពពិធីដង្ហែរព្រះរមសពរបស់អតីតមហាក្សត្រ”។ សារព័ត៌មាននោះក៏បានបញ្ជាក់ អំពីសមិទ្ធផលជាច្រើនដែលអតីតមហាវីរក្សត្រកម្ពុជាបានបន្សល់ទុក។ អ្វីដែលពិសេសនោះ គឺជាទាមទារឯករាជភាពពេញបរិបូរណ៌ជូនប្រជាជន កម្ពុជាពីនឹម អណានិគមន៏បារាំង។
ចំណែកសារព័ត៌មាន Asia News Network ដែលមានមូលដ្ឋាននៅក្នុងទីក្រុង បាងកកប្រទេសថៃបានចុះផ្សាយទាក់ទងនឹងព្រះរាជពីធីដង្ហែរពព្រះបរមសពផងដែរ និងដាក់ចំណងជើងថា “ប្រជាជនកម្ពុជាមកចូលរូមព្រះរាជពីធីដង្ហែរព្រះបរមសពអតីតមហាក្សត្រកម្ពុជានៅរាជធានីភ្នំពេញ”។ សារព័ត៌មាន Asia News Network បានសរសេររៀបរាប់អំពីព្រះរាជជីវប្រវត្តិសង្ខេបខ្លះៗទាក់ទងនឹងអតីតមហាក្សត្រកម្ពុជា សម្តេចព្រះនរោត្តម សីហនុ។
ដូចជានៅឆ្នាំ១៩៤១ ដែលជាឆ្នាំព្រះអង្គឡើងគ្រងរាជ្យ។ ឆ្នាំ១៩៥៣ជាឆ្នាំដែលអតីតមហាក្សត្រកម្ពុជាដណ្តើមឯករាជ្យពីរពួកអាណានិគមន៏និយមបារាំងជាដើម។ ក្នុងនោះសារព័ត៌មាន Asia News Network បានសរសេរថា អតីតមហាក្សត្រកម្ពុជាព្រះបាទ នរោត្តម សីហនុ គឺជាបិតាឯករាជ្យជាតិខ្មែរបិតាបង្រួមបង្រួមជាតិខ្មែរ និង បិតាស្ថាបនាជាតិខ្មែរ។
មិនមែនមានត្រឹមតែសារព័ត៌មានទាំងនេះទេ ដែលបានចុះផ្សាយអំពីរព្រឹត្តិការណ៏នៃ ព្រះរាជពិធីដង្ហែព្រះបរមសព ព្រះបរមរតនកោដ្ឋ ពោលគឺមានសារព័ត៌មានល្បីៗជាច្រើនទៀតក៏កំពុងបានចុះផ្សាយ និងតាមដានព័ត៌មានយ៉ាងយកចិត្តទុកដាក់ជាទីបំផុតផងដែរ៕(ដោយ អ៊ុន រស្មី)
លោកលី ម្យ៉ុងបាក់ ប្រធានាធិបតីជិតផុតអាណត្តិរបស់កូរ៉េខាងត្បូងនៅថ្ងៃព្រហស្បត្តិ៍នេះ បានព្រមានតបទៅនឹងប្រទេសកូរ៉េខាងជើងថា ប្រទេសកុម្មុនីស្តមួយនេះនឹងប្រឈមផលវិបាកធ្ងន់ធ្ងរ ប្រសិនបើប្រទេសនេះនៅតែមានះបាញ់អាវុធនុយក្លេអ៊ែរជាលើកទី៣។
ការព្រមាននេះបានធ្វើឡើង នៅក្នុងកិច្ចប្រជុំស្តីពីបញ្ហាសន្តិសុខដ៏បន្ទាន់មួយនៅថ្ងៃព្រហស្បត៏នេះ។
លោកលី ម្យ៉ុងបាក់ ប្រធានាធិបតីជិតផុតអាណត្តិ របស់កូរ៉េខាងត្បូង បានបើកកិច្ចប្រជុំដ៏សំខាន់មួយជាមួយនឹងមន្ត្រីសន្តិសុខជាច្រើនរបស់ខ្លួនទាក់ទងនឹងការគំរាមគំហែងដោយបាញ់អាវុធនុយក្លេអ៊ែរបស់កូរ៉េខាងជើង។
ក្នុងកិច្ចប្រជុំនោះប្រធានាធិបតីកូរ៉េខាងត្បូង បានជំរុញឲ្យកូរ៉េខាងជើងបញ្ឈប់រាល់សកម្មភាពទាំងឡាយណាដែលបំពានមកលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ហើយថាប្រសិនបើកូរ៉េខាងជើងនៅតែរឹងទទឹងទៀតនោះ ប្រទេសមួយនេះនឹងប្រឈមបញ្ហាលំបាកកាន់តែធ្ងន់ធ្ងរជាមិនខាន។
ការព្រមានពីសំណាក់មេដឹកនាំកូរ៉េខាងត្បូងទៅកាន់កូរ៉េខាងជើងយ៉ាងដូច្នោះ គឺធ្វើឡើងបន្ទាប់ពីប្រទេសកូរ៉េខាងជើងកាលពីពេលថ្មីៗនេះ បានព្រមានចំៗ ទៅលើកូរ៉េខាងត្បូងថា ប្រទេសបងប្អូនគូសត្រូវទាំងពីរនឹងផ្ទុះសង្គ្រាម ប្រសិនបើប្រទេសកូរ៉េខាងត្បូង រូមដៃជាមួយនឹងក្រុមប្រឹក្សាសន្តិសុខអង្គការសហប្រជាជាតិបន្តដាក់ទណ្ឌកម្មមកលើប្រទេសរបស់ខ្លួនទៀតនោះ។
ទំនាក់ទំនងរវាងប្រទេសកូរ៉េខាងត្បូងនិងប្រទេសកូរ៉េខាងជើងកាន់តែមានភាពតានតឹងខ្លាំងឡើងៗចាប់តាំងពីក្រុមប្រឹក្សាសន្តិសុខអង្គការសហប្រជាជាតិបានប្រកាសដាក់ទណ្ឌកម្មជាថ្មីលើប្រទេសកូរ៉េខាងជើងបន្ទាប់ពីប្រទេសកុម្មុនីស្តមួយនេះបានល្មើសនឹងការបាញ់សាកល្បងគ្រាប់រ៉ុក្តែតរបស់ខ្លួនជាលើកកាលពីអំឡុងខែធ្នូកន្លងមក។
រយៈពេលជាច្រើនឆ្នាំ ប្រទេសកូរ៉េខាងត្បូងក្រោមការដឹកនាំរបស់លោកលី ម្យ៉ងបាក់ ត្រូវបានគេសង្កេតឃើញថា ទំនាក់ទំនងរវាងកូរ៉េខាងតហបូង និង កូរ៉េខាងជើងមានភាពតានតឹងយ៉ាងខ្លាំងជាមួយគ្នា។ លោកលី ម្យ៉ងបាក នឹងត្រូវផ្ទេរតំណែងរបស់លោកទៅឲ្យលោកស្រី Park Geun-Hye បន្តដឹកនាំប្រទេសកូរ៉េខាងត្បូង នៅថ្ងៃទី ២៥ ខែគុម្ភៈខាងមុខនេះ។
រដ្ឋាភិបាលថ្មីដែលនឹងត្រូវឡើងកាន់តំណែងនាពេលឆាប់ៗនេះ ត្រូវបានគេរំពឹងថា នឹងអាចបន្ថូបន្ថយភាពតានតឹងជាមួយនឹងប្រទេសកូរ៉េខាងជើង ព្រោះថាកន្លងមក លោកស្រី Park Geun-Hye ធ្លាប់បានអះអាងថា លោកស្រីពិតជាមានបំណងក្នុងការកាត់បន្ថយភាពតានតឹងជាមួយនឹងកូរ៉េខាងជើង។
ប៉ុន្តែយ៉ាងនាក៏ដោយជាក់ស្តែងនោះការកាត់បន្ថយភាពតានតឹងរវាងកូរ៉េខាងត្បូង និង កូរ៉េខាងជើងពិតជារឿងដ៏លំបាក ប្រសិនបើកូរ៉េខាងជើងនៅតែប្រកាន់គោលជំហរបាញ់អាវុធនុយក្លេអ៊ែរដើម្បីជាការសងសឹងទៅនឹងការដាក់ទណ្ឌកម្មរបស់ក្រុមព្រឹក្សាសន្តិសុខមែននោះ។(ដោយៈអ៊ុន រស្មី)
