សន្តិសុខ

៩​នាក់​​ស្លាប់ ៥​​នាក់​​បាត់​​ខ្លួន ដោយ​សា​បាក់​​ផ្ទាំង​ទឹក​កក​លើ​​ភ្នំ​អេ​វើ​រ៉េស​

​យ៉ាង​ហោច​ណាស់ មាន​មនុស្ស​​ចំនួន ៩ នាក់​បាន​​ស្លាប់ និង​៥​នាក់​​ផ្សេង​ទៀត បាត់​ខ្លួន បន្ទាប់​ពី ផ្ទាំង​​ទឹក​កក​​នៅ​រយៈកម្ពស់ ៥.៨០០​ម៉ែត្រ​នៃ​ភ្នំ​អេ​វើ​រ៉េស ដែល​ខ្ពស់​​ជាងគេ​បំផុត នៅលើ សកល លោក បាន​បាក់ និង រអិល​ធ្លាក់​ចុះ​មក​។ ឧប្បទ្ទវហេតុ​នេះ​បាន​កើតឡើង កាលពី វេលា​ម៉ោង ៦ និង ៤៥​នាទី​ព្រឹក​ថ្ងៃ​សុក្រ នេះ ម៉ោង​ក្នុង​តំបន់​។​​នេះ​បើ​តាម​ការអះអាង​​របស់​មន្ត្រី​ប៉ូលិស​ប្រចាំ​តំបន់​។​
​មន្ត្រី​ដដែល​បាន​បន្តថា តំបន់​ដែល​រលំ​នោះ ត្រូវ​គេ​ស្គាល់​ឈ្មោះ​ថា popcorn field ដែល​ស្ថិតនៅ ខ្ពស់​ជាង​ជំរុំ​មូលដ្ឋាន​របស់​ភ្នំ​អេ​វើ​រ៉េស​។ តំណាក់កាល​ដំបូង​គេ​បាន​ជីក​រកឃើញ សាកសព ៤​នាក់​ពី​ក្នុង ព្រិល​ទឹកកក ហើយ ៥​នាក់​ទៀត ក្រុម​សង្គ្រោះ​បាន​រុករក​សាកសព ឃើញ​ជា​បន្ត​ទៀត​ផង​ដែរ​៕(ដោយៈ ឡេង ដេត)

មនុស្ស​ស្លាប់​កើន​ដល់ ២៨នាក់ និង បាត់​ខ្លួន ២៦៨​នាក់ក្នុង​ហេតុការណ៍​លិច​នាវា​កូរ៉េខាងត្បូង​​

រហូតមកដល់​ថ្ងៃ​ទី​១៨ ខែ​មេសា ក្រុម​អ្នកជំនាញ បាន​រកឃើញថា មាន​មនុស្ស​ស្លាប់ ២៨​នាក់ មនុស្ស​បាត់​ខ្លួន ២៦៨​នាក់  ក្នុង​ចំនោម​មនុស្ស​សរុប​ជាង៤០០​នាក់ ដែល​ភាគច្រើន​ជា​សិស្​ស​​​វិ​ទ្យាល័យ​ទាំងអស់សរុបជាថ៣០០នាក់​។​

ការ​លិច​នាវា​នៅ​សមុទ្រ​កូរ៉េខាងត្បូង​បានធ្វើឱ្យ​ឳ​ពុក​ម្ដាយ​ជនរងគ្រោះ មាន​ការសោកស្ដាយ​ចំពោះ​កូន​ទីស្រលាញ់​ដែល​បាន​បាត់​ខ្លួន​ដោយ​លិច​នាវា​ខណៈ​នាវា​នេះ​បាន​ធ្វើដំណើរ​ទៅ​កោះ​ជី​ជូ កាលពី​ថ្ងៃ​១៦​ខែ​មេសា​កន្លង​ទៅ​ស្រប​ពេល​នេះ​ដែល​លោក​បា​រ៉ាក់​អូបា​ម៉ាក៏​សំដែង​អានិតអាសូរ ចំពោះ​ឳ​ពុក​ម្ដាយ​ជន​រងគ្រោះ​ផង​ដែរ​។

ទាក់ទង​ទៅ​និង​ការ​លិច​នាវា​នេះ ក្រុម​អ្នកជំនាញ​បាន​អះអាង​ថា ការធ្វើដំណើរ​របស់​នា​វា​នេះ បាន​ទៅបុក​និង​ផ្ទាំង​ថ្ម​មួយ​ដ៏​ធំ​ដែល​មាន​ចុង​ស្រួច ទើប​បណ្ដាលឱ្យ​នាវា​មួយ​នេះ បាន​ធ្លាយ ហើយក៏​បាន​លិច​តែម្ដងទៅ​៕ដោយៈ លាង ធីតា)

មនុស្ស​ស្លាប់​​ក្នុង​​ហេតុការណ៍​​លិច​នាវា​​កូរ៉េខាងត្បូង​​កើន​ដល់​២៥​នាក់ និងបាត់​ខ្លួន​២៧១​នាក់​

​រហូតមកដល់​ថ្ងៃ​ទី​១៨ ខែ​មេសា ក្រុម​អ្នកជំនាញ​បាន​រកឃើញថា មាន​មនុស្ស​ស្លាប់​២៥​នាក់ មនុស្ស​បាត់​ខ្លួន​២៧១​នាក់ ក្នុង​ចំនោម​មនុស្ស​សរុប​​៣៥២​នាក់ ដែល​ភាគច្រើន​ជា​សិស្ស​វិទ្យាល័យ​ទាំងអស់​។​

ការ​លិច​នាវា​នៅ​សមុទ្រ​កូរ៉េខាងត្បូង​បានធ្វើឱ្យ​ឳ​ពុក​ម្ដាយ​ជនរងគ្រោះ​មាន​ការសោកស្ដាយ​ចំពោះ​កូន​ទីស្រលាញ់​ដែល​បាន​បាត់​ខ្លួន​ដោយ​លិច​​នាវា​ខណៈ​នាវា​នេះ​បាន​ធ្វើដំណើរ​ទៅ​កោះ​ជី​ជូ កាលពី​ថ្ងៃ​១៦​ ខែ​មេសា​កន្លង​ទៅ​។

ស្រប​ពេល​នេះ​ដែល​លោក​បា​រ៉ាក់​អូបា​ម៉ាក៏​សំដែង​អានិត អាសូរ​ចំពោះ​ឳ​ពុក​ម្ដាយ​ជន​រងគ្រោះ​ផង​ដែរ​។ ទាក់ទង​ទៅ​និង​ការ​លិច​នាវា​នេះ ក្រុម​អ្នកជំនាញ​បាន​អះអាង​ថា ការធ្វើដំណើរ​របស់​នា​វា​នេះ​បាន​ទៅបុក​និង​ផ្ទាំង​ថ្ម​មួយ​ដ៏​ធំ​ដែល​មាន​ចុង​​ស្រួច​​ទើប​បណ្ដាល​ឱ្យ​នាវា​មួយ​នេះ​បាន​ធ្លាយ​ហើយក៏​បាន​​លិច​តែម្ដងទៅ​៕​(ដោយ៖លាង ធីតា)​

មនុស្ស​​ស្លាប់​១២​នាក់​​និង​រងរបួស​​១២​នាក់​​ដោយសារ​​បាញ់​និង​​បំផ្ទុះ​គ្រាប់​​នៅ​ប្រទេស​​អ៊ីរ៉ាក់​

យ៉ាងហោចណាស់​ទាហាន​អ៊ីរ៉ាក់​ចំនួន​ ​១២​នាក់ ​ត្រូវបាន​សម្លាប់​និង ១២​នាក់​ផ្សេង​ទៀត​​រងរបួស​ធ្ងន់​កាលពី​​ថ្ងៃ​ព្រហស្បតិ៍ ​នៅក្នុង​ហេតុការណ៍​វាយ​ប្រហារ​ដោយ​បំផ្ទុះ​គ្រាប់បែក​នៅក្នុង​រថយន្ត​មួយ និង​មាន​ការបាញ់​វាយប្រហារ​ទៅលើ​មូលដ្ឋាន​យោធា​មួយ​កន្លែង​នៅក្នុង​តំបន់​ម៉ូ​ស៊ូ​ល Mosul ​ដែល​ជា​តំបន់​មានតែ​ភាព​ជ្រួល​ច្របល់​​មួយ​​នៅ​​ភាគ​​ខាង​ជើង​​នៃ​ប្រទេស​​អ៊ីរ៉ាក់។​

​មន្ត្រី​អជ្ញាធរ​នៅ​តំបន់​នោះ​បាន​និយាយថា​ក្នុង​រយៈពេល​ប៉ុន្មាន​ខែ​កន្លងមកនេះ នៅ​តំបន់​ម៉ូ​ស៊ូ​ល Mosul និង​តំបន់​ជុំវិញ​នោះ គឺ​មាន​ការវាយ​ប្រហារ​​ជា​​ញឹក​ញាប់​ភាគច្រើន​បង្កឡើង​ដោយ​ពួក​យុទ្ធជន​មកពី​ក្រុមអាល់​កៃ​ដា ដែល​គេ​ស្គាល់​ថា​ជា​ពួក​បាន​បំបែក​ខ្លួន​ទៅជា​រដ្ឋអ៊ីស្លាម​នៃ​ប្រទេស​​​អ៊ីរ៉ាក់​និង​ពួក​លឺ​វែន​(Levant)​​។

