ព័ត៌មានជាតិ

​សាលា​រាជ​ធានី​ភ្នំពេញ​​មិន​​អនុញ្ញាត្ត​​ឲ្យ​សហជី​ព​​ប្រារព្ឋ​ទិវា​​ពលកម្ម​១​​ឧសភា​​នៅ​ទីលាន​​ប្រជាធិប​តេយ្យ​ទេ​

  • PDF

មាន​ហេតុផល​ពីរ​ដែល​សាលា​រាជធានី​ភ្នំពេញ​លើកឡើង ជា​មូលហេតុមិន​អនុញ្ញាត្ត​ឲ្យ​ក្រុម​សហជីព​ប្រារព្ធ​ទិវា​ពលកម្ម​អន្តរជាតិ​១​ឧសភា​ ​ឆ្នាំ​នេះ​នៅ​ទីលាន​ប្រជាធិបតេយ្យ​។​

មូលហេតុ​ទី​១​ ដោយសារ​តែ​ទីលាន​ប្រជាធិបតេយ្យ​កំពុង​ជាប់​​ការ​ស៊ើប​អង្គេត​ករណី​អំពើ​ហិង្សា​កាលពី​ដើមឆ្នាំ​២០១៤ និង​ទី​២ ​ដោយសារ​ការស្នើសុំ​ប្រារព្វ​ទិវា​ពលកម្ម​អន្តរជាតិ​របស់​សហជីព នៅ​ថ្ងៃ​ទី​១​ឧសភា ធ្វើឡើង​ដោយ​មានការ​ចូល​ច្រើន​ដែល​ធ្វើ​ឲ្យ​សាលា​​រាជធានី​ភ្នំពេញ​ពិបាក​ក្នុង​ការគ្រប់គ្រង​នូវ​សន្តិសុខ​។

​នេះ​បើ​តាម​ការបញ្ជាក់​ឲ្យដឹង​ពី​លោក​ឯក សុ​ភក្តី អគ្គលេខាធិការ​សម្ព័ន្ធ​សហជីព​កម្មករ​ប្រជាធិបតេយ្យ​កម្ពុជា​ដែល​បាន​ចូលរួម​ប្រជុំ​ជាមួយ​សាលាក្រុង​នៅ​រសៀល​ថ្ងៃ​ទី​២៤​​ មេសា​៖

សម្លេង​លោក​ឯក សុ​ភក្តី៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​ទោះ​មិន​មាន​ការសម្រេច​បែប​នេះ​ក្តី សាលាក្រុង​បាន​ធ្វើ​កំណត់ហេតុ​ផ្ញើ​ទៅ​ក្រសួង​មហាផ្ទៃ​រួចរាល់​ហើយ​ចំពោះ​ករណី សុំ​ធ្វើ​ទិវា​ពលកម្ម​អន្តរជាតិ​១​ឧសភា របស់​សហជីព ដែល​សុំ​ធ្វើ​មាន​អ្នកចូលរួម​ជិត​១​ម៉ឺន​នាក់​នេះ​។​

សម្លេង​លោក​ឯក សុ​ភក្តី៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​កាលពី​ព្រឹក​ថ្ងៃទី​២៤​ មេសា នៅក្នុង​ពិធី​បើក​សិក្ខាសាលា​ពិគ្រោះ​យោបល់​ត្រីភាគី​ថ្នាក់ជាតិ​នៅ​សណ្ឋាគារ​ភ្នំពេញ លោក​អាត់ ធន់ ​ប្រធាន​សម្ព័ន្ឋ​ស៊ី​ខៅ​ឌូ​បាន​លើកឡើង​ថា ប្រសិនបើ​សាលាក្រុង​មិន​អនុញ្ញាត្ត​ឲ្យ​សហជីព និង​សមាគមន៍​ទាំង​១៨​ប្រារព្ឋ​ទិវា​ពលកម្ម​អន្តរជាតិ​ឆ្នាំនេះ​នៅ​ទី​លាន​​​ប្រជាធិបតេយ្យ​នោះ​ទេ លោក​ជឿ​ថា​សហជីព និង​សមាគមន៍​ទាំង​១៨​ ​ពិតជា​មិន​សុខចិត្ត​នោះទេ ហើយ​អាច​ជា​មាន​បញ្ហា​បន្តទៅ​ទៀត​ដោយ​​សារ​ពួកគេ​នឹង​អាច​នៅ​តែ​បន្តរ​ធ្វើ​។​