បើទោះបីជាប្រទេសកូរ៉េខាងត្បូងកំពុងស្ថិតនៅក្នុងការគំរាមគំហែងពីសំណាក់កូរ៉េខាងជើងដោយកូរ៉េខាងត្បូងបានសម្រេចចិត្ត និងត្រៀមរួចរាល់ហើយថា នឹងបាញ់គ្រាប់រ៉ុក្កែតបញ្ជួនផ្កាយរណបទៅកាន់តារាវិថីនៅថ្ងៃពុធ ទី៣១ ខែមករាខាងមខុនេះ។
ការបាញ់បង្ហោះផ្កាយរណបនោះ គឺជាការឌឺដងបញ្ឆិតបញ្ឆៀងទៅកាន់កូរ៉េខាងជើងវិញដោយមិនញញើតក្នុងប្រើសព្វាវុធតទាល់នោះឡើយ។
គួរកត់សម្គាល់ថា ប្រទេសបងប្អួនគួសត្រូវទាំងពីរបានបញ្ឆេះកម្តៅដាក់គ្នាយ៉ាងខ្លាំងក្នុងរយៈពេលចុងក្រោយមកទៀតនេះ បន្ទាប់កូរ៉េខាងជើងត្រូវបានអន្តរជាតិប្រកាសពីការដាក់ទណ្ឌកម្ម។
យ៉ាងណាក្តីការបាញ់គ្រាប់រ៉ុក្កែតដែលមានរយៈចម្ងាយខ្ពស់នេះប្រសិនកូរ៉េខាងត្បូងបានជោគជ័យពិតមែននោះ នោះវាគឺមោទនៈភាព និងអំនួតដ៏ធំមហិមាក៏ប៉ុន្តែប្រសិនបើបរាជ័យវិញនោះ គឺជារឿងដែលកូរ៉េខាងត្បូងមិនអាចប្រកែកបានឡើយចំពោះភាពអាម៉ាស។
ដោយឡែកមួយវិញទៀតនោះ ថ្វីបើកម្មវិធីបាញ់បង្ហោះផ្កាយរណបពីសំណាក់កូរ៉េខាងត្បូងបានប្រុងប្រៀបរៀបចំជាស្រេចពិតមែន ប៉ុន្តែវានៅប្រឈមមុខជាមួយការវាយប្រហារតាមចាប់គ្រាប់រ៉ុក្កែតនោះ ដោយប្រទេសមហាអំណាចនៅអាស៊ានមួយចំនួនដូចជា ប្រទេសចិន ជប៉ុន និងប្រទេសឥណ្ឌាជាដើម។
ជោគជ័យ ឬមិនជោគជ័យនោះ នេះគឺជាបាញ់លើកចុងក្រោយហើយ ក្រោមកិច្ចព្រមព្រៀងថ្មីមួយជាមួយប្រទេសរុស្ស៊ីដែលយល់ព្រមផ្តល់ដំណាក់កាលទីមួយសម្រាប់អតិបរមាដែលមានគ្រាប់រ៉ុក្កែតបីគ្រាប់។
គួរបញ្ជាក់ថា ប្រទេសកូរ៉េខាងត្បូងបានទទូលបរាជ័យចំនួន២ដងទៅហើយក្នុងការបាញ់បង្ហោះផ្កាយរណបចូលគន្លងតារាវិថីនោះគឺនៅឆ្នាំ២០០៩ម្តង និងនៅឆ្នាំ២០១០ម្តងទៀត។ ការបាញ់គ្រាប់រ៉ុក្កែតទម្ងន់១៤០តោននោះបានធ្វើឡើងឆ្នេសមុទ្រខាងត្បូង៕(ដោយៈថា ថៃ)
ព្រឹទ្ធសភារបស់អាមេរិកកាលពីថ្ងៃអង្គារកន្លងទៅបានផ្តល់សច្ចាប័នតែងតាំងលោក John Kerry ជារដ្ឋមន្ត្រីការបរទេសសហរដ្ឋអាមេរិកជំនួសលោក ស្រី Hillary Clinton។ ក្នុងការបោះឆ្នោតព្រឹទ្ធសភានោះ លោក John Kerry ទទួលបានសម្លេងគាំទ្រប្រមាណ៩៤ និង មាន៣សម្លេងប៉ុណ្ណោះ ដែលប្រឆាំង។
លោក John Kerry មានវ័យ៦៩ឆ្នាំ គឺជាជាសមាជិកព្រឹទ្ធសភាមកពីរដ្ឋ Massachusetts និងជាប្រធានគណៈកម្មាធិការទំនាក់ទំនងបរទេសរបស់អាមេរិក ត្រួវបានលោក បារ៉ាក់ អូបាម៉ាប្រធានាធិបតីអាមេរិកជ្រើសតាំងជាប្រមុខការទូតអាមេរិកជំនួសតំណែងលោកស្រី Hillary Clinton បន្ទាប់ពីលោកស្រី Hillary Clinton លាលែងចេញពីមុខតំណែង។
លោក បារាក អូបាម៉ា បានសម្តែងនូវទំនុកចិត្តរបស់ខ្លួនយ៉ាងខ្លាំងលើ លោក John Kerryដែលធ្វើការនៅក្នុងព្រឹទ្ធសភា អស់រយៈពេល២៨ឆ្នាំមកនេះ ថា នឹងក្លាយទៅជាប្រមុខការទូតដ៏ អស្ចារ្យម្នាក់ព្រោះលោក ទទួលការគោរពយ៉ាងខ្លាំងពីបណ្តាប្រទេសលើពិភពលោក។
កាលពីអឡុងពេលលោកបារាក អូបាម៉ាចូលកាន់តំណែងជាប្រធានាធិបតីអណត្តិទី២ របស់ខ្លួនលោកក៏បានកើតសរសើរយ៉ាងខ្លាំងចំពោះសមត្ថភាពរបស់ John Kerry ដែលយល់យ៉ាងច្បាស់ពីគោលនយោបាយការបរទេសរបស់អាមេរិក។
លោក John Kerry នឹងត្រូវបន្តដោះ ស្រាយបញ្ហាជាច្រើនលើឆាកអន្តរជាតិដែលកំពុងតែមានភាពក្តៅគគុកយ៉ាងខ្លាំងនោះ ជាពិសេសនៅប្រទេសអ៊ីរ៉ង ចិន និង ប្រទេសនៅក្នុងតំបន់មជ្ឈឹមបូព៌ា។
លោកស្រី Hillary Clinton នឹងចាក់ចេញពីតំណែងរបស់ខ្លួនជាផ្លូវការនៅថ្ងៃសុក្រ ខណៈពេលដែលគេកំពុងតែគិតថា តើលោកស្រីនឹងឈរជាបេក្ខជនតំណែងប្រធានាធិបតីអាមេរិកនៅឆ្នាំ២០១៦ ឬយ៉ាងណាឡើយ។ គួរបញ្ជាក់ថា លោកស្រីបានបំរើការងារជារដ្ឋមន្ត្រីការបរទេសរបស់អាមេរិកអស់រយៈពេល ៤ឆ្នាំ ដែលលោកស្រីអះអាងថា ជាពេលដ៏នឿយហត់បំផុត៕(ដោយៈអ៊ុន រស្មី)
ប្រទេសអាមេរិកគ្រោងនឹងបង្កើតមូលដ្ឋានយន្តហោះគ្មានមនុស្សបើកនៅតំបន់អាហ្វ្រិចដើម្បីងាយស្រួលក្នុងការតាមដានរាល់សកម្មភាពរបស់ក្រុមសកម្មប្រយុទ្ធអ៊ីស្លាមនិយម និង ក្រុមភេរវករអាល់កៃដា។
នេះបើតាមការអះអាងរបស់មន្ត្រីអាមេរិកកាលពីថ្ងៃចន្ទ័។ ស្របពេលជាមួយគ្នានេះ ដែរប្រទេសបារាំងបានអះអាងថា ប្រត្តិបត្តិការរបស់ខ្លួនក្នុងប្រទេសម៉ាលីកំពុងទទួលបានជោគជ័យជាបន្តបន្ទាប់។