ដែល​តែងតែ​ប្រឆាំងនឹង​វាយប្រហារ​មកលើ​កងកម្លាំង​យោធា​និង សន្តិសុខ​នៅ​ទីនោះ​ចាប់តាំងពី​កងកម្លាំង​សន្តិសុខ​របស់​រដ្ឋាភិបាល​អ៊ីរ៉ាក់ និង​យុទ្ធជន​កុលសម្ព័ន្ធ​ស៊ុន​នី ជា​សម្ព័ន្ធមិត្តបាន​ធ្វើការ​បោសសំអាត​បណ្តេញ​សមាជិក​ពួក​អ៊ី​ស៊ី​ល ISIL​ចេញពី​តំបន់​ម៉ូ​ស៊ូ​ល Mosul នោះ​។​

​មន្ត្រី​អាជ្ញាធរ​បាន​បន្តទៀតថា​អំពើ​ហិង្សា​នៅ​ប្រទេស​អ៊ីរ៉ាក់​បាន​កើនឡើង​ជា​បន្តបន្ទាប់​នេះ គឺ​ចាប់តាំងពី​កងកម្លាំង​របស់​សហរដ្ឋអាមេរិក​បាន​ចាក​ចេញ​​ពី​ប្រទេស​អ៊ីរ៉ាក់ នៅ​ឆ្នាំ​២០១១​មក​ម្លេះ​។​

​សូមបញ្ជាក់​ថា អំពើហិង្សា​ដែល​បាន កើតឡើង​នៅក្នុង​ប្រទេស​អ៊ីរ៉ាក់ ក្នុង​រយៈពេល​ពេញ​មួយឆ្នាំ នៅក្នុង​ឆ្នាំ​2013​កន្លងទៅនេះ មាន​មនុស្ស​ជាង 8.800​នាក់​ ​ត្រូវបាន​សម្លាប់​នៅក្នុង​អំពើ​ហិង្សា​ដែល​ចំនួន​នៃ​​អ្នកស្លាប់​​មាន​​ការ​កើន​ឡើង​ខ្ពស់​បំផុត​​ជាង​​ឆ្នាំ​​២០០៧។ ​នេះ​បើ​យោង​តាម​តួលេខ​របស់​​អង្គការ​សហប្រជាជាតិ​៕(ដោយ៖​​រំដួល ចិ​ត្រា)​

សារ​ចុង​ក្រោយ​ដែល​​អ្នកដំណើរ​​នៅ​លើ​នាវា​​បាន​ផ្ញើរ​​ជូន​សាច់​ញាត្តិ​

សារ​តក់ស្លុត​មួយចំនួន​ដែល​សិស្ស​មាន​វ័យ​ជាង​​១០​ឆ្នាំ បាន​ផ្ញើរ​ជូន​ឪពុក​ម្តាយ​ពួកគេ​មុន​នឹង​ពួកគេ​បាន​ស្លាប់​បាត់បង់​ជីវិត​នៅក្នុង​ហេតុការណ៍​លិច​​នាវា​នៅ​សមុទ្រ​ភាគ​នរ​តី​ប្រទេស​កូរ៉េខាងត្បូង។

អត្ថន័យ​សារ​ស្រដៀង​គ្នា​ជាច្រើន ដែល​សិស្ស​មួយ​សំនួន​បាន​ផ្ញើ​តាម​ប្រព័ន្ធ​ទូរស័ព្ទ​ទៅ​ឪពុក​ម្តាយ​របស់​ពួកគេ ខណៈ​ដែល​ពួកគេ​ដឹងថា លែង​មាន​ឱកាស​អាច​និយាយ​និង​ជួប​មុខ​​សាច់ញាត្តិ​​សាជាថ្មី​។

អត្ថន័យ​សារ​ដែល​បង្ហាញ​ពី​សោកនាដកម្ម​មាន​អត្ថន័យ​ថា ម៉ាក់​នេះ​គឺ ជា​ពាក្យ​សម្តី​ជា​លើក​ចុងក្រោយ​របស់​កូន​ហើយ កូន​ចង់​ប្រាប់ថា​កូន​ស្រ​ឡាញ់​ប៉ា​ម៉ាក់។ អ្វី​ដែល​អាច​ធ្វើ​បាន​នៅ​នាទី​ចុង​ក្រោយ​របស់​ឪពុកម្តាយ​បានត្រឹមតែ​បញ្ជូន​សារ​ត្រឡប់​ទៅ​វិញ​ថា ប៉ា​ម៉ាក់​ក៏​ស្រឡាញ់​កូន​ដែរ។

សារ​ដែល​បញ្ជាក់​ពី​សោកនាដកម្ម​នេះ ត្រូវបាន​ផ្សព្វផ្សាយ យ៉ាង​ទូលំទូលាយ នៅក្នុង​ប្រព័ន្ធ​ផ្សព្វផ្សាយ​នៅ​ប្រទេស​កូរ៉េខាងត្បូង និង​បាន​បន្ថែម​ទម្ងន់​សោកស្តាយ អាណិតអាសូរ រួម​ទាំង​ការភ្ញាក់ផ្អើល​កាន់តែខ្លាំង ទៅ​ដល់​ប្រជាជន​កូរ៉េខាងត្បូង​ផងដែរ​។

​ជាមួយគ្នា​នោះ​ដែរ លោក​ស៊ីន ស៊ូ​អា​ប៊េ ប្រធានាធិបតី​ប្រទេស​ជប៉ុន​បាន​ថ្លែង​នៅក្នុង​វេទិការ​មួយ​នៅ​ទីក្រុង​តូ​ក្យូ ដោយ​លោក​បាន​ថ្លែង​យ៉ាង​ដូច្នេះ​​ថា លោក​សូម​សម្តែង​ការអាណិតអាសូរ​ដ៏​ស្មោះស្ម័គ្រ​របស់លោក​ទៅ​ដល់​មនុស្ស​ដែល​ត្រូវ​បាន​វាយប្រហារ​ដោយ​ឧប្បទ្ធហេតុ​លិច​នាវា។​ នេះ​​គឺ ជា​សមានចិត្ត​របស់​លោក​អា​ប៊េ​ចំពោះ​ប្រជាជន​កូរ៉េ​ខាងត្បូង បើទោះជា​មិត្តភាព​រវាង​ប្រទេស​ទាំង​ពីរ ជប៉ុន​និង កូរ៉េខាងត្បូង មិនសូវ​ជា​មាន​លក្ខណៈ​ស្និទ្ធស្នាល​ក៏ដោយ ។​

​សូមបញ្ជាក់​ថា កាលពី​ថ្ងៃ​ទី​១៦​ខែ​មេសា​មាន​នាវា​មួយគ្រឿង​បាន​ក្រឡាប់​លិច ខណៈ​ធ្វើដំណើរ​ទៅ​កាន់​កោះ​ជី​ជូ ភាគ​នារតី​ប្រទេស​កូរ៉េខាង​ត្បូង។ អ្នកដំណើរ​នៅ​លើ​នាវា​រួមទាំង​នាវិក​សរុប​ចំនួន​៤៧៥​នាក់ នៅ​ចំណោម​នោះ​មាន​អ្នកដំណើរ​ជិត​​៣០០​នាក់​ សុទ្ធតែ​ជា​សិស្ស​ថ្នាក់​វិទ្យា​ល័យ​ដែល​ពួកគេ​បាន​ធ្វើដំណើរ​កំសាន្ត​ទៅ​កាន់​កោះ​ដ៏​ពេញនិយម​នោះ​នៅ​ថ្ងៃ​ឈប់សំរាក។

បើ​តាម​របាយការណ៍​ចុងក្រោយ​ដែល​សារព័ត៌មាន​អន្តរជាតិ​Channel News Asia បាន​ចុះផ្សាយ​នៅ​ថ្ងៃ​ទី​១៧ ​ខែ​មេសា​ថា មាន​មនុស្ស​៩​នាក់​ហើយ​ត្រូវ​គេ​រកឃើញ​ថា​បាន​ស្លាប់​បាត់បង់​ជីវិត និង​ប្រមាណ​ជិត​៣០០​នាក់ នៅ​បាត់​ខ្លួន​នៅឡើយ​ពេល​នេះ​ក្រុម​អ្នកស្វែងរក​កំពុង​បន្ត​សកម្ម​ភាព​​ស្វែងរក​យ៉ាង​ស្វិតស្វាញ​នៅ​តំបន់​នោះ៕(ដោយ៖​អ៊ុន សុខ​ឡា)​


មនុស្ស​៦​នាក់​បាន​ស្លាប់ ២៩០​នាក់​បាត់​ខ្លួន​នៅក្នុង​ហេតុការណ៍​លិច​នាវា​នៅ​កូរ៉េខាងត្បូង​

