សន្តិសុខ
បុរស២នាក់បានរងរបួសធ្ងន់ និងម្នាក់ទៀតរបួសស្រាល បន្ទាប់ពីផឹកស្រាស្រវឹង ហើយបើករថយន្តទៅបុកបង្គោលភ្លើង។
ហេតុការណ៍នេះបានកើតឡើងកាលពីវេលាម៉ោង០០និង៣០នាទីយប់ឈានចូលថ្ងៃទី២២ ខែឧសភា ឆ្នាំ ២០១៣ នៅចំណុចភូមិដើមអម្ពិល សង្កាត់ច្បារអំពៅទី១ ខណ្ឌមានជ័យ។
សមត្ថកិច្ចមូលដ្ឋានបានឲ្យដឹងថា ជនរងគ្រោះដែលរបួសធ្ងន់មានឈ្មោះ ម៉ូ នីកា អាយុ ៣៥ឆ្នាំ និង ឈ្មោះសុខ លាភ អាយុ ៣០ឆ្នាំ។
យុវជនម្នាក់ ត្រូវបានក្រុមចោរ២នាក់ បានបើកម៉ូតូកៀរផ្តួលម៉ូតូជនរងគ្រោះ ភ្ជង់ប្លន់យកម៉ូតូ។
ហេតុការណ៍នេះ បានកើតឡើងកាលពីវេលាម៉ោង៧ និង២០នាទីយប់ ថ្ងៃទី២១ ខែឧសភា ឆ្នាំ២០១៣ នៅចំណុចចុង ឆ្នេរ អូរឈើទាល ស្ថិតក្នុងភូមិ៥ សង្កាត់លេខ៤ ក្រុងព្រះសីហនុ។ ជនរងគ្រោះរូបនោះមាន ឈ្មោះ វ៉ា មេត្តារុង រ៉ាត់ អាយុ ២០ឆ្នាំ។
យុវជន២នាក់បានស្លាប់នៅនឹងកន្លែងកើតហេតុ និងម្នាក់ទៀតរងរបួសធ្ងន់ បន្ទាប់ពីជនរងគ្រោះទាំង៣នាក់ បានជិះម៉ូតូទាំងស្រវឹងជ្រុលចង្កូតទៅបុករឺម៉កពីក្រោយយ៉ាងពេញទំហឹង។
ហេតុការណ៍នេះបានកើតឡើង កាលពីវេលាម៉ោង ១១និង១៥នាទីយប់២០ ខែឧសភា ឆ្នាំ២០១៣ ស្ថិតនៅចំណុចភូមិព្រែកខ្សេវ ឃុំរកាសខ្ពស់ ស្រុកស្អាង ខេត្តកណ្តាល។
សមត្ថកិច្ចមូលដ្ឋានបានឲ្យដឹងថា ជនរងគ្រោះដែលស្លាប់ទាំង២នាក់ នោះមានឈ្មោះ ឡុង វាសនា អាយុ ១៨ឆ្នាំ និង ឈ្មោះម៉ុន ម៉េង អាយុ ២០ឆ្នាំ និងម្នាក់ទៀតដែលរបួសធ្ងន់ឈ្មោះ សយ ប៊ុនលី អាយុ១៩ឆ្នាំ។ អ្នកទាំង៣រស់នៅ ក្នុងភូមិព្រែកស្នង ឃុំព្រែកគយ ស្រុកស្អាង ខេត្តកណ្តាល។
យ៉ាងហោចណាស់មនុស្សចំនួន១០នាក់(ស្រី២នាក់)បានស្លាប់ និង២១នាក់ផ្សេងទៀត(ស្រី៦នាក់)បានរងរបួសធ្ងន់ និងស្រាលដោយសារគ្រោះថ្នាក់ចរាចរណ៍ ដែលបានកើតឡើងចំនួន១៦លើក នៅទូទាំងប្រទេស កាលពីថ្ងៃទី២០ ខែឧសភា ឆ្នាំ២០១៣។
នេះបើយោងតាមប្រភពព៌ត័មាន ពីនាយកដ្ឋានសណ្តាប់ធ្នាប់ នៃអគ្គ ស្នងការនគរបាលជាតិ។ ប្រភពព៌ត័មានដដែល បានបង្ហាញថា ក្នុងគ្រោះថ្នាក់ចរាចរណ៍ ទាំង១៦លើកនោះ បានបង្កឲ្យខូចខាតយានយន្តសរុប ២៤គ្រឿង ក្នុងនោះម៉ូតូ១១គ្រឿង រថយន្តធុនតូច៧គ្រឿង រថយន្តធុនធំ ២គ្រឿង និងយានផ្សេង៤គ្រឿង។
