នយោបាយ

ប៉ះទង្គិច​គ្នា​​រវាង​អ្នក​​អមដំណើរ​​អ្នកស្រី​មូ សុ​ខហួរ​​និង​សន្តិសុខ​ប​ង្ក​ឲ្យ​​របួស​​៧​នាក់​នៅ​​ទីលាន​​ប្រជាធិបេតយ្យ​

  • PDF

​បេក្ខជន​ជាប់ឆ្នោត​តំណាងរាស្ត្រ​គណបក្ស​សង្គ្រោះ​ជាតិ អ្នកស្រី​មូរ សុខ​ហួរ​បាន​សំរុក​​ចូល​ទីលាន​ប្រជាធិបេតយ្យ​ជាថ្មី នៅ​ព្រឹក​ថ្ងៃទី​២១​​ ​មេសា​នេះ​។ ការ​សំរុក​ចូល​ទីលាន​ប្រជាធិបតេយ្យ​​​នៅ​ព្រឹក​នេះ បាន​បណ្តាល​ឲ្យ​អ្នក​អមដំណើរ​អ្នកស្រី​មូ សុខ​ហួរ និង​អ្នកសារព័ត៌មាន​រងរ​បូ​ស​ចំនួន​៧​នាក់ ខណៈ​ដែល​ក្រុម​ប្រជាពលរដ្ឋ​គាំទ្រ​តំណាងរាស្ត្រ​គណបក្សប្រឆាំង​ប៉ះទង្គិច​គ្នា​ជាមួយ​សន្តិសុខ​ខណ្ឌ​។

​មន​សុ្ស​របួស ​៧​នាក់​នោះ​មាន​៣​នាក់​ រងរបួស​បែកក្បាល និង​៤​នាក់​គ្នា​របួស​​ខ្លួនប្រាណ​។ នេះ​បើ​តាម​ការបញ្ជាក់​ឲ្យដឹងពី​លោក​អំ សំអាត មន្ត្រី​ឃ្លាំង​មើល​របស់​សមាគមន៍​អាដហុក​ថ្លែងប្រាប់​វិទ្យុ​ខ្មែរ​អន្តរជាតិ​វាយោ​FM នៅ​ព្រឹក​នេះ​។​

​គួរបញ្ជាក់​ថា ជាថ្មី​ម្តងទៀត​នៅ​ព្រឹក​ថ្ងៃ​ដដែល​នេះ​លោកស្រី​មួ​រ សុខ​ហួរ បេក្ខជន​ជាប់ឆ្នោត​តំណាងរាស្ត្រ​គណបក្ស​សង្គ្រោះ​ជាតិ និង​អ្នក​អម​ដំ​ណើរ​​លោក​ស្រី​ប្រមាណ​១០​នាក់ បាន​ធ្វើដំណើរ​ទៅកាន់​ទីលាន​ប្រជាធិបតេយ្យ នៅ​ម៉ោង​​៨:៣០​នាទី​​ព្រឹក​ថ្ងៃ​​ចន្ទ​​នេះ ដើម្បី​ទាមទារ​ឲ្យមាន​ការ​គោរព​សិទ្ធិ​បញ្ចេញ​មតិ​និង​ទីតាំង​ប្រមូលផ្តុំ​។

យ៉ាងណាក៏ដោយ​ការ​សំរុក​ចូល​ទីលាន​ប្រជាធិបេតយ្យ​ពី​សំណាក់​អ្នកស្រី​មូ សុខ​ហួរ នៅតែ​បរាជ័យ​ដដែល​ដោយសារតែ​មាន​ការរារាំង​ពី​សន្តិ​សុខ​​ខណ្ឌ​ដូច​សព្វដង​៕(ដោយ៖​ឆេង សូរីយា)​

​សម្តេច​ហ៊ុន​​ សែន​​ទៅ​បំពេញ​​ទស្សនកិច្ច​​នៅ​ក្នុង​ប្រទេស​​អា​ស៊ែ​បៃ​ហ្សង់​​និង​បេឡា​រុស​

  • PDF

​ដូច​ការគ្រោងទុក​នៅ​ព្រឹក​ថ្ងៃទី​២០ ​ខែ​មេសា​នេះ សម្តេច​ហ៊ុន ​សែន​នាយករដ្ឋមន្ត្រី បាន​ដឹកនាំ​​គណៈប្រតិភូ​​ជាន់ខ្ពស់​​ទៅ​បំពេញ​ទស្សនកិច្ច​ជា​ផ្លូវការ​នៅ​ប្រទេស​ចំនួន​២​គឺ អា​ស៊ែ​បៃ​ហ្ស​ង់ និង​បេឡា​រុស​ចាប់ពី​ថ្ងៃ​ទី​២១ ដល់ ថ្ងៃទី​២៥​ ខែ​មេសា​។ ការ​ទៅ​បំពេញ​ទស្សនកិច្ច​នេះ​គឺធ្វើឡើង​តប​​តាម​​ការអញ្ជើញ​របស់​នា​យក​រដ្ឋមន្ត្រី​នៃ​ប្រទេស​ទាំង​២​នេះ​។

​ក្នុងឱកាស​នៃ​ការបំពេញ​ទស្សនកិច្ច​រយះពេល​​៥​​ថ្ងៃ​ខាងលើនេះ សម្តេច​តេជោ​និង​គណៈប្រតិភូ​នឹង​ជួប​សម្តែង​ការគួរសម និង​ពិភាក្សា​ការងារ ជា​មួយ​​ប្រធាធិបតី​ប្រធានរដ្ឋសភា និង​នាយករដ្ឋមន្ត្រី​នៃ​ប្រទេស​ទាំង​២​ផងដែរ​។ ​ជាមួយគ្នានេះ​ក៏​មាន​ការចុះហត្ថលេខា​លើ​កិច្ចព្រមព្រៀង​មួយ​ចំនួន​​ដែល​ស្ថិត​ក្រោម​វត្ត​មាន​ជា​សាក្សី​របស់​​នាយក​រដ្ឋ​មន្ត្រី​​ផងដែរ​៕(ដោយ៖ឆេង សូរីយា)​

CCHR​​ស្នើ​រឲ្យសភាជាតិ​​កម្ពុជា​ផ្អាក​​ការអនុម័ត​​ច្បាប់​​ពាក់ព័ន្ធ​​នឹង​វិស័យ​​តុលាការ​

  • PDF

មជ្ឈមណ្ឌល​​សិទ្ធិមនុស្ស​កម្ពុជា​​ដែល​ហៅ​កាត់​​ថា CCHR​​បានចេញ​សេចក្តីថ្លែង​ការណ៍​មួយ​អំពាវនាវ​ឲ្យ​រដ្ឋសភាជាតិ​នៃ​ប្រ​ទេ​ស​​កម្ពុជា​ផ្អាក​​ការអនុម័ត​ច្បាប់​ចំនួន​៣​។​ច្បាប់​ទាំង​បី​នោះ រួមមាន សេចក្តីព្រាងច្បាប់​ស្តីពី​ការរៀបចំ​អង្គការ​តុលាការ សេ​ច​ក្តី​ព្រាងច្បាប់​ស្តីពី​ការរៀបចំ​និង​ការប្រព្រឹត្តទៅ នៃ​ឧត្តម​ក្រុមប្រឹក្សា​នៃ​អង្គចៅក្រម​និង​សេចក្តីព្រាងច្បាប់​ស្តីពី លក្ខន្តិកៈ​នៃ​ចៅក្រម​និង​ព្រះរាជអាជ្ញា​។

ការអំពាវនាវ​របស់​CCHR​បែបនេះ​គឺ​ដោយសារតែ​សេចក្តីព្រាងច្បាប់​ទាំង​នឹង​ត្រូវ​បញ្ជូន​ទៅ រដ្ឋសភា នៅ​ពេល​ឆាប់ៗ​ខាង​មុខនេះ​។​ដូច្នេះហើយ ទើប​មជ្ឈមណ្ឌល​សិទ្ធិមនុស្ស​កម្ពុជា សូម​ទទូច​ឲ្យ​រដ្ឋសភាផ្អាក ការអនុម័ត ច្បាប់​គោល ទាំង​បី​នោះ ដរាបណា​តំណាងរាស្ត្រ របស់​គណ​បកក្សនយោបាយ ទាំង​ពីរ​គឺ​គណបក្ស​ប្រជាជន​កម្ពុជា​និង​គណបក្ស​សង្គ្រោះ​ជាតិ ដែល​​បាន​ជាប់ឆ្នោត​ក្នង​ការបោះឆ្នោត ជ្រើសតាំង​តំណាងរាស្ត្រ​នា​ខែ​កក្កដា​ឆ្នាំ​២០១៣ កន្លង​មក​ចូល​កាន់តំណែង​នៅក្នុង​រដ្ឋសភា​ជាមុនសិន​។​មិនតែប៉ុណ្ណោះ ក៏​ត្រូវ​ទុក​ពេល​ឲ្យ​ស្ថាប័ពា​ក់ព័ន្ធ ពិគ្រោះ​យោបល់​ឲ្យ​ទូលំទូលាយ និង​ជា​សាធារណៈ​ទៅ​លើ​សេចក្តីព្រាងច្បាប់ ទាំងនោះ​ជា​មុន​សិន​។​

​សូម​រំលឹក​ថា​គណៈរដ្ឋមន្ត្រី​នៃ​ប្រទេស​កម្ពុជា កាលពី​ថ្ងៃ​ទី​១៨​ខែ​មេសា​កន្លងទៅនេះ បាន​បើក​សម័យប្រជុំ​ពេញអង្គ​របស់​ខ្លួន​។​នៅក្នុង​កិច្ចប្រជុំ​នោះ បាន​សំរេច​លើ​សេចក្តីព្រាងច្បាប់​ចំនួន​៣​រួមមាន​ទី​១​សេចក្តីព្រាងច្បាប់​ស្តីពី​ការរៀបចំ អង្គការ​តុលាការ​ទី ទី​២​សេចក្តីព្រាងច្បាប់​ស្តីពី​ការរៀបចំ​និង​ការប្រព្រឹត្តទៅ​នៃ​ឧត្តម​ក្រុមប្រឹក្សា​នៃ​អង្គចៅក្រម​និងទី​៣​សេចក្តី​ព្រាង​ច្បាប់​ស្តីពី​លក្ខន្តិកៈ​នៃ​ចៅក្រម​និង​ព្រះរាជអាជ្ញា​។​