មនុស្ស​៦​នាក់​ហើយ​ត្រូវ​គេ​រកឃើញ​ថា​បាន​ស្លាប់​បាត់បង់​ជីវិត និង​ប្រមាណ​ជិត​៣០០​នាក់ នៅ​បាត់​ខ្លួន​នៅឡើយ នៅក្នុង​ហេតុការណ៍​លិច​នាវា នៅ​សមុទ្រ ​ភាគ​នរតី​នៃ​ប្រទេស​កូរ៉េ ខាង ត្បូង។​ នេះ​បើ​តាម​ការបញ្ជាក់​ឲ្យដឹង​ពី​មន្ត្រី​ជួយសង្គ្រោះ កូរ៉េខាងត្បូង​។​មន្ត្រី​ដដែល​បាន​និយាយ​ឲ្យដឹងថា យើង​ពិតជា​មាន​ការព្រួយបារម្ភ ចំពោះ​មនុស្ស​ដែល​ជាប់​នៅក្នុង នាវា​នោះ​ខ្លាំង ណាស់​។ ព្រួយបារម្ភ​ត្រង់​ថា ចំនួន​អ្នក​ស្លាប់ អាច​នឹង​កើនឡើង​បន្ថែមទៀតទំរាំ​តែ​ការជួយ​សង្គ្រោះ​បាន​ជោគជ័យ ។​នេះបើយោងតាមការចុះផ្សាយ របស់សារព័ត៌មាន Channel News  Asia។

បើ​យោង​ទៅតាម សម្តី​ពី​ជនរងគ្រោះ ដែល​ត្រូវបាន​គេ​ជួយ​សង្គ្រោះ​បាន​និយាយថា មុន​ពេល​នាវា​លិច​ពួកគេ​បាន​ឮ​សន្ធឹក​អ្វី​ម្យ៉ាង បាន​បន្លឺ​យ៉ាងខ្លាំង បន្ទាប់​មក​នាវា​ចាប់ផ្តើម​ផ្អៀង អ្នក​ដំណើរ​បាន​ជ្រួលច្របល់​ព្រម​ជាមួយ​សម្លេង​ស្រែក ពោ​ពេញ​ដោយ​ភាពភ័យខ្លាច ។ ប៉ុន្តែ​ទោះបីជា​មាន​ការអះអាង​ពី​ជនរងគ្រោះ​យ៉ាងណាក៏ដោយ  គេ​នៅ​មិនទាន់​ប្រាក​ដ​នៅ​ឡើយ​ទេ​ ថា​តើ​វា​បណ្តាល​មកពី​មូលហេតុ​អ្វី​ប្រាកដ ដោយសារតែ​អាកាស​អាកាសធាតុ​ពេលនោះ​មិនអាក្រក់​អាច​បណ្តាល​ឲ្យ​លិច​នាវា​បាន​នោះទេ​។

ពាក់ព័ន្ធ​ទៅនឹង​បញ្ហា​នេះ ក្រុម​អ្នក​ជួយ​សង្គ្រោះ​នៅ​តែ​បន្ត​ស្វែងរក​ជនរងគ្រោះ ដែល​បាន​បាត់​ខ្លួន ។ អ្នកនាំពាក្យ​សេត​វិមាន​បាន និយាយ​ពី​ទីក្រុង​វ៉ាស៊ីនតោន​ថា រដ្ឋាភិបាល​ទីក្រុង​វ៉ាស៊ី​ន​តោន បាន​ត្រៀម​ខ្លួន​រួចជាស្រេច​ហើយ នៅក្នុង​ការផ្តល់​ជំនួយ​ណាមួយ​ដែល​កូរ៉េខាងត្បូង​ត្រូវការ​។​

សូមបញ្ជាក់​ថា នាវា​បាន​លិច​កាល​ពី​ថ្ងែ​ទី​១៦​ខែ​មេសា​ខណៈ​ធ្វើដំណើរ​កំសាន្ត​ទៅ​កាន់​​កោះ​ជី​ជូ ។ អ្នកដំណើរ រួមទាំង​សមាជិក​នាវិក​សរុប ៤៧៥​នាក់ នៅក្នុង​នោះ​ភាគច្រើន​គឺ​ជា​សិស្ស​ថ្នាក់​​វិទ្យាល័យ​៕(ដោយៈ អ៊ុន សុខឡា)


៧០​នាក់ស្លាប់ និង​១២៤​​នាក់​របួស​ ក្នុង​​អំពើ​ភេរវកម្មបំផ្ទុះគ្រាប់បែក ​នៅ​ប្រទេសនី​ហ្សេ​រី​យ៉ា​​

​​យ៉ាងហោច​ណាស់​មនុស្ស​ប្រមាណ​ជាង ៧០​នាក់​ត្រូវបាន​សម្លាប់ និង​ប្រមាណ​១២៤ នាក់​ផ្សេងទៀត​បាន​រងរបួស នៅ​អំពើ​​​ភេរវកម្ម​បំផ្ទុះ​គ្រាប់បែក​ចំនួន​២ នៅ​ស្ថានីយ៍ រថយន្តក្រុង មួយ ក្នុង​រដ្ឋធានី Abuja ប្រទេស នី​ហ្សេ​រី​យ៉ា នៅ​ថ្ងៃ​ច័ន្ទ​នេះ​។ នេះ​បើ​តាម​ការបញ្ជាក់ ពី​ក្រុម​មន្ត្រី​អាជ្ញាធរ ប្រចាំ​តំបន់​។​

​អំពើ​ភេរវកម្ម ដែល​បាន​សម្លាប់​មនុស្ស​យ៉ាងច្រើន នេះ ត្រូវបាន​គេ​ដាក់បន្ទុក​សង្ស័យ នៅលើ ក្រុម​សកម្មប្រយុទ្ធ បូកូ ហា​រ៉ា​ម អ៊ីស្លាម ដោយសារ​តែ​ក្រុម​សកម្មប្រយុទ្ធ​អ៊ីស្លាម​និយម​មួយ​នេះ ធ្លាប់​បាន​វាយប្រហារ​ជា​ញឹកញាប់ នៅ​ភាគ​ខាង​ជើង​​​ភាគ និង​ភាគ​ខាងកើត​នៃ ប្រទេស​នេះ​។​

​លោក Abbas Idris ប្រធាន​នៃ​ទីភ្នាក់ងារ​សង្គ្រោះបន្ទាន់​ប្រចាំ​នៅ​ទីក្រុង Abuja បាន​ប្រាប់​កាសែត BBC ថា ភាគច្រើន​នៃ សាកសព​ភាគ ត្រូវបាន​ដាច់ចេញ​ជា​បំបែកៗ ដោយសារ​តែ​ឥទ្ធិពល​នៃ​គ្រាប់បែក មាន​អានុភាព​ខ្លាំង​។

គួរបញ្ជាក់ថា ការផ្ទុះ​​នេះ បាន​បង្ក​ឲ្យមាន​រណ្តៅ​ជម្រៅ​ប្រមាណ​ជាង​១​ម៉ែត្រ ,​បំផ្លាញ​យានជំនិះ​ប្រមាណ​៣០​គ្រឿង ,​បណ្តាល​​​​ឱ្យ ផ្ទុះ​ឆេះ​អគារ អនុវិទ្យាល័យ , អាង​ផ្ទុក​ទឹក និង​ស្ថានីយ៍​ប្រេងឥន្ធនៈ​៕(​ដោយៈ​សៅ វិសាល​)

ក្រុម​គាំ​ទ្រ​រុស្ស៊ី​ វាយ​ប្រហារ​​លើ​ស្ថានីយ៍​ប៉ូលីស​មួយ​ នៅ​ក្នុង​​ទីក្រុង ​Horlivka ​ភាគ​ខាង​កើត​​អ៊ុ​យក្រែន​​

​ក្រុម​បាតុករ​ គាំទ្រ​រុស្ស៊ី នៅ​ថ្ងៃ​ច័ន្ទ​នេះ បាន​វាយប្រហារ​ទៅលើ​អគារ​រដ្ឋាភិបាល​អ៊ុ​យក្រែន ដ៏​ទៃ​ផ្សេងទៀត ស្ថិត​នៅ​ភាគ​ខាងកើត​នៃ​ប្រទេស ដោយ​មិន​ខ្លាចញញើត​នឹង​ការបណ្តេញ​ពី​ក្រុម​កងកម្លាំង​រដ្ឋាភិបាល​អ៊ុយ​ក្រែន​នោះឡើយ​។

ក្រុមបាតុករ បាន​វាយ​កាន់កាប់ យក​បាន​នូវ​ស្ថានីយ៍​ប៉ូលីស​មួយ នៅក្នុង​ទីក្រុង Horlivka ដែល​នៅ​ជិត​ទីក្រុង Donetsk ជា​ទី​ដែល​បាតុករ​ធ្លាប់​បាន​កាន់កាប់​កាលពី​ពេល​ថ្មីៗ​កន្លងទៅនេះ​។​

​ប្រធានាធិបតី​ស្តីទី​អ៊ុយ​ក្រែនលោក Turchynov  បាន​ព្រមាន​ថា រដ្ឋាភិបាល​អ៊ុ​យក្រែន បានរៀបចំ ប្រតិបត្តិការ ប្រឆាំង​ភេរ​វករ និង​ក្រុម​ខ្មាន់កាំភ្លើង ដែល​មាន​បំណង​ចង់ កាន់កាប់​អគារ​រដ្ឋាភិបាល​នៅ​ក្នុង​ទីក្រុង Sloviansk និង​ទីក្រុង​ផ្សេង​ៗ​ទៀត​។