សម្លេង​លោក​អាត់ ធន់៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​សូមបញ្ជាក់​ថា កាល​ថ្ងៃទី​១ ខែ​ឧសភា ឆ្នាំ​២០១៣ មាន​កម្មករ កម្មការិនី​រោងចក្រ មេដឹកនាំ​សហជីព សហគមន៍​មូលដ្ឋាន​ក្រុម​អ្នក​រត់​ម៉ូតូឧុប សិស្ស និស្សិត អង្គការ​មិនមែន​រដ្ឋាភិបាល និង​អ្នកចូលរួម​ដទៃទៀត ប្រមាណ​ពី​៦​ពាន់​នាក់ ទៅ​៧​ពាន់​នាក់ បាន​ប្រមូលផ្តុំ​នៅ​រាជធានី​ភ្នំពេញ ដើម្បី​ប្រារព្ធ​ទិវា​ពលកម្ម​អន្តរជាតិ​។

​បន្ទាប់មក​អ្នក​ទាំងអស់​នោះ​ក៏​បាន​ដើរ​ហែ​ក្បួន​ចេញពី​ទីលាន​ប្រជាធិបេតយ្យ​ទៅកាន់រ​ដ្ឋ​សភាជាតិ​ ដើម្បី​អំពាវនាវ​សុំ​ឲ្យ​តំឡើង​ប្រាក់​ឈ្នួល​កម្មករ​​ឲ្យបាន​សមរម្យ​ល័ក្ខខ័ណ្ឌ​ការងារ​ល្អ​ប្រសើរ​ផង​ដែរ​៕(ដោយ៖​វណ្ណ វុត្ថា)​


អតីត​អ្នក​ភូមិ​បឹងកក់ ​និង​បុរី​កី​ឡា​ស្រែក​​ទាមទារ​​នៅ​ការិយាល័យ​​ធនាគារពិភពលោក​

  • PDF

សំលេង​អ្នក​ភូមិ​បឹងកក់៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​សំរែក​មិន​សំចៃមាត់​ពី​សំណាក់អតីត​អ្នកភូមិ​បឹងកក់ និង​អ្នកភូមិ​បុរី​កីឡា​ប្រមាណ​ជា​១០០​នាក់ បាន​ស្រែក​ដង្ហោយ​រក​ភាពយុត្តិធម៌​របស់ខ្លួន​នៅ​ពី​​មុខ​​ការិយាល័យ​ធនាគារពិភពលោក នៅ​ព្រឹក​ថ្ងៃទី​២៤ មេសា​នេះ​។​

គោលបំណងរបស់​ប្រជាពលរដ្ឋ​អ្នក​មាន​ជំលោះ​ដ៏​រុំា​រៃ​នេះ​មិន​បាន​ផ្លាស់ប្តូរ​ឡើយ គឺ​នៅតែ​ទាមទារ​រក​ភាពយត្តិធម៌​ ទាមទារ​រក​ដី​របស់​ខ្លួន​មក​វិញ និង ស្នើសុំ​តំណាង​ធនាគារ​ពិភពលោក​​តាម​ដាន​ការ​រក​ដំណោះ​ស្រាយ​​របស់​​សាលា​​រាជធានី​​ភ្នំពេញ​ជាដើម​។

​សំលេង​អ្នក​ភូមិ​បឹងកក់៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​ការទាមទារ​នេះ​បាន​កើតឡើង បន្ទាប់ពី​ជួប​ប្រជុំ​រវាង​អ្នក​ភូមិ​បឹងកក់ និង​អភិបាល​ក្រុងភ្នំពេញ​លោក​ប៉ា សុជាតិ​វង្ស បាន​សម្រេច​ថា ប្រគល់​ដី​ប្រវែង​​ ៤​ម៉ែត្រ​គុណ ​១៨​ម៉ែត្រ ក្នុង​មួយ​គ្រួសារ​ជូន​ប្រជាជន​ភូមិ​បឹងកក់​ទាំងនោះ ប៉ុន្ដែ​ដំណោះស្រាយ​នេះ​អ្នក​ភូមិ​បឹងកក់​មិន​ព្រម​ទទួលយក​នោះ​​ទេ ដោយ​ពួកគាត់​ទាមទារ​ទំហំ​ដី​តាម​អនុក្រឹត​របស់​សម្ដេច​ហ៊ុន​ សែន ដែល​ធ្លាប់​បាន​ចេញ​សេចក្ដីសម្រេច​ប្រគល់​ដី ជូន​ប្រជាជន​អ្នក​ភូមិ​បឹងកក់​ដែល​សល់​មិនទាន់បាន​ដោះស្រាយ​មាន​ចំនួន​១២.៤៤​ហិកតា​។​