មូលដ្ឋានយន្តហោះគ្មានមនុស្សបើករបស់អាមេរិក គ្រោងនឹងបង្កើតឡើងនៅក្នុងប្រទេសនីហ្សេដែលនៅជាប់ជាមួយព្រំដែននៃប្រទេសម៉ាលី។ ការគម្រោងបង្កើតមូលដ្ឋាននៅតំបន់អាហ្វ្រិកនេះគឺធ្វើឡើងក្រោយពេលដែលរដ្ឋាភិបាលរបស់អាមេរិកបានចាត់ទុកថា សកម្មភាពរបស់ក្រុមភេវករអ៊ីស្លាមជ្រុលនិយមនៅតំបន់នោះបានគំរាមដល់សន្តិសុខពិភពលោកយ៉ាងខ្លាំង។
ជាក់ស្តែងការវាយផ្តួលរំលំរដ្ឋាភិបាលក្នុងប្រទេសម៉ាលី និង ការចាប់ចំរិតមនុស្សជាច្រើននៅក្នុងរោចក្រប្រេង និងឧស្ម័នក្នុងប្រទេសអាល់ហ្សេរីកាលពីពេលថ្មីៗនេះ ដែលបានបណ្តាលឲ្យមនុស្សជាច្រើនជាតិសាសន៏បានស្លាប់បាត់បង់ជិវិត។
មូលដ្ឋានមូលដ្ឋានសម្រាប់យន្តហោះគ្មានមនុស្សបើករបស់អាមេរិកនឹងត្រូវប្រើប្រាស់ដើម្បីប្រមូលព័ត៌មានបានយ៉ាងច្រើនទាក់ទងនឹងសកម្មភាពជាច្រើនរបស់ក្រុមសកម្មប្រយុទ្ធអ៊ីស្លាមនិយមដែលតែងតែបង្កភាពចលាចលយ៉ាងខ្លាំងនោះ។
ចំណែកកងទ័ពរបស់ប្រទេសបារាំងកំពុងតែវាយសម្រុកដណ្តើមបានទីតាំងសំខាន់ៗជាច្រើនក្នុងប្រទេសម៉ាលីដែលកាន់កាប់ដោយក្រុមឧទាមអ៊ីស្លាមនិយមនោះ។ ប្រត្តិបត្តិការរបស់បារាំងក្នុងប្រទេសម៉ាលីគឺបានចាប់ផ្តើមតាំងពីដើមខែមករាឆ្នាំ២០១៣នេះ ក្រោយពេលដែលក្រុមឧទាមបានវាយប្រហាររដ្ឋាភិបាលនិងកាន់កាប់បានតំបន់សំខាន់ៗជាច្រើន។
រហូតមកទល់នឹងពេលនេះទាហានរបស់បារាំងក្នុងប្រទេសម៉ាលីគឺមានចំនួន២៩០០នាក់។ មិនត្រឹមតែប៉ុណ្ណោះប្រត្តិបត្តិការនោះក៏មានការចូលរួមពីកងកម្លាំងនៅតំបន់អាហ្វ្រិចជាច្រើនប្រទេសផងដែរដែលធ្វើឡើងក្រោមសេចក្តីសម្រេចរបស់ក្រុមព្រឹក្សាសន្តិសុខនៃអង្គការសហប្រជាជាតិការពារដ្ឋាភិបាលម៉ាលីពីការវាយប្រហាររបស់ក្រុមឧទាម៕(ដោយៈអ៊ុន រស្មី)
ផ្តាយរបស់ទាំងនេះនឹងប្រើប្រាស់ដើម្បីប្រមូលទិន្ន័យជាច្រើនដែលមានទិសដៅក្នុងការរក្សាសន្តិសុខរបស់ប្រទេសជប៉ុន និង បញ្ចៀសនូវវិបត្តិផ្សេងៗផងដែរ។ បើតាមអ្នកជំនាញរបស់ជប៉ុនបានបញ្ជាក់ថា ផ្កាយរណបដែលទើបតែបាញ់បង្ហោះនោះអាចចាប់យករូបភាពទាំងឡាយបានយ៉ាងច្បាស់ល្អ បើទោះបីជាមានរយៈចម្ងាយឆ្ងាយ ឬនៅពេលយប់ក៏ដោយ។
ការបាញ់បង្ហោះផ្កាយរណបនេះ គឺធ្វើឡើងក្រោយពេលដែលកូរ៉េខាងជើង បានបំពានបាញ់គ្រាប់រ៉ុក្តែតរំលងលើកោះ Okinawa របស់ជប៉ុនដោយមិនមានការកោតក្រែងបើទោះបីជាជប៉ុនបានព្រមានជាមុនក៏ដោយ។
ហើយម្យ៉ាងវិញទៀត បើទោះបីជាក្រុមប្រឹក្សាសន្តិសុខអង្គការសហប្រជាជាតិបានប្រកាសដាក់ទណ្ឌកម្មជាថ្មីក៏ដោយក៏កូរ៉េខាងជើងបានគំរាមថា ខ្លួននឹងបាញ់អាវុធនុយក្លេអ៊ែរជាលើកទី៣ របស់ខ្លួនដែលបញ្ហានេះ កាន់តែធ្វើឲ្យជប៉ុនដែលធ្លាប់ត្រូវបានកូរ៉េខាងជើងបំពានយ៉ាងដូច្នោះ មិនអាចនៅស្ងៀមបានទៀតនោះទេ។
កាលពីថ្ងៃអាទិត្យ លោក គីម ជុងអ៊ុនប្រធានាធិបតីវ័យក្មេងរបស់ប្រទេសកូរ៉េខាងជើងបានកោះហៅមន្ត្រីសំខាន់ៗរបស់ខ្លួនដើម្បីចាត់វិធានតបទៅនឹងទណ្ឌកម្មរបស់អន្តរជាតិ ហើយមេដឹកនាំវ័យក្មេងរូបនោះក៏បានប្រកាសជាថ្មីថា នឹងបាញ់អាវុធនុយក្លេអ៊ែរលើកទី៣នៅពេលឆាប់ៗនេះ។ នាពេលកន្លងមក អាមេរិក នឹងកូរ៉េខាងត្បូងត្រូវបានកូរ៉េខាងជើងគំរាមចំៗផងដែរ។
ទាក់ទងនឹងបញ្ហានេះដែរ សារព័ត៌មានរបស់ចិនបានចុះផ្សាយកាលពីថ្ងៃអាទិត្យថា រដ្ឋាភិបាលទីក្រុងប៉េកាំង នឹងមិនមានភាពស្ទាក់ស្ទើរនោះឡើយក្នុងការកាត់បន្ថយជំនួយដល់កូរ៉េខាងជើង ប្រសិនបើប្រទេសនេះនូវតែជំនះបាញ់អាវុធនុយក្លេអ៊ែរទៀតនោះ។
ជាមួយគ្នានេះដែរ ប្រទេសកូរ៉េខាងជើងក៍បានគំរាមធ្វើសង្គ្រាមជាមួយនឹងប្រទេសកូរ៉េខាងត្បូងផងដែរ ប្រសិនបើប្រទេសនេះចូលរួមប្រជុំដាក់ទណ្ឌកម្មជាថ្មីប្រឆាំងនឹងប្រទេសរបស់ខ្លួន៕(ដោយៈអ៊ុន រស្មី)
បន្ទាប់ពីទទួលការវះកាត់ជំងឺមហារីក និងថែទាំងយ៉ាងដិតដល់បំផុតលោកប្រធានាធិបតីវេណេស៊ុយអេឡា លោកហ៊ូហ្គោ ចាវែស បានធូរស្បើយគ្រាន់បន្តិចហើយពីជំងឺរបស់លោក។
នេះបើតាមការលើកឡើងរបស់ រដ្ឋមន្ត្រីក្រសួង ព័ត៌មាន អឺណេស្តូ វីលឡេហ្គាស កាលពីថ្ងៃអាទិត្យ។ លោក វីលឡេហ្គាសបានប្រាប់អ្នកកាសែតនៅពេលដែលលោក ចូលរួមកិច្ចប្រជុំកំពូលអាមេរិកឡាទីន-អឺរ៉ុប នៅទីក្រុងសាន់ទីអាហ្គោ ប្រទេសស៊ីលី។
ប៉ុន្តែនៅមិនទាន់អាចបញ្ជាក់ការចូលមកកាន់តំណែងជាប្រធានាធិបតីឡើងវិញនៅឡើយទេ ខណះដែលប្រទេសមួយនេះបានទទួលពាក្យរិះគន់ពីភាពមិនច្បាស់លាស់នៃនយោបាយ។
លោកស្រី អ៊ុង សានស៊ូជី មេដឹកនាំបក្សប្រឆាំងរបស់មីយ៉ាន់ម៉ា បានបង្ហាញ់ពីជំនឿថា អំណាចយោធាក្នុងប្រទេសនេះនឹងគាំទ្រឲ្យមានការកែប្រែរដ្ឋធម្មនុញ្ញដែលជាផ្លូវតែមួយគត់អនុញ្ញាត្តិឲ្យលោកស្រីអាចក្លាយទៅជាប្រធានាធិបតីបាន។
