រដ្ឋាភិបាលរបស់ចិនបានចេញមុខបកស្រាយកាលពីរថ្ងៃអង្គារកន្លងទៅចំពោះការចោទពីខាងប្រទេសវៀតណាមដែលលើកឡើងថា នាវារបស់ចិនបានបាញ់ប្រហារទៅលើទូកនាសាទរបស់វៀតណាមបណ្តាលឲ្យឆេះ។
ការបកស្រាយរបស់ចិននោះ គឺបានច្រានចោលនូវបទចោទប្រកាន់របស់វៀតណាម ហើយថា ខ្លួនគ្រាន់តែបាញ់គំរាមឡើងលើប៉ុណ្ណោះ ដើម្បីឲ្យទូកនេសាទនោះចាកចេញពីតំបន់គ្រប់គ្រងរបស់ខ្លួន។
បើតាមការអះអាងរបស់ភាគីចិន កាលពីថ្ងៃទី ២០ខែមីនាគឺពិតជាមានហេតុការណ៏ដែលទូកនេសាទ៤គ្រឿងរបស់វៀតណាមបានចូលទៅតំបន់កោះ Paracel ឬហៅជាភាសាចិនថា Xisha មែនហើយពេលនោះខ្លួនក៏បានបាញ់គំរាមឡើងលើចំនួន២ដង ដើម្បីឲ្យទូកនេសាទរបស់វៀតណាមចាក់ចេញហើយថា អ្វីៗមិនដូចការចោទប្រកាន់របស់វៀតណាម ដែលថាភាគីចិនបានបាញ់ប្រហាទៅលើទូកនេសាទនោះចំៗនោះឡើយ។
រដ្ឋាភិបាល ចិនបានបញ្ជាក់ថា វិធានការដែលចិនបានអនុវត្តន៏នាពេលនោះគឺជារឿងដ៏ចាំបាច់ ហើយក៏ស្របច្បាប់ផងដែរ។ ទាក់ទងនឹងបញ្ហានេះអ្នកនាំពាក្យរបស់ក្រសួងការបរទេសរបស់ចិន គឺលោក Hong Lei បានចាត់ទុកសកម្មភាពរបស់ទូកនេសាទវៀតណាមចូលទៅក្នុងដែនទឹកដែលស្ថិតក្រោមការគ្រាប់គ្រងរបស់ចិននោះថា ជារឿងខុសច្បាប់ ហើយថារដ្ឋាភិបាលប្រទេសវៀតណាមគួរតែចាត់វិធានការផ្សេងៗដោយធ្វើការអភិវឌ្ឍន៏នូវចំណេះដឹងនិង គ្រប់គ្រងនូវអ្នកនេសាទរបស់ខ្លួនឲ្យបានល្អ ដើម្បីកុំឲ្យពួកគេធ្វើអំពើរខុសច្បាប់បែបនោះទៀត។
គួរបញ្ជាក់ថា កាលពីថ្ងៃចន្ទកន្លងទៅរដ្ឋាភិបាលរបស់ប្រទេសវៀតណាមបានចោទប្រកាន់ទៅលើចិនថា បានបាញ់ប្រហារទៅលើទូកនេសាទរបស់ខ្លួនកាលពីថ្ងៃទី២០មីនាកន្លងទៅបណ្តាលឲ្យឆាប់ឆេះទូកនេសាទ។ បញ្ហានេះក៏បានធ្វើឲ្យប្រជាជនវៀតណាមធ្វើការតវ៉ាប្រឆាំងនឹងរដ្ឋាភិបាលយ៉ាងខ្លាំងខ្លាផងដែរ។
គួរបញ្ជាក់ថា នេះមិនមែនជាលើកទីមួយនោះទេ ដែលមានអ្នកនេសាទវៀតណាមចូលទៅក្នុងដែនទឹកដែលចិនអះអាងថាជារបស់ខ្លួននោះ ជាក់ស្តែងកាលពីថ្ងៃទី ២៤ មីនាឆ្នាំ ២០១២ អាជ្ញាធរចិនបានចាប់ទូកនេសាទវៀតណាមចំនួន២គ្រឿង ដែលមានអ្នកនេសាទសរុបចំនួន២១នាក់។
ហើយនៅពេលនោះចិនក៏បានព្រមានធ្ងន់ៗទៅលើប្រទេសវៀតណាមផងដែរ។ កោះ Paracel នៅសមុទ្រចិនខាងត្បូងនេះក៏ត្រូវបានវៀតណាមអះអាងថា ជារបស់ខ្លួនផងដែរ។ បញ្ហាទាំងអស់នេះតែងតែធ្វើឲ្យរដ្ឋាភិបាលនៃប្រទេសទាំងពីរមើលមុខគ្នាមិនចំឡើយ៕(ដោយៈអ៊ុន រស្មី )