ក្រៅ​ពី​ការ​ស្រែក​ទាមទារ​ក្រុម​អតីត​អ្នក​ភូមិ​បឹងកក់ អ្នកភូមិ​បុរី​កីឡា​បានដាក់លិខិត​មួយ​ទៅ​ធនាគារពិភពលោក​ស្នើ​ឲ្យមាន​កិច្ច​អន្តរាគមន៍ដោយ​ផ្ទាល់​​រាល់ពេល​​ដែល​​សាលា​រាជធានី​​ភ្នំពេញ​​កោះ​ហៅ​​ប្រជាពលរដ្ឋ​​ចូលជួប​​ស្វែង​រក​ដំណោះ​ស្រាយ​​ដោយ​សូមឲ្យ​​មាន​វត្ត​មាន​​តំណាង​​ធនាគា​រ​ពិភព​លោក​ ១​រូប ដែល​អាច​ដឹង​និង ​ទទួលបាន​ព័ត៌មាន​ពិត​​ពី​ការពិភាក្សា​រក​ដំណោះស្រាយ​ដីធ្លី​ជាក់ស្តែង​។

​គួរ​បញ្ជាក់ដែរថា បញ្ហា​ដីធ្លី​អ្នក​ភូមិ​បឹងកក់​នេះ​បាន​កើតឡើង​រ៉ាំរ៉ៃ​ជា​យូរណាស់​មកហើយ ​ប៉ុន្តែ​បញ្ហា​នេះ​នៅ​មិនទាន់មាន​ដំណោះស្រាយ​ចប់​សព្វ​គ្រប់​​នៅ​ឡើយ​​នោះទេ​៕(ដោយ៖​ឆេង សូរិយា)​​

CCHR​​ថា​​សាលាដំបូង​​កំពុង​​រឹតត្បិត​​សិទ្ធិ​សេរី​ភាព​​របស់​​លោក​​អាត់ ធន់​​មេដឹក​នាំ​សហ​ជីព​

  • PDF

មជ្ឍមណ្ឌ​​សិទ្ឋិមនុស្ស​ក​ម្ពុ​ជា​​ដែល​ហៅ​កាត់​​ថា CCHR​បាន​សម្តែង​​ការ​ព្រួយបារម្ភ​​យ៉ាងខ្លាំងដែល​សា​លា​ដំ​បូ​ង​​រាជធានី​ភ្នំពេញ​កាលពី​​ថ្ងៃ​ទី​២២​​ខែ​មេសា​បានសម្រេច​បង្គាប់​​ឲ្យ​លោក​អាត់ ធន់​​ប្រធាន​សម្ព័ន្ធ​ស​ហ​ជីព​ប្រជាធិបតេយ្យ​កម្មករ​កាត់​ដេរ​កម្ពុជា ដែល​ហៅ​កាត់​ថា​(​ស៊ី​ខៅ​ឌូ​) ឲ្យនៅ​ឆ្ងាយ​ពី​រោងច​ក្រអែស អិល ដែល​ស្ថិត​ក្នុង​រាជធានី​ភ្នំពេញនិង​មិន​អនុ​ញ្ញាតឲ្យមាន​ការប្រមូលក្រុមកម្មករជួបប្រជុំជា​សាធារណៈ​នាំឲ្យ​ប៉ះពាល់​ដល់​សណ្តាប់​។​

ប្រសិនបើ​ល្មើស​នឹង​សេចក្តីសម្រេច​នេះ ប្រឈម​ការឃុំ​ខ្លួន​បណ្តោះ​អាសន្ន​។​នេះ​បើ​យោងតាម​សេចក្តីថ្លែងការណ៍​របស់​CCHR​ដែល​បាន​ចេញផ្សាយ​នៅ​ទី​២៤​ខែ​មេសា​។​

​សេចក្តីថ្លែងការណ៍​ដដែល​បាន​បន្តថា ចំពោះ បញ្ហា​នេះ CCHR សូម​ជម្រុញយ៉ាង​មុតមាំដល់​សាលាដំ​បូ​​ង​​រាជធានី​ភ្នំពេញ​មេត្តា​ចាត់​វិធានការ​ប្រកបដោយ​យុត្តិធម៌ តម្លាភាព ព្រមទាំង​មិន​ត្រូវ​កំណត់​មុខសញ្ញា​ទៅ​លើ​លោក​អាត់ ធន់​ដោយសារតែ​សកម្មភាព​សហជីព​របស់​គាត់​នោះទេ​។ មិនតែប៉ុណ្ណោះ CCHR ក៏​ស្នើសុំ ឲ្យក្រសួង​ការងារ​ធានា​ចំពោះ​កិច្ចព្រមព្រៀង​ដែល​បាន​ធ្វើឡើង រវាង​ស៊ី​ខៅ​ឌូនិង​រោងចក្រកាត់ដេរ អែ​ស អិល​ត្រឹមត្រូវ​តាម​ការគោរ​ព​។