​ចំពោះ​សេចក្តីព្រាងច្បាប់​គោល ទាំងបី​នេះ គឺ​ត្រូវបាន​តាក់តែងឡើង​ដោយ ផ្អែក​តាម បទពិសោធន៍ នៃ​ប្រទេស ដែល​មាន​នីតិរដ្ឋ រីកចម្រើន​រឹងមាំ ពិតប្រាកដ​ព្រមទាំង​មាន​ការជួយ​រៀបចំ​ពី​អ្នកជំនាញការ​ច្បាប់​របស់​សាធារណរដ្ឋ​បារាំង ផងដែរ​៕
(ដោយ៖​ហេង សំណាង)

​តំណាង​រាស្ត្រ​​គណបក្ស​សង្គ្រោះ​ជាតិបរាជ័យចូលទីលានប្រជាធិបតេយ្យ ជាថ្មី

  • PDF

កាលពី​ព្រឹក​ថ្ងៃទី​២០ ​មេសា​នេះ តំណាងរាស្ត្រ​គណបក្ស​សង្គ្រោះ​ជាតិ​៣​រូប ក្នុងនោះ​មាន​អ្នកស្រី​មូរ សុខ​ហួរ និងលោក​ឡុង​បូ​តា តំណង​រាស្ត្រ​មណ្ឌល​​បាត់ដំបង និង​លោក​វៀ ខេមរិន្ទ តំណាងរាស្ត្រ មណ្ឌល​ស្វាយរៀង ត្រូវបាន​សន្តិសុខ​ខណ្ឌ​រារាំង​មិនឲ្យ​ធ្វើ​សកម្មភាព​នៅ​បរិវេណ​ទីលាន​​ប្រជាធិបេតយ្យ​។

​ការ​រា​រាំ​ពី​ក្រុម​សន្តិសុខ​ខណ្ឌដូនពេញ​ប្រមាណ​ពី​២០ ទៅ​៣០​នាក់ ធ្វើឡើង​បន្ទាប់​ពីតំណាងរាស្ត្រ​គណបក្ស​សង្គ្រោះ​ជាតិទាំង​បី​រួប​ធ្វើ​សកម្មភាព​បញ្ចេញ​មតិ​យោបល់​ជុំ​រិញ​​ការ​ទាមទារ​​សិទ្ធិ​​សេរីភាព​​របស់​​ប្រជាពលរដ្ឋ​។​

​សំលេង៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​បន្ទាប់​ពី​មាន​ការរារាំង​ពី​សំណាក់​សន្តិសុខ​ខណ្ឌ​រួចមក អ្នកស្រី​មូរ សុខ​ហួរ និង​តំណាងរាស្ត្រផ្សេងទៀត ក៏​បាន​បន្តដំណើរ​ទៅ​រមណីយដ្ឋាន​វត្តភ្នំ​​បន្តទៀត តែ​យ៉ាងណាក៏ដោយ​សកម្មភាព​របស់​ក្រុមតំណាងរាស្ត្រ​គណបក្ស​ង្គ្រោះ​ជាតិ​នៅថ្ងៃនេះ​ ​នៅតែ​មិន​អាច​ប្រព្រឹត្តទៅបាន​។​

​គួរបញ្ជាក់​ថា ក្រៅ​ពី​សន្តិសុខ​ប្រមាណ​ជា​២០ ទៅ​៣០​នាក់​ ប្រចាំការ​នៅ​ទីនោះ​យើង​សង្កេតឃើញថា​ក៏​មាន​កងកម្លាំង​សមត្ថកិច្ច​ប្រមាណ​ជា ២០​នាក់​ ឈរជើង​នៅ​ទីលាន​ប្រជាធិបេតយ្យ ប៉ុន្តែ​មិន​បាន​បង្ហាញ​ពី​សកម្មភាព​រារាំង​ឡើយ​។​

​នេះ​មិនមែន​ជា​លើក​ទី​មួយ​ឡើយ​ដែល​តំណាងរាស្ត្រ​គណបក្ស​សង្គ្រោះ​ជាតិ​ត្រូវបាន​សន្តិសុខ​ខណ្ឌ​រារាំង​មិនឲ្យ​ធ្វើ​សកម្មភាព​បញ្ចេញមតិ​នៅ​ទីលាន​​ប្រជាធិបេតយ្យ​នោះ​។ កន្លងមក​អ្នកស្រី​មូរ សុខ​ហួរ ត្រូវបាន​សន្តិសុខ​ខណ្ឌ​​រា​រាំង​​ម្តង​​ជា​​ពីរ​​ដង​រួច​មក​ហើយ​៕​(ដោយ៖ឆេង សូរិយា)

គ​.​ជ​.​ប ​ណែនាំ​​គណបក្សនយោបាយ​ជុំវិញ​ការ​បោះឆ្នោត​​ខាងមុខ​

  • PDF

​យោង​តាម​សេចក្ដីណែនាំរបស់​គណកម្មាធិការ​ជាតិ​​រៀបចំ​ការបោះឆ្នោត​ហៅ​កាត់​ថា គ​.​ជ​.​ប បានឲ្យដឹងការពង្រឹង​ការឃោសនា​បោះឆ្នោត​មាន​ទិសដៅ​ឲ្យ​​គណបក្ស​នយោបាយ ​និង​​បេក្ខជន​​ឈរ​ឈ្មោះ​​បោះឆ្នោត​ធ្វើការ​​ផ្សព្វផ្សាយ​​កម្មវិធី​​នយោបាយ​​​របស់​​ខ្លួន​​ដល់​​អ្នក​​បោះឆ្នោត។

សេចក្តីណែនាំ​ដដែល​បាន​បន្តថា ទី​១ បេ​ក្ខ ជន ឬ​តំណាង​នៃ​គណបក្ស​នយោបាយ​មិនត្រូវ​ប្រើ​ភាសា ឬ​និយាយ​ប៉ះពាល់​ប្រមាថ​ម៉ាក់​ងាយ​ដល់​គណបក្ស​នយោបាយ ឬ​បេ​ក្ខ​ជន ឬ​តំណាង​គណបក្ស​នយោបាយ​ណាមួយ​ឡើយ​។ ទី​២ មិន​ត្រូវ​ជម្រុញ​ឲ្យមាន​ការប្រព្រឹត្ត​អំពើ​ហិង្សា ឬ​ការ​បំភិត​បំភ័យ​ក្នុង​អំឡុងពេល​ធ្វើ​ការឃោសនា​បោះឆ្នោត​ឡើង​។

ទី​៣ មិនត្រូវ​លើកឡើង​ជា​ពាក្យសំដី ឬ​ជា​លាយលក្ខណ៍អក្សរ ដោយ​យក​ព្រឹត្តិការណ៍​គួរ​ឲ្យ​តក់​ស្លុត​ពី​អតីតកាល​មក​ដំណាល​ដូចជា ឃាតកម្ម ការវាយដំ​ការរំលោភ ឬ​ការបំផ្លិចបំផ្លញ​ទ្រព្យ សម្បត្តិ​របស់​ជនណាម្នាក់ ឬ​ក្រុម​ណាមួយ។​ ទី​៤ ប្រើ​ភាសា​អសីលធម៌​បង្ហាញ​ពី​ការគំរាមកំហែង ញុះញង់​ឲ្យ​ប្រព្រឹត្ត​អំពើ​ហិង្សា​គំរាមកំហែង​ប្រឆាំង​អ្នកបោះឆ្នោត ឬ​គណបក្ស​នយោបាយ ឬ​បេក្ខជន​ឈរឈ្មោះ​បោះឆ្នោត​។

ក្រៅពីនេះ​មិនត្រូវ​មាក់​ងាយ​ប្រមាថ បំភិតបំភ័យ ឬ​អសីលធម៌ ឬ​សាបព្រោះ​ភាពភ័យខ្លាច​ធ្វើឲ្យ​ភាន់ច្រឡំ និង​ខូច​​សណ្ដាប់​ធ្នាប់​​សង្គម និង​ឲ្យ​និយាយ​រិះគន់​រើសអើង​ប្រកាន់​បក្សពួក ជាតិ​សាសន៍ ភេទ ឋានៈ​ក្នុងសង្គម​សាសនា​តាម​គ្រប់​រូបភាព​។​

​ប្រភព​ដដែល​បាន​បន្តថា មុន​ចាប់ផ្ដើម​ធ្វើ​សកម្មភាព​ឃោសនា​បោះឆ្នោត​គណបក្ស​នយោបាយ ​ឬ​បេក្ខជន​ត្រូវតែ​ជូនដំណឹង​ទៅ​គ​ធ​/​ខ​ប យ៉ាង​​ហោច​៣ថ្ងៃ មុន​ថ្ងៃ​ធ្វើ​សកម្មភាព​ឃោសនា​បោះឆ្នោត​របស់​ខ្លួន ។

គណបក្សនយោបាយ ឬ​បេក្ខជន​ត្រូវគោរព​ពេល​វេលា​នៃ​​ការឃោសនាបោះឆ្នោត ដូច​មានចែង​ក្នុង​បទបញ្ជា និង​នីតិវិធី​សម្រាប់​ការឃោសនា បោះឆ្នោត និង​ត្រូវ​គោរព​តាម​កាលវិភាគ​ដែល​បាន​សម្របសម្រួល និង​សម្រេច​ជាមួយ គ​ធ​/​ខ​ប។​ ​ក្រៅពីនោះ​គណបក្សនយោបាយ​មិន​ត្រូវ​យក​ទីសាធារណៈ ឬ​សាល​សាធារណៈ ធ្វើជា​កន្លែង ឃោសនា​បោះឆ្នោត​អចិន្ត្រៃយ៍​ឡើយ ។​

​គណបក្សនយោបាយ បេក្ខជន​ឬ​អ្នកគាំទ្រ​នៃ​គណបក្ស​នយោបាយ​មិន​ត្រូវ​ធ្វើឲ្យ​សកម្ម​ភាព​នៃ​​ការឃោសនា​​បោះ​ឆ្នោត​ក្លាយទៅ​ជា​​សកម្មភាព​បា​តុ​​កម្ម​​ប្រឆាំង​​តវ៉ា ​ឬ​ទាមទារ​​ដែល​ផ្ទុយ​​ពី​គោលការណ៍​​នៃ​ការឃោសនា​បោះឆ្នោត​។​ ក្បួន​ដង្ហែ​ឃោសនា​បោះឆ្នោត​របស់​គណ​បក្សនយោ​បាយ​ត្រូវ​តែ​រក្សា​សណ្ដាប់ធ្នាប់​សាធារណៈ និង​គោរព​ច្បាប់​ចរាចរណ៍​។​

​ក្នុង​សេចក្តីណែនាំ​ក៏​បាន​បញ្ជាក់​បន្ថែម​ទៀត​ថា គណបក្សនយោបាយ បេក្ខជន​និង​អ្នកគាំទ្រ​គណបក្ស​ទាំងឡាយ​ណាដែល​អនុវត្តន៍​ការ​ឃោសនា​​បោះឆ្នោត​ផ្ទុយ​ពី​ខ្លឹមសារ និង​សកម្មភាព​នៃ​ការឃោសនា​បោះឆ្នោត​ខាងលើ នឹង​ត្រូវ​ទទួលខុសត្រូវ​ចំពោះមុខ​ច្បាប់​។​(ដោយ៖​​ឡេង ដេត)​