​ទាក់ទង​នឹង ​ការលើកឡើង​បែប​នេះ ត្រូវបាន​កាសែត​ក្នុងស្រុក​មួយ​សរសេរថា ប្រជាជន នៅ​ភាគ​ខាងកើត អ៊ុ​យក្រែន កំពុង​រង់ចាំ​យ៉ាង​អន្ទះសារ ដើម្បី​មើល​ថា តើ​លោក Turchynov អាច​អនុវត្ដ​តាម​ការព្រមាន​របស់​ខ្លួន ក្នុង​ការប្រើ​កងទ័ព ប្រឆាំង​នឹង​ក្រុមគាំទ្រ​រុស្ស៊ី​ដែរ​ឬក៏​យ៉ាងណា​៕(​ដោយៈ​សៅ វិសាល​)



​បំផ្ទុះ​​​​គ្រាប់បែក ​អត្តឃាត​​សម្លាប់​​មនុស្ស​​ ១១​នាក់ នៅ​ក្នុង​​ប្រទេសអ៊ីរ៉ាក់

ករណី​បំផ្ទុះ​គ្រាប់បែក​​ អត្ត​ឃាត​​​​មួយ បាន​វាយប្រហារ ​​នៅ​ច្រក​ត្រួតពិនិត្យ​ ប៉ូលីស​ មួយកន្លែង​​​ ស្ថិត​ក្នុង​ទីក្រុង Dibs នៅ​ភាគ​ខាងជើង ប្រទេស​អ៊ីរ៉ាក់​ កាលពី​ថ្ងៃអាទិត្យ ដោយ​បាន​សម្លាប់ មន្ត្រី​ប៉ូលីស​ចំនួន ៧ នាក់ និង​ជន​ស៊ីវិល ៤​នាក់ រួម​នឹង​សមាជិក ​​កងកម្លាំង​សន្តិ​សុខ​ ​ប្រមាណ​១៨​នាក់ ​ផ្សេងទៀត​បាន​រងរបួស​។ ការ​បំផ្ទុះ​គ្រាប់បែក អត្តឃាត​នេះ ភេរ​វករ បាន​ធ្វើឡើង នៅលើ​រថយន្ត​មួយ​គ្រឿង ​ដែល​ចត ​នៅ​ក្បែរ​ច្រក​ចេញចូល​ មួយកន្លែង​ របស់​ប៉ូលីស​អ៊ីរ៉ាក់។​​

​ដោយឡែក ​បើ​តាម​​​មន្ត្រី​អាជ្ញាធរ​ប្រចាំ​តំបន់ បានបញ្ជាក់​ថា ​បន្ទាប់ពី​ មាន​ករណី​បំផ្ទុះ​គ្រាប់បែក​ អត្តឃាត​នេះ ក្រុម​ប្រជា​ពលរដ្ឋ ​ដែល​មាន​កំហឹង​ ចំពោះ​ការ​អសមត្ថភាព ​របស់​ក្រុម​ប៉ូលីស ក្នុងការការពារ​អំពើ​ភេរវកម្ម​នេះ​ បាននាំគ្នា​ដុត​បំផ្លាញ​​​​​អគារ​​តុលាការ និង​​ផ្ទះ​របស់​​មន្ត្រី​យោធា​ អស់​​ប្រមាណ​​៥​ខ្នង ​ដើម្បី​ជាការ​រំសាយ​កំហឹង​។​​

យ៉ាងណាក៏ដោយ ​ភាព​ច​ល​ច​ល​ជាថ្មី​ នៅក្នុង​ប្រទេសអ៊ីរ៉ាក់​នេះ ត្រូវបាន​គេ​មើលឃើញថា កើតឡើង​ដោយសារ កំហឹង​របស់​​​ក្រុម​ជនជាតិភាគតិច អារ៉ាប់ ស៊ុន​នី ចំពោះ​ការគ្រប់គ្រង​ប្រទេស របស់​កងកម្លាំង រដ្ឋាភិបាល​និង​មន្ត្រី​សន្តិសុខ ដែល​​​ត្រូវបាន​គេ​ស្គាល់​ថា ជា​ក្រុម​និកាយ​ស៊ី​អ៊ី​ត​។

ម្យ៉ាងវិញទៀត​អំពើហិង្សា ដ៏​បង្ហូរឈាម​ជា​ថ្មី​នេះ កើតឡើង​ស្របពេល ដែល​ការបោះឆ្នោត ជា​លើកដំបូង​នៅ​ទូទាំង​ប្រទេស​​​អ៊ីរ៉ាក់ នឹង​ចាប់ផ្តើម​ធ្វើឡើង​នៅ​ថ្ងៃ​ទី​៣០ មេសា ខាងមុខនេះ​។​

​គួរបញ្ជាក់​ថា ចាប់តាំងពី​មាន​អំពើ​ហិង្សា​នៅ​ក្នុង​ប្រទេស​អ៊ីរ៉ាក់ រហូតមកដល់​ពេលនេះ មាន​មនុស្ស​ប្រមាណ​២៥៥០​នាក់ ត្រូវបាន​សម្លាប់​៕


ក្រុមបាតុករ​​អ៊ីតាលី​​ជាង​១​ម៉ឺន​​នាក់​​នាំគ្នា​​តវ៉ា​​ប្រឆាំង​នឹង​​រដ្ឋាភិបាល

បើ​តាម​​អ្នកដឹកនាំ​​ក្រុមបាតុករ​​បាន​និយាយថា​ មាន​មនុស្ស​​ប្រមាណ​​១៥០០០​នាក់​ បាន​ចូលរួម​​នៅ​ក្នុង​​ចលនា​តវ៉ា​​មួយ​​នៅក្នុង​​ទីក្រុង រ៉ូម​ ប្រទេស​​អ៊ីតាលី​ ប្រឆាំង​នឹង​​រដ្ឋាភិបាល​។​ នៅ​ក្នុង​​ចលនា​​តវ៉ា​នោះ​ ពី​ដំបូង​ឡើយ​​គឺ​មាន​​សភាព​​ធម្មតា​ទេ​ ប៉ុន្ដែ​​ក្រោយពេល​​ដែល​​ពួកគេ​​ធ្វើដំណើរ​​ទៅដល់​​ក្រសួង​​ឧស្សាហកម្ម​ ក៏​កើត​​ជា​អំពើហិង្សា​​ឡើង​ ដោយ​​ក្រុមបាតុករ​​បាន​ចោល​​ដុំថ្ម​ និង​ផាវ​​ទៅលើ​​ក្រុម​សមត្ថកិច្ច​។​ សកម្មភាព​​នេះ​ បាន​​បណ្ដាលឱ្យ​​សមត្ថកិច្ច​​រងរបួស​​ប្រមាណ​ជា​​២០​នាក់​។​ នេះ​​បើ​តាម​​ការបញ្ជាក់​​ពី​​មន្ដ្រី​​អាជ្ញាធរ​។​

ដោយឡែក​​សម្រាប់​​ក្រុម​បាតុករ​​វិញ​ ក៏មាន​​អ្នក​រងរបួស​​ដែរ​ ក្រៅពីនោះ​​មាន​៦​នាក់​​ត្រូវបាន​​ចាប់​​យក​ទៅ​ដាក់​​នៅ​មន្ទីរ​ឃុំឃាំង​។​ ក្រុមបាតុករ​​ទាំងអស់​​ប្រមូល​ផ្ដុំ​ដោយ​ ក្រុម​កម្មករ​ សិស្ស​​និស្សិត​ រួម​ទាំង​​សកម្មជន​​មួយ​ចំនួនទៀត​ ធ្វើដំណើរ​​ជាមួយនឹង​​ការ​​កាន់​​ទង់ជាតិ​​ក្រវី​ ហើយ​​បាន​ស្រែក​​នូវ​ពាក្យ​ស្លោក​ ប្រឆាំង​នឹង​​ការធ្វើ​​កំណែ​ទម្រង់​លក្ខខណ្ឌ​​ការងារ​​របស់​​រដ្ឋាភិបាល​។​​

​សូម​ញ្ជាក់​ថា​ ទា​ក់ទង​នឹង​​ការធ្វើ​កំណែ​ទម្រង់​​នេះ​ នាយករដ្ឋមន្ដ្រី​​អ៊ីតាលី​​លោក​ Matteo​ Renzi ​បាន​​មានប្រសាសន៍​ថា​ ភាព​​អត់​ការងារ​​ធ្វើ​​នៅក្នុង​​ប្រទេស​​អ៊ីតាលី​​ បាន​​ឈាន​​ដល់​១៣%​​ នៅក្នុង​​អំឡុង​​ខែ​កុម្ភៈ​។​ ដូច្នេះ​​ វា​ចាំបាច់​​ណាស់​​នៅក្នុង​​ការធ្វើ​កំណែ​ទម្រង់​​លក្ខខណ្ឌ​​ការងារ​ ដើម្បី​​ធ្វើឱ្យ​​សេដ្ឋកិច្ចជាតិ​​ងើប​​ឡើងវិញ​៕​(ដោយ​៖ពេញ ផេង​)