សម្រាប់​អ្នក​សម្រប់សម្រួល​គម្រោង​ធុរកិច្ច សិទ្ឋិ​មនុស្ស និង​គម្រោង​សង្ក​ត​ការណ៍​សវនាការ​របស់​មជ្ឍ​ម​ណ្ឌ​​​លសិទ្ឋិមនុស្សក​ម្ពុ​ជា​លោកឌុ​ច ពិសិដ្ឋ មានប្រសាសន៍​នៅក្នុង​សេចក្តីថ្លែងការណ៍​នោះ ថា​ការប្រព្រឹត្តិ​ ដ៏​តឹងរឹង​របស់​សាលាដំបូង​រាជធានី​ភ្នំពេញ​ប្រឆាំង​និង លោក​អាត់ ធន់​ដែលជា​មេដឹកនាំ​សហជីព​មួយ​រូប​គឺ​មិនមែន​ជា​ករណី​ដាច់​ដោយឡែក​តែ​មួយ​នោះទេ​។​

ព្រោះថា​តាម​ការស្រាវជ្រាវ​របស់​CCHR​បង្ហាញថា មេដឹកនាំ​សហជីព​និង​សកម្មជន​សហជីព​មួយចំនួនទៀត​ក៏​ត្រូវ​បាន​រដ្ឋាភិបាល​កំពុងកំណ​ត់​មុខសញ្ញា​គំរាម​ចោទប្រកាន់​ពី​បទ​ព្រហ្មទណ្ឌ​និង​រឹតត្បិត​ការចុះបញ្ជី​ការ​សហជីព​ថ្មីៗ​នេះ​ជាដើម​។​យ៉ាងណា​ក៏​ដោយ​វិទ្យុ​ខ្មែរ​អន្តរជាតិ​វាយោ​អែ​ហ្វ​អឹម​មិនទាន់​អាច​សុំ​ការ​ស្រាយ​បំភ្លឺ​ពី​សាលាដំបូង​រាជធានី​ភ្នំពេញ​បាន​នៅឡើយ​នោះទេ​នៅថ្ងៃនេះ​។

​សូមបញ្ជាក់​ថា​លោក​អាត់ ធន់ បាន​ជាប់​ពាក់ព័ន្ធ​នឹង​ការធ្វើ​កូដកម្ម​ទូ​រទាំង​ប្រទេស​របស់​កម្មករ​កាត់ដេ​រ​នៅ​ចន្លោះ​ឆ្នាំ​២០១៣​និង​ដើមឆ្នាំ​២០១៤​។​នៅ​ក្នុង​កំឡុង​ពេល​នោះ​មាន​ការប៉ះទង្គិច​គ្នា កើតឡើង រវាង​បាតុករ ដែល​ដឹកនាំ​ដោយ​ស៊ីខា​វឌូ និង​កងកម្លាំង​សន្តិសុខ​រោង​ច​ក្រអែស អិល​កាលពី​ថ្ងៃ​ទី​១២​ខែវិច្ឆិកា​ឆ្នាំ​២០១៣​ដែល​បាន​បណ្តាលឲ្យ​ស្ត្រី​ម្នាក់​ជា​អ្នក​លក់បាយ​ស្លាប់​បាត់បង់​ជីវិត និង​ជន​ស៊ីវិល​និង​សមត្ថកិច្ច​ជា​ច្រើន​នាក់​បាន​រង​របួសធ្ងន់​និង​ស្រាល​៕(ដោយ៖​ហេង សំណាង)

 

សង្គម​ស៊ីវិល​អំពាវនាវ​ឲ្យ​ថ្នាក់ដឹកនាំ គណបក្ស​ជាប់​ឆ្នោត​ទាំងពីរ ស្វែងរក​ការចរចា​គ្នា​បន្ដ​ទៀត​

  • PDF

រហូតមក ទល់​នឹង​ពេលនេះ គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ មិន​ទាន់​កំណត់​ពេល ជួបចរចា​គ្នា​ជា​ថ្មី​ដើម្បី​ដោះស្រាយ វិបត្ដិនយោបាយ ដែល​កំពុង​បន្ដ​អូស​បន្ទាយ នៅឡើយ​ទេ​។ វិបត្ដិនយោបាយ បើ​គិត​ចាប់តាំងពី​ក្រោយ​ថ្ងៃ​បោះឆ្នោត ថ្ងៃទី​២៨ ខែកក្កដា ឆ្នាំ​២០១៣​មក គឺ​មាន​រយៈពេល​ជិត​០៩​ខែ​ហើយ​។