តំណាងរាស្ត្រ​គណបក្ស​សង្គ្រោះ​ជាតិ​ត្រូវ​សន្តិសុខ​ខណ្ឌ​រារាំង​នៅ​ទីលាន​ប្រជាធិបេតយ្យ​

  • PDF

នៅ​ព្រឹក​ថ្ងៃទី​២០​មេសា​នេះ តំណាងរាស្ត្រ​គណបក្ស​សង្គ្រោះ​ជាតិ៣​រូប ក្នុងនោះ​មាន​អ្នកស្រី​មូរ សុខ​ហ៊ូរ និង លោកឡុង ​បូ​តា តំណង​រាស្ត្រ​មណ្ឌល​បាត់ដំបង និង​លោកវៀល ខេម​រិន្ទ តំ​ណាងរាស្ត្រ​មណ្ឌល​ស្វាយរៀង ត្រូវបានសន្តិសុខ​ខណ្ឌរារាំងមិនឲ្យ​ធ្វើ​សកម្មភាព​នៅ​បរិវេណ​ទី​លាន​​ប្រជា​ធិបេតយ្យ​។

​ការ​រា​រាំ​ពី​ក្រុម​សន្តិសុខ​ខណ្ឌដូនពេញ ប្រមាណ​ពី២០ ទៅ​៣០​នាក់ធ្វើឡើង បន្ទាប់​ពីតំណាងរាស្ត្រគណបក្ស​សង្គ្រោះ​ជាតិ​ទាំង​បី​រួប​ធ្វើ​សកម្ម​ភាព​បញ្ចេញមតិ​យោបល់ជុំ​រិញ​ការទាមទារ​សិទ្ធិ​សេរីភាព​របស់​ប្រជាពលរដ្ឋ​។

គួរបញ្ជាក់​ថា ក្រៅ​ពី​សន្តិសុខ​ប្រមាណ​ជា ២០ ទៅ​៣០​នាក់​ប្រចាំការ​នៅ​ទីនោះ យើង​សង្កេតឃើញថា​ក៏​មាន​កងកម្លាំង​សមត្ថកិច្ច ប្រមាណ​ជា២០​នាក់ ​ឈរជើង​នៅ​ទីលាន​ប្រជាធិបេ តយ្យ ប៉ុន្តែ​មិន​បាន​បង្ហាញ​ពី​សកម្មភាព​រារាំង​ឡើយ​។​

នេះ​មិនមែន​ជា​លើក​ទី​មួយ​ឡើយ​ដែល​តំណាងរាស្ត្រ​គណបក្ស​សង្គ្រោះ​ជាតិ ត្រូវបាន​សន្តិសុខ​ខណ្ឌ​រារាំង​មិនឲ្យ​ធ្វើ​សកម្មភាព​បញ្ចេញមតិ​នៅ​ទីលាន​ប្រជាធិបេតយ្យ​នោះ​។ កន្លងមក​អ្នកស្រី មូរ សុខ​ហ៊ូរ ត្រូវបាន​សន្តិសុខ​ខណ្ឌ​រារាំង​ម្តង​ជា​ពីរ​ដង​រួចមកហើយ​៕(ដោយៈ ឆេង សូរិយា)

ព្រះមហាក្សត្រ​​តែងតាំង​​មន្ត្រី​ពីរ​រូប​​នៅ​ស្ថាប័ន​ថ្មី​​ចំណុះ​​ក្រសួង​មហាផ្ទៃ​

  • PDF

​ព្រះមហាក្សត្រ​ព្រះបាទ​សម្តេច ព្រះបរមនាថ នរោត្តម សីហ​មុនី បាន​ត្រា​ស់ប​បង្គាប់​តែងតាំង​លោក​នាយ​ឧត្តមសេនីយ៍​សុខ ផល អគ្គស្នងការ​រង​​នគរបាលជាតិ​ជា​ប្រធាន​​អគ្គនាយកដ្ឋាន​​អន្តោប្រវេសន៍ និង​លោកនាយ​ឧត្តមសេនីយ៍ ម៉ៅ ច័ន្ទ​តារា អគ្គស្នងការ​រង​នគរបាលជាតិ​។​

ការ​តែ​តាំង​នេះ​បាន​ធ្វើឡើង បន្ទាប់​ពី​ក្រសួងមហាផ្ទៃ​បាន​ស្នើរ​សុំ​ទៅ​រាជរដ្ឋាភិបាល​ឲ្យ​មន្ត្រី​ទាំង​ពីរ​រូប​នេះ​ទៅ​កាន់​តួនាទី​ថ្មី​នៅ​អគ្គនាយកដ្ឋាន​អន្តោ​ប្រវេសន៍ និង​អគ្គនាយកដ្ឋាន​អត្តសញ្ញាណ​កម្ម​ដែល​ទើបតែ​បង្កើត​ថ្មី​ចំណុះ​ក្រសួង​មហាផ្ទៃ​។​

​គួរបញ្ជាក់ លោក​ឧត្តមសេនីយ៍ឯក ឆៃ ស៊ីណា​រិទ្ធ ប្រធាន​នាយកដ្ឋាន​សន្តិសុខ​ផ្ទៃក្នុង នឹង​ត្រូវ​ឡើង​ជា​អគ្គ​ស្នងការរង​នគរបាលជាតិ​ជំនួស​កន្លែង​លោក​នាយ​ឧត្តមសេនីយ៍ សុខ ផល ចំនែកឯលោក​ឧត្តមសេនីយ៍ ឯក ថោង លីម ប្រធាន​នាយកដ្ឋាន​កណ្តាល​សន្តិសុខ នឹង​ត្រូវ​ឡើង​ជា អគ្គ​ស្នង​ការ​រង​ជំនួស​លោក​យូ ស៊ុន​​ឡុង​វិញ៕(ដោយ៖ឆេង សូរីយា)​

រដ្ឋា​ភិបាល​​កម្ពុជា​​សម្រេច​​ឲ្យ​និស្សិត​​ពេទ្យ​​បញ្ចប់​​ការ​សិក្សា​​ត្រូវ​តែ​​ប្រឡង​​ថ្នាក់ជាតិ​

  • PDF

​បន្ទាប់​ពី​ក្រុម​និស្សិត​​មហាវិទ្យាល័យ​​វេជ្ជសាស្ត្រ ទន្តសាស្ត្រ​និង​ឱសថ​សាស្ត្រ​​នៃ​សាកលវិទ្យាល័យ​វិទ្យាសាស្ត្រ​សុខាភិបាល ប្រមាណ​ជាង​១០០​នាក់ បាន​ទាមទារ​ឲ្យ​ក្រសួង​សុខាភិ​បាល​លុបចោល​​ការប្រឡង​​ថ្នាក់ជាតិ​រួម​មក នៅ​ថ្ងៃ​ទី​១៨​ខែ​មេសា​កន្លងទៅ​នេះ​រដ្ឋាភិបាល​នៃ​ប្រទេស​កម្ពុជា​តាម​រយៈទី​ស្តីការគណៈរដ្ឋមន្ត្រី បាន​ចេញ​សេចក្តីសម្រេច​មួយ ដោយ​ផ្ទុយ នឹង​ការទាមទារ​របស់​ក្រ​យម​និស្សិត ដោយ​បែរជា តម្រូវ​ឲ្យ​និស្សិត​ពេទ្យ ថ្នាក់​វេជ្ជបណ្ឌិត​ទូទៅ បរិញ្ញាបត្រ​ឱសថ និង​ទន្ត​បណ្ឌិត​​ទាំងអស់ ដែល​ទើប​បាន​បញ្ចប់​ការសិក្សា ត្រូវ​ចូលរួម​ប្រឡង​បញ្ចប់​ថ្នាក់ជាតិ​។

ប្រសិនបើ​និស្សិត​ពេទ្យ​ណា ដែល​មិន​ទាន់​បាន​ប្រឡង​បញ្ចប់​ថ្នាក់​ជាតិ​ជា​ស្ថាពរ ក្រសួង មិន​ទទួល​ពាក្យសុំ​ប្រឡង ជ្រើស​រើស​ក្របខណ្ឌ​ជា​មន្ត្រីរាជការ និង​មិន​អាច​ឲ្យ​ប្រកប​វិជ្ជាជីវៈ​សុខាភិបាល ស្របតាម​ច្បាប់​ស្តីពី​ការគ្រប់គ្រង​លើ​ការប្រកប​វិជ្ជាជីវ​រៈវិស័យ វេជ្ជសាស្ត្រ អម​វេជ្ជសាស្ត្រ បានឡើយ​។

​​សូមបញ្ជាក់​ថា កន្លងមក រដ្ឋមន្ត្រីក្រសួង​សុខាភិបាល លោក ម៉ម ប៊ុនហេង ក៏​ធ្លាប់បាន មានប្រសាសន៍​បញ្ជាក់​ថា និស្សិត​គ្រប់​សាកលវិទ្យាល័យ​សុខាភិបាល​ទាំងអស់ មិន​ថា​រដ្ឋ និង​ឯកជន​នោះឡើយ ចាំបាច់​ត្រូវ​ឆ្លងកាត់​ការប្រឡង​ចេញ​ថ្នាក់​ជាតិ​សិន ក្រោយ​បញ្ចប់​ការសិក្សា​។ ការប្រឡង​ថ្នាក់ជាតិ​នេះ​គឺ រៀបចំ​ធ្វើឡើង ដើម្បី​ឲ្យស្រប​តាម​ស្តង់ដា គុណភាព សមត្ថភាព និង​កម្រិត នៃ​ការអប់រំ​ល្អប្រសើរ​ឡើង​ចំពោះ  វិស័យ​សុខាភិបាល​នៅក្នុង​ប្រទេស​កម្ពុជា​។

រដ្ឋមន្ត្រីក្រសួង​សុខាភិបាល​ក៏​បាន​បញ្ជាក់​ដែរ និស្សិត​ពេទ្យ​ទាំងអស់ ពុំ​បាន​ឆ្លងកាត់​ការប្រឡង​ចេញ​ថ្នាក់​ជាតិ​នេះ​ទេ ក្រសួង​មិន​អាច​ឲ្យ​សញ្ញាប័ត្រ ដើម្បី​បើក​មុខរបរ​ខាងក្រៅ និង​បម្រើ​ការងារ​ក្របខ័ណ្ឌ​រដ្ឋ​បាន​ឡើយ​៕​(ដោយ៖ហេង សំណាង)