៣៩ ​នាក់​​ស្លាប់ ​៤០២​នាក់​ រងរបួស ​នៅ​ថ្ងៃដំបូង​នៃ​ពិធី​បុណ្យ​​សង្ក្រាន​​ឆ្នាំ​ថ្មី​ នៅ​ក្នុង​​ប្រទេស​​ថៃ​​​

​ប្រជាពលរដ្ឋ​​ ថៃ​ប្រមាណ​​៣៩ ​នាក់​​បាន​ស្លាប់ ​និង​៤០២ ​នាក់​ផ្សេងទៀត​បាន​រងរបួស​ នៅក្នុង​ករណី​ គ្រោះថ្នាក់​ចរាចរណ៍​ទូ​ទាំង​​​ប្រទេស កាលពី​ថ្ងៃ​​សុក្រ ​​​ដែល​ជា​ថ្ងៃ ដំបូង​នៃ​ពិធីបុណ្យ​សង្ក្រាន​ឆ្នាំ​ថ្មី និង​ជា​ថ្ងៃ​ដំបូង នៃ​យុទ្ធនាការ ប្រាំពីរ​ថ្ងៃ ដើម្បី​កាត់បន្ថយ គ្រោះ ថ្នាក់​​​​ចរាចរណ៍ នៅ​ទូទាំង​ប្រទេស​ថៃ​។ នេះ​បើ​តាម​ការចុះផ្សាយ​នៅលើ​ទំព័រ​សារព័ត៌មាន​Channel News​Asia កាលពី​ថ្ងៃ​សៅរ៍​។​​​​

​លោក​​​ ធើ​រ៉ា​ពុង​ រ៉ូ​ត​​ប្រា​សិទ្ធ ​អនុរដ្ឋលេខាធិការ​​អចិន្ត្រៃយ៍ ​នៃ​​ក្រសួង​​ដឹកជញ្ជូន ​​​​​និង​ការពារ​សុវត្ថិភាព​ចរាចរណ៍​ផ្លូវគោក​ថៃ បាន​ថ្លែង​នៅក្នុង​សន្និសីទ​កាសែត​មួយ​កាលពី​ថ្ងៃ​សៅ​រ៍ថា  ចំនួន​សរុប នៃ​គ្រោះថ្នាក់​ចរាចរណ៍ ដែល​បាន​កើតឡើង​នៅ​ទូ​ទាំង​​ប្រទេស កាលពី​ថ្ងៃ​សុក្រ មាន​ចំនួន ៣៧៩ ករណី ដែល​ចំនួន​នេះ មាន​ការកើនឡើង​ប្រមាណ​៥៣​ករណី បើ​ប្រៀប​ធៀប​​ទៅ​នឹង​រយៈពេល​ដូចគ្នា កាលពី​ឆ្នាំ​២០១៣​។

ករណី​គ្រោះថ្នាក់​ចរាចរណ៍​នេះ បាន​បណ្តាលឲ្យ​មនុស្ស​៣៩ នាក់​ស្លាប់ និង​របួស ៤០២​នាក់ ចំនួន​នេះ បើ​ប្រៀបធៀប​ទៅ​នឹង​រយៈពេល​ដូចគ្នា​កាលពី​ឆ្នាំមុន គឺ​អ្នកស្លាប់​មាន​ចំនួន​ស្មើរ​គ្នា ដោយឡែក​អ្នករងរបួស មាន​ការកើនឡើង​ប្រមាណ​៦០​នាក់​ដោយ​កាលពី​ឆ្នាំ​២០១៣ មាន​ត្រឹមតែ ៣៤២​នាក់​ប៉ុណ្ណោះ​។​

​លោក ធើ​រ៉ា​ពុង បាន​បន្ថែមថា ជាង​៣០ ភាគរយ​នៃ គ្រោះថ្នាក់​ចរាចរណ៍ នេះ បង្កឡើង​ដោយសារ​តែ អ្នកបើកបរ ស្ថិត​ក្រោម​​​​​ឥទ្ធិពល​នៃ​គ្រឿង​ស្រវឹង និង​ការបើកបរ​ហួស​ល្បឿន​កំណត់ មាន​ប្រមាណ​ជាង​២១​ភាគរយ​។ ដោយឡែក ភាគ​ច្រើន នៃ​​​​គ្រោះថ្នាក់​ទាំងនេះ បង្ក​ឡើយ​ដោយ ម៉ូតូ​។​

​គួរបញ្ជាក់​ថា​​ ជា​ចុងក្រោយ ​មន្ត្រី​ផ្នែក​សុវត្ថិភាព​ចរាចរណ៍​ថៃ​រូបនេះ បាន​ជម្រុញ​ឱ្យ មន្ត្រី ពាក់ព័ន្ធ នៅ​គ្រប់​ខេត្ត​ទាំងអស់ ត្រូវ​បង្កើន​ការយកចិត្តទុកដាក់ និង​ប្រុងប្រយ័ត្ន​ខ្ពស់ នៅ​កន្លែង​ឆែកឆេរ ពង្រឹង​ច្បាប់​ចរាចរ ឲ្យបាន​តឹងរឹង ដើម្បី​ជួយ កាត់​​​​បន្ថយ ​ការស្លាប់ និង​របួស ពី គ្រោះថ្នាក់​ចរាចរណ៍ ក្នុងអំឡុងពេល នៃ​ពិធី​បុណ្យចូលឆ្នាំថ្មី របស់​ប្រជាជន​ថៃ​នេះ​៕(​ដោយៈ​សៅ វិសាល​)

ការ​បំផ្ទុះ​​គ្រាប់​បែក​ពី​​ក្រុម​សកម្ម​​ប្រយុទ្ធ​ប្រឆាំង​​លោក​អាសាដ​​សម្លាប់​ជន​ស្លូតត្រង់​​ស៊ី​រី​២៥​នាក់​

​មនុស្ស​ ២៥​នាក់​ បាន​ស្លាប់​បាត់បង់​ជីវិត និង​ជាង​​១០០​នាក់ បាន​រងរបួស​ដោយសា​រ​មានការ​បំផ្ទុះ​គ្រាប់បែក​នៅក្នុង​រថយន្ត​ចំនួន​ពីរ​នៅ​តំបន់​មួយ​​ស្ថិត​ក្នុង​ទីក្រុង​ដា​ម៉ាស ប្រទេស​ស៊ី​រី កាលពី​ថ្ងៃ​ទី​១០ ​ខែ​មេសា​នេះ។ ពលរដ្ឋ​ដែល​បាន​ស្លាប់​បាត់បង់​ជីវិត​នៅក្នុង​ហេតុការណ៍​បំផ្ទុះ​គ្រាប់​បែក​ភាគច្រើន​ជា​ស្ត្រី និង​កូនក្មេង ដែល សុទ្ធតែ​ជា​ជនស្លូតត្រង់។

នៅក្នុង​សកម្មភាព​វាយប្រហា​នេះ ត្រូវបាន​គេ​បន្ទោស​ទៅ​លើ ក្រុម​សកម្មប្រយុទ្ធ​ភរ​វករ​ដែល​ចង់​ផ្តួល​រលំ​របប​ដឹកនាំ​ដោយ​លោក​បា​សា អាល់​អាសាដ​​ប្រធានាធិបតី​ប្រទេស​ស៊ី​រី​។​ បើ​តាម​ទីភ្នាក់ងារ​ស៊ើបអង្កេត​សិទ្ធមនុស្ស​ស៊ី​រី​បាន​និយាយ​ឲ្យដឹងថា នៅក្នុង​ចំណោម​អ្នក​ដែល​ស្លាប់​នៅ​ក្នុង​​ហេតុការណ៍​បំផ្ទុះ​គ្រាប់បែក​ភាគច្រើន​ជា​អ្នក​កាន់​សាសនា​ស៊ី​អ៊ី​ត មូស្លីម​ដែល​គាំទ្រ​លោក​បា​សា អាល់​អាសាដ។ ​ក្នុង​សម្មភាព​បំផ្ទុះ​គ្រប់​បែក​នោះ​ត្រូវបាន​ក្រុម​សកម្មជន​ដាក់​បង្ហាញ នៅលើ​បណ្តាញ​សង្គម​ផង​ដែរ​។

ការដាក់​បង្ហាញ​តាម​ប្រព័ន្ធ​ផ្សព្វផ្សាយ​នេះ​ត្រូវបាន​គេ​មើលឃើញ​ពី​ស្ថានភាព​មួយ ​គួរឲ្យ​រន្ធត់​បំផុត​ដោយ​មាន​មនុស្ស​ខ្ទាត​រប៉ាត់រប៉ាយ។​ ទាក់​ទង​​ទៅ​នឹង​ការ​បះ​បោរ​​ពី​ក្រុម​សកម្មប្រយុទ្ធ​នៅក្នុង​ប្រទេស​ស៊ី​រី បាន​ធ្វើឡើង​ដោយ​សន្តិវិធី ក្រោយ​ពី​ប្រទេស​មួយ​នេះ​បាន​ដឹកនាំ​ដោយ​ខ្សែ​ស្រ​ឡាយ​​លោក​អាសាដ ប្រមាណ​បួន​ទសវត្ស​ន៍ ហើយ​ពួកគេ​បាន​ក្រោកឈរ​តវ៉ា​ពេញលេញ​ចាប់​តាំង​លោក​អា​សាដ​ចាប់ផ្តើម​​បង្ក្រាប​​ដ៍​ឃោ​ឃៅ​ទៅលើ​ក្រុម​សកម្ម​ប្រយុទ្ធ។​