គួរបញ្ជាក់ថា រដ្ឋធម្មនុញ្ញរបស់មីយ៉ាន់ម៉ាបានហាមមិនឲ្យបុគ្គលណាមួយក្លាយជាប្រធានាធិបតីឡើយ ប្រសិនបើបុគ្គលនោះមានការផ្សារសាច់ឈាមជាមួយនឹងជនបរទេស។ ខ្ញុំគិតថា ក្រុមយោធាដែលមានអសនៈក្នុងសភាច្រើន នឹងពេញចិត្តឃើញប្រទេសមីយ៉ាន់ម៉ា មិនមានការទាស់ទែគ្នា នឹងកានតែមានភាពតែរឹងមុំាឡើង។
នេះជាសំដីរបស់លោកស្រី អ៊ុង សានស៊ូជី មេដឹកនាំបក្សប្រឆាំងរបស់មីយ៉ាន់ម៉ា និងជាម្ចាស់ពាន់រង្វានណូប៊ែលសន្តិភាពពិភពលោកដោយបានបង្ហាញ់ពីសុទិដ្ឋិនិយមចំពោះក្រុមយោធាក្នុងការកែប្រែរដ្ឋធម្មនុញ្ញ ដែលការរារាំងលោកស្រីមិនឲ្យក្លាយជាប្រធានាធិបតីមីយ៉ាន់ម៉ា បើទោះបីលោកស្រីធ្លាប់ស្ថិតក្រោមការឃុំឃុំាងរបស់ពួកយោធាអស់រយៈពេល១៥ឆ្នាំក៏ដោយ។
លោកស្រីអ៊ុង សានស៊ូជីមានប្តីជាជនជាតិអង់គ្លេស ហើយមានកូនចំនួន២នាក់ ដែលប្រការនេះ គឺជាឧបសគ្គដ៏ធំមួយដើម្បីក្លាយជាប្រធានាធិបតីមីយ៉ាន់ម៉ាព្រោះថា រដ្ឋធម្មនុញ្ញរបស់មីយ៉ាន់ម៉ាបានហាមមិនឲ្យបុគ្កលណាជាប់សាច់ញាច់ឈាមជាជនបរទេសក្លាយជាប្រធានាធិបតីឡើយ។
ដូច្នេះលោកស្រីអ៊ុង សានស៊ូជី ត្រូវការគាំទ្រពូកយោធាដើម្បីកែប្រែរដ្ឋធម្មនុញ្ញ។ មេដឹកនាំបក្សប្រឆាំងមីយ៉ាន់ម៉ារូបនេះបានបញ្ជាក់ថា រដ្ឋធម្មនុញ្ញរបស់មីយ៉ាន់ម៉ានៅមិនទាន់មានលក្ខណៈប្រជាធិបតេយ្យនៅឡើយ ព្រោះវាត្រូវបានបង្កើតឡើយដើម្បីរក្សាផលប្រយោជន៏មនុស្សមួយក្រុមប៉ុណ្ណោះក្នុងការឈរនៅតំណែងជាប្រធានាធិបតីនេះ។
កាលពីលោក ថេនសេនប្រធានាធិបតីមីយ៉ាន់ម៉ាទៅបំពេញទស្សនកិច្ចនៅអាមេរិក កាលពីឆ្នាំ ២០១២ លោក ក៏បានកោតសរសើរយ៉ាងខ្លាំងចំពោះលោកស្រី អ៊ុង សានស៊ូជីយ៉ាងច្រើនផងដែរ ដោយបង្ហាញ់ពីជំហរមិនជំទាស់ទៅនឹងលោកស្រី អ៊ុង សានស៊ូជីក្នុងការកាន់តំណែងជាប្រធានាធិបតីទេ ពោលគឺឲ្យតែប្រជាជនជាអ្នកគាំទ្រ៕(ដោយ អ៊ុន រស្មី)
មេដឹកនាំកំពូលរបស់កូរ៉េខាងជើងគឺលោក គីម ជុងអ៊ុនបានគំរាមអំពីគម្រោងបាញ់អាវុធនុយក្លេអ៊ែរលោកទី៣របស់ខ្លួនជាថ្មី ដើម្បីប្រឆាំងទៅនឹងការដាក់ទណ្ឌកម្មរបស់ក្រុមព្រឹក្សាសន្តិសុខនៃអង្គការសហប្រជាជាតិ។
នេះបើយោងតាម ការចុះផ្សាយរបស់សារព័ត៌មានកូរ៉េខាងជើងនៅថ្ងៃអាទិត្យ។ នាពេលកន្លងមកកូរ៉េខាងជើងធ្លាប់បានគំរាមខ្លាំងៗទៅលើអាមេរិកនឹងកូរ៉េខាងត្បូងរួចទៅហើយទាក់ទងនឹងបញ្ហានេះ។
ការថ្លែងយ៉ាងមុំារបស់លោក គីម ជុងអ៊ុនដើម្បីប្រឆាំងទៅនឹងអន្តរជាតិដោយប្រកាសបាញ់អាវុធនុយក្លេអ៊ែរលើកទី៣យ៉ាងដូច្នោះ គឺធ្វើឡើងក្នុងកិច្ចប្រជុំមួយជាមួយនឹងមន្ត្រីសន្តិសុខសំខាន់ៗរបស់កូរ៉េខាងជើងដើម្បីពិភាក្សាអំពីរការចាត់វិធានការផ្សេងៗឆ្លើយតបនឹងទណ្ឌកម្មអន្តរជាតិ។
ក្នុងនោះលោកគីម ជុងអ៊ុន បាននិយាយថា នឹងធ្វើគ្រប់បែបយ៉ាងដើម្បីការពារដែនដីពីការរំលោភណាមួយ។ សូមបញ្ជាក់ថា ទណ្ឌកម្មរបស់ក្រុមព្រឹក្សាសន្តិសុខនៃអង្គការសហប្រជាជាតិក្រោមការជំរុញយ៉ាងសកម្មពីសំណាក់អាមេរិកនេះ ត្រូវបានប្រទេសកូរ៉េខាងជើងចាត់ទុកថា គឺជាការប្រកាសសង្គ្រាមដ៏ធំមួយហើយថា ក៏ជាការបង្ករនូវបញ្ហាដ៏ធំមួយសម្រាប់ឧបទ្វិកូរ៉េផងដែរ។
នាពេលថ្មីៗនេះ ក្រុមព្រឹក្សាសន្តិសុខនៃអង្គការសហប្រជាជាតិបានធ្វើការសម្រេចដាក់ទណ្ឌកម្មលើប្រទេសកូរ៉េខាងជើងចំពោះការបំពានបាញ់គ្រាប់រ៉ុក្តែតកាលពីថ្ងៃទី ១២ធ្នូរឆ្នាំ២០១២។ កូរ៉េខាងជើងតែងតែបដិសេធថា ការបាញ់គ្រាប់រ៉ុក្តែតរបស់ខ្លួននោះគឺធ្វើឡើងមិនមែនដើម្បីគំរាមដល់សន្តិសុខពិភពលោកទេ តែគឺគ្រាន់តែធ្វើឡើងក្នុងន័យសន្តិភាពប៉ុណ្ណោះ។
ទណ្ឌកម្មលើកូរ៉េខាងជើងមិនបានធ្វើឲ្យប្រទេសមួយនេះមានការកោតក្រែងឡើយតែផ្ទុយទៅវិញរឹតតែធ្វើឲ្យប្រទេសនេះកាន់តែផ្គើនខ្លាំងថែមទៀត ដែលបញ្ហានេះបានធ្វើឲ្យអន្តរជាតិ ជាពិសេសអាមេរិក កូរ៉េខាងត្បូង និង ជប៉ុនជាដើមមានការព្រួយបារម្មណ៏យ៉ាងខ្លាំងព្រោះថា ប្រទេសទាំងនេះតែងតែមានភាពតានតឹងខ្លាំងជាមួយនឹងកូរ៉េខាងជើង។
អាមេរិកតែងតែចំអកឲ្យកូរ៉េខាងជើងទាក់ទនងនឹងការដំឡើងខ្លួនយ៉ាងខ្លាំងក្នុងការប្រឆាំងនឹងអន្តរជាតិនេះថា គួរតែរកវិធីដើម្បីដោះស្រាយបញ្ហាអត់ឃ្លានរបស់ប្រជាជន ជាជាងការប្រឆាំងនឹងអន្តរជាតិ៕(ដោយ អ៊ុន រស្មី)