​ប្រធាន​អង្គការ​ឃ្លាំមើល​ការបោះឆ្នោត​និក​ហ្វិ​ចលោក ហង្ស ពុទ្ធា អំពាវនាវ​ឲ្យ ថ្នាក់ដឹកនាំ​គណបក្ស នយោបាយ​ទាំង​ពីរ​បន្ដ​ភាព​អត់ធ្មត់ ហើយ​បន្ដ​ស្វែងរក​ឱកាស​ដើម្បី​ជួប​ចរចា​គ្នា​ជា​ថ្មី បើទោះបីជា​ជួប​ឧបសគ្គ​យ៉ាងណាក៏ដោយ ព្រោះថា ប្រជា ពលរដ្ឋ​ម្ចាស់ឆ្នោត កំពុង​ពិនិត្យ​មើល​សកម្មភាព តំណាងរាស្ដ្រ ដែល​ពួកគាត់​បោះឆ្នោតអោយ​។

សំលេងៈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​គួរ​ឲ្យដឹង​ដែរ ថា ការចរចា​ក្នុង អំឡុង​ពេល​នេះ គឺ​ទំនងជា មិនទាន់​អាច​ចេញ​ជា​រូបរាង​នោះទេ ព្រោះថា ថ្នាក់ដឹកនាំ​ជាន់ ខ្ពស់ គណបក្ស​ជាប់​ឆ្នោត​ទាំងពីរ ដែល​រួមមានៈ​សម្ដេច​នាយករដ្ឋមន្ដ្រី ហ៊ុន សែន អនុប្រធាន​គណបក្ស​ប្រជាជន​កម្ពុជា លោក សម រង្ស៊ី និង​លោក កឹម សុខា ប្រធាន និង​អនុប្រធាន គណបក្ស​សង្គ្រោះ​ជាតិ កំពុង​បំពេញ ទស្សនកិច្ច​នៅ​ក្រៅ ប្រទេស​។

​យ៉ាងណាក៏ដោយ មន្ដ្រី​នៃ​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ បាន​សម្ដែង​ក្ដីសង្ឃឹម ថា ថ្នាក់ដឹកនាំ​ជាន់ ខ្ពស់ គណបក្ស​ទាំង​ពីរ អាច​នឹង​ជួប​គ្នា នៅក្នុង​អំឡុង​ចុង​ខែ​មេសា​នេះ ឬ​ដើម​ខែ​ឧសភា ឆ្នាំ​២០១៤​។

​ទាក់ទង នឹង​ការចរចា​នេះដែរ លោក​ឧបនាយករដ្ឋមន្ដ្រី​ស ខេង មន្ដ្រីជាន់ខ្ពស់​គណបក្ស​ប្រជាជន​កម្ពុជា បាន​ថ្លែង​ប្រាប់ កាសែត​នៅ​ព្រឹក​ថ្ងៃ​ពុធ​នេះ ថា ការជួប​ចរចា មិនដឹង​ជួប​ជាមួយ អ្នកណា មិន​ដឹង​និយាយ​ពី​រឿង​អ្វី ហើយ​មិន ដឹង​ចាប់ផ្ដើម​ពី​ត្រង់​ណា​នោះទេ​។

​លោក ស ខេង បាន​ថ្លែង​បន្ដ ថា គណបក្ស​ប្រជាជន​កម្ពុជា បាន​ធ្វើ​អស់ហើយ ទាំង​ការចរចា​ថ្នាក់ក្រោម និង​ថ្នាក់​កំពូល តែ​ទីបំផុត​នាំគ្នា​ទាត់ចោល​។

​សម្រាប់​លោក ហង្ស ពុទ្ធា ប្រធាន​អង្គការ​ឃ្លាំមើល​ការបោះឆ្នោត​និ​កហ្វិច ការចរចា​គឺជា តួនាទី​របស់​គណបក្ស​ទាំងពីរ ហើយ​ការវាយប្រហារ​គ្នា ដោយ​ពាក្យសម្ដី​នោះ គឺជា​យុទ្ធសាស្ដ្រ របស់​គណបក្ស​ទាំង​ពីរ​ដែរ​៕(ដោយៈឃួន សុភ័ក្រ)

មេដឹកនាំ​​សហជីព​៖​​ការ​តម្លើង​​ប្រាក់​ឈ្នួល​​កម្មករ​អាច​​ពិភាក្សា​​គ្នា​បាន​​មិនមែន​​ដាច់ខាត​​នោះ​ទេ​