មូលហេតុដែលបណ្តាលឲ្យមានគ្រោះថ្នាក់ចរាចរណ៍ទាំងនោះ គឺបណ្តាលមកពីល្បឿន ៦លើក មិនគោរពសិទ្ធិ២លើក ប្រជែងគ្រោះថ្នាក់២លើក បត់គ្រោះថ្នាក់២លើក ស្រវឹង២លើក និងកត្តាយានយន្ត២លើក ក្នុងនោះជិះម៉ូតូមិនពាក់មួក១០នាក់(យប់៦នាក់)។
ស្ត្រីម្នាក់ជាម្តាយបានរងរបួសធ្ងន់ និងកូនតូច២នាក់រងរបួសស្រាល បន្ទាប់ពីគោយន្តច្នៃមួយគ្រឿង បានរេចង្កូតជ្រុលទៅបុកម៉ូតូផ្ទប់បង្កាន់ដៃស្ពាន បណ្តាលឱ្យជនរងគ្រោះធ្លាក់ចូលទឺកអូរ។
ហេតុការណ៍នេះបានកើតឡើងកាលពីវេលាម៉ោង ១០និង៣០នាទីព្រឹកថ្ងៃទី២០ឧសភា នៅចំណុចស្ពានអូរជីក ក្នុងភូមិអូរចិញ្ចៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ។ ស្ត្រីរងគ្រោះឈ្មោះ ប៊ិន ស្រីម៉ៅ អាយុ២៦ឆ្នាំ។
យុវជន ២នាក់ បានរងរបួសធ្ងន់ ក្រោយពេលដែលពួកគេបានជិះម៉ូតូលឿនជ្រុលទៅបុកខឿនផ្លូវដួល ដោយសារតែជិះម៉ូតូគេចពីក្រុមក្មេងស្ទាវមួយក្រុមដែលជិះម៉ូតូ៣គ្រឿង ដេញវាយពួកគេ។
ហេតុការណ៍នេះបានកើតឡើង កាលពីវេលាម៉ោង ១២ និង ៣០នាទីយប់រំលងអាធ្រាត្រ ឈានចូលថ្ងៃទី២១ ឧសភា ២០១៣ នៅតាមបណ្តោយផ្លូវសហព័ន្ធរុស្ស៊ី ខណ្ឌសែនសុខ។
បុរសម្នាក់ស្លាប់ភ្លាមៗនៅកន្លែងកើតហេតុក្រោយពីត្រូវរថយន្តតាកូម៉ាបើកមួយគ្រឿង បើកបុកម៉ូតូរបស់ជនរងគ្រោះ កាលពីវេលាម៉ោង១០ និង២០នាទីយប់ ថ្ងៃទី១៩ខែឧសភាឆ្នាំ២០១៣ នៅចំណុច ក្បែរផ្សារដីហុយ ក្នុងភូមិរោងចក្រ សង្កាត់ភ្នំពេញថ្មី ខណ្ឌសែនសុខ។
ជនរងគ្រោះដែលស្លាប់មានឈ្មោះអ៊ាន រ៉ាត់ អាយុ ២៣ឆ្នាំ ជានិស្សិតឆ្នាំទី៣ នៅសាកលវិទ្យាល័យភូមិន្ទភ្នំពេញ ស្នាក់នៅម្តុំទួលគោក និងមានស្រុក កំណើតនៅឃុំជីផុច ស្រុកមេសាង ខេត្តព្រៃវែង។
ស្ត្រីម្នាក់ត្រូវបានប្តីចាក់សាំងដុតទាំងរស់រលាកខ្លួនធ្ងន់ធ្ងរពេលមានទំនាស់ពាក្យសម្តីនឹងគ្នា។
ហេតុការណ៍នេះបានកើតឡើងកាលពីវេលាម៉ោងជាង ៥ល្ងាច ថ្ងៃទី១៩ ខែឧសភា ឆ្នាំ២០១៣ នៅចំណុចភូមិសំបូរ ឃុំសំបូរ ស្រុកបាធាយ ខេត្តកំពង់ចាម។