ការប្រយុទ្ធក្នុងសមរភូមិនៃប្រទេសម៉ាលីបានឡើងកម្តៅយ៉ាងខ្លាំង បន្ទាប់ពីកងទ័ពបារាំងចូលអន្តរាគមន៍អស់រយៈពេលពីរសប្តាហ៍កន្លងទៅនេះ ដោយបាយបើកការវាយប្រហារទាំងជើងគោក និងជើងងអាកាសយ៉ាងសន្ធប់ទៅលើពួកសកម្មប្រយុទ្ធដែលគាំទ្រដោយពួកភេវរជនអាល់កៃដា។
ភាពបរាជ័យបានធ្លាក់ទៅលើពួកឧទ្ទាមជាបន្តបន្ទាប់ ដោយទឹកដីមួយភាគធំនៅភាគខាងជើងធ្លាប់តែកាន់កាប់ត្រូវយោធាម៉ាលី និងយោធាបារាំងដណ្តើមយកបានវិញខ្លះ ។ ការដណ្តើមបានមកវិញជាថ្មីទៀតនេះ គឺទីក្រុងHombori ដែលស្ថិតនៅភាគខាងជើងប្រទេសម៉ាលី។
ផ្ទៃដីទីក្រុងHombori លាតសន្ធឹងប្រហែល ១៦០គីឡូម៉េត្រ ចាប់ពីតំបន់ការពារនៃរដ្ឋ ធានីGao ដែលត្រូវបានពួកភេវរជនអ៊ិស្លាមប្រដាប់អាវុធត្រួតត្រាចាប់តាំងពីដើមឆ្នាំ ២០១២មក។ កាលពីពេលថ្មីៗនេះយន្តហោះចម្បាំងរបស់បារាំងបានទម្លាក់គ្រាប់ធន់ធ្ងន់ៗ ចំមូលដ្ឋានពួកភេវរជនទាំងនោះ ដែលនៅក្បែររដ្ឋធានីGao។
ប៉ុន្តែយ៉ាងណាក្តីសេចក្តីរាយការណ៍មួយបានឲ្យដឹងផងដែរថា ពួកសកម្មប្រយុទ្ធដែលស្និតនឹងពួកអាលកៃដាទាំងនោះ ក៏បានបាញ់តបវិញដែរ ថែមទាំងបានបាញ់បំបាក់ស្ពានដែលស្ថិតនៅក្បែរព្រំដែនប្រទេស Niger ភាគខាងកើតប្រទេ សម៉ាលីផងដែរ ដើម្បីរារាំងការវាយលុកពីសំណាក់យោធាបារាំង ដល់ទីតាំងរបស់ពួកគេតែម្តង។
បើទោះបីជាយ៉ាងណាក្តី លោក Ibrahim Ag Idbaltanate អតីតតំណាងរដ្ឋសភាពក្នុងប្រទេសម៉ាលី បាននិយាយថា ស្ពានដែលត្រូវបាញ់បំបាក់នោះ មិនមែនមានផ្លូវតែមួយនោះ ប៉ុណ្ណោះទេដែលអាចឆ្លងកាត់ជ្រោះជ្រៅសន្លឹមនោះបាន គឺនៅមានផ្លូវផ្សេងជាច្រើនទៀត។
កងកម្លាំងដែលបញ្ជួនមកពីប្រទេសឆាត និងណិហ្គឺ ត្រូវបានគេរំពឹងថា នឹងប្រើប្រាស់ផ្លូវ ដើម្បីវាយប្រឆាំងពួកសកម្មប្រយុទ្ធទាំងនោះ។ ប្រទេសបីទៅបួនក្នុងអាហ្វ្រិកបានសន្យាថានឹងបញ្ជួនយោធារបស់ខ្លួនបន្ថែមទៀត ដើម្បីជួយកងកម្លាំងរដ្ឋាភិបាលម៉ាលីក្នុងការដណ្តើមទឹកដីភាគខាងជើងមួយភាគធំដែលកំពុងស្ថិននៅក្នុងកណ្តាប់ដៃរបស់ពួកឧទ្ទាមមកត្រួតត្រាឡើងវិញ។
កាលពីថ្ងៃសក្រុម្សិលមិញនេះសហភាពអាហ្វ្រិបានស្នើសុំក្រុមប្រឹក្សាអង្គការសហប្រជាជាតិប្រញាប់ប្រើអាជ្ងាដើម្បីបញ្ជួនយោធាពិសេសចំនួន៦ពាន់នាក់ជួយអន្តរាគមន៍ក្នុងប្រទេសម៉ាលី៕(អត្ថបទៈថា ថៃ)
រដ្ឋាភិបាលទីក្រុងមូស្គូកាលពីថ្ងៃព្រហស្បតិ៍ បានបង្ហាញនូវការខកចិត្ត និងសោកស្តាយយ៉ាងខ្លាំងចំពោះប្រទេសកូរ៉េខាងជើង ដែលបានបដិសេធមិនចូលរួមក្នុងកិច្ចចរចា ៦ ភាគីទាក់ទង នឹងបញ្ហាអាវុធនុយក្លែអ៊ែរនៅឧបទ្វីបកូរ៉េ។
លោក ហ្គិនណាឌីហ្គាទីឡូវអនុរដ្ឋមន្ត្រីការបរទេសរុស្ស៊ីបាននិយាយថា រដ្ឋាភិបាលទីក្រុងមូស្គូសូមអំពាវនាវឲ្យមានការបន្តដំណើរការនៃកិច្ចចរចារវាង កូរ៉េខាងជើងនិងគ្រប់ប្រទេសអន្តរជាតិផ្សេងទៀត។
លោកអនុរដ្ឋមន្ត្រីក្រសួងការបរទេសបានបន្ថែមថារដ្ឋាភិបាលរុស្ស៊ីគាំទ្រចំពោះដំណោះស្រាយរបស់អង្គការសហប្រជាជាតិ និងទទូចឲ្យរដ្ឋាភិបាលទីក្រុងព្យុងយ៉ាងអនុវត្តតាមសហគមន៍អន្តរជាតិផងដែរ។
ដោយឡែក កាលពីថ្ងៃព្រហស្បតិ៍ ប្រទេសចិនដែលជាសម្ព័ន្ធមិត្តចាក់ទឹកមិនលិចរបស់កូរ៉េខាងជើងតែបែជាបោះឆ្នោតគាំទ្រការបន្ថែមទណ្ឌកម្មលើក្រុងព្យុងយ៉ាង កាលពីថ្ងៃអង្គារដែរនោះបានប្រកាសអំពាវនាវឲ្យគ្រប់ភាគីទាំងអស់មានការអត់ធ្មត់កុំឲ្យធ្វើអ្វីដែលនាំឲ្យស្ថានភាពកាន់តែតានតឹងខ្លាំងជាងនេះទៅទៀត។
ចិនក៏បានអំពាវនាវផងដែរឲ្យចាប់បើកធ្វើឡើងវិញនូវការចរចា ៦ភាគីដែលរួមមាន ចិន សហរដ្ឋអាមេរិក រុស្ស៊ី ជប៉ុន កូរ៉េខាងត្បូងនិងកូរ៉េខាងជើង។
កិច្ចចរចាដែលត្រូវជាប់គាំងតាំងពីខែមេសា ឆ្នាំ២០០៩ ក្រោយពេលកូរ៉េខាងជើងបានបាញ់សាកល្បងអាវុធនុយក្លេអ៊ែរជាលើកទី២កាលពីចុងឆ្នាំ២០១២កន្លងទៅនេះ៕(ដោយៈជា ធីរិទ្ធ)
អ្នកតំណាងមេដឹកនាំថ្មីរបស់ជប៉ុនបានចូលជូបពិភាក្សាជាមួយនឹងលោកស៊ី ជីងពីង មេដឹកនាំរបស់ចិនក្នុងទីក្រុងប៉េកាំងនៅថ្ងៃសុក្រនេះទាក់ទងនឹងបញ្ហាជម្លោះដែនកោះដ៏រុំារ៉ៃរវាងប្រទេសទាំងពីរ។ បើទោះបីជាគ្មានលទ្ធផលជាដុំកំភូនមែន តែយ៉ាងណាក៍ដោយ ភាគីទាំងពីរបានយល់ព្រមបន្តពិភាក្សាដើម្បីស្វែងរកដោះស្រាយបញ្ហាដ៏តានតឹងនេះជាបន្តទៀត។
លោក Natsuo Yamaguchi ដែលជាអ្នកតំណាងពិសេសជប៉ុន បាននាំយកនូវសំបុត្ររបស់លោក Shinzo Abeនាយករដ្ឋមន្ត្រីជប៉ុនទៅឲ្យលោក Xi Jinping មេដឹកនាំចិនដើម្បីពិភាក្សាអំពីភាពតានតឹងរវាងប្រទេសជិតខាងទាំងពីរ។ ជំនួបពិភាក្សារវាងភាគីទាំងពីរគឺធ្វើឡើងក្នុងស្ថានភាពដែលប្រទេសចិន នឹងជប៉ុនកំពុងតែប្រឈមមុខដាក់គ្នាយ៉ាងខ្លាំងទាក់ទងនឹងជម្លោះដែនកោះនៅសមុទ្រចិនខាងកើត។