​សូមបញ្ជាក់​ថា ចាប់តាំងពី​មាន​ការបះបោរ របស់​ក្រុមអ្នកតវ៉ា​កាលពី​ឆ្នាំ ២០១១​មក នៅ​ក្នុង​ការប្រឆាំង​នឹង​របប​ដែល​គ្រប់គ្រង​ដោយ​លោក អា​សាដ បង្ក​ឲ្យ​មនុស្ស​ប្រមាណ​១​សែន​៥​ម៉ឺន​នាក់​ហើយ បាន​ស្លាប់​បាត​បង់ជីវិត​។ ពាក់ព័ន្ធ​ទៅ​និង​បញ្ហា​នេះ អាជ្ញាធ​ទីក្រុង​វ៉ាស៊ីនតោន​សហរដ្ឋ​អាមេ​រិក​ធ្លាប់បាន​ព្រមាន​លោក​អាសាដ​ម្តង​រួចមកហើយ ដោយ​បាន​បិទទ្ធា​ស្ថានទូត ស៊ី​រី​នៅ​រដ្ឋ​មួយ​ចំនួន​នៅ​សហរដ្ឋអាមេរិក​និង​បញ្ជា​ឲ្យ​អ្នក​មាន​​តួនាទី​នៅ​ទីនោះ​ក៏​ដូច​ជា​ជនជាតិ​ស៊ី​រី​ត្រឡប់​ទៅ​ប្រទេ​ស៊ីរី​វិញ​៕(ដោយ៖​អ៊ុន សុខ​ឡា)​

កង​​កម្លាំង​ប្រដាប់​អាវុធ​ អ៊ុយក្រែន​​បើកការ​​បង្ក្រាប​​លើក្រុមបាតុកររុស្ស៊ី​នៅ​ភាគខាង​កើត​

កង​កម្លាំង​ពិសេស ​អ៊ុយក្រែន ​បាន​ធ្វើការបង្រ្កាប​មកលើ​ បាតុករ​ដែល​គាំទ្ររុស្ស៊ី​ ​ដោយបាន​បណ្តេញ​​​ចេញ​ ពីការិយាល័យ​កណ្តាល​​សន្តិសុខ​​ អ៊ុយ​ក្រែន​ ​​ដែលស្ថិត​នៅទីក្រុង Donetsk​ ជា​ទី​ដែល​​ ក្រុម​បះបោរ ​​គាំទ្រ​ទីក្រុងម៉ូស្គូ បាន​រឹប​អូសកាន់​​កាប់​ កាល​ពី​​​ចុង​សប្តាហ៍​ ​កន្លង​​​​ទៅ​នេះ។​​

ការបង្ក្រាប ពីសំណាក់ កងកម្លាំងប្រដាប់អ៊ុយក្រែន មកលើក្រុមបាតុកររុស្ស៊ីនេះ ធ្វើឡើង បន្ទាប់​ពី​លោក​ប្រធានា​ធិបតី​ស្តីទី​អ៊ុយក្រែន​ Oleksandr Turchynov ​បាន​ប្តេជ្ញាថា​ អ៊ុយក្រែន​​ នឹង​​​តស៊ូគ្រប់បែបយ៉ាង ចំពោះ​ការ​រំលោភ​លើ​ទឹក​ដី​អ៊ុយ​ក្រែន ​ពី​សំណាក់​រដ្ឋាភិបាល​​ទីក្រុង​ម៉ូស្គូ។​​

តែយ៉ាងណា​ក៏ដោយ​ នៅក្នុងការបង្គិច​គ្នារវាងកង​កម្លាំងរដ្ឋាភិបាល​អ៊ុយក្រែន​ ជាមួយនឹង​ក្រុម​​បាតុកររុស្ស៊ី​នេះ មិន​បាន​បណ្តាល​ ឲ្យមានអ្នកស្លាប់ និងរងរបួសនោះទេ។​​

ដោយឡែក អាជ្ញាធរអ៊ុយក្រែន ក៏បា​នបង្កើតគណៈកម្មាធិការមួយសម្រាប់ ចរចា ជាមួយ​នឹង​កងទ័ព​​រុស្ស៊ី​ផងដែរ បន្ទាប់​​​ពី​មានព្រឹត្តិការណ៍​នេះ​កើតឡើង​។​​

នេះ​បើតាម​ ការបញ្ជាក់ពី​លោក​ Victoria Sumar​ អនុរដ្ឋលេខាធិការ ​នៃក្រុមប្រឹក្សាការពារជាតិ ​និងសន្តិសុខជាតិ​អ៊ុយ​ក្រែន​ ប្រាប់​ដល់ក្រុមអ្នកសារព័ត៌មាន៕(ដោយៈសៅ វិសាល)



ភ្លៀង និងរញ្ជួយដី​​បណ្ដាល​ឲ្យ​រថភ្លើង​​​ធ្លាក់​ផ្លូវ​ សម្លាប់​​មនុស្ស​៥នាក់​

រថភ្លើង​មួយ​គ្រឿង​ដែល​ផ្ទុក​អ្នក​ដំណើរ​២៥០​ បាន​ធ្លាក់​ចេញ​ពីផ្លូវ​ខណៈកំពុង​ធ្វើ​ដំណើរ​។ ​ហេតុការណ៍​នេះ បាន​កើត​ឡើង​កាល​ពីថ្ងៃទី០៤​ខែមេសា​ ស្ថិត​នៅ​ក្នុង​ទីក្រុងបានដុង ​ភាគខាងលិចកោះ​ ចាវ៉ា ​ប្រទេសឥណ្ឌូនេស៊ី។ ​

ទាក់ទង​នឹ​​ង មូលហេតុដែលបណ្ដាល រថភ្លើងខាង​លើធ្លាក់​ពី​លើផ្លូវ ​​គឺ​ដោយសារ​តែពេល​កំពុងធ្វើ​ដំណើរ ស្រាប់​តែ​មាន​ភ្លៀង​ និ​ង​រញ្ជួយដី​ផង​នោះ​ទើបណ្ដាល​ឱ្យដីបាក់​ ហើយ​រថភ្លើងក៏​រអិលធ្លាក់​ពីលើផ្លូវតែម្ដង។​

សូមបញ្ជាក់ថា​ អ្នក​ដំណើរ​ដែល​នៅ​​ ក្នុង​រថភ្លើង​មាន​យ៉ាងតិច​ ៥​នាក់​បាន​ស្លាប់បាត់បង់ជីវិត៕​(ដោយៈពេញ ផេង)

​អង្គការ​ណា​តូ​​ព្រួយបារម្ភ​ខ្លាំង​​បន្ទាប់​ពី​រុស្ស៊ី​​បាន​ដាក់​​កងទ័ព​​ជាច្រើន​​នៅ​ព្រំដែន​​ប្រទេស​​អ៊ុ​យក្រែន​

បន្ទាប់​ពី​កងទ័ព​រុស្ស៊ី​បាន​ចូលលុកលុយ​ទឹកដី​អ៊ុយ​ក្រែន​ម្ដងទៀត​នោះ​អង្កការ​ណាតូ​បាន​សំដែង​ការព្រួយបារម្ភ​យ៉ាងខ្លាំង​ទៅ​លើ​ទឹកដី​អ៊ុ​យក្រែន កាលពី​ថ្ងៃ​ទី​០២ ខែ​មេសា​កន្លង​ទៅ​។ ជាមួយគ្នានេះ អង្គការ​ណា​តូ​បាន​ព្រ មាន ទៅលើ​ប្រទេស​រុស្ស៊ី ដែល​ដាក់​កងទ័ព​កាន់តែ​ច្រើនឡើងៗ​។

មូលហេតុ​ដែល​រុស្ស៊ី ដាក់​កងទ័ព​ទៅ​លើ​ប្រទេស​អ៊ុយ​ក្រែន​នោះ​មាន​ហេតុផល​តែ​ម្យ៉ាង​គត់ គឺ​មាន​បំណង​ភ្ជាប់​ទឹកដី​ពី​ប្រទេស​រុស្ស៊ី ទៅ​ទីក្រុង គ្រី​មៀ​ បន្ទាប់​ពី​ឈ្នះឆ្នោត​ប្រជាមតិ​នៅ​អ៊ុយ​ក្រែន ប៉ុន្តែ​ទោះជា​យ៉ាងណា​ក៏​ដោយ​ការភ្ជាប់​ទឹកដី​នេះ ប្រទេស​ភាគច្រើន​មិន​ទទួល​ស្គាល់​ឡើយ ជាពិសេស​អង្គការ​ណា​តូ និង​សហរដ្ឋអាមេរិក​។

សូម​បញ្ជាក់ថា ក្រុម​កងទ័ព​របស់​ប្រទេស​រុស្ស៊ី​បាន​ចូល​ទៅ​លុកលុយ​ប្រទេស​អ៊ុយ​ក្រែន​ម្ដង​ទៀត​នោះមាន​ចំនួន​ប្រមាណ 40.000នាក់​៕​(ដោយ៖លាង ធីតា)