ស្ត្រីរងគ្រោះខាងលើមានឈ្មោះ ឡៃ រឿន អាយុ ៣០ឆ្នាំ។ រីឯប្តីដែលជាជនសង្ស័យមានឈ្មោះ យ័ន ស្នា អាយុ៣២ឆ្នាំ។
ស្ត្រីម្នាក់ បានស្លាប់ពេលបញ្ជូនមកដល់មន្ទីរពេទ្យ បន្ទាប់ពីបុរសជាប្តីបានបើករថយន្តក្រឡាប់ធ្លាក់ចូលក្នុងទឹកស្រែ។
ហេតុការណ៍នេះបានកើតឡើងកាលពីវេលាម៉ោង ៣និង ៣០នាទី ថ្ងៃទី១៩ ខែឧសភា ឆ្នាំ២០១៣ នៅចំណុចផ្លូវលំក្រាលគ្រួសក្រហម ស្ថិតនៅក្នុងភូមិដើមជ្រែ ឃុំខុនរ៉ង់ ស្រុកបរិបូណ៌ ខេត្តកំពង់ឆ្នាំង។
ស្ត្រីរងគ្រោះដែលស្លាប់នោះមានឈ្មោះ អឿង រិន អាយុ៥២ឆ្នាំ។ រីឯបុរសជាប្តីដែលបើករថយន្តឈ្មោះ ផូ សាម អាយុ៥៣ឆ្នាំ រស់នៅខេត្តប៉ៃលិន។
ហេតុការណ៍មួយទៀត ដែលបានកើតឡើងក្នុងខេត្តកំពង់ឆ្នាំង ដែរនោះគឺ ក្មេងស្រីម្នាក់បានរងរបួសធ្ងន់ បន្ទាប់ពីត្រូវគោយន្តកន្ត្រៃបើកបុក ខណៈក្មេងស្រីរងគ្រោះរត់ឆ្លងផ្លូវទៅទិញនំ កាលពីវេលាម៉ោង ៧និង ២០នាទីព្រឹក ថ្ងៃទី១៩ ខែឧសភា ឆ្នាំ២០១៣ ក្នុងភូមិក្រាំងកកោះ ឃុំពេជ្រចង្វា ស្រុកបរិបូណ៌ ខេត្តកំពង់ឆ្នាំង។ ក្មេងស្រីរងគ្រោះមានឈ្មោះ យ៉ន មេសា អាយុ៣ឆ្នាំ។
ជាងជួសជុលម៉ាស៊ីនត្រជាក់៥នាក់ បានរងរបួសធ្ងន់ បន្ទាប់ពីបាក់រន្ទៀរធ្លាក់មកដី ខណៈកំពុងតែជួលជុលម៉ាស៊ីនត្រជាក់។
ហេតុការណ៍នេះបានកើតឡើងកាលពីវេលាម៉ោង ៣និង២០នាទីថ្ងៃទី១៩ ខែឧសភា ឆ្នាំ២០១៣ ស្ថិតនៅចំណុចក្រុមហ៊ុនលក់រថយន្តលូទូស្ស ក្នុងភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះទាំង៥នាក់នោះមានឈ្មោះ គឹម គឿន អាយុ៣២ឆ្នាំ ឈ្មោះ រុណ ពិសិទ្ធិ អាយុ ២៤ឆ្នាំ ឈ្មោះ គឹម គេន អាយុ ៣២ឆ្នាំ ឈ្មោះប៊ុន ថោន អាយុ២៦ឆ្នាំ និងឈ្មោះ ផល្លី ២៦ឆ្នាំ។
មនុស្សម្នាក់បានស្លាប់បាត់បង់ជីវិត និង៣នាក់ទៀតបានរងរបួសធ្ងន់ និងស្រាល បន្ទាប់ពីរថយន្តឡង់គ្រីស័របុកជាមួយនឹងរថយន្តកូរ៉េដឹកទឹកកកដែលចតស្ងៀម។
ហេតុការណ៍នេះ បានកើតឡើងកាលពីវេលាម៉ោង ២រសៀល ថ្ងៃទី១៩ ខែឧសភា ឆ្នាំ២០១៣ នៅចំណុចមុខស្នាក់ ការសង្កាត់រដ្ឋបាលព្រៃឈើដុងក្រឡក្នុង សង្កាត់សាមគ្គី ក្រុងស្ទឹងត្រែង។