សម្តេចហ៊ុនសែននឹង​បំពេញ​ទស្សនកិច្ច​ក្រៅប្រទេសចាប់ពីថ្ងៃស្អែកតទៅ

  • PDF

​សម្តេច​ហ៊ុន សែន​នឹង​បំពេញ​ទស្សនកិច្ច​ជា​ផ្លូវការ​ប្រទេស​ចំនួន​២ គឺ ប្រទេស​បេឡា​រូ​ស និង ប្រទេស​អា​សែ​បៃ​ហ្ស​ង់ ចាប់ពី​ថ្ងៃ​ទី​២០ ដល់​ថ្ងៃ​ទី​២៦ ខែ​មេសា​។​គួរកត់សំគាល់​ថា ប្រទេស​បេឡា​រូ​ស និង ប្រទេស អា​សែ​បៃ​ហ្ស​ង់ ដែល​ជា​ប្រទេស ២ ស្ថិតនៅ​តំបន់​អឺរ៉ុប និង​ជា​ប្រទេស​ដែល​បាន​បំបែក​ខ្លួន​ចេញពី អតីត​សហភាពសូវៀត​។ ​យោងតាម​សេចក្តីប្រកាស​ព័ត៌មាន របស់​ក្រសួងការបរទេស និង សហប្រតិបត្តិការ​អន្តរជាតិ  ចុះ​ថ្ងៃ​ទី​១១ ខែ​មេសា​បាន​បញ្ជាក់​ឲ្យដឹងថា សម្តេច ហ៊ុន សែន នឹង​អញ្ជើញ​ចាកចេញ​ពី​មាតុភូមិ ទៅកាន់​ប្រទេស​ បេឡា​រូស នៅ​វេលា​ម៉ោង៨ ព្រឹក ថ្ងៃទី​២០  ដល់​ថ្ងៃ​ទី ២២ ខែ​មេសា ចំនែកឯដំណើរ​ទស្សនកិច្ច​ប្រទេស​ទី​ពីរ គឺ​សម្តេច ហ៊ុន សែន និង​គណប្រតិភូ នឹង​អញ្ចើញ​បំពេញ​ទស្សនកិច្ច​ផ្លូវការនៅ​ប្រទេ ស​អា​សែ​បៃ​ហ្ស​ង់ នៅ ទី​២៣ ដល់​ថ្ងៃ​ទី ២៦ ខែ​មេសា ។

​តាម​ការគ្រោងទុក ដំណើរ​ទស្សនកិច្ច នៅ​សាធារណរដ្ឋ​បេឡា​រុស សម្តេច ហ៊ុន សែន នឹង​ជួប​សំដែង​ការគួរសម​ជាមួយ លោក​អា​ឡិច​សាន់​ដឺ​រ ឡូ​កា​សី​ន​កូ ប្រធានាធិបតី នៃ​សាធារ ណរដ្ឋបេឡា​រុស​, លោក អាន់​ណា​តូ​លី រូប៊ី​ន​នូវ៍ ប្រធាន​ក្រុមប្រឹក្សា​រដ្ឋ​សភា និង​ជួបពិភាក្សា​ទ្វេភាគី ជាមួយ​លោក មី​ខាយ មី​យ៉ាស​នី​កូ​វិច នាយករដ្ឋមន្ត្រី​បេឡា​រូ​ស ក្នុងនោះ ប្រទេស​ទាំង​ពីរកម្ពុជា និង​បេឡា​រុស នឹង​ចុះហត្ថលេខា​លើ​ឯកសារ​ចំនួន​៩​។​

​រីឯ ដំណើរ​ទស្សនកិច្ច នៅ​សាធារណរដ្ឋ​អា​ស៊ែ​បៃ​ហ្ស​ង់ សម្តេច ហ៊ុន សែន នឹង​ជួប​សំដែង​ការគួរសម ជាមួយ​លោក អ៊ី​ល​ហាម អា​លី​យេ​វ ប្រធានាធិបតី នៃ​សាធារណរដ្ឋ អា​ស៊ែ​បៃ​ហ្ស​ង់​,លោក អុក​តៃ អា​សាដូវ ប្រធានរដ្ឋសភា និង​ជួបពិភាក្សា ទ្វេភាគី​ជាមួយ លោក អា​ធឺ រ៉ាស៊ី​-​ហ្សា​ដ នាយករដ្ឋមន្ត្រី នៃ​សាធារណរដ្ឋ​អា​ស៊ែ​បៃ​ហ្ស​ង់​។ ក្នុងអំឡុងពេល​ទស្សន​កិច្ចនៅ​សា​ធារ​ណរដ្ឋ​អា​ស៊ែ​បៃ​ហ្ស​ង់ នឹង​មាន​ការចុះហត្ថលេខា​លើ​អនុស្សរណៈ នៃ​ការយោគយល់​គ្នា ស្តីពី​ការ បង្កើត​កិច្ច​ពិគ្រោះ​យោបល់​ទ្វេភាគី​។​

​គួរបញ្ជាក់​ថា ប្រតិភូ​អមដំណើរ​សម្តេច ហ៊ុន សែន រួមមាន លោក​ឧបនាយករដ្ឋមន្ត្រី ហោ ណាំ ហុង រដ្ឋមន្ត្រី​ក្រសួង​ការបរទេស និង​សហប្រតិបត្តិការ​អន្តរជាតិ និង​លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រី​ក្រសួង​ពាណិជ្ជកម្ម​កម្ពុជា​និង​គណៈប្រតិភូ​មួយចំនួនទៀត​៕(ដោយៈ ឆេង សូរិយា)


បក្សប្រឆាំង​​ស្នើរ​ទីលាន​​ប្រជាធិបតេយ្យ​​ឬ​សួន​កា​រូ​ឡា​​ដើម្បី​ជួបជុំ​អ្នក​គាំទ្រ​ឃោសនា​​រក​សម្លេង​ឆ្នោត​

  • PDF

ដើម្បី​ជួបជុំ​ជាមួយ​តំណាងរាស្ត្រ​របស់​ខ្លួន​ព្រមទាំង​ប្រជាពលរដ្ឋ​ដែល​គាំទ្រ ក្នុង​ការឃោសនា​រក​សម្លេងឆ្នោត​សម្រាប់ការ​បោះឆ្នោត​ជ្រើសរើស​ក្រុមប្រឹក្សា​រាជធានី​ខេត្ត​ក្រុង​ស្រុក​ខណ្ឌ​អាណត្តិ​ទី​២ ដែល​នឹង​ប្រព្រឹត្តិ​ទៅ​នៅ​ថ្ងៃ​ទី​១៨​ ​ខែ​ឧសភា​ខាងមុខ​នេះ.

គណបក្ស​សង្គ្រោះ​ជាតិ​ដែល​ជា​បក្ស​​ប្រឆាំង​ដ៏​​ធំ​បំផុត​នៅក្នុង​ប្រទេស​កម្ពុជា នៅ​ថ្ងៃ​ទី​១៨​ ខែ​មេសា​​បាន​ចេញ​​នូវ​លិខិត​មួយ​​ច្បាប់​​ផ្ញើ​ជូន​កាន់​អភិ​បាល​រាជធានី​ភ្នំពេញ​លោក​ប៉ា សុជាតិ​​វង្ស ដើម្បី​សុំ​ទីលាន​ប្រជាធិបតេយ្យ​ឬ​ ​សួន​កា​រូ​ឡា​ខាងកើត​ចំហៀង​​ខាងត្បូង​​វត្តបុ​ទុម​វត្តី​​ ដើម្បី​ជួបជុំគ្នា។

នៅក្នុង​លិខិត​ដដែល​នោះ​បក្សប្រឆាំង​បាន​បញ្ជាក់ថា ខ្លួន​នឹង​ហែរ​ក្បូន​យុទ្ឋនាការ​ឃោសនាបោះឆ្នោ​ត​ជ្រើសរើស​ក្រុមប្រឹក្សា​រាជធានី​ខេត្ត​ក្រុង​ស្រុក​​ខណ្ឌ​តាម​ផ្លូវ​នានា​នៅ​ទូរ​ទាំង​រាជធានី​ភ្នំពេញ​ចាប់ពី​ថ្ងៃ​ទី​២ ​ខែ​ឧសភា រហូត​ដល់​ថ្ងៃ​ទី​១៨ ​ខែ​ឧសភា​។​

​យ៉ាងណា​ក៏​ដោយ​សម្រាប់​ការស្នើរ​សុំ​នេះ​សម្រាប់​លោក​ឡុង ឌី​ម៉ង អ្នកនាំពាក្យ​សាលា​រាជធានី​ភ្នំពេញ​បាន​លើកឡើង​ថា សាលា​រាជ​នី​ភ្នំពេញ មិនទាន់​សម្រេច​យ៉ាងណា​នោះទេ ព្រោះ​ថា​សាលាក្រុង​ទើបតែ​បាន​ទទួល​លិខិត ហើយ​លិខិត​នោះ​កំពុងតែ​រៀបចំ​ដាក់​ជួន​អភិបាល​រាជធានី​ភ្នំពេញ​​សម្រេច​។​

លោក​ឡុង ​ឌី​ម៉ង់​៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​គួរបញ្ជាក់​ថា ការបោះឆ្នោត​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ អណ្ណត្តិ​ទី​២​ឆ្នាំ​២០១៤​ ​នឹង​ត្រូវ​​ប្រព្រឹត្តិ​​ទៅ​នៅ​​ថ្ងៃ​ទី​១៨​​ ឧសភា ឆ្នាំ​២០១៤​។ ចំណែក​យុទ្ធនាការ​ឃោសនា​រក​សម្លេងឆ្នោត​នឹង​ត្រូវចា​ប់​ផ្តើម​នៅ​ថ្ងៃ ទី​២​ឧសភា រហូត​ដល់​ថ្ងៃ​ទី​១៦​​ឧសភា​។

ការបោះឆ្នោត​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ​នេះ​នឹង​ត្រូវ​ធ្វើឡើង​ជា​អសកល ហើយ​មាន​តែ​សមាជិក​ក្រុមប្រឹក្សា​ឃុំ​សង្កាត់​តែ​ប៉ុណ្ណោះ​​ដែល​មាន​​សិទ្ឋិ​​បោះឆ្នោត​​នេះ​៕(ដោយ៖​ឆេង សូរិយា​)​

កិច្ចប្រជុំពេញ​អង្គ​លើកយក​​របៀបវារៈ​​៤​មក​​ពិភាក្សា​

  • PDF

គណៈរដ្ឋមន្ត្រី​កម្ពុជា​នៅ​ថ្ងៃ​ទី​១៨ ខែ​មេសា​នេះ បាន​បើក​សម័យប្រជុំ​ប្រចាំ​សប្តាហ៍​របស់​ខ្លួន​ក្រោម​វត្តមាន​សម្តេច​ហ៊ុន សែន នាយករដ្ឋមន្ត្រី​កម្ពុជា ដើម្បី​ពិភាក្សា​លើ​របៀបវារៈ​ចំនួន​៤​។