មនុស្ស​​៧​នាក់​​បាន​ស្លាប់​និង​​២០​នាក់​​រងរបួស​​បន្ទាប់​ពី​​គ្រាប់បែក​​មួយ​គ្រាប់​​បាន​ផ្ទុះ​​នៅ​ប្រទេស​ថៃ

គ្រាប់បែក​​មួយ​គ្រាប់​បាន​​ផ្ទុះឡើង​នៅ​​ថ្ងៃ​​ទី​០២​​ខែ​មេសា​ នាតំបន់​​មួយ​​នៃ​ទីក្រុង​​បាងកក​​ប្រទេស​​ថៃ។​ នៅក្នុង​​​ឧបទ្ទវហេតុ​​នោះ​ បណ្តាលឲ្យ​​មាន​​មនុស្ស​៧​នាក់​​បាន​ស្លាប់​​បាត់បង់​​ជីវិត​ និង២០​នាក់​​ផ្សេង​ទៀត​រងរបួស។​ អាជ្ងាធរ​នៅ​តំបន់​នោះ​ ​បាន​​ឲ្យដឹង​ថា​ មូលហេតុ​​ដែល​​បណ្តាល​ឲ្យ​​គ្រាប់បែក​​មួយ​គ្រាប់​​នោះ​ផ្ទុះ​ ដោយសារតែ​ កម្មករ​​សំណង់​​មួយ​ក្រុម​ បាន​ជីក​រណ្តៅ​​បុកគ្រឹះ​ នៅ​​ការដ្ឋាន​​មួយកន្លែង​ ហើយ​​ពួកគេ​​បាន​ប្រទះ​ឃើញ​​គ្រាប់បែក​​មួយ​គ្រាប់​ មាន​​រាង​ពង​​ក្រពើ​ ពួក​គេ​​គិត​ថា​​គ្រាប់បែក​នោះ​​អស់​​សុពលភាព​ ទើប​​យក​វា​​ទៅ​លក់​។​

មុន​ពេល​​ការទិញ​លក់​​កើតឡើង​ កម្មករ​​ម្នាក់​បាន​​ព្យាយាម​​ធ្វើតេស្ត​​គ្រាប់បែក​​នោះ​ ដើម្បី​​ចង់​ដឹង​​ពី​គុណភាព​ ខណៈនោះ​គ្រាប់បែក​​ក៏បាន​ផ្ទុះ​​យ៉ាង​​ក៏ក្រើក​​តែម្តង ។​ គ្រាប់បែក​​ដ៏​មាន​​ឥទ្ធិពល​​ខាងលើ​ បាន​ផ្ទុះ​​នៅ​ម៉ោង​១២​និង១៥​​នាទី​​រសៀល​។​ ​បន្ទាប់​ពី​​គ្រាប់បែក​​បានផ្ទុះ​​ ក្រុម​​អាជ្ញាធរ​​ដែល​​ពាក់ព័ន្ធ​​ បាន​ទៅ​ដល់​កន្លែង​កើតហេតុ​ នៅ​​ម៉ោង​​ប្រមាណ​ជា​១​រសៀល​នៅ​​ថ្ងៃ​ទី​០២​​ខែ​មេសា ។​

បើតាម​ការបញ្ជាក់​​ឲ្យដឹង​ពី​ វរសេនីយ​​នៃ​ការិយាល័យ​​ប៉ូលីស​ វិទ្យាសាស្ត្រ​ កោសល្យវិច្ច័យ​​ថៃ​បានឱ្យដឹងថា​ គ្រាប់បែក​នេះ​ ​បាន​បន្សល់​ទុក​​កាល​ពី​សម័យ​​សង្គ្រាម​លោក​​លើក​ទី​ពីរ​ និងមាន​​ទម្ងន់​​២២៧​​គីឡូក្រាម​ ហើយ​​អនុភាព​​របស់​វា​​អាច​​បំផ្លាញ​​អ្វីៗ​បាន​​គ្រប់យ៉ាង​ ដោយ​​កំ​ម្លាំង​ផ្ទុះ​​លាតសន្ធឹង​​ប្រមាណ​​​៥០០​ម៉ែត្រ។​ ​ជា​​ការ​​កត់​សម្គាល់​ ឧបទ្ទវ​ហេតុ​​គ្រាប់បែក​​ផ្ទុះ​​​​ ​បាន​កើតឡើង​ស្របពេល​​ដែល​​ប្រទេស​ថៃ​ ​កំពុងតែ​ជួបប្រទះ​​នូវ​បញ្ហា​​នយោបាយ​ តែ​​យ៉ាងណា​ក៏ដោយ​ អាជ្ញាធរ​ថៃ​ បាន​​បញ្ជាក់​​ដែរ​ថា​ រឿងនេះ​​វា​​មិន​​ពាក់ព័ន្ធ​​ជាមួយ​​បញ្ហា​​នយោបាយ​​នោះទេ៕​(ដោយ៖អ៊ុន សុខ​ឡា)​

រលក​ស៊ូណាមិ​​វាយប្រហារ​​ប្រទេស​​ជប៉ុន​​បន្ទាប់ពី​​ប្រទេស​ឈី​លី

បន្ទាប់​ពី​បាន​​វាយប្រហារ​​ទៅលើ​​ឆ្នេរសមុទ្រ​​ភាគ​ខាងជើង​​ នៃ​​ប្រទេស​ឈី​លី​​រួចមក​ ពេល​នេះ​​កម្លាំង​​នៃ​គ្រោះ​​រញ្ជួយ​ដី​ ដែល​​បង្ក​ជា​​រលក​ស៊ូណាមិ​ បាន​​វាយ​ប្រហារ​​ទៅលើ​​កំពង់ផែ​ អាយ​វ៉េ​ត​ ដែល​​លាត​សន្ធឹង​​លើ​ឆ្នេរសមុទ្រ​​ប៉ាស៊ីហ្វិក​ ស្ថិត​នៅ​​ភាគ​ឦសាន​​ប្រទេស​​ជប៉ុន​​ទៀត​ហើយ​។​ បើ​តាម​​ការបញ្ជាក់​​ពី​ប្រព័ន្ធ​ផ្សព្វផ្សាយ​​ក្នុង​ស្រុក​​បាន​​ឱ្យដឹង​ថា​ រញ្ជួយ​ដី​​ដែល​​មាន​​កម្លាំង​​៨.២​រ៉ិ​ចទ័​រ​ បាន​​បង្ក​ឱ្យ​​ក្លាយ​ជា​​រលក​ស៊ូណាមិ​ មាន​ទំហំ​​៤០​​សង់ទីម៉ែត្រ​​ហើយ​ មកដល់​​​ថ្ងៃ​ទី​០៣​​ខែ​មេសា​នេះ​។​

​បើ​តាម​​ការបញ្ជាក់​​ ពី​ភ្នាក់ងារ​​ឧតុនិយម​​ជប៉ុន​​វិញ​ ​បានឱ្យ​​ដឹង​ដែរ​​ថា​ កម្រិត​​នៃ​រលក​​ស៊ូណាមិ​នេះ​ ត្រូវបាន​​គេ​ប្រកាស​អាសន្ន​ នៅ​តំបន់​ឆ្នេរ​​ប៉ាស៊ីហ្វិក​ នៃ​កោះ​ ហុក​កៃដូ​ និង​​តំបន់​ តូ​ហូ​គូ​។​ តំបន់​​មួយចំនួន​​ទៀត​​ ដែល​​អាច​​រង​​ផល​ប៉ះពាល់​​ដូចគ្នា​​ដែរ​គឺ​ តំបន់​ កាន​តុ​ រួម​នឹង​កោះ​ អ៊ី​ហ្ស៊ូ​ និង​​អូ​ហ្កាសា​វ៉ា​រ៉ា​។​

​ក្រៅពីនេះ​ បើ​យោង​​ទៅលើ​​សារព័ត៌មាន​​ជប៉ុន​​ក្យូ​ដូ​​ បាន​ឱ្យ​ដឹងថា​ នៅ​ច្រកគូ​ជិ​ អាយ​វ៉េ​ត​ របស់​ជប៉ុន​ ក៏​​គេ​សង្កេត​​ឃើញ​មាន​​កម្លាំង​​រលក​ មាន​ទំហំ​​ប្រមាណ​​ជា​២០​​សង់ទីម៉ែត្រ​​ដែរ​ នៅ​ព្រឹក​​ម៉ោង​ជិត​​៧​​​ថ្ងៃ​ទី​០៣​​ខែ​មេសា​នេះ​។ ​រីឯ​ទំហំ​​នៃ​រលក​ ដែល​​វា​អាច​​កើនឡើង​​កម្រិត​ណា​​នោះ​ នឹង​ត្រូវ​​ធ្វើ​​ការត្រួតពិនិត្យ​​នៅ​​ពេល​ក្រោយ​។ ​