មានឈ្មោះអូន ទូច អាយុ២១ឆ្នាំ ឈ្មោះ យ៉ាង មុំាង អាយុ៤៩ឆ្នាំ ឈ្មោះ យ៉ាង ប៉ុង អាយុ ៣៣ឆ្នាំ និងឈ្មោះស៊ើយ អេង អាយុ ៤១ឆ្នាំ។ ជនរងគ្រោះទាំង៤នាក់ រស់នៅក្រុងបានលុង ខេត្តរតនគិរី។
មនុស្ស៥នាក់បានស្លាប់ និង១៨នាក់ រងរបួសធ្ងន់និងស្រាលដោយសារគ្រោះថ្នាក់ចរាចរណ៍ដែលបានកើតឡើងចំនួន១២លើក នៅទូទាំងប្រទេស កាលពីថ្ងៃទី១៧ ខែឧសភា ឆ្នាំ២០១៣។ នេះបើតាមការឲ្យដឹងពីនាយកដ្ឋានសណ្តាប់ធ្នាប់នៃអគ្គស្នងការនគរបាលជាតិ។
ប្រភពព៌ត័មានដដែលបានបង្ហាញទៀតថា នៅក្នុងគ្រោះថ្នាក់ទាំង១២លើកនោះ បានបង្កឲ្យខូចខាតយានយន្តសរុប ១៨គ្រឿង ក្នុងនោះម៉ូតូ ១២គ្រឿង រថយន្តធុនតូច ៥គ្រឿង និងរថយន្តធុនធំ ១គ្រឿង។
មូលហេតុដែលបណ្តាលឲ្យមានគ្រោះថ្នាក់ គឺបណ្តាលមកពីបើកបរហួសល្បឿន ៣លើក មិនគោរពសិទ្ធិ៣លើក បត់គ្រោះថ្នាក់ ២លើក មិនប្រកាន់ស្តាំ២លើកកត្តាផ្សេងៗ ២លើក ក្នុងនោះជិះម៉ូតូគ្រោះថ្នាក់មិនពាក់មួក៩នាក់(យប់)។
បុរសម្នាក់បានស្លាប់ និងម្នាក់ទៀតរងរបួសធ្ងន់ បន្ទាប់ពីរថយន្ដដឹកដីមួយគ្រឿង បើកចុះពីលើភ្នំរេចង្កូតធ្លាក់ផ្លូវក្រឡាប់។
ហេតុការណ៍នេះបានកើតឡើងកាលពីវេលាម៉ោង៨ព្រឹកថ្ងៃ ទី១៧ ខែឧសភា ឆ្នាំ២០១៣នៅត្រង់ចំណុចភូមិជើងភ្នំ ឃុំត្រញំងប្រិយ៍ ស្រុកអន្លង់វែង ខេត្ដឧត្ដរមានជ័យ។
ជនរងគ្រោះដែលស្លាប់មានឈ្មោះសួរ សាដា អាយុ២០ឆ្នាំ និងម្នាក់ទៀតរងរបួសធ្ងន់មានឈ្មោះហ៊ន់ សីហា អាយុ៣១ឆ្នាំ។
បុរសជាកម្មករសំណង់ម្នាក់ស្លាប់ពេលបញ្ជូនទៅមណ្ឌលសុខភាព បន្ទាប់ពីកម្មកររូបនេះឡើងរន្ទា ដើម្បីចាក់បេតុងស៊ីម៉ងត៍ហើយក៏បាក់ធ្លាក់។
ហេតុការណ៍នេះបានកើតឡើងកាលពីវេលាម៉ោង៧ និង២៥នាទីព្រឹក ថ្ងៃទី១៨ ឧសភា ២០១៣ នៅចំណុចផ្ទះលេខ២ ផ្លូវ៣១៧ សង្កាត់បឹងកក់១ ខណ្ឌទួលគោក។
បុរសរូបនោះមានឈ្មោះ សុង ទីថា អាយុ៣៣ឆ្នាំ រស់នៅភូមិពារាំង ឃុំកោះចេក ស្រុកពាមជរ ខេត្តព្រៃវែង។
មនុស្ស៤នាក់ បានរងរបួសធ្ងន់ក្រោយពីយុវជន៣នាក់ជិះម៉ូតូមួយគ្រឿង ជ្រុលទៅបុកយុវជនម្នាក់ដែលកំពុងដើរឆ្លងផ្លូវ បណ្តាលឲ្យរបួសធ្ងន់ ទាំងអស់គ្នា។