កិច្ចប្រជុំពេញអង្គ​ដែល​មាន​របៀបវារៈ​ចំនួន​៤​នោះ​រួមមាន ទី​១-​សេចក្តីព្រាងច្បាប់ ស្តីពី​ការរៀបចំ​អង្គ​តុលា ការ​ទី​២-​សេចក្តីព្រាងច្បាប់ ស្តីពី​ការរៀបចំ និង​ការប្រព្រឹត្តទៅ​នៃ​ឧត្តម​ក្រុមប្រឹក្សា​នៃ​អង្គចៅក្រម​។​

ទី​៣-​សេចក្តីព្រាងច្បាប់​ស្តីពី​លក្ខន្តិកៈ​នៃ​ចៅក្រម និង​ព្រះរាជអាជ្ញា​និង​ ទី​៤-​បញ្ហា​ផ្សេងៗ​៖​​សំណើ​សុំ​ការយល់ព្រម​ពី​គណៈរដ្ឋមន្ត្រី ដើម្បី​សុំ​សច្ចាប័ន​ពី​ស្ថាប័ន​នីតិប្បញ្ញត្តិ លើ​ពិធីសារ​នៃ​វិសោធនកម្ម​លើ​អនុសញ្ញា​អន្តរជាតិ​ស្តីពី​សាមញ្ញក​ម្ម​និង​ការធ្វើ​ឲ្យ​ស៊ីសង្វាក់​នៃ​នីតិវិធី​គយ​៕​(ដោយ៖លាង ធីតា)​

គណបក្ស​សង្គ្រោះ​ជាតិ​ជំរុញ​ឲ្យ​បង្កើត​តុលាការ​អន្តរជាតិ​កាត់ទោស​មេដឹកនាំ​ខ្មែរក្រហម​

  • PDF

​ពិធីជួបជុំ បង្សុកូល រាប់បាត្រ ឧទ្ទិស​កុសល ជូន​ដល់​វិញ្ញាណក្ខន្ធអ្នក​ដែល​បាត់បង់​ជីវិត ក្នុង​របប​​ខ្មែរ​ក្រហម​នៅ សារមន្ទីរ​ឧក្រិដ្ឋកម្ម​ប្រល័យ​ពូជសាសន៍​ជើងឯក​រាជធានី​ភ្នំពេញ ដែល​រៀប​ចំ​ដោយ គណបក្ស​សង្គ្រោះ​ជាតិ បាន បញ្ចប់​ហើយ នៅ​ម៉ោង​ប្រមាណ​ជា ជិត​១១ ព្រឹក​ថ្ងៃ​ដ​ដែល​​នេះ​។

​ថ្លែងនៅក្នុង​ពិធី​នោះ លោក ម៉ៅ មុនី​វណ្ណ មន្ត្រីជាន់ខ្ពស់​គណបក្ស​សង្គ្រោះ​ជាតិបាន​ថ្លែង ឲ្យដឹងថា គណបក្ស​សង្គ្រោះ​ជាតិ នៅតែ​បន្ត​ជំរុញ ឲ្យ​បង្កើត​តុលាការ​អន្តរជាតិ កាត់ទោសមេ​ដឹក​នាំ ខ្មែរក្រហម ដរាប ណា ប្រជាពលរដ្ឋ​រងគ្រោះ ទទួលបាន​យុត្តិធម៌​។

គណបក្ស​ប្រឆាំង​ដ៏​ធំ​នេះ ក៏​បាន​ស្នើរ​ឲ្យ តុលាការ​បន្ត​បើក​សវន​ការ​លើ​សំណុំរឿង​កាត់ទោស​មេ​ខ្មែរក្រហម បន្តទៀត មិនមែន​បញ្ចប់​ត្រឹម​សំណុំរឿង​០០២​នោះទេ ត្រូវ​បន្ត សណុំ​រឿង ០០៣ រឺ ០០៤ ដើម្បី​រក​យុត្តិធម៌ ដល់​ប្រជាពលរដ្ឋ​ស្លាប់​បាត​បង់ជីវិត​ជាពិសេស​គឺ​ជនរងគ្រោះ​ដែល​រស់រាន​មានជីវិត រង់ចាំ​មើល​ភាពយុត្តិធម៌​របស់ខ្លួន​៕(​ដោយៈ ឆេង សូរិយា​)

គជប ចេញ​សេចក្តីណែនាំ​គណបក្ស​នយោបាយ​ ឲ្យ​ឃោសនា​បោះឆ្នោត​ក្រុមប្រឹក្សា​គោរព​តាម​ច្បាប់​

  • PDF

ចំណុច​សំខាន់​ចំនួន​ពីរ ដែល គណៈកម្មាធិការ​ជាតិ​រៀបចំ​ការបោះឆ្នោតហៅ​កាត់​ថា គជប ណែនាំ ដល់​គណបក្ស​នយោបាយ ដែល​ចូលរួម នៅ​ក្នុង​ការ បោះឆ្នោតជ្រើសរើស​ក្រុម​ប្រឹ​ក្សា អាណត្តិ​ទី​ពីរ ឆ្នាំ​២០១៤​នោះ​គឺ ផ្តោត​សំខាន់​លើ ខ្លឹមសារ នៃ​ការឃោសនា​បោះឆ្នោត និង​សកម្មភាព​នៃ​ការឃោសនា​បោះឆ្នោត​នៅ​តាម​ទីសាធារណៈ​។​គណ​បក្សនយោបាយ​ដែល​ចូល​រួម ត្រូវ​ពង្រឹង និង​ពិនិត្យ ឲ្យបាន​ច្បាស់លើ​ចំណុច​សំខាន់​ទាំងពីរ​នេះ​។

គជប ចេញ​សេចក្តីណែនាំ​នេះ ដោយ យោង​តាម​ច្បាប់​នៃ​ការបោះឆ្នោត ជ្រើសរើស​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ នៅ​អាណត្តិ​ទី​២ បទ​នីតិវិធី​នៃ​ការបោះឆ្នោត យោង​តាម​ក្រម​សីលធម៌ សម្រាប់​គណបក្ស​នយោបាយ បេក្ខជន និង​យោង​តាម ផែនការ​អន្តរ​ស្ថាប័ន​របស់​ក្រសួង​មហាផ្ទៃ ការពារជាតិ និង​គជប ស្តីពី​កិច្ចការពារ​សុវត្ថិភាព សណ្តាប់ធ្នាប់​សម្រាប់​ដំណើរការ​ពិនិត្យ​បញ្ចី​ឈ្មោះ និង​ចុះឈ្មោះ បោះឆ្នោត​ប្រចាំឆ្នាំ និង​ការបោះឆ្នោត​នៅ​ថ្នាក់ក្រោម​ជាតិ​ថ្នាក់​ជាតិ ឆ្នាំ២០១១- ២០១៥​។​

​និយាយ​ពី​ខ្លឹមសារ​នៃ​ការឃោសនាបោះឆ្នោត គណបក្សនយោបាយ តំណាង​គណបក្ស រឺ​បេក្ខជន គណបក្សនយោបាយ មិនត្រូវ ប្រើ​ភាសា រឺ​និយាយ​ដៀមដាម ប្រមាថ​ដល់​គណបក្ស​ន​យោបាយ បេក្ខជន រឺ​តំណាង​គណបក្ស​នយោបាយ​ណាមួយ​ឡើយ​។ ករណី​ជម្រុញ ឲ្យមាន​អំពើ​ហិង្សា រឺ​ការបំភិតបំភ័យ កំឡុង​ពេល​ឃោសនាបោះឆ្នោត​។​លើកឡើង​ជា​ពាក្យសំដី រឺ​ជា​​លាយលក្ខណ៍អក្សរ ដោយ​យក​ព្រឹត្តិការណ៍​តក់ស្លុត​អតីតកាល​មក​ដំណាល ដូចជា​អំពើ​ឃាតកម្ម វាយដំ រំលោភ រឺ​ការបំភិតបំផ្លាញ​ទ្រព្យ​សម្បត្តិ​អ្នកដទៃ​។​ប្រើ​ភាសា​អសីលធម៌ បង្ហា​ញ​ពី​ការ​គំរាម​គំហែង ញុះញង់​ឲ្យ​ប្រព្រឹត្ត​អំពើ​ហិង្សា គំរាម​គំហែង​ប្រឆាំង​អ្នក​បោះឆ្នោត​រឺ​គណបក្ស​នយោបាយ រឺ​បេក្ខជន​ឈរឈ្មោះ​បោះឆ្នោត​។​និយាយ​រិះគន់ រើសអើង​ប្រកាន់ពូជសាសន៍ បក្ស​ពួក ភេទ ឋានៈ ក្នុងសង្គម សាសនា​គ្រប់​រូបភាព​។​

​ចំនែកឯ សកម្មភាព​នៃ​ការឃោសនា​បោះឆ្នោត​នៅ​តាម​ទីសាធារណៈ វិញ គឺ​មុន​ចាប់ផ្តើម ធ្វើ​សកម្មភាព​ឃោសនាបោះឆ្នោត គណបក្ស​នយោបាយ​ត្រូវ​ជូនដំណឹង​ទៅ​គ​ធ​/​ខ​ប បី​ថ្ងៃ​មុន សកម្មភាព​ឃោសនា​បោះឆ្នោត ។​គណបក្សនយោបាយ​មិន​ត្រូវ​យក​ទីសាធារណៈ រឺ​សាលសា​ធារណៈ​ធ្វើជា​កន្លែង​ឃោសនា​បោះឆ្នោត​ជា​អចិន្ត្រយ៍​ឡើយ​។​គណបក្សនយោបាយ បេក្ខ​ជន និង​អ្នកគាំទ្រ គណបក្ស​នយោបាយ​មិន​ត្រូវ ឲ្យ​សកម្មភាព​ឃោសនា​បោះឆ្នោត​ណាមួយ  ទៅ​ជា​ការតវ៉ា រឺ ទាមទារ​ផ្ទុយ នឹង​ការឃោសនា​បោះឆ្នោត​។​ចុង​ក្រោយ ក្បួន​នៃ​ការឃោស​នា​បោះ​ឆ្នោត របស់​គណបក្ស​នយោបាយ ត្រូវ​រក្សា​សណ្តាប់ធ្នាប់​សាធារណៈ និង​គោរព​ច្បាប់​ចរាចរណ៍​។​