​គួរ​​រម្លឹកថា​ គ្រោះ​​រញ្ជួយ​ដី​​ដែល​​មាន​ទំហំ​​៨.២​រ៉ិ​ចទ័​រ​ បាន​​វាយប្រហារ​​ទៅលើ​​ឆ្នេរសមុទ្រ​​ប្រទេសឈី​លី​ កាល​ពី​ថ្ងៃ​ទី​០២​​ខែ​មេសា​ ក្នុង​​ជម្រៅ​១០​​គីឡូម៉ែត្រ​។ ​ឥទ្ធិពល​​របស់​វា​ បាន​​បង្ក​ឱ្យ​​មាន​ការ​បា​ក់ដី​ កាត់ផ្ដាច់​​ចរន្ដអគ្គិសនី​ និង​​បង្ក​ឱ្យ​​ក្លាយ​ជា​រលក​​ស៊ូណាមិ​ផងដែរ​។​ មិនតែប៉ុណ្ណោះ​ វា​បាន​​សម្លាប់​​មនុស្ស​​៦​នាក់​​បន្ថែមទៀត​៕​(ដោយ៖ពេញ ផេង)​

កូរ៉េខាងជើង និង​កូរ៉េខាងត្បូង បង្អូត​អាវុធ​ដាក់គ្នា នៅ​ជិត​តំបន់​ព្រំដែន​ទឹក​ដែល​មាន​ជម្លោះ​

ប្រទេស​កូរ៉េខាងជើង និង​កូរ៉េខាងត្បូង បាន​បង្អូត​អាវុធ​ដាក់គ្នា តាមរយៈ​ការធ្វើ សមយុទ្ធ​បាញ់​គ្រាប់​ពិត នៅ​ថ្ងៃ​ច័ន្ទ ទី​៣១ ខែ​ មីនា​នេះ នៅ​ជិត​តំបន់​ព្រំដែន​ទឹក​Yellow Sea ដែល​មាន​ជម្លោះ​។ នេះ​បើ​តាម សារព័ត៌មាន​អន្ដរជាតិ​BBC ចេញផ្សាយ​នៅ​ថ្ងៃនេះ​។

​ពីដំបូង​កូរ៉េខាងត្បូង បាន​ធ្វើ​សមយុទ្ធ បាញ់​គ្រាប់​ពិត នៅ​ទីនោះ ហើយ​ភ្លាមៗ កូរ៉េខាងជើង ក៏​បាន​ប្រកាស​ធ្វើ សមយុទ្ធ​ដូចគ្នានេះដែរ នៅ​តំបន់​ដែល​មាន​ជម្លោះ រវាង​កូរ៉េ​ទាំងពីរ​នេះ​៕ 


ការស្វែងរក​​យន្តហោះ​​ម៉ាឡេស៊ី​​ជួប​ឧបសគ្គ​ជា​ថ្មី​

​បន្ទាប់​ពី​អាកាសធាតុ​អ​ដ៏​ក្រក់​បាន​ធូរស្បើយ​មិន​បាន​ប៉ុន្មនា​ថ្ងៃ​ផង អាការ​ធាតុ​បែបនេះ បាន​ត្រលប់​មក​ជា​ថ្មី​ម្តងទៀត ពោល​គឺ នៅ​ថ្ងៃ​ទី​២៧​ខែ​មីនា​នេះ ក្រុម​អ្នកស្វែងរក​មាន​ការខឹង​សម្បារ​យ៉ាងខ្លាំង​ចំពោះ​សត្រូវ​ដែល​តែងតែ​ចូល​មក​យាយី សកម្មភាព​ស្វែងរក​របស់​ពួកគេ នោះ​គឺ​អាកាស​​ធាតុ​អាក្រក់ ដែល​គ្មាន​ក្តី​អាណិ​តដល់​អ្នកស្វែងរក​ជាពិសេស​គឺ​សាច់ញាត្តិ ដែល​កំពុង​ទន្ទឹងរង់ចាំ​លទ្ធផល​ពី​ការស្វែងរក ពោ​ពេញ​ដោយ​សេចក្តី​រន្ធត់​ឥតឧបមា​។

​ជា​ការសង្ស័យ​ម្តង​ហើយ​ម្តងទៀត នៅ​ក្នុង​គ្រា​ដែល​ផ្កាយរណប​ទីក្រុង​ប៉ារីស​ប្រទេស​បារាំង​ទាញ​យក​បាន​បំណែក​ជាង​មួយ​រយ​​បំណែក​នៅក្នុង​សមុទ្រ​ឥណ្ឌា អាជ្ញាធរ ម៉ាឡេស៊ី​បាន​សន្និដ្ឋាន​យ៉ាងច្បាស់​ថា មាន​ន​ណា​ម្នាក់ មាន​ចេតនា​បង្វែរ​ទិសដៅ​របស់​យន្តហោះ។

​ជា​ការកត់សំគាល់ កាលពី​ថ្ងៃ​ទី​២៦​ ​ខែ​មីនា​កន្លងទៅ​នេះ​ការ​ស្វែងរក​​តាម​រយៈ​​ផ្កាយ​រណប​របស់​ប្រទេស​​បារាំង​​​បាន​​រក​​ឃើញ​​​នូវ​វត្ថុ​​​ជា​​ច្រើន​​​បំ​ណែក​​ដែល​​គេ​សន្និដ្ឋានថា ជា​សំណុំ​របស់​យន្តហោះ​ម៉ាឡេស៊ី​ដែល​ដឹក​អ្នកដំណើរ​រួម​ទាំង​នាវិក​ចំនួន​​​ ២៣៩​នាក់។​ នៅក្នុង​នោះ​មាន​ប្រជាជន​​​ចិន​​​ច្រើន​ជាងគេ ហើយ​ភាគច្រើន​ពួកគេ​សុទ្ធ​ជា​អ្នក​មាន​ឋាន​ជា​ក្រុមប្រឹក្សាភិបាល​ចិន ។​

​យ៉ាងណាក៏ដោយ មាន​សំនួរ​ជាច្រើន​ដែល​គ្មាន​ន​ម្នាក់​អាច​ឆ្លើយបាន​នៅឡើយ​ទេ​ថា ហេតុអ្វី ប្រអប់​ខ្មៅ​ដែល​ស្ថិតនៅ​ក្នុង​យន្តហោះ​មិន​អាច​ផ្តល់​​សញ្ញា​បាន។ មកដល់​ត្រង់​ចំណុច​នេះ សូម​បញ្ជាក់​បន្តិច​ដែរ​ថា នៅ​ក្នុង​យន្តហោះ​គឺ​មាន​ប្រអប់​ខ្មៅ​ពីរ​ប្រអប់​ខ្មៅ​ទីមួយ សំរាប់​កត់ត្រា​សម្លេង អ្នកបើក​យន្តហោះប្រអប់​ខ្មៅ​ទី​ពីរ សម្រាប់​កត់ត្រា​ទិន្នន័យ​ទាំងឡាយ​ទាក់ទង​ទៅ​និង​ដំណើការ​នៃ​ការហោះហើរ។

ប៉ុន្តែ​ឧបករណ៍ដ៏​សំខាន់​ទាំងពីរ​នេះ វា​មាន​ដែន​កំណត់​របស់​វា​ដែល​វា​អាច​កត់ត្រា​ទិន្នន័យ​បាន​ត្រឹម​តែ​រយៈពេល ពីរ​ម៉ោង​ចុង​ក្រោយ​ប៉ុណ្ណោះ​។​អ្វី​ដែល​ជា​ការព្រួយបារម្ភ​សុពលភាព​ប្រអប់​ខ្មៅ​នោះ​វា​មាន​រយៈពេល​តែ​៣០​ថ្ងៃ​ប៉ុណ្ណោះ គិត​ចាប់ពី​ថ្ងៃ​ដែល​យន្តហោះ​បាត់​។

សូមបញ្ជាក់​ថា គិត​ចាប់ពី​ថ្ងៃ​ដែល​យន្តហោះ​បាត់​មកដល់ពេលនេះ​មាន​រយៈពេល​ជាង​ពីរ​សប្តាហ៍​ហើយ ដូច្នេះ​ពេល​វេលា​ស្វែងរក​ប្រអប់​ខ្មៅ​កាន់​តែ​​ខើច​​ទៅៗ ដែល​ជា​ការដាក់​សម្ពាធ​មួយ​ផង​ដែរ ដល់​អ្នកស្វែងរក​ត្រូវតែ​ព្យាយាម​ក្នុងការ​ធ្វើ​កិច្ចការ​នេះ៕(ដោយ៖​អ៊ុន សុខ​ឡា)​

ព័ត៌មាន​ចុងក្រោយ៖​រកឃើញ​បំណែក​ចំនួន​១២២​សង្ស័យ​ជា​បំណែក​យន្តហោះ​MH​370

យោង​តាមការ​ចុះផ្សាយ​របស់​សារព័ត៌មាន​CNN បានផ្សាយថា មានរូបភាពថ្មី​ពីផ្កាយរណប​របស់​ប្រទេស​បារាំង ថតបានបំណែក​ចំនួន​១២២បំណែក មានតូចមានធំ ដោយ​បំណែក​ខ្លះ​ មានទំហំរហូត​ដល់​ទៅ២៣ម៉ែត្រ។ បំណែកជាច្រើននេះ​ ត្រូវបានរដ្ឋមន្រ្តីម៉ាឡេស៊ី​សង្ស័យថា ជាបំណែកយន្តហោះ MH370។ ព័ត៌មានបន្ថែមផ្សាយជូនជាបន្តទៀត

Vayo FM Song Request