លោក Xi Jinping មេដឹកនាំថ្មីរបស់ចិនក៏បានជំរុញឲ្យជប៉ុនខិតខំសហការជាមួយនឹងប្រទេសចិន ដើម្បីដោះស្រាយវិបត្តិដ៏ធ្ងន់ធ្ងរនេះ។ នាពេលកន្លងមកអ្នកនាំពាក្យរបស់ក្រសួងការបរទេសចិនក៏ធ្លាប់បានប្រកាសពីជំហររបស់ចិនក្នុងការបន្ធូរបន្ថយភាពតានតឹងជាមួយជប៉ុនតាមរយៈកិច្ចចចារផងដែរ ក្រោយពេលមេដឹកនាំថ្មីរបស់ជប៉ុនបានឡើងកាន់អំណាច។
ប៉ុន្តែយ៉ាងណាក៏ដោយចិនតែងតែបញ្ជូននាវា និង យន្តហោះរបស់ខ្លួនទៅកាន់ទីមានជម្លោះនោះជាញឹកញាប់ដែលជាហេតុនាំឲ្យភាពតានតឹងមិនអាចថមថយបានដោយងាយ។
កាលពីពេលថ្មីៗនេះអាមេរិកដែលគេស្គាល់ថា ជាសម្ព័នមិត្តរបស់ជប៉ុនបានប្រកាសថា ខ្លួននឹងប្រឆាំងចំពោះសកម្មភាពណាមួយដែលបំពានដល់ការគ្រប់គ្រង់របស់ជប៉ុន។ ការអះអាងយ៉ាងដូច្នោះហើយ បានធ្វើឲ្យចិនប្រត្តិកម្មយ៉ាងខ្លាំងចំពោះអាមេរិកហើយព្រមានឲ្យអាមេរិកចេះគិតគូរឡើងវិញដើម្បីកុំឲ្យមានបញ្ហាកាន់តែធំជាមួយនឹងខ្លួន។
គួរបញ្ជាក់ថា ទំនាស់រវាងជប៉ុន និង ចិនទាក់ទងនឹងជម្លោះដែនកោះនៅសមុទ្រចិនខាងកើតបានកក្រើកខ្លាំងឡើងចាប់តាំងពីពេលដែលរដ្ឋាភិបាលជប៉ុនបានប្រកាសទិញកោះនោះពីដៃឯកជនកាលពីខែកញ្ញា ឆ្នាំ២០១២។ ប្រការនេះបានធ្វើឲ្យប្រជាជនក្នុងប្រទេសតៃវ៉ាន់និងចិនប្រឆាំងយ៉ាងខ្លាំង៕(ដោយ អ៊ុន រស្មី)
រដ្ឋាភិបាលបារាំងបានប្រកាសថា ប្រទេសខ្លួននឹងធ្វើជាម្ចាស់ផ្ទះក្នុងកិច្ចប្រជុំអន្តរជាតិគាំទ្រក្រុមឧទ្ទាមស៊ីរី ដែលមានក្រុមតំណាងមកពី៥០ប្រទេស និងអង្គការមួយចំនួន នៅថ្ងៃចន្ទសប្តាហ៍ក្រោយក្នុងទីក្រុងប៉ារីស។
ការប្រជុំនេះធ្វើឡើង ដើម្បីបញ្ជាក់ពីការគាំទ្ររបស់ពួកគេចំពោះក្រុមប្រឆាំងនៅស៊ីរី។ នេះបើតាមការថ្លែងរបស់ មន្ត្រីក្រសួងការបរទេសបារាំងដែលបាននិយាយនៅក្នុងសេចក្តីថ្លែងមួយកាលពី ថ្ងៃព្រហស្បតិ៍ ទី២៤ ខែមករាម្សិលម៉ិញនេះ។
គួរបញ្ជាក់ផងដែរថា ពាក់ព័ន្ធនឹងវិបត្តិសង្គ្រៀមស៊ីវិលនៅក្នុងប្រទេសស៊ីរី អស់រយៈពេលជាង២២ ខែមកនេះប្រទេសបារាំងជាភាគីពាក់ព័ន្ធដំបូងហើយដែលបានទទួលស្គាល់ការបង្រួបបង្រួមរបស់ក្រុមប្រឆាំងស៊ីរី និង គាំទ្រក្រុមឧទ្ទាមស៊ីរីក្នុងការប្រយុទ្ធប្រឆាំង ដើម្បីផ្តួលរំលំប្រធានាធិបតីក្រាញអំណាចបាស្សា អាល់ អាហ្សាដ៕
កូរ៉េខាងជើងនៅថ្ងៃសុក្រនេះបានព្រមានកូរ៉េខាងត្បូងទាក់ទងនឹង ការគាំទ្រឲ្យមានទណ្ឌកម្មលើប្រទេសរបស់ខ្លួន។ ការព្រមានបែបនេះ គឺធ្វើឡើងក្រោយពីកូរ៉េខាងជើងបានប្រកាសជាផ្លូវការថា នឹងបាញ់អាវុធនុយក្លេអ៊ែរលើកទី៣របស់ខ្លួននាពេលឆាប់ៗនេះ និងក្រោយពេលដែលក្រុមប្រឹក្សាសន្តិសុខអង្គការសហប្រជាជាតិបានសម្រេច ដាក់ទណ្ឌកម្មយ៉ាងចាស់ដៃរនោះ។
មួយថ្ងៃប៉ុណ្ណោះបន្ទាប់ពីរ កូរ៉េខាងជើងបានប្រកាសពីគម្រោងបាញ់អាវុធនុយក្លេអ៊ែរកំរិតខ្ពស់ ហើយមានគោលដៅប្រឆាំងនឹងអាមេរិកនោះ ប្រទេសឯកកោមួយនេះក៏បានបន្តគំរាមប្រទេសដទៃទៀត គឺកូរ៉េខាងត្បូងដែលជាបងប្អូននិងជាសត្រូវនឹងគ្នា។ កូរ៉េខាងជើងបានបញ្ជាក់ថា ខ្លួននឹងមិនបន្ធូរដៃទៀតឡើយ ប្រសិនបើកូរ៉េខាងត្បូងចូលរួមជាមួយនឹងក្រុមព្រឹក្សាសន្តិសុខក្នុង ការដាក់ទណ្ឌកម្មលើប្រទេសរបស់ខ្លួន។
គួរបញ្ជាក់ថា ទាំងអាមេរិក និង កូរ៉េខាងត្បូងគឺជាសម្ព័នមិត្តដ៏ស្និតជាមួយគ្នា ហើយក៏ជាប្រទេសដែលកូរ៉េខាងជើងបានចោទប្រកាន់ថា ជាប្រទេសតែងតែលូកដៃចូលក្នុងគោលនយោបាយផ្ទៃក្នុងរបស់ខ្លួនជានិច្ច ផងដែរ។
អនាគត់មេដឹកនាំកូរ៉េខាងត្បូងគឺលោកស្រី Park Geun-Hyeទើបតែទទួលបានជ័យជំនះដែលនឹងត្រូវចូលកាន់តំណែងជាផ្លូវការ នៅថ្ងៃទី២៣គុម្ភះខាងមុខក៏បានប្រកាសផងដែរថា រដ្ឋាភិបាលថ្មីរបស់លោកស្រី នឹងធ្វើយ៉ាងណាដើម្បីបន្ធូរបន្ថយភាពតានតឹងជាមួយនឹងកូរ៉េខាងជើង បន្ទាប់ពីភាពតានឹងបានផ្ទុះឡើងយ៉ាងខ្លាំងក្រោមរបបដឹកនាំរបស់លោក Lee Myung-Bak ប្រធានាធិបតីជិតផុតអណត្តិ។
ប៉ុន្តែបើទោះបីជា លោកស្រី Park Geun-Hye បង្ហាញ់ពីជំហរបែបនេះក៏ដោយការកាត់បន្ថយភាពតានតឹងពិតជារឿងដ៏លំដាក មួយព្រោះថា កូរ៉េខាងជើងបានប្រកាស ដោយមិនកោតក្រែងថាខ្លួននឹងបាញ់សាកល្បងអាវុធនុយក្លេអ៊ែរលើកទី៣ មែននោះ៕(ដោយ អ៊ុន រស្មី)