  • PDF

មេដឹកនាំ​សម្ព័ន្ធ​សហជីព​កម្មករ​ប្រជាធិបតេយ្យ​កម្ពុជា​បាន​​លើក​ឡើង​ថា ការ​ទាម​ទារ​​តម្លើង​​ប្រាក់​​ឈ្នួល​​ប្រចាំ​ខែ​​របស់​​កម្មករ​​ដល់​ ​១៦០​​ដុល្លារ​​អាច​​នឹង​​​ត្រូវ​ធ្វើ​​សម្បទាន​​​គ្នា​បាន​។

​សម្បទាន​លើកឡើង​នៅពេលនេះ​សំដៅថា អាច​នឹង​ត្រូវ​ពិភាក្សា​គ្នា​បាន ថា​តើ​គួរ​តម្លើង​ក្រោម​ការទាមទារ ឬ​លើស​ការទាមទារ​គ្នា គឺ​មានន័យ​ថា​សហជីព​មិនមែន​ទាមទារ​ដាច់ខាត​ត្រឹម​ ១៦០​ដុល្លារ​នោះ​ទេ​។

តែ​យ៉ាងណា​សហជីព​ចង់ឲ្យ​កម្មករ​ទទួលបាន​ប្រាក់​​ឈ្នួល​អ​ប្បរមា​តិច​​បំផុត​គឺ​ ១៦០​ដុល្លារ​ក្នុង​មួយខែ​។ បើ​តាម​ការសិក្សា​របស់​សហជីព​បាន​រក​ឃើញ​​ថា កម្មករ​ត្រូវ​ការចំណាយ​ចាប់ពី​ជាង​១៥០​ដុល្លារ​ដល់​ជាង​១៧០​ដុល្លារ​ក្នុង​មួយខែ តែ​សហជីព​បាន​សុំ​តម្លើង​ត្រឹម​ ១៦០​ដុល្លារ​ក្នុង​មួយ​ខែ​។ នេះ​ជា​ការបញ្ជាក់​របស់លោក​អាត់ ធន់​ប្រធាន​សម្ព័ន្ឋ​ស៊ី​ខៅ​ឌូ​៖

សម្លេង​លោក​អាត់ ធន់៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​ចំពោះ​ការទាមទារ​ប្រាក់​ឈ្នួល​របស់​កម្មករ​ ១៦០​ដុល្លារ​ ក្នុង​មួយ​ខែ​នេះ លោក​អ៊ិត សំហេង រដ្ឋមន្ត្រីក្រសួង​ការងារ​បាន​មាន​ប្រសា​សាន៍​ថា មិន​ថា​តែ​កម្មករ​ទេ រដ្ឋាភិបាល​និយោជក ភាគី​ពាក់ព័ន្ធ​ទាំងអស់​សុទ្ឋ​តែ​ចង់ឲ្យ​កម្មករ​ទទួលបាន​ប្រាក់​ឈ្នួល​ខ្ពស់​។

រដ្ឋមន្ត្រីក្រសួង​ការងារ​រូបនេះ​បាន​អះអាង​ថា ការទាមទារ​ប្រាក់​ឈ្នួល​របស់​កម្មករ​នៅ​មិនទាន់​មាន​ការឯកភាព​គ្នា​នេះ​ដោយ​សារ​តែ​​មាន​​ការ​​លូក​​ដៃ​​ពី​អ្នក​​នយោបាយ​​ទើប​ធ្វើ​ឲ្យ​បញ្ហា​​នេះ​មិន​​អាច​​បញ្ចប់​​បាន​។

លោក​ថា បើ​ចង់​ធ្វើ​វីរៈជន​ស្រួល​ទេ គ្រាន់តែ​លើក​លេខ​ឲ្យ​ធំ​ទៅហើយ​ដើរ​បំផុស​កម្មករ​ទៅ​នរណា​ក៏​ចង់បាន​ដែរ​។ លោក​បាន​ហៅ​វីរៈជន​ទាំង​នោះ​​ថា​ ជា​វីរៈជន​លើ​គំនរ​ទឹកភ្នែក​វិនាសកម្ម​នៃ​ការបង្កើត​អំពើ​ញុះញង់​។​

សម្លេង​លោក​អ៊ិត សំហេង៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​តែ​យ៉ាងណា​លោក​អាត់ ធន់​ មេដឹកនាំ​សហជីព​ស៊ី​ខៅ​ឌូ​​បានបញ្ជាក់​ថា កម្ពុជា​មិន​ដូច​ប្រទេស​ផ្សេង​លើ​ពិភពលោក​នោះ​ទេ កន្លង​មក​បើក​ម្មករ​មិន​ទាមទារ​ប្រាក់​ឈ្នួល​ទេ​គឺ​មិន​មាន​ការ​តម្លើង​នោះទេ ទាល់តែ​មាន​ការទាមទា​រ​ទើប​មាន​ការ​តម្លើង​។