វាជាកិច្ចចរចារជាប្រវត្តិសាស្ត្រសម្រាប់ដំណើរឆ្ពោះទៅរកស្ថេរភាព និង រក្សាសន្តិសុខក្នុងតំបន់ភាគខាងត្បូងនៃប្រទេសថៃដែលធ្វើឡើងរវាងរដ្ឋាភិបាល និង ក្រុមឧទាមអ៊ីស្លាម។ កិច្ចចរចារនេះនឹងត្រូវរៀបចំឡើងនៅក្នុងទីក្រុង Kuala Lumpur នៃប្រទេសម៉ាឡេស៊ី។
កិច្ចប្រជុំបណ្តាប្រទេសសម្ព័ន្ធអារ៉ាប់ ដែលបានបើកធ្វើឡើងនៅក្នុងប្រទេសកាតាកាលពីថ្ងៃ អង្គារដោយមានវត្តមានបណ្តាមេដឹកនាំកំពូលៗនៃរដ្ឋសម្ព័ន្ធអារ៉ាប់ទាំងអស់បានចូលរួមត្រូវបានរដ្ឋាភិបាលស៊ីរី ក្រោមការដឹកនាំដោយលោកប្រធានាធិបតី Bashar al-Assad បដិសេធចោលមិនទទួលស្គាល់នូវកិច្ចប្រជុំនេះឡើយ ដោយចោទប្រកាន់ថា នេះគឺ ជាការធ្វើអំពើភេរវកម្មមួយដោយស្របច្បាប់។
អង្គការសហប្រជាជាតិ កំពុងជម្លៀសបុគ្គលិករបស់ចំនួនខ្លួនពាក់កណ្តាល នៃបុគ្គលិកទាំងអស់ដែលមានប្រហែល ១០០នាក់ ចេញពីប្រទេសស៊ីរី ទៅកាន់ទីក្រុងកាអ៊ីរ៉ូ ខណៈដែលអំពើហិង្សាកើតមានឡើងនៅក្បែរមូលដ្ឋានរបស់អង្គការសហប្រជាជាតិ។
វីដេអូនេះមានរយៈពេល៤នាទី ហើយមានចំណងជើងថា “សង្គ្រាមដ៏ខ្លីក្នុងរយៈពេល៣ថ្ងៃ”។ វាត្រូវបានគេបង្ហោះនៅលើវេបសាយរដ្ឋរបស់កូរ៉េខាងជើង និង បង្ហោះនៅលើប្រព័ន្ធ YouTube ផងដែរ។
យន្តហោះពិសេសរបស់ប្រធានាធិបតីចិនបានទៅរដ្ឋធានីសេដ្ឋកិច្ចរបស់អាហ្វ្រិកខាងកើតហើយ គឺរដ្ឋធានីរ Dar es Salaam កាលពីថ្ងៃអាទិត្យ បន្ទាប់ពីចាកចេញពីរដ្ឋធានីមូស្គូប្រទេសរុស្ស៊ី។
របបទីក្រុងព្យុងយ៉ាងក្រោមការដឹកនាំរបស់លោកសេនាប្រមុខ គឹម ជុងអ៊ុន កំពុងបង្កការព្រួយបារម្ភកម្រិតខ្ពស់បំផុតមួយសម្រាប់សន្តិសុខក្នុងឧបទ្វីបកូរ៉េ។
លោក John Kerry រដ្ឋមន្ត្រីការបរទេសរបស់អាមេរិក បានជួបពិភាក្សាជាមួយនឹងនាយករដ្ឋមន្ត្រីរបស់ប្រទេសអ៊ីស្រាអ៊ែលកាលពីថ្ងៃសៅរ ស្តីអំពីរបញ្ហារវាងប្រទេសអ៊ីស្រាអ៊ែល និង ប៉ាឡេស្ទីន។
ប្រទេសរុស្ស៊ី និង ចិន កាលពីថ្ងៃសៅរបានសន្យានឹងខិតខំបង្កើនចំណងមិត្តភាពរវាងប្រទេសទាំងពីរឲ្យកាន់តែរឹងមុំាថែមទៀត។ 
យន្តហោះពិសេសលោកប្រធានាធិបតីអាមេរិកបានចុះចត់នៅក្នុងអាកាសយានដ្ឋាន Queen Alia ក្បែទីក្រុង Amman ហើយត្រូវបានទទូលស្វាគមន៍យ៉ាងកកក្តៅដោយរដ្ឋមន្ត្រីការបរទេស លោក Nasser Judeh និងមន្ត្រីជាន់ខ្ពស់ជាច្រើនរូបទៀត។