​គជប បានបញ្ជាក់​ថា បើ​គណបក្ស​នយោបាយ រឺ​បេក្ខជន រឺ​អ្នកគាំទ្រ​ទាំងឡាយណា ដែល អនុវត្ត​ការឃោសនា​បោះឆ្នោត​ផ្ទុយ​នឹង​ខ្លឹមសារ រឺ​សកម្មភាព នៃ​ការឃោសនា​បោះឆ្នោត នឹង​ត្រួវ​​ទទួលខុសត្រូវ​ចំពោះមុខ​ច្បាប់​៕(ដោយៈ ឆេង សូរិយា)

បក្ស​​កាន់​អំនាច​​ដាក់​គោលនយោបាយ​​៩​ចំណុច​​ក្នុង​ការបោះ​ឆ្នោត​ជ្រើសរើស​​ក្រុមប្រឹក្សា​​រាជ​ធានី​​ខេត្ត​​ក្រុង​​ស្រុក​​ខណ្ឌ

  • PDF

​យោងតាម​​សេចក្តីជូន​ដំណឹង​​របស់​គណបក្ស​ប្រជាជន​កម្ពុជា​​បានឲ្យដឹង​ថា​នៅ​ក្នុង​ការ​ឃោសនា​​រក​សម្លេងឆ្នោត​សម្រាប់​ការបោះឆ្នោត ជ្រើសរើស​ក្រុមប្រឹក្សា រាជា​នី​ខេត្ត ក្រុង ស្រុក ខណ្ឌ នាពេល​ខាងមុខ​នេះ គណបក្ស​ប្រជាជន​កម្ពុជា​ដែល​ជា​បក្ស​កាន់​អំនាច​បាន​ដាក់ចេញ​នូវ​គោល​នយោ​បាយ​៩​ចំណុច​ធំៗ​។

​គោលនយោបាយ​ទាំង ៩​ចំណុច​ធំៗ​នោះ​រួមមាន ទី​១ ការពា​សន្តិសុខ​សណ្តាប់ធ្នាប់​និង​សុវត្ថិភាព​សង្គម​នៅ​គ្រប់​មូលដ្ឋាន ដើម្បី​ធានា​ការអភិវឌ្ឍន៍​គ្រប់​វិស័យ​និង​ជីវភាព​រស់នៅ​សុខសាន្ត​របស់​ប្រជាជន ទី​២ ការពារ​និង​លើកស្ទួយ​សិទ្ធិ​សេរីភាព​របស់​ប្រជាជន ទី​៣​ការរីកចម្រើន​ផ្នែក​សេដ្ឋកិច្ច​ឆ្លើយតប​និង​សំណូមពរ​នូវ​ការលើកកម្ពស់​ឥតឈប់ឈ​រ​របស់​ជីវភាព​ប្រជាជន ទី​៤ ការអភិវឌ្ឍន៍​វិស័យ​កសិកម្ម ទី​៥ ការពារ​សិទ្ធិ​លើ​ដីធ្លី ស្របច្បាប់​របស់​ប្រជាជន ព្រមទាំង​ការប្រើប្រាស់​និង​ការគ្រប់គ្រង​ដីធ្លី​រដ្ឋ​និង​ធនធានធម្មជាតិ​ប្រកបដោយ​តម្លាភាព​ចីរភាព​សមធម៌ និង​ប្រសិទ្ឋភាព ទី​៦ ការ​បន្ត​ផ្តល់​អាទិភាព​ក្នុង​អភិវឌ្ឍន៍​អគ្គីសនី​និង​ទឹក​ស្អាត ទី​៧ លើកកម្ពស់​ជីវភាព​មន្ត្រីរាជការ កងទ័ព នគ​បាល និង​កម្មករ​និយោជិត​ឲ្យ​កាន់តែ​មាន​ភាពប្រសើរឡើង​ស្រប​ជាមួយ​និង​កំណើន​សេដ្ឋកិច្ច​ទី​៨ ការអភិវឌ្ឍន៍​វិស័យ​អប់រំ សុខាភិបាល និង​សង្គមកិច្ច និង​ទី​៩ ពង្រឹង​អភិបាលកិច្ច​និង​សមត្ថភាព​នៃ​ស្ថាប័ន​ដើម្បី​ធានា​ការផ្តល់​សេវា​សាធារណៈ​ប្រកបដោយ​គុណភាព​ប្រសិទ្ឋភាព​និង​ការជឿទុកចិត្ត​។​
​គួរបញ្ជាក់​ថា ការបោះឆ្នោត​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ អណ្ណត្តិ​ទី​២​ឆ្នាំ​២០១៤​នឹង​ត្រូវ​ប្រព្រឹត្តិ​ទៅ​នៅ​ថ្ងៃ​ទី​១៨​ឧសភា ឆ្នាំ​២០១៤​។ ចំណែក​យុទ្ធនាការ​ឃោសនា​រក​សម្លេងឆ្នោត​នឹង​ត្រូវចា​ប់​ផ្តើម​នៅ​ថ្ងៃ ទី​២​ឧសភា រហូត​ដល់​ថ្ងៃ​ទី​១៦​ឧសភា​។ ការបោះឆ្នោត​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ​នេះ​នឹង​ត្រូវ​ធ្វើឡើង​ជា​អសកល ហើយ​មាន​តែ​សមាជិក​ក្រុមប្រឹក្សា​ឃុំ​សង្កាត់​តែ​ប៉ុណ្ណោះ​ដែលមាន សិទ្ឋិ​បោះឆ្នោត​នេះ​៕​(ដោយ៖ហេង សំណាង​)

 

មន្ត្រី​បក្ស​សង្គ្រោះ​ជាតិ​ចោទ​អាជ្ញាធរ​ស្រុក​សូត្រ​និគម​ថា​​បាន​ធ្វើ​សកម្មភាព​ឈ្នានីស​លើ​ស្លាក​គណបក្ស​​សង្គ្រោះ​ជាតិ​

  • PDF

​ជាថ្មី​ម្តងទៀត មន្ត្រីជាន់ខ្ពស់​គណបក្ស​សង្គ្រោះ​ជាតិ​បាន​ចោទប្រកាន់​ថាអាជ្ញាធរ​នៅក្នុង​​ស្រុក​​សូត្រ​និគម ខេត្តសៀមរាប​បានធ្វើ​សកម្មភាព​ជាច្រើន​​ដើម្បី​​ឈ្នានីស​​ដល់​ស្លាក​​របស់​​គណបក្ស​​ប្រឆាំង​​ដែល​បាន​​ដាក់​តាំង​នៅ​លើ​ផ្លូវ​​សា​ធា​រណៈ​​ក្នុង​ទីតាំង​​ដែល​អាជ្ញាធរ​​បាន​គ្រប់គ្រង​។​

​ការចោទប្រកាន់​នេះ​ធ្វើឡើង​តាមរយៈ​វីដេអូ​ឃ្លីប​មួយ​ដែល​អ្នកស្រី​កែ សុ​វណ្ណា​រ័ត្ន​​មន្ត្រីជាន់ខ្ពស់​​គណបក្ស​សង្គ្រោះ​ជាតិ​​បាន​និយាយថា​អាជ្ញាធរ​ស្រុក​សូត្រ​និគម​បាន​ប្រី​ប្រាស់​​វិធី​ជាច្រើន​​ដើម្បី​​រំខាន​​ដល់​ការ​ដាក់​ស្លាក​សញ្ញា​គណបក្ស​។​

ការរំខាន​ត្រូវបាន​មន្ត្រី​គណបក្សប្រឆាំង​រូបនេះ​បាន​រៀបរាប់ថា​មុនដំបូង​​ស្លាក​សញ្ញា​​របស់​បក្ស​ត្រូវបាន​ដាក់​តាំង​​នៅ​ជិត​វត្ត​​ប្រាសាទបន្ទាយស្រី​និង​នៅ​ជិត​​ព្រំ​ដី​របស់​​ការិយាល័យ​​សុខាភិបាល​​ស្រុក​សូត្រ​និគម តែ​បន្ទាប់​មក​​ស្លាក​សញ្ញា​នេះ​ត្រូវបាន​លើក​​ចេញ​​មក​ដាក់​នៅ​​ជិត​ទីតាំង​​សាលាស្រុក​​ ហើយ​ត្រូវបាន​អាជ្ញាធរ​បដិសេធ​ដោយសារ​ថា​ដី​​ដែល​ត្រូវ​ដាក់​ស្លាក​នោះ​​ជា​ដី​របស់​សាលាស្រុក និង​ក្រោយមក​​ត្រូវបាន​យក​​ទៅ​ដាក់​នៅ​ទល់មុខ​សាលាស្រុក​វិញ​។

ការ​ដាក់​តាំង​ស្លាក​សញ្ញា​របស់​បក្ស​នៅ​ទល់មុខ​សាលាស្រុក​សូត្រ​និគម​ត្រូវបាន​អ្នកស្រី​កែ សុ​វណ្ណា​រ័ត្ន​បាន​បញ្ជាក់​ថា អាជ្ញាធរ​​នៅតែ​មាន​​បំណង​​ឈ្នានីស​​បក្សប្រឆាំង ដោយសារ​តែ​អាជ្ញាធរ​​បាន​ដាក់តាំង​​រូប​សញ្ញា​របស់​​សាលាស្រុក​​ដាក់​តាំង​​នៅ​ជិត​ស្លាក​​សញ្ញា​បក្ស​​ដែល​ធ្វើឲ្យ​​មើលមិន​ឃើញ​ស្លាកប​ក្ស​៖

សម្លេង​អ្នកស្រី​កែ សុ​វណ្ណា​រ័ត្ន៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​អ្នកស្រី​កែ សុវណ្ណ​រ័ត្ន​បាន​ហៅ​ការលើក​ស្លាក​ដើម្បី​រំខាន​បក្សប្រឆាំង​ថា​ជា​ការរើសអើង​​របស់​​អាជ្ញាធរ​ក្នុង​ការ​រើសអើង​​គណ​បក្ស​​សង្គ្រោះ​ជាតិ​។​

​យ៉ាងណា​ក៏​ដោយ​វិទ្យុ​ខ្មែរ​អន្តរជាតិ​មិនអាច​ទាក់ទង​អាជ្ញាធរ​ស្រុក​សូត្រ​និគម​ដើម្បី​​សាកសួរ​​ទាក់ទង​​នឹង​ករណី​​នេះ​​បាន​​ឡើយ​​នៅ​ថ្ងៃនេះ​។