ហេតុការណ៍នេះបានកើតឡើងកាលពីវេលាម៉ោង ៣នឹង៥០នាទីទាបភ្លឺ ថ្ងៃទី១៨ ឧសភា ២០១៣ ស្ថិតក្នុងសង្កាត់ផ្សារថ្មី៣ ខណ្ឌដូនពេញ។
(រូបភាពពីបណ្តាញសង្គម)បើតាមរបាយការណ៍ចុងក្រោយពីលោកខឹម សុផាន់រ៉ា អធិការនគរបាលស្រុកគងពិសីបានបញ្ជាក់ថា នៅក្នុងហេតុការណ៍រលំបាក់ប្លង់សេអគាររោងចក្រដេរស្បែកជើង«វីងស្តាស៊ូ»។
ដែលមានទីតាំងស្ថិតនៅតាមបណ្តោយផ្លូវជាតិលេខ៣ ក្នុងស្រុកគងពិសី ខេត្តកំពង់ស្ពឺ កាលពីព្រឹកថ្ងៃព្រហស្បត្ដិ៍ ទី១៦ ខែឧសភានេះ សមត្ថកិច្ចបានរុករកឃើញតែកម្មករ២នាក់ប៉ុណ្ណោះបានស្លាប់ក្នុងនោះស្រីម្នាក់និងប្រុសម្នាក់ និងរងរបួសធ្ងន់-ស្រាលចំនួន១១នាក់ផ្សេងទៀត។
លោកអធិការនគរបាលស្រុកគងពិសីបានបញ្ជាក់ថា រហូតមកដល់ល្ងាចថ្ងៃនេះសមត្ថកិច្ចចម្រុះបានបញ្ចប់ការរុករកកម្មករ-កម្មការិនីទៀតហើយ។
សំលេងៈ
ជាមួយគ្នានេះ ក្រោយពីកើតហេតុបាក់ប្លង់សេអគាររោងចក្រស្បែកជើង «វីងស្តាស៊ូ» ក្រសួងសង្គមកិច្ចបានចេញលិខិតភ្លាមៗមួយសន្លឹកដោយបានបញ្ជាក់ថា កម្មករដែលស្លាប់បាត់បង់ជីវិតក្នុងហេតុការណ៍នេះមានតែ២នាក់ប៉ុណ្ណោះ និងមានរងរបួសចំនួន៧នាក់ ប៉ុន្តែចំនួននេះបានកើនឡើងដល់១១នាក់ នៅពេលក្រុមសមត្ថកិច្ចបានបន្តរុករកនៅល្ងាចនេះ។
លិខិតរបស់ក្រសួងសង្គមកិច្ចបានឲ្យដឹងទៀតថា នៅវេលាម៉ោង៧ និង១៥នាទីព្រឹកថ្ងៃទី១៦ ខែឧសភា ឆ្នាំ២០១៣ មានឧបទ្ទវហេតុបាក់ធ្នើចន្លោះពីអគារមួយទៅអគារមួយទំហំ៩x១២ម៉ែត្រ ដែលជាផ្នែកលាងបាតស្បែកជើង មានកម្មករបម្រើការងារផ្នែកនេះ ប្រមាណ២០នាក់។
ហើយហេតុការណ៍គួរឲ្យរន្ធត់នោះ បណ្តាលឲ្យកម្មករ-កម្មការិនីក្នុងផ្នែកលាងបាតស្បែកជើង រងរបួសចំនួន៧នាក់ និងស្លាប់២នាក់ ក្នុងនោះស្រីម្នាក់ និងប្រុសម្នាក់ ដោយមិនមានការពាក់ព័ន្ធ នឹងកម្មករកម្មការនីនៅផ្នែកផលិតកម្មផ្សេងទៀតនោះទេ។
រោងចក្រស្បែកជើង «វីងស្តាស៊ូ»ស្ថិតនៅផ្លូវជាតិលេខ៣ ជិតផ្សារត្រាំខ្នារស្ថិតក្នុងភូមិអង្គសុគន្ធា ឃុំមហាឫស្សី ក្នុងស្រុកគងពិសី ខេត្តកំពង់ស្ពឺ។ កាលពីចុងខែមេសាកន្លងទៅនេះ រោងចក្រកាត់ដេរកម្ពស់៨ជាន់ នៅក្នុងប្រទេសបង់ក្លាដេស ក៍បានដួលរលំបាក់ផងដែរ ដែលបានបណ្តាលឲ្យកម្មករ១១២១នាក់ បានស្លាប់និងរងរបួសរាប់ពាន់នាក់។