សម្លេង​លោក​អាត់ ធន់៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

គួរបញ្ជាក់​ថា ចាប់តាំងពី​ក្រោយ​ការបោះឆ្នោត​អាណ្ណត្តិ​ទី​៥​មក មេដឹកនាំ​សហជីព​ធំៗ​​មួយ​ចំនួន​​បាន​​ដឹកនាំ​​កម្មករ​​ធ្វើបាតុកម្ម​​ស្ទើរតែ​​ជា​រៀង​​រាល់​ថ្ងៃ​។ ការធ្វើ​បាតុកម្ម​នោះ ​ពេលខ្លះបាន​បង្ក​ឲ្យមាន​អំពើហិង្សា​ជាច្រើន​ផងដែរ រវាង​កម្មករ​និង​សមត្ថកិច្ច​៕​(ដោយ៖​​វណ្ណ វុត្ថា)​

លោក​កឹម សុខា ​អនុប្រធាន​​គណបក្ស​សង្គ្រោះ​ជាតិ​ពន្យារពេល​​ត្រលប់​​មក​​កម្ពុជា​វិញ​

  • PDF

មិន​បាន​ដូច​ការគ្រោងទុក​ឡើយ ដែល​មន្ត្រី​គណបក្ស​សង្គ្រោះ​ជាតិ​បានប្រកាសថា លោក​កឹម សុខា អនុប្រធាន​គណបក្ស​សង្គ្រោះ​ជាតិ​នឹង​វិល​ចូល​ប្រទេស​កម្ពុជា​វិញ នៅ​ថ្ងៃ​ទី​២៤​​​ មេសា​នេះ​។​ ប៉ុន្តែ​ព័ត៌មាន​នេះ​នៃ​ដំណើរ​វិល​ត្រលប់​របស់​លោក​កឹម សុខា ចូល​មាតុភូមិ​ត្រូវបាន​ពន្យារពេល ដោយ​​លើក​ទៅ​ថ្ងៃ​ទី​២៨ ​មេសា​វិញ។

ការពន្យារពេល​នេះ​ត្រូវបាន​លោក​​យ៉ែម ប៊ុណ្ណ​ឫទ្ធិ អ្នកនាំពាក្យ​រង​គណបក្ស​សង្គ្រោះ​ជាតិ​បញ្ជាក់ថា ដោយ​សារ​លោក​កឹម សុខា ត្រូវ​ធ្វើដំណើរ​ទៅ​ប្រទេស​កូរ៉េ​បន្តទៀត ដើម្បី​បង្ហាញ​ប្រជាពលរដ្ឋ​ពី​គោលជំហរ​របស់​គណបក្ស​សង្គ្រោះ​ជាតិ​៖

​សំលេងលោក​យ៉ែម ប៊ុណ្ណ​ឫទ្ធិ​៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​ជា​ការកត់សំគាល់ បច្ចុប្បន្ននេះ ថ្នាក់ដឹកនាំ​គណបក្ស​សង្គ្រោះ​ជាតិ គឺ  មាន​លោក សមរង្ស៊ី និង  លោក កឹម សុខា សុទ្ធតែ កំពុងស្ថិត​នៅ​ក្រៅ ប្រទេស​។ តាម​គម្រោង បើ​គ្មាន​ការប្រែប្រួល​លោក​សម ​រង្ស៊ី ប្រធាន​គណបក្ស​សង្គ្រោះ​ជាតិ និង​វិល​ត្រលប់​មក​កម្ពុជា​វិញ នៅ​ថ្ងៃ​ទី​២៩​មេសា​។​ លោក​សម រង្ស៊ី ធ្វើ​ដំណើរ​បំពេញ​បេសកម្ម​នៅ​អ៊ឺរ៉ុប​២ សប្តាហ៍​កាលពី​យប់​ថ្ងៃទី​១៣ ​ខែ​មេសា​។​

​គួររំលឹកថា គោលបំណង​របស់លោក​កឹម សុខា និង​មន្ត្រីជាន់ខ្ពស់​គណបក្ស​សង្គ្រោះ​ជាតិទៅ​បំពេញ​ទស្សនកិច្ច​នៅលើ​ទឹកដី​នៃ​ប្រទេស​អាមេរិក​នេះ ដើម្បី​បញ្ជាក់​ពី​គោលជំហរ​របស់​គណបក្ស​ប្រឆាំង​ដល់​អ្នក​គាំទ្រ​របស់​ខ្លួន​នៅ​ទីនោះ​។