​កន្លងមក ​គណបក្ស​សង្គ្រោះ​ជាតិ​​ជានិច្ច​​ជាកាល​​តែងតែ​បាន​ចោទប្រកាន់​ថា​សកម្មជន​ឬ​មន្ត្រី​​គណបក្ស​​កាន់​អំណាច​​បាន​ធ្វើ​​សកម្មភាព​​ផ្សេងៗ​​ដើម្បី​ឈ្នានីស​​ស្លាក​​គណបក្សប្រឆាំង និង​បាន​​បំផ្លាញ​ស្លាក​គណ​បក្ស​ប្រឆាំង​​ទៀតផង​។ តែ​យ៉ាងណា​សម្តេច​ហ៊ុន សែន​​អនុប្រធាន​​គណបក្ស​​ប្រជាជន​​កម្ពុជា​​ធ្លាប់បាន​​អៈអាង​ថា មិន​មាន​​សកម្មជន ឬ​​មន្ត្រី​បក្ស​​ប្រជាជន​​ណា​ម្នាក់​​ធ្លាប់​ធ្វើ​សកម្មភាព​​បំផ្លាញ​​ស្លាក​​គណបក្ស​ប្រឆាំង​នោះទេ​។​(ដោយ៖វណ្ណ វុត្ថា)​

លោក​កឹម សុខា​​ត្រលប់​មក​​កម្ពុជា​វិញ​​នៅ​ក្រោយ​​ចូលឆ្នាំ​ខ្មែរ​

  • PDF

​បើ​មិន​មាន​អ្វី​ប្រែប្រួល​ទេ​លោក​កឹម សុខា​អនុប្រធាន​គណបក្ស​សង្គ្រោះ​ជាតិ និង​សហការី​​របស់​ខ្លួន នឹង​វិល​ត្រលប់​​មក​​មាតុ​ប្រទេស​វិញ​​នៅ​ថ្ងៃ​ទី​២៤​មេសា ពោល​គឺ​​ក្រោយ​ពិធី​​បុណ្យចូលឆ្នាំ​​ប្រពៃណី​​ជាតិ​​ខ្មែរ​បាន​បញ្ចប់​។​នេះ​បើ​តាម​​គម្រោង​​របស់​​គណ​បក្ស​​សង្គ្រោះ​ជាតិ​។​

​ការ​ទៅ​បំពេញ​ទស្សនៈកិច្ច​របស់​លោក​កឹម សុខា​និង​មន្ត្រីជាន់ខ្ពស់​​គណបក្ស​​សង្គ្រោះ​ជាតិ​នៅលើ​ទឹកដី​​នៃ ប្រទេស​​អាមេរិក​នេះ ដើម្បី​បញ្ជាក់​​ពី​គោលជំហរ​​របស់​​គណបក្ស​ប្រឆាំង ដល់​អ្នក​គាំទ្រ​​របស់​ខ្លួន​នៅ​ទីនោះ​។ បើ​តាម​​វីដេអូ​ឃ្លីប​មួយ​ដែល​បាន​បង្ហោះ​នៅក្នុង​បណ្ដាញ​សង្គម​ហ្វេ​សបុ​ក​​របស់​​លោក​កឹម សុខា​​កន្លងមក​ ថានៅ​​សហរដ្ឋ​​អាមេរិក​​លោក​កឹម សុខា​ត្រូវបាន​អញ្ជើញ​​ឲ្យចូល​រួម​​នៅ​ក្នុង​ពិធី​​ប្រជុំស​ភា របស់​សហរដ្ឋ​​អា​មេរិ​នៅរ​ដ្ឋ​​​មីណេស​សូតា​។​នៅក្នុង​ពី​ធី​ប្រជុំ​​សភា​នោះ​​លោក​កឹម សុខា​និង​មន្ត្រី​​ដែល​អមដំណើរ ត្រូវបាន​​ស្វាគមន៍​យ៉ាងខ្លាំង​​ពី​ក្រុម​​សមាជិក​សភា​​របស់​​សហ​រដ្ឋ​អាមេរិក​។​

​ការវិល​ត្រលប់​របស់​លោក​កឹម សុខា​មក​កម្ពុជា​វិញ​នៅ​ថ្ងៃ​ទី​២៤​មេសា​ធ្វើឡើង​​មុនពេល​​ដែល​​លោក​សម រង្ស៊ី​ប្រធាន​​គណបក្ស​សង្គ្រោះ​ជាតិ​​នឹង​ត្រូវ​វិល​​ត្រលប់​​មក​​ពី​អ៊ឺរ៉ុប​​នៅ​ចុង​ខែ​មេសា​ផង​ដែរ​។​

​គួរបញ្ជាក់​ថា កំឡុង​ពេល​ដែល​ថ្នាក់ដឹកនាំ​កំពូល​របស់​គណបក្ស​សង្គ្រោះ​ជាតិ​មិន​មាន​វត្តមាន​​នៅក្នុ​ង​ស្រុក មន្ដ្រី​ជាន់ខ្ពស់​​គណបក្ស​សង្គ្រោះ​ជាតិ​​លោក​អ៊ូ ច័ន្ទ​ឫទ្ធិ​​បាន​ឡើង​​ធ្វើជា​ប្រធាន​ស្ដីទី​គណបក្ស​​សង្គ្រោះ​ជាតិ បន្ទាប់​ពី​​លោក សម រង្ស៊ី​បាន​​ចាកចេញ​​ពី​ប្រទេស​កម្ពុជា​​ទៅ​បំពេញ​​បេសកម្ម​​នៅ​អ៊ឺរ៉ុប​២​​សប្តាហ៍​​កាលពី​យប់​ថ្ងៃទី​១៣​ខែ​មេសា​។ ថ្នាក់ដឹកនាំ​គណបក្ស​​ដែល​ត្រូវ​ទទួលខុសត្រូវ​​កិច្ចការ​​គណបក្ស​​ក្នុង​ប្រទេស​​គឺ​លោក​អ៊ូ​​ច័ន្ទ​ឫទ្ធិ​​ជា​ប្រធាន​​គណបក្ស​ស្តីទី​ ​លោក​អេង ឆៃអ៊ាង​​ជា​ប្រធាន​​គណ​:​កម្មា​ធិ​ការ​នាយក​ស្តីទី ​លោក​ម៉ៅ មុនី​វណ្ណ​​ជា​ប្រធាន​​គណ​:​កម្មា​ធិ​ការ​ប្រតិបត្តិ​​ស្តីទី ​និង​លោក​គួ​យ ប៊ុន​រឿន​ជា​អគ្គនាយក​​រដ្ឋបាល​ស្តីទី​។​(ដោយ៖វណ្ណ វុត្ថា)​

លោក អ៊ូ ច័ន្ទ​ឫទ្ធិ ឡើង​ធ្វើ​ជា​ប្រធាន ស្ដីទី​គណបក្ស​សង្គ្រោះ​ជាតិ​

  • PDF

មន្ដ្រីជាន់ខ្ពស់​គណបក្ស សង្គ្រោះ​ជាតិ​លោក អ៊ូ ច័ន្ទ​ឫទ្ធិ បាន​ឡើង​ធ្វើ ជា​ប្រធាន​ស្ដីទី គណបក្ស​សង្គ្រោះ​ជាតិ បន្ទាប់ពី​លោក សម រង្ស៊ី ប្រធាន​គណបក្ស​នេះ បាន​ចាកចេញ ពី​ប្រទេស​កម្ពុជា កាលពី​យប់​ថ្ងៃ ទី​១៣ ខែ​មេសា ដើម្បី​ទៅ​បំពេញបេសកកម្ម រយ​:​ពេល​ពីរ​សប្តាហ៍​ពី​ថ្ងៃ​ទី​១៤ ដល់​ថ្ងៃ​ទី​៣០ ខែ​មេសា​ឆ្នាំ​២០១៤ នៅ​អឺរ៉ុប។

ចំណែក​អនុប្រធាន គណបក្ស​សង្គ្រោះ​ជាតិ​លោក កឹម សុខា នឹង​នៅ​បន្ត​បំពេញ បេសកកម្ម​នៅ សហរដ្ឋអាមេរិក រហូត​ដល់​ថ្ងៃ​ទី​២៤​ខែ​មេសា ឆ្នាំ​២០១៤​។ នេះ​បើ​តាម​ការឲ្យ ដឹង​ពី​លោក អេង ឆៃអ៊ាង មន្ដ្រីជាន់ខ្ពស់ គណបក្ស​សង្គ្រោះ​ជាតិ តាម​បណ្ដាញ សង្គម​ហ្វេ​សប៊ុក​របស់លោក​។

​ថ្នាក់ដឹកនាំ​គណបក្ស​ដែល​ត្រូវ ទទួលខុសត្រូវ​កិច្ចការ​គណបក្ស​ក្នុង​ប្រទេស​គឺ :
១-​លោក អ៊ូ ច័ន្ទ​ឫទ្ធិ ជា​ប្រធាន​គណបក្ស​ស្តីទី​
២-​លោក អេង ឆៃអ៊ាង ជា​ប្រធាន​គណ​:​កម្មា​ធិ​ការនាយក​ស្តីទី​
៣-​លោក ម៉ៅ មុនី​វណ្ណ ជា​ប្រធាន​គណ​:​កម្មា​ធិ​ការប្រតិបត្តិ​ស្តីទី និង​
៤-​លោក គួ​យ ប៊ុន​រឿន ជា​អគ្គនាយក​រដ្ឋបាល​ស្តីទី​

គ​.​ជ​.​ប ចេញ​សេចក្ដីណែនាំ អំពី​ការពង្រឹង​ការឃោសនា បោះឆ្នោត​ជ្រើសរើស​ក្រុមប្រឹក្សា​

  • PDF

​សេចក្ដីណែនាំ របស់​គណៈកម្មាធិការ​ជាតិ​រៀបចំ ការបោះឆ្នោត​(​គ​.​ជ​.​ប​) ចេញផ្សាយ កាលពី​ថ្ងៃ​ទី​១២ ខែ​មេសា ដែល​ធ្វើ​ការណែនាំ ដល់​គណបក្ស​នយោបាយ ដែល​បាន​ចូលរួម នៅក្នុង​ការបោះឆ្នោត​ជ្រើសរើស ក្រុមប្រឹក្សា​អាណ្ណត្ដិទី​០២ ឆ្នាំ​២០១៤​នោះ

គឺ​ផ្ដោត​ទៅលើ​ខ្លឹមសារ នៃ​ការឃោសនា​បោះឆ្នោត និង​សកម្មភាព​នៃ​ការឃោសនាបោះឆ្នោត ដែល​ធ្វើឡើង នៅតាម​ទីសាធារណៈ និង​តាម​កន្លែង​ឯកជន ត្រូវ​ពង្រឹង​បន្ថែម ការ​អនុវត្ដ​ដូចជាៈ​