ប្រទេសថៃ បានអះអាងថា ទោះបីជាភាគថៃចាញ់ ឬឈ្នះក្តីថៃចាំបាច់ត្រូវគោរពតាមសេចក្តីសម្រេចរបស់តុលាការអន្តរជាតិ ដែលហៅ កាត់ថា ICJ ព្រោះប្រទេសថៃជាសមាជិករបស់អង្គការសហប្រជាជាតិ។
អនុរដ្ឋលេខាធិការក្រសួងការបរទេសថៃលោកណាត្ថាវុធ ភោធិសារ៉ូ បានថ្លែងថា ភាគីថៃបានរៀបចំឯកសារ និង ភស្តុងតាងជាច្រើននិងត្រៀមខ្លួនឆ្លើយបំភ្លឺផ្ទាល់មាត់រួចរាល់ហើយជុំវិញរឿងប្រាសាទព្រះវិហារនៅសវនការរបស់ ICJ នៅថៃ្ងទី ១៥ ខែមេសា ខាងមុខនេះ។
អនុរដ្ឋលេខាធិការក្រសួងការបរទេសថៃរូបនេះ បានបញ្ជាក់ថា ភាគីថៃនឹងដឹកនាំក្រុមការងារប្រាសាទព្រះវិហារ ទៅកាន់ទីក្រុងឡុងដ៍ប្រទេសអង់គ្លេសនាអំឡុងថ្ងៃទី ៨-៩ ខែកុម្ភៈខាងមុខ ដើម្បីពិភាក្សាជាមួយក្រុមប្រឹក្សាអ្នកច្បាប់។
ថ្លែងនៅក្នុងសន្និសិទសារព័ត៌មានមួយ លោក Sergei Lavrov រដ្ឋមន្ត្រីការបរទេសរុស្ស៊ីបាននិយាយថា គំនិតប្រកបដោយភាពគ្រោះថ្នាក់របស់អ៊ីស្រាអ៊ែល និង ប្រទេសលោកខាងលិចដែលប៉ុនប៉ងបញ្ឈប់អ៊ីរ៉ង់មិនឲ្យផលិតអាវុធនុយក្លេអ៊ែរតាមរយៈការប្រើកម្លាំងយោធាដើម្បីវាយប្រហារនោះ នឹងមិនអាចកើតឡើងទៅរួចនោះទេ ព្រោះវានឹងបង្កជាបញ្ហាជាច្រើន។
ក្នុងនោះដែរ ប្រមុខការទូតរុស៊ីរូបនេះក៏បានជំរុញប្រទេសអ៊ីរ៉ង់ប្រញាប់សហការ ដោយការអនុញ្ញាតិឲ្យមានការត្រូតពិនិត្យលើកម្មវិធីនុយក្លេអ៊ែររបស់ខ្លួនផងដែរ ដើម្បីបញ្ចប់បញ្ហា។
កន្លងទៅលោក Benjamin Netanyahu នាយករដ្ឋមន្ត្រីរបស់អ៊ីស្រាអ៊ែលដែលទើបតែទទួលបានជ័យជំនះក្នុងការបោះឆ្នោតអណត្តិថ្មីម្តងទៀតនោះធ្លាប់បានបញ្ជាក់ថា នឹងប្រើប្រាស់នូវកម្លាំងយោធាដើម្បីបញ្ឈប់អ៊ីរ៉ងពីការបន្តកម្មវិធីនុយក្លេអ៊ែរនោះ។
ហើយកាលពីថ្ងៃពុធកន្លងទៅនេះដែរ លោក Benjamin Netanyahu ក៏បានថ្លែងសន្ទរកថាក្នុងពិធីអបអរសាទជ័យជំនះរបស់ខ្លួន ដោយបានសង្កត់ធ្ងន់ទៅលើកម្មវិធីនុយក្លេអ៊ែររបស់អ៊ីរ៉ង់ថាការរារាំងមិនឲ្យរដ្ឋអ៊ីស្លាមមួយនេះសម្រេចនូវកម្មវិធីនុយក្លេអ៊ែរគឺជារឿងដ៏សំខាន់បំផុតសម្រាប់រដ្ឋាភិបាលអណត្តិថ្មីរបស់លោក។
នាពេលកន្លងមកកិច្ចពិភាក្សាជាច្រើនដែលរៀបចំដោយប្រទេសមហាអំណាចទាំង៥បូក១ ឬហៅថា P5+1 ជាមួយនឹងប្រទេសអ៊ីរ៉ងនោះតែងតែបរាជ័យជានិច្ច។ តែយ៉ាងណាក៏ដោយប្រទេសមហាអំណាចទាំងនេះនៅតែបន្តចចារជាមួយនឹងអ៊ីរ៉ង់ដើម្បីស្វែងរកដំណោះស្រាយ។
គួរបញ្ជាក់ថា ប្រទេសមហាអំណាចពិភពលោក បានចោទប្រកាន់ប្រទេសអ៊ីរ៉ង់ថា កំពុងចំរាញ់សារធាតុអ៊ុយរ៉ាញ៉ូមយ៉ាងច្រើនដើម្បីផលិតអាវុធនុយក្លេអ៊ែរដែលនាំឲ្យមានភាពអសន្តិសុខកើតឡើងលើពិភពលោក។
តែទោះបីជាយ៉ាងណាក៏ដោយ រដ្ឋអ៊ីស្លាមមួយនេះតែងតែច្រានចោលចំពោះការចោទប្រកាន់ទាំងនោះដោយតបទៅវិញថា ការចំរាញ់សារធាតុអ៊ុយរ៉ាញ៉ូមយ៉ាងច្រើននេះគឺធ្វើឡើងក្នុងន័យសន្តិភាពប៉ុណ្ណោះ។
អន្តរជាតិក៏បានទាមទាត្រូតពិនិត្យដោយផ្ទាល់លើកម្មវិធីនុយក្លេអ៊ែរអ៊ីរ៉ងផងដែរ ដើម្បីបញ្ជាក់ថា អ៊ីរ៉ងពិតជាមិនមានបំណងគំរាមកំហែងពិភពលោកដូចការអះអាងរបស់ខ្លួនតែការទាមទាត្រូតពិនិត្យនេះត្រូវបានអ៊ីរ៉ង់បដិសេធជានិច្ច៕(ដោយអ៊ុន រស្មី)
កូរ៉េខាងជើងនៅថ្ងៃព្រហស្បត៍នេះបានប្រកាសថា ខ្លួននឹងធ្វើការបាញ់សាកល្បងអាវុធនុយក្លេអ៊ែរ និងគ្រាប់រ៉ុក្តែតបន្ថែមទៀតដែលមានគោលដៅវាយប្រហាទៅកាន់អាមេរិកដែលជាសត្រូវរបស់ខ្លួន ដើម្បីឆ្លើយតបទៅនឹងទណ្ឌកម្មដែលក្រុមព្រឹក្សាសន្តិសុខអង្គការសហប្រជាជាតិបានដាក់មកលើខ្លួននាពេលថ្មីៗនេះ។
ប៉ុន្តែយ៉ាងណាក៏ដោយគេមិនទាន់ដឹងថាកូរ៉េខាងជើងនឹងធ្វើការបាញ់នៅពេលណាឲ្យច្បាស់លាស់ទេ។ យើងនឹងមិនលាក់ទុកនូវគ្រាប់រ៉ុក្តែតរយៈចម្ងាយឆ្ងាយទៀតនោះទេ ពោលគឺយើងនឹងបន្តបាញ់សាកល្បងឆាប់ៗ។
ក្នុងនោះដែរ ក៏មានការសាកល្បងនុយក្លេអ៊ែរកំរិតខ្ពស់ដែលនឹងត្រូវសំដៅទៅកាន់អាមេរិកតែម្តងដែលជាសត្រូវដ៏ធំមួយ។ នេះបើតាមសេចក្តីថ្លែងការណ៏របស់គណៈកម្មាធិការការពារជាតិកូរ៉េខាងជើង។
ក្នុងសេចក្តីថ្លែងការណ៏ដដែលនោះក៏បានបញ្ជាក់ទៀតថា កូរ៉េខាងជើងនឹងប្រឈមមុខគ្រប់បែបយ៉ាងដើម្បីការពារដែនដី និង ជាតិសាសន៏របស់ខ្លួន។
ការប្រកាសយ៉ាងពេញទំហឹងថា អាមេរិកជាមហាសត្រូវរបស់ខ្លួនយ៉ាងដូច្នោះដោយសារប្រទេសកូរ៉េខាងជើងបានមើលឃើញថា រាល់ទណ្ឌកម្មដែលកូរ៉េខាងជើងបានទទួលពីក្រុមប្រឹក្សាសន្តិសុខអង្គការសហប្រជាជាតិគឺ ធ្វើឡើងក្រោមការជំរុញយ៉ាងសកម្មរបស់អាមេរិកដើម្បីឆ្លើយតបទៅនឹងការបំពានរបស់កូរ៉េខាងជើង។