នៅថ្ងៃសៅរ៍នេះ មេដឹកនាំកូរ៉េខាងជើង លោកគីម ជុង-អ៊ុន បានចុះទៅត្រួតមើលកងឯកភាពដ៏ពិសេសមួយដោយបានចេញបញ្ជាអោយពួកគេវាយប្រហារដូចល្បឿនផ្លេកបន្ទោរ នៅពេលណាសង្គ្រាមផ្ទុះឡើង។
ប្រធានាធិបតីចិន លោកស៊ី ជិនពីង បានចាកចេញពីទីក្រុងប៉េកាំងហើយ កាលពីព្រឹកថ្ងៃសុក្រនេះ ដើម្បីធ្វើទស្សនកិច្ចផ្លូវរដ្ឋទៅកាន់ប្រទេសរុស្ស៊ី តង់ហ្ស៊ានៀ អាហ្វ្រិកខាងត្បូង និងសាធារណរដ្ឋកុងហ្គោ។
ក្រុមប្រឹក្សាសិទ្ធិមនុស្សរបស់អង្គការសហប្រជាជាតិ បានដាក់ចេញនៅសេចក្តីសម្រេចមួយដើម្បីដំណើរការនៃការស៊ើបអង្គេតចំពោះការរំលោភបំពានសិទ្ធិមនុស្សដែលកំពុងតែរីកសាយភាយយ៉ាងខ្លាំងនៅក្នុងសាធារណៈរដ្ឋរបស់ប្រជាជនកុម្មុយនិស្តកូរ៉េខាងជើង។ការជិះជាន់លើសិទ្ធិមនុស្សនោះហើយដែលជាកត្តាដ៏ចម្បងមួយបង្កទៅជាឧក្រិដ្ឋកម្មប្រឆាំងមនុស្សជាតិ។
រដ្ឋាភិបាលចិនកាលពីថ្ងៃពុធ កន្លងទៅនេះបានប្រកាសថា ខ្លួននឹងបង្កើនវិស័យការពារទឹកដីបន្ថែមទៀត ដោយមិនផ្លាស់ប្តូរជំហរក្នុងការការពារបូរណភាពទឹកដីរបស់ខ្លួននោះឡើយ។
ប្រធានបទសំខាន់ដែលលោក Barack Obama ប្រធានាធិបតីសហរដ្ឋអាមេរិក នឹងត្រូវលើកយកពិភាក្សាជាមួយនឹងប្រធានាធិបតីនៃប្រទេសប៉ាឡេស្ទីនគឺលោក Mahmoud Abbas ក្នុងតំបន់ West Bankនោះគឺ ប្រាកដជាបញ្ហាដ៏ចម្រូងចម្រាស់រវាងប្រទេសអ៊ីស្រាអ៊ែលនឹងប៉ាឡេស្ទីន។
នៅថ្ងៃពុធនេះ មេដឹកនាំវ័យក្មេងលោកគីមជុង អ៊ុន បានថ្កោលទោសយ៉ាងខ្លាំងចំពោះវត្តមានយន្តហោះទម្លាក់គ្រាប់បែកប៉ារ៉ាម៉ាន់ណូអាមេរិកB-52 ដែលមានសមត្ថភាពអាចទប់ទល់ជាមួយនុយក្លែអ៊ែបាន។ 
ប្រទេសជប៉ុន និង អាមេរិកនឹងធ្វើការដាក់ទណ្ឌកម្មធ្ងន់ធ្ងរទៅលើកូរ៉េខាងជើង ដើម្បីឆ្លើយតបទៅនឹងការល្មើសបាញ់សាកល្បងអាវុធនុយក្លេអ៊ែរកាលពីថ្ងៃទី១២ កុម្ភៈកន្លងទៅនេះ។
ប្រធានាធិបតីថ្មីរបស់ចិន គឺលោក Xi Jinping ដែលទើបតែឡើងកាន់តំណែងជាផ្លូវការកាលពីសប្តាហ៏មុននោះមកបានបញ្ជាក់នៅថ្ងៃអង្គារនេះថា ប្រទេសចិន និង អាមេរិកមានផលប្រយោជន៏រួមគ្នាដ៏មហាសាល។
លោក Ghassan Hitto ត្រូវបានក្រុមប្រឆាំងនៃប្រទេសស៊ីរីបានជ្រើសរើសឲ្យឡើងកាន់តំណែងជានាយករដ្ឋមន្ត្រីជាផ្លូវការកាលពីថ្ងៃចន្ទកន្លងទៅ នៅក្នុងទីក្រុង Istanbulនៃប្រទេសទួគីដោយទទួលបានសម្លេងចំនួន៣៨ក្នុងចំណោម៤៨។