​ការឃោសនា បោះឆ្នោត មាន​ទិសដៅ​ឲ្យ គណបក្សនយោបាយ និង​បេក្ខជន​ឈរឈ្មោះ បោះឆ្នោត ធ្វើការ​ផ្សព្វផ្សាយ កម្មវិធី​នយោបាយ របស់​ខ្លួន​ជូន​អ្នកបោះឆ្នោត​។ គណបក្សនយោបាយ បេក្ខជន ឬ​តំណាង នៃ​គណបក្ស​នយោបាយ មិនត្រូវៈ

-​ប្រើ​ភាសា ឬ​និយាយ​ដៀមដាម ប្រមាថ​មើល ងាយ ដល់​គណបក្ស​នយោបាយ ឬ​បេក្ខជន ឬ​តំណាង​គណបក្ស​នយោ​បាយ ណាមួយ​ឡើយ​។

-​ជំរុញ ឲ្យមាន​ការ ប្រព្រឹត្ត​អំពើ​ហិង្សា ឬ​ការបំភិតបំភ័យ ក្នុង​អំឡុងពេល​ធ្វើ ការឃោសនា​បោះឆ្នោត​ឡើយ​។

-​លើកឡើង​ជា​ពាក្យ​សម្ដី  ឬ​ជា​លាយលក្ខណ៍អក្សរ ដោយ​យក​ព្រឹត្ដិការណ៍ គួរ​ឲ្យ​តក់ស្លុត​ពី​អតីតកាល មក​ដំណាល ដូចជា ឃាតកម្ម ការវាយដំ ការរំលោភ ឬ​ការបំផ្លិចបំផ្លាញ ទ្រព្យសម្បត្ដិ​របស់​ជន ណា​ម្នាក់ ឬ​ក្រុម​ណាមួយ​។

-​ប្រើ​ភាសា​អសីលធម៌ បង្ហាញ​ពី​ការគំរាមកំហែង ញ៉ុះញ​ង់​ឲ្យ​ប្រព្រឹត្ដ​អំពើ​ហិង្សា គំរាមកំហែង ប្រឆាំង​អ្នកបោះឆ្នោត ឬ​គណបក្ស​នយោបាយ ឬ​បេក្ខជន​ឈរឈ្មោះ​បោះឆ្នោត​។

-​មាក់​ងាយ បំភិតបំភ័យ ប្រមាថ​ឬ​អសីលធម៌​។

-​សាបព្រោះ​ភាពភ័យខ្លាច ធ្វើឲ្យ​ភាន់ច្រឡំ និង​ខូច​សណ្ដាប់ធ្នាប់​សង្គម​។

-​និយាយ​រិះគន់ រើសអើង​ប្រកាន់ បក្សពួក ជាតិ​សាសន៍ ភេទ ឋានៈ​ក្នុងសង្គម សាសនា តាម​គ្រប់​រូបភាព​។

ដោយឡែក សកម្មភាព នៃ​ការឃោសនា​បោះឆ្នោត នៅតាម​ទីសាធារណៈ​វិញ គឺ​គណៈកម្មាធិការ​ជាតិ រៀបចំ​ការបោះ​ឆ្នោត​ណែនាំ ថា មុន​ចាប់ផ្ដើម​ធ្វើ​សកម្មភាព ឃោសនាបោះឆ្នោត គណបក្សនយោបាយ ឬ​បេក្ខជន​ត្រូវតែ ជូនដំណឹង ទៅ​​គណៈកម្មការ​ខេត្ត​រៀបចំ​ការបោះឆ្នោត យ៉ាងហោចណាស់​០៣​ថ្ងៃ មុន​ថ្ងៃ​ធ្វើ​សកម្មភាព​ឃោសនា បោះឆ្នោត​របស់​ខ្លួន​។

គណបក្សនយោបាយ ឬ​បេក្ខជន​ត្រូវគោរព​ពេលវេលា នៃ​ការឃោសនា​បោះឆ្នោត ដូច​មានចែង ក្នុង​បទបញ្ជា និង​នីតិវិធី សម្រាប់​ការឃោសនាបោះឆ្នោត និង​ត្រូវ​គោរព តាម​កាលវិភាគ ដែល​បាន​សម្របសម្រួល និង​សម្រេច​ជាមួយ គណៈ​កម្ម​ការ​ខេត្ត​រៀបចំ​ការបោះឆ្នោត​។ ក្នុង​​ការ​​​អនុវត្ដ នូវ​សកម្មភាព​ឃោសនា​បោះឆ្នោតៈ​

-​គណបក្សនយោបាយ មិន​ត្រូវ​យក​ទីសាធារណៈ ឬ​សាល​សាធារណៈ ធ្វើជា​កន្លែង​ឃោសនាបោះឆ្នោត អចិន្ដ្រៃឡើ​យ​។
-​គណបក្សនយោបាយ បេក្ខជន ឬ​អ្នកគាំទ្រ នៃ​គណបក្ស​នយោបាយ មិន​ត្រូវ​ធ្វើ ឲ្យ​សកម្មភាព នៃ​ការឃោសនា​បោះ ឆ្នោត ក្លាយទៅជា​សកម្មភាព បាតុកម្ម​ប្រឆាំង​តវ៉ា ឬ​ទាមទារ ដែល​ផ្ទុយ​ពី​គោលការណ៍ នៃ​ការឃោសនា​បោះឆ្នោត​។

-​ក្បួន​ដង្ហែ​ឃោសនាបោះឆ្នោត របស់​គណបក្ស​នយោបាយ ត្រូវ​តែ​រក្សា​សណ្ដាប់ធ្នាប់ សាធារណៈ និង​គោរព​ច្បាប់​ចរាចរណ៍​។​

​គណៈកម្មាធិការ​ជាតិ រៀបចំ​ការបោះឆ្នោត បានបញ្ជាក់ នៅ​ក្នុង​សេចក្ដីណែនាំ​នោះ ថា គណបក្សនយោបាយ បេក្ខជន ឬ​និង អ្នកគាំទ្រ គណបក្ស​នយោបាយ​ទាំង​ឡើយ​ណា ដែល​អនុវត្ដ ការឃោសនាបោះឆ្នោត ផ្ទុយ​ពី​ខ្លឹមសារ និង​សកម្ម ភាព នៃ​ការឃោសនា​បោះឆ្នោត​ខាងលើ នឹង​ត្រូវ​ទទួលខុសត្រូវ ចំពោះ​មុខ​ច្បាប់​៕(ដោយៈឃួន សុភ័ក្រ)


បក្ស​សង្គ្រោះ​ជាតិ នឹង​រៀបចំ​ពិធី​បង្សុកូល ឧទ្ទិ​កុសល​ជូន​វិញ្ញាណក្ខន្ធ អ្នក​ស្លាប់​ក្នុង​របប​ខ្មែរក្រហម

  • PDF

នៅ​ថ្ងៃ​សៅរ៍​នេះ គណបក្ស​សង្គ្រោះ​ជាតិ បាន​ចេញ​សេចក្ដី ប្រកាស​ព័ត៌មាន​មួយ ដើម្បី​ជូន​ដំណឹង​ដល់ ថ្នាក់ដឹកនាំ គណ បក្ស​គ្រប់​លំដាប់ថ្នាក់ សមាជិក​-​សមាជិកា អ្នកគាំទ្រ​គណបក្ស ថា គណបក្ស​សង្គ្រោះ​ជាតិ នឹង​រៀបចំ ពិធី​បង្សុកូល រាប់ បាត្រ ឧទ្ទិ​កុសល ជូន​ដល់​វិញ្ញាណក្ខន្ធ អ្នក​ដែល​ស្លាប់ បាត់បង់​ជីវិត ក្នុង​របប​ខ្មែរក្រហម ដែល​នឹង​ប្រព្រឹត្តទៅ នៅ​ថ្ងៃ​ព្រហ ស្បត្ដិ៍ ទី​១៧ ខែ​មេសា ឆ្នាំ​២០១៤​។

​ចំណែក​ទីតាំង ប្រារព្ធ​ពិធី គឺ​នៅ​សារមន្ទីរ​ឧក្រិដ្ឋកម្ម ប្រល័យពូជសាសន៍​ជើងឯក ក្នុង​សង្កាត់​ជើងឯក ខណ្ឌដង្កោ រាជធានី​ភ្នំពេញ​។

​គួរបញ្ជាក់ ថា ក្នុង​លិខិត​របស់​លោក​ឃួង ស្រេង អភិបាលរង​រាជធានី​ភ្នំពេញ ចុះ​កាល​បរិច្ចេទ​ថ្ងៃទី​១០ ខែ​មេសា ឆ្នាំ​២០១៤ ផ្ងើរ​ទៅកាន់​លោក​ហូរ វ៉ាន់ ប្រធាន​គណៈកម្មាធិការ​ប្រតិបត្តិ​រាជធានី​ភ្នំពេញ របស់​គណបក្ស​សង្គ្រោះ​ជាតិ​បាន​បញ្ជាក់ថា ការស្នើសុំ​របស់​គណបក្ស​សង្គ្រោះ​ជាតិ ដែល​សុំ​រៀបចំ​ពិធី​បង្សុកូល​រាប់បាត្រ​នៅ​មជ្ឈមណ្ឌល​ឧក្រិដ្ឋកម្ម​ប្រល័យពូជសាសន៍​ជើងឯក នៅ​ថ្ងៃ​ទី​១៧ ខែ​មេសា ឆ្នាំ​២០១៤ ចាប់ពី​ម៉ោង ៧​ព្រឹក ដល់​ម៉ោង​១១​ថ្ងៃត្រង់ ដោយ​មាន​អ្នកចូលរួម​ចំនួន ៧០០​នាក់ នោះ​សាលា​រាជធានី​ភ្នំពេញ​មិន​យល់​ទាស់​ទេ​។​

​ប៉ុន្ដែ​យ៉ាងណា​ក៏ដោយ​នៅ​ក្នុង​លិខិត​របស់​លោក​ឃួង ស្រេង នោះ​បាន​ធ្វើ​ការណែនាំ​ដល់​គណបក្ស​សង្គ្រោះ​ជាតិ​ថា ត្រូវ​សហការ​ឲ្យបាន​ល្អ​ជាមួយ​អាជ្ញាធរ​មូល​ដ្ឋា​ន និង​អ្នកគ្រប់គ្រង​មជ្ឈមណ្ឌល​ក្នុង​ការថែរក្សា​សន្តិសុខ សុវត្ថិភាព និង​សណ្តាប់ ធ្នាប់​សាធារណៈ​អង្គពិធី​។ និង​អនុវត្ត​ឲ្យបាន​ម៉ឺងម៉ាត់​តាម​ខ្លឹមសា និង​កំណត់ហេតុ​ប្រជុំ កាលពី​ថ្ងៃ​ទី​១០ ខែ​មេសា នៅ​សាលា​ រាជធានី​ភ្នំពេញ​៕(ដោយៈឃួន សុភ័ក្រ)


Vayo FM Song Request