ជាក់ស្តែងទណ្ឌកម្មថ្មីដែលបានដាក់ដោយក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃអង្គារលើកូរ៉េខាងជើងនេះក៏ជាការជំរុញយ៉ាងសកម្មពីសហរដ្ឋអាមេរិកផងដែរ ហើយសូម្បីតែចិនដែលជាមិត្តរបស់កូរ៉េខាងជើងក៏ត្រូវបានអាមេរិកបញ្ចុះបញ្ចូលឲ្យយល់ព្រមដាក់ទណ្ឌកម្មប្រទេសឯកកោមួយនេះផងដែរ។
គូរបញ្ជាក់ថា បន្ទាប់ពីក្រុមប្រឹក្សាសន្តិសុខបានប្រកាសដាក់ទណ្ឌកម្មមកប្រទេសកូរ៉េខាងជើងក៏បានប្រកាសជាផ្លូវការថា ខ្លួននឹងពង្រឹងលើវិស័យការពារជាតិរបស់ខ្លួនឲ្យកាន់តែខ្លាំងខ្លាថែមទៀតមិនត្រឹមតែប៉ុណ្ណោះកូរ៉េខាងជើងក៏បដិសេធមិនចូលតុចចារលើបញ្ហាអាវុធនុយក្លេអ៊ែរក្នុងឧបទ្វិបកូរ៉េទៀតឡើយ៕(ដោយ អ៊ុន រស្មី)
ក្រុមប្រឹក្សាសន្តិសុខអង្គការសហប្រជាជាតិបានសំរេចដាក់ចេញនូវសេចក្តីសម្រេចថ្មីមួយដើម្បីដាក់ទណ្ឌកម្មលើប្រទេសកូរ៉េខាងជើងដែលបានល្មើសបាញ់គ្រាប់រ៉ុក្តែតកាលពីថ្ងៃទី១២ធ្នូរ ឆ្នាំ២០១២កន្លងមក។
សេចក្តីសម្រេចនេះគឺធ្វើឡើងតាមរយៈការបោះឆ្នោតដោយសមាជិកក្រុមប្រឹក្សាសន្តិសុខអង្គការសហប្រជាជាតិទាំង១៥ប្រទេសក្នុងនោះក៍មានប្រទេសចិនផងដែរ។
ការបោះឆ្នោតរបស់ក្រុមប្រឹក្សាសន្តិសុខអង្គការសហប្រជាជាតិទាំង១៥ប្រទេស នៅថ្ងៃពុធនេះ លើពង្រាងសេចក្តីសម្រេចសម្រាប់ដាក់ទណ្ឌថ្មីលើកូរ៉េខាងជើងបានឈានទៅដល់ការមូលមតិគ្នាជាឯកច្ឆន្ទដោយមិនមានសមាជិកណាមួយប្រឆាំងឡើយ សូម្បីតែប្រទេសចិន។
ចិនដែលជាមិត្តល្អបំផុតសម្រាប់កូរ៉េខាងជើង នាពេលកន្លងមកតែងតែចេញមុខរារាំងមិនឲ្យដាក់ទណ្ឌកម្មណាមួយលើមិត្តរបស់ខ្លួនឡើយតែលើកនេះចិនមិនបានប្រឆាំងទេ។
ទណ្ឌកម្មដែល ក្រុមព្រឹក្សាសន្តិសុខអង្គការសហប្រជាជាតិដាក់លើកូរ៉េខាងជើងនោះមានដូចជា ភ្នាក់ងាអាវកាសក្រុមហ៊ុនពាណិជ្ជកម្មមួយចំនួន និងបុក្គលដែលជាប់ពាក់ពន្ធ័នឹងកម្មវិធីនុយក្លេអ៊ែររបស់កូរ៉េខាងជើង។ លើសពីនេះទៅទៀតក្នុងទណ្ឌកម្មនេះក៏ហាមឃាត់មិនអោយមានការបញ្ជូនបច្ចេកទេសនុយក្លេអ៊ែរពីប្រទេសដទៃទៅកាន់ទីក្រុងព្យុងយ៉ាងផងដែរ។
នាពេលកន្លងមកក្រុមប្រឹក្សាសន្តិសុខអង្គការសហប្រជាជាតិក៏ធ្លាប់បានដាក់ទណ្ឌកម្មលើធនាគាធំៗចំនួន១១ ក្រុមហ៊ុនពាណិជ្ជកម្មមួយចំនួន និង ស្ថានបន័ពាក់ពន្ធ័របស់កូរ៉េខាងជើងផងដែរ។
គួរបញ្ជាក់ថា សេចក្តីសម្រេចរបស់ក្រុមព្រឹក្សាសន្តិសុខអង្គការសហប្រជាជាតិលើកនេះ គឺធ្វើឡើងដោយមានការប្រឹងប្រែងខ្លាំងពីខាងសហរដ្ឋអាមេរិក ដើម្បីឆ្លើយតបទៅនឹងការពានរបស់កូរ៉េខាងជើងដែលបំពានបាញ់គ្រាប់រ៉ុក្តែត។
ចាប់តាំងពីកូរ៉េខាងជើងបានបាញ់គ្រាប់រ៉ុក្តែតកាលពីថ្ងៃទី១២ ខែធ្នូរ ឆ្នាំ២០១២មក អាមេរិកតែងតែបញ្ចុះបញ្ចូនចិន ដើម្បីអនុញ្ញាតិឲ្យក្រុមប្រឹក្សាសន្តិសុខអាចដាក់ចេញនូវសេចក្តីសម្រេចរួមបាន។
គូរម្លឹកថា សេចក្តីសម្រេចរបស់ក្រុមព្រឹក្សាសន្តិសុខអង្គការសហប្រជាជាតិកាលពីមុនធ្លាប់ហាមដាច់ខាត់មិនឲ្យកូរ៉េខាងជើងល្មើសបាញ់សាកល្បងអាវុធណាទាក់ទងនឹងកម្មវិធីនុយក្លេអ៊ែរនោះឡើយ។
បើទោះបីជាសេចក្តីសម្រេចរបស់ក្រុមប្រឹក្សាសន្តិសុខបានដាក់ចេញជាឯកច្ឆន្ទក៏ដោយអាមេរិក និង កូរ៉េខាងត្បូងនៅតែមានការព្រួយបារម្មណ៏ខ្លាចកូរ៉េខាងជើងបង្កភាពអសន្តិសុខធ្ងន់ធ្ងរដល់ពិភពលោកដដែល ព្រោះថាប្រទេសនេះមិនខ្លាចចំពោះសម្ពាធអន្តរជាតឡើយ។
ហើយ បើទោះបីជាបច្ចេកទេសប្រទេសនេះនៅពេលនេះមានកំរិតនៅឡើយក៏ដោយតែអនាគត់ខាងមុខឆាប់ៗ កូរ៉េខាងជើងនឹងអាចអភិវឌ្ឍន៏បច្ចេកទេសរបស់ខ្លួនជាមិនខាន៕(ដោយ អ៊ុន រស្មី)
រដ្ឋាភិបាលជប៉ុនបានបញ្ជូនយន្តហោះពិសេសមួយគ្រឿង ទៅប្រទេសអាល់ហ្សេរី ដើម្បីជម្លៀសជនជាតិជប៉ុនដែលនៅរស់ពីវិបត្តិចំណាប់ខ្មាំង កាលពីសប្តាហ៍មុននៅក្នុងប្រទេសនេះ។
នេះជាលើកដំបូង ហើយដែលរដ្ឋាភិបាលជប៉ុនប្រើប្រាស់យន្តហោះពិសេស ដើម្បីជម្លៀសពលរដ្ឋខ្លួនពាក់ព័ន្ធនឹងស្ថានការណ៍សង្គ្រោះបន្ទាន់នៅក្រៅប្រទេស។
គួរបញ្ជាក់ផងដែរថា យន្តហោះពិសេសមួយគ្រឿងដែលបញ្ជូនទៅប្រទេសអាល់ហ្សេរីនោះ គឺយន្តហោះប៊ូអ៊ីង៧៤៧ ជាកម្មសិទ្ធិរបស់កងកម្លាំងស្វ័យការពារជប៉ុន ដោយជាធម្មតាយន្តហោះនេះ ប្រើសម្រាប់តែការធ្វើដំណើររបស់ព្រះចៅអធិរាជ និងនាយករដ្ឋមន្ត្រីជប៉ុន ឬប្រើបម្រុងសម្រាប់សង្គ្រោះពលរដ្ឋជប៉ុនពីគ្រោះមហន្តរាយធម្មជាតិ ឬកុប្បកម្មតែប៉ុណ្ណោះ ក្រៅពីនេះមិនដែលយកមកប្រើប្រាស់នោះទេ។