ក្រោយមករោងចក្រមួយកន្លែងទៀតបានរងការឆេះ ដែលបានបណ្តាលអោយកម្មករ៨នាក់ទៀតបានស្លាប់។ រឿងអាស្រូវនៃការរលំបាក់រោងចក្រស្លាប់កម្មករជាង១ពាន់នាក់នេះ បានបង្ខំអោយក្រុមកម្មករ និងប្រជាពលរដ្ឋបង់ក្លាដេសធ្វើបាតុកម្មទាមទារឲ្យត្រួតពិនិត្យគុណភាពសំណង ក៏ដូចជាទាមទារឲ្យដាក់ទោសទណ្ឌយ៉ាងធ្ងន់ធ្ងរដល់ប្រធានរងចក្រនោះផងដែរ។
ចំណែកឯរោងចក្រជាច្រើនទៀត ត្រូវបានបង្ខំអោយបិទទ្វារដោយសារតែលក្ខណ្ឌការងារមិនល្អ។ ប្រទេសកម្ពុជា និងប្រទេសបង់ក្លាដេសជាប្រទេស ដែលមានសេដ្ឋកិច្ចរីកចំរើនដោយសារការពឹងផ្អែកយ៉ាងខ្លាំងទៅលើវិស័យកាត់ដេរនេះ៕(ដោយៈឃួន សុភ័ក្រ)
មានការផ្តល់ព័ត៌មានខុសៗគ្នាជុំវិញតួលេខនៃអ្នកស្លាប់ដោយការរលំបាក់អាគារោងចក្រដេរស្បែកជើងWing Star Shoes ស្ថិតនៅផ្លូវជាតិលេខ៣ ជិតផ្សារត្រាំខ្នាកាលពីព្រឹកព្រលឹម ថ្ងៃទី១៦ខែឧសភានេះ។ សារព័ត៌មានខ្លះបានចុះផ្សាយថា មានអ្នកស្លាប់រហូតដល់៥០ទៅ៦០នាក់។
ប៉ុន្តែយ៉ាងណាក៍ដោយ តួលេខចុងក្រោយ ដែលផ្តល់ដោយរដ្ឋមន្ត្រីក្រសួងសង្គមកិច្ច លោកអ៊ិត សំហេង បានអោយដឹងថា មានអ្នកស្លាប់តែ២នាក់ប៉ុណ្ណោះ និងរបួសចំនួន៧នាក់។
រដ្ឋមន្ត្រីក្រសួងសង្គមកិច្ច ក៍បានចេញលិខិតបន្ទាន់មួយទៀត ដើម្បីបញ្ជាក់ពីចំនួនអ្នកស្លាប់ ក្នុងបំណងបញ្ជាក់ឲ្យកាន់តែច្បាស់ ក្រោយពីព័ត៌មានមួយចំនួនបានចេញផ្សាយថា មានកម្មករស្លាប់រហូតដល់ ៥០ទៅ៦០នាក់។
យោងតាមលិខិតប្រកាសព័ត៌មានរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានគណៈកម្មការសម្រាប់ដោះស្រាយបញ្ហាកូដ្មកម្មបាតុកម្មតាមគ្រប់មុខសញ្ញាដែលចេញផ្សាយតែប៉ុន្មានម៉ោងក្រោយកើតហេតុនោះបានឲ្យដឹងថា នៅវេលាម៉ោង ៧ និង១៥នាទីព្រឹកថ្ងៃទី១៦ ខែឧសភា ឆ្នាំ ២០១៣ មានឧបទ្ទវហេតុបាក់ធ្នើចន្លោះពីអគារមួយទៅអគារមួយទំហំ ៩x១២ម៉ែត្រ ដែលជាផ្នែកលាងបាតស្បែកជើង មានកម្មករបម្រើការងារផ្នែកនេះប្រមាណ២០នាក់។
