VAYO FM

Sunday, May 19th

Last update06:30:11 AM GMT

ព័ត៌មានចុងក្រោយ:

ស្ត្រេសជាអ្វី?

លទ្ធផលរួមនៃកិច្ចប្រជុំទ្វេភាគីកម្ពុជាថៃអំពីតំបន់ព្រំដែន

លោកអ៊ឹម ឈុនលឹម បញ្ជាឲ្យផ្អាកសំណង់អគាររោងចក្រស្បែកជើងវីងស្ដារស៊ូ

ហ្វីលីពីនច្រានចោលការប្រកាន់របស់តៃវ៉ាន់លើករណីបាញ់អ្នកនេសាទ

អាមេរិកដកទណ្ឌកម្មពីធនាគារអ៊ីរ៉ាក់ស្របពេលមានការបំផ្ទុះគ្រាប់បែកសម្លាប់មនុស្ស១៧៣នាក់

ទីតាំងឋិតនៅ: ប្រលោមលោកនិងព្រេងនិទាន

និទាន និង រឿងអប់រំខ្លី

Skip to content

ព័ត៌មានកីឡា

១.៣២២នាក់ ចូលរួមរត់ពាក់កណ្ដាលម៉ារ៉ាតុងអន្តរជាតិនៅសីហនុឆ្នាំនេះ

Saturday, 09 March 2013 16:47

សុខ ធារ៉ា

មនុស្ស ១៣២២នាក់ នឹងចូលរួមព្រឹត្តិការណ៍រត់ពាក់កណ្ដាលម៉ារ៉ាតុងអន្តរជាតិនៅថ្ងៃទី១០មីនាស្អែកនេះ នៅក្រុងព្រះសីហនុ។

ចំនួននៃអ្នកចូលរួមប្រកួតនៅឆ្នាំនេះកើនឡើង២០ភាគរយ ក្នុងនោះអត្តពលិកកម្ពុជាចំនួន ១១០០នាក់ និងអត្តពលិកបរទេសចំនួន ២២២នាក់ មកពី៣០ប្រទេស។

លោកវ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាបានឲ្យដឹងថា ចំនួនអ្នកចូលរួមរត់ឆ្នាំ នេះកើនឡើង២០ភាគរយ បើគិតតែសម្រាប់ជនបរទេសនោះមានការកើនឡើង៥០ភាគរយ។ លោកបានឲ្យដឹងទៀតថា សម្រាប់ឆ្នាំនេះក្រៅពីរត់២១គីឡូម៉ែត្រ ក៏នៅមានការរត់ ១០គីឡូម៉ែត្រ និង៣គីឡូម៉ែត្រ។

មជ្ឈមណ្ឌលជាតិហ្វឹកហ្វឺនកីឡាចាប់ផ្តើមសាងសង់ហើយនៅព្រឹកថ្ងៃអាទិត្យនេះ

Monday, 14 January 2013 09:26

សុខ ធារ៉ា

អាគារដែលមានកំពស់ ៩ជាន់នោះ មានទំហំទទឹង២៥ម៉ែត្រ បណ្ដោយ៤០ម៉ែត្រស្ថិតនៅជាន់ផ្ទាល់ដីមានសាលប្រជុំ២ ដែលអាចផ្ទុកមនុស្សបានចំនួន ៤៥នាក់ និង មួយទៀតដែលអាចផ្ទុកមនុស្ស ៤០០នាក់។ អាគារនោះមានជាន់ទី១ ជាការិយាល័យ និងបន្ទប់ពិសោធន៍ជាន់ទី២ ជាកន្លែងហាត់សាច់ដុំ បន្ទប់ពិសោធន៍ បន្ទប់វះកាត់ និង បន្ទប់សម្រាកព្យាបាល។

ចំនែកឯជាន់ទី៣ ទី៤ ទី៥ និងទី៦ ជាកន្លែងហាត់ប្រដាល់យូដូ វាយកូនឃ្លីលើតុ ចំបាប់តេក្វាន់ដូ វូស៊ូ ការាតេដូ និង ប្រភេទកីឡាមួយចំនួនទៀត។ ជាន់បន្ទាប់គឺ ជាន់ទី ៧និង ទី៨ ជាបន្ទប់សម្រាកសម្រាប់កីឡា និងចុងក្រោយ ជាន់ទី៩ ជាកន្លែងហាត់ និងប្រកួតជាក្រុម ដូចជាប្រភេទបាល់ទះ បាល់បោះជាដើម។ អាគារដ៏ប្រណិតនេះគ្រោងសាងសង់ដោយប្រើរយៈពេល២ឆ្នាំ ចំនែកការចំនាយថវិកានៅមិនទាន់បញ្ជាក់ឲ្យដឹងច្បាស់លាស់នៅឡើយទេ។

គួរបញ្ជាក់ថា ពិធីក្រុមពាលីកាលពីព្រឹកថ្ងៃអាទិត្យទី១៣នោះ គឺមានការចូលរូមពីមន្ត្រីរាជរដ្ឋាភិបាលមួយចំនួនក្នុងនោះមានដូចជា លោកប៊ុន សុខ រដ្ឋលេខាធិការក្រសួងអប់រំយុវជន និង កីឡា លោកជា អឿង លោក មាស សារិន លោកលី ស៊ីមុនី អនុរដ្ឋលេខាធិការក្រសួងអប់រំយុវជន និងកីឡានិងមន្ត្រីកីឡាជាន់ខ្ពស់របស់ជាតិជាច្រើនទៀត៕

កម្ពុជានឹងបង្កើតកីឡាវាយក្នុងទ្រុងជាលើកដំបូង

Tuesday, 25 December 2012 09:30

សុខ ធារ៉ា

លោកវ៉ាត់ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជា និងជាប្រធានសមាគមនៃកីឡាវ៉ែក្នុងទ្រុង MMA បានប្រាប់អោយដឹងថាប្រទេសកម្ពុជានឹងរៀបចំអោយមានការប្រកួតកីឡាប្រយុទ្ធមួយប្រភេទដែលមានលក្ខណៈចំរុះ គឺកីឡាវាយក្នុងទ្រុង។

ប្រទេសកីឡាវ៉ៃក្នុងទ្រុង MMA ដែលភាសាពេញគឺ Mixed Martial Art ភាសាខ្មែរហៅថា សិល្បៈចម្រុះដោយសារតែនៅពេលប្រកួតគេអាចប្រើបានទាំងដៃទាំងជើង ទាំងបោក ដើម្បីផ្តូលគួរប្រគួតរបស់ខ្លួន។

គ្រប់អ្នកហាត់កីឡាប្រយុទ្ធទាំងអស់អាចចូលរួមប្រកួតបានដោយរាប់ទាំងយូដូ និងចំបាប់ទៀតផង។ លោកបានបញ្ជាក់ថាកីឡាប្រភេទនេះប្រកួតលើសង្វៀនរាង៨ជ្រុង និងមានព័ទ្ធដោយសំណាញ់ដែកជុំវិញ។

ចំពោះការប្រកួតមាន ៣ទឹកហើយក្នុងមួយទឹកមាន ៥នាទីសម្រាប់ប្រយុទ្ធសុទ្ធសាធចំពោះការសម្រាកមានត្រឹមតែមួយ១នាទីប៉ុណ្ណោះ។ ការប្រកួតមានចាញ់ដោយសន្លប់ចាញ់ដោយអាជ្ញាកណ្ដាលបញ្ឈប់ចាញ់ដោយពិន្ទុ និងចាញ់ដោយគោះជាសញ្ញាចុះចាញ់ជាដើម។

លោកបានបញ្ជាក់ទៀតថាកីឡាករវាយក្នុងទ្រុងនេះ នឹងការប្រកួតសាកល្បងនៅថ្ងៃទី២៦ធ្នូខាងមុខនេះហើយប្រសិនបើមានអ្នកទស្សនាច្រើននិងចាប់អារម្មណ៍ខ្លាំងនោះលោកនឹងជំរុញអោយកីឡាករក្រៅប្រទេសមកចូលរួមប្រកួតផងដែរ។

គួរកត់ថា កីឡាប្រដាល់ប្រភេទនេះត្រូវបានពេញនិយមប្រកួតនៅតាមបណ្តាប្រទេសមួយចំនួននៅទ្វីបអាស៊ីដូចជាប្រជាជនជប៉ុន កូរ៉េ និងប្រទេសមួយចំនួននៅបែកខាងអ៊ឺរ៉ុបជាដើម។ ហើយនេះ គឺជាលើកដំបូងហើយដែលប្រទេសកម្ពុជាបង្កើតកីឡាប្រភេទនេះឡើងនៅក្នុង អាណត្តិរបស់លោកវ៉ាត់ ចំរើន ជាអគ្គលេខាធិការគណៈកម្មាធិការជាតិអូឡាំពិកកម្ពុជា៕

ទិវាប្រណាំងកង់អន្តរជាតិអង្គរ-សៀមរាប ឆ្នាំ២០១២ចាប់ផ្តើមហើយ

Saturday, 01 December 2012 14:00

សុខ ធារ៉ា

ទិវាប្រណាំងកង់អន្តរជាតិ អង្គរលើកទី១ បានចាប់ផ្តើម ហើយនៅព្រឹកថ្ងៃទី១ ខែធ្នូនេះ ដោយមានកីឡាករ-កីឡាការិនីជាតិ និងអន្តរជាតិចំនួន ៧០០នាក់ ចូលរួមប្រកួត និងមាន៣វិញ្ញាសាសម្រាប់ប្រកួតប្រជែង។