ក្នុងឧបទ្ទវហេតុនេះ ក្រសួងបានបញ្ជាក់ថា បណ្តាលឲ្យកម្មករកម្មការិនី ក្នុងផ្នែកនេះ រងរបួសចំនួន៧នាក់ និងស្លាប់២នាក់ ក្នុងនោះស្រីម្នាក់ដោយមិនមានការពាក់ព័ន្ធនឹងកម្មករ-កម្មការនីនៅផ្នែកផលិតកម្មផ្សេងទៀតនោះទេ៕(update)
ប្រទះឃើញសពស្ត្រីម្នាក់ដេកស្លាប់នៅក្នុងថ្លុកឈាមក្នុងបន្ទប់ខាងក្រោមផ្ទះរបស់ខ្លួនដោយមានធំក្លិនស្អុយទំនងជាស្លាប់រយៈពេល២-៣ថ្ងៃមកហើយដោយសង្ស័យជារឿងឃាកកម្ម។
ករណីនេះបានបង្កឲ្យមានការភ្ញាក់ផ្អើល កាលពីវេលាម៉ោង ៧ព្រឹកថ្ងៃទី១៦ ខែឧសភា ឆ្នាំ២០១៣ ភូមិទួលរកា សង្កាត់ចាក់អង្រែក្រោមខណ្ឌមានជ័យ។ ជនរងគ្រោះដែលស្លាប់នោះឈ្មោះ ជីង ឈាន អាយុ ៦៤ឆ្នាំ មុខរបរជាអ្នកទិញ-លក់អេតចាយ។
គ្រោះថ្នាក់ចរាចរណ៍ដែលកើតឡើងនៅទូទាំងប្រទេស នៅថ្ងៃទី១៥ ខែឧសភា ឆ្នាំ២០១៣ បានបណ្តាលឲ្យមនុស្សចំនួន៣នាក់សា្លប់ និង៩នាក់រងរបួស។ នេះបើតាមការឲ្យដឹងពីគេហទំព័ររបស់អគ្គស្នងការដ្ឋាននគរបាលជាតិ។
ប្រភពដដែលបានបង្ហាញថា នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើង៨លើកនោះ បានបង្កឲ្យខូចខាតយានយន្តសរុប ៩គ្រឿង ក្នុងនោះម៉ូតូ ៦គ្រឿង រថយន្តធុនតូច ២គ្រឿង រថយន្តធុនធំ ១គ្រឿង និងថ្មើរជើងម្នាក់។
ចំពោះមូលហេតុបណ្តាលមកពីបើកបរលើសល្បឿន ៣លើក មិនគោរពសិទ្ធិ ១លើក មិនប្រកាន់ស្តាំ ១លើក ស្រវឹង១លើក និងកត្តាផ្សេងៗ ១លើក ក្នុងនោះ គ្រោះថ្នាក់ជិះម៉ូតូមិនពាក់មួក ៦នាក់(យប់៣នាក់)។
ស្ត្រីម្នាក់បានធ្លាក់ពីលើម៉ូតូបោកក្បាលស្លាប់នៅនឹងកន្លែងដោយមានបីកូនតូចអាយុ១០ខែម្នាក់តែមិនមានរបួស រីឯបុរសជាប្តីរងរបួសស្រាល។
បន្ទាប់ពីបានជិះម៉ូតូឌុបគ្នាបុកនឹងបុកពំនូកទួលខ្ពស់ដែលគេលើកកាត់ទទឹងផ្លូវ កាលពីវេលាម៉ោង១១យប់ថ្ងៃទី១៥ ឧសភា តាមផ្លូវបេតុងស្ថិតក្នុងភូមិដំណាក់ធំ២ សង្កាត់ចោម ចៅ ខណ្ឌពោធិ៍សែនជ័យ។
ស្ត្រីរងគ្រោះរហូតដល់ស្លាប់ឈ្មោះសុំ ម៉ៃ អាយុ ២៤ឆ្នាំ ស្នាក់នៅផ្ទះជួលជិតផ្សារទួលពង្រ សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅភូមិស្រឡៅទង ឃុំបល្ល័ង្គ ស្រុកបាធាយ ខេត្តកំពង់ស្ពឺ។