អនុប្រធានគណៈកម្មាការអូឡាំពិកកម្ពុជា NOCC លោកនុត សាអាន និងជាប្រធានសហព័ន្ធខ្មែរ ទោចក្រយានបានថ្លែងថា «ទិវាប្រណាំងកង់អន្តរជាតិអង្គរនេះ ជាព្រឹត្តិការណ៍មួយដ៏សំខាន់រួមចំណែកដល់ការទាក់ទាញភ្ញៀវទេសចរមកទស្សនាទីក្រុងសៀមរាប-អង្គរ និងជាសកម្មភាពការពារបរិស្ថានឆ្ពោះទៅកាន់ការអភិវឌ្ឍន៍ ទីក្រុងសៀមរាប អង្គរក្លាយជាទីក្រុងទេសចរណ៍ស្អាត និងបៃតង (Eco-City) នាពេលអនាគត»។

គួរបញ្ជាក់ថា កីឡាករ-កីឡាការិនី ដែលចូលរួមប្រណាំងកង់ឆ្នាំនេះមានកីឡាករអន្តរជាតិចំនួន ៤២៨នាក់ ដែលភាគច្រើនមកពីសហរដ្ឋអាមេរិក អង់គ្លេស អូស្ត្រាលី បារាំង ជាដើម។ ចំណែកកីឡាករ-ការិនីខ្មែរចំនួន ២៧២នាក់។

អ្នករត់ពាក់កណ្តាលម៉ារ៉ាតុងនៅសៀមរាបឆ្នាំនេះមាន៦៣០០នាក់

Friday, 30 November 2012 21:15

សុខ ធារ៉ា

នៅឆ្នាំនេះអ្នកចូលរួមរត់ពាក់កណ្តាលម៉ារ៉ាតុងអង្គរវត្តមានចំនួនច្រើនលើសពីការរំពឹងទុកពោល គឺមានរហូតទៅដល់៦៣០០នាក់ក្នុងនោះមាន ៤.១៥០នាក់ ជាជនបរទេស និងជនជាតិខ្មែរចំនួន២.១៥០នាក់គឺទាំងអ្នករត់អាជីពនិងអ្នករត់កំសាន្ដសប្បាយជាលក្ខណៈគ្រួសារ។

ជនបរទេសដែលនឹងចូលរួមនោះសុទ្ធតែធ្វើដំណើរមកពីប្រទេសចំនួន៦៧នៅលើពិភពលោក។ ពេលនេះខេត្តសៀមរាបផ្ទុកទៅដោយអ្នកមកចូលរួមក្នុងព្រឹត្តិការណ៍រត់ពាក់កណ្ដាលម៉ារ៉ាតុងអង្គរវត្តអន្តរជាតិ គឺមានទាំងកីឡាករ-កីឡាការិនី និងអ្នកគាំទ្រនានាផងដែរ។

នេះបើតាមការបញ្ជាក់ឲ្យដឹងពីលោក វ៉ាត់ ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជា។ ទាក់ទងនឹងការរត់ពាក់កណ្តាលម៉ារ៉ាតុងនេះផងដែរ លោក វ៉ាត់ចំរើន ក៏បានពន្យល់ឲ្យដឹងផងដែរដថាអ្វីទៅជាការរត់ពាក់កណ្តាលម៉ារ៉ាតុង។

សំលេងៈ

លោកវ៉ាត់ចំរើនបានបន្តទៀតថា ក្រៅពីការប្រកួតរត់កណ្តាលម៉ារ៉ាតុងអង្គរនេះដែរ នៅមួយថ្ងៃមុនព្រឹត្តិការណ៍រត់ពាក់កណ្ដាលម៉ារ៉ាតុងពោលគឺនៅថ្ងៃទី១ធ្នូនៅទីរួមខេត្តសៀមរាបក៏មមានរៀបចំការប្រណាំងកង់ជាលក្ខណៈអន្តរជាតិមួយដើម្បីស្វះស្វែងរកថវិកាជួយដល់ក្មេងកំព្រាជាពិសេសក្មេងដែលម្ដាយជាប់ពន្ធនាគារដើម្បីឲ្យគេបានទទួលបានការសិក្សា។

អ្នកចូលរួមជិះកង់ឆ្នាំនេះមានចំនួន៧០០នាក់ដែលមកពី៣៨ប្រទេស។ នេះជាការប្រណាំងលើកទី៧ ដែលមាន៣វិញ្ញាសា គឺប្រណាំងចម្ងាយ១០០គីឡូម៉ែត្រ បុរស-នារី ៣០គីឡូម៉ែត្របុរស-នារី និងចម្ងាយ ១៧គីឡូម៉ែត្របុរស-នារីជាលក្ខណៈគ្រួសារ។

គួរបញ្ជាក់ថា រហូតមកដល់ពេលនេះ ការទទួលចុះឈ្មោះចូលរួមការប្រកួតពាក់កណ្តាលម៉ារ៉ាតុងត្រូវបានបិទបញ្ចប់រួចរាល់ហើយ។ បិទបញ្ចប់គឺដោយសារតែចំនួនអ្នកដែលចុះឈ្មោះចូលរួមមានចំនួនច្រើនជាងអ្វីដែលបានគ្រោងទុក៕