គួរបញ្ជាក់​ថា កំឡុង​ពេល​ដែល​ថ្នាក់ដឹកនាំ​កំពូល​របស់​គណបក្ស​សង្គ្រោះ​ជាតិ​មិន​មាន​វត្តមាន​នៅក្នុ​ង​ស្រុក​មន្ដ្រីជាន់ខ្ពស់​គណបក្ស​សង្គ្រោះ​ជាតិ​លោក​អ៊ូ ច័ន្ទ​ឫទ្ធិ​ បាន​ឡើង​ធ្វើជា​ប្រធានស្ដីទី​គណបក្ស​សង្គ្រោះ​ជាតិ លោក​អេង ឆៃអ៊ាង​ ជា​ប្រធាន​គណ​:​កម្មា​ធិ​ការនាយក​ស្តីទី លោក​ម៉ៅ មុនី​វណ្ណ ជា​ប្រធាន​គណ​:​កម្មា​ធិ​ការប្រតិបត្តិ​ស្តីទី និង​លោក​គួ​យ ប៊ុន​រឿន ជា​អគ្គនាយក​រដ្ឋបាល​ស្តី​៕(ដោយ៖​​ឆេង សូរិយា)​


ក្រសួង​ធនធានទឹក ជូនដំណឹង​អំពី​ការព្យាករណ៍​ស្ថានភាព អាកាសធាតុ នា​រដូវវស្សា​ឆ្នាំ​២០១៤

  • PDF

សេចក្ដីជូនដំណឹង របស់​ក្រសួង​ធនធានទឹក និង​ឧតុនិយម ស្ដី​ពី​ការព្យាករណ៍ ស្ថានភាព​អាកាសធាតុ នា​រដូវវស្សា ឆ្នាំ​២០ ១៤​នៅ​កម្ពុជា បានឲ្យដឹង ថា នៅ​តំបន់​មាត់សមុទ្រ និង​តំបន់​វាលទំនាប រដូវវស្សា​នឹង​ចាប់ផ្ដើម ក្នុង​សប្ដាហ៍​ទី​០៣ នៃ​ខែ​ឧសភា ចំណែក​នៅ​តំបន់​ខ្ពង់រាប រដូវវស្សា​នឹង​ចាប់ផ្ដើម ក្នុង​សប្ដាហ៍​ទី​០៤ នៃ​ខែ​ឧសភា​។​

​ដោយឡែក​ចាប់ពី​ពាក់កណ្ដាល ខែ​ឧសភា ដល់​ខែ​មិថុនា ទឹក​ភ្លៀង​ធ្លាក់​រាយប៉ាយ ក្នុង​កម្រិត​មធ្យម អាច​ទាប​ជាង​ឆ្នាំ​២០ ១៣​។ ក្នុង​អំឡុង​ពេល​នេះ អាច​មាន​ផ្គរ រន្ទះ និង​ខ្យល់​កន្ក្រាក់ កើតឡើង​ច្រើន​។

​ក្រសួង​ធនធានទឹក និង​ឧតុនិយម ក៏​បានឲ្យដឹង អំពី​កូន​រដូវប្រាំង ដែល​កូន​រដូវប្រាំង​នេះ អាច​នឹង​កើតមានឡើង ក្នុង​រយៈ ពេល​ខ្លី ក្នុង​សប្ដាហ៍​ទី​០៣ និង​សប្ដាហ៍​ទី​០៤ នៃ​ខែ​ឧសភា នៅតាម​បណ្ដា​ខេត្ត​ភាគ ខាងលិច​ជួរ​ភ្នំ​ក្រវ៉ា​ញ ដូចជា​ខេត្ត​តាកែវ កំពង់ស្ពឺ និង​ភាគ​ខាងលិច នៃ​ខេត្ត​កណ្ដាល​។

​រីឯ​ចាប់ពី​ខែកក្កដា ដល់​ខែ​វិច្ឆិកា បរិមាណ​ទឹក​ភ្លៀង​ធ្លាក់ រាយប៉ាយ​ពី​បង្គួរ​ទៅ​ច្រើន​។ កម្រិត​ទឹកភ្លៀង អាច​នឹង​ធ្លាក់​ចុះ​ច្រើន​ជាង​ឆ្នាំ​២០១៣ ប្រហាក់ប្រហែល​នឹង​ឆ្នាំ​២០១១​។ ក្នុង​ឆ្នាំ​២០១៤​នេះ​ផង​ដែរ ព្យុះ​ដែល​កើតឡើង នៅក្នុង​សមុទ្រ​ប៉ាស៊ីហ្វិក​អាច​កើតមាន​ពី​២៤ ទៅ​២៦​ព្យុះ ហើយ​ព្យុះ ដែល​រំកិល​ចូលមក ក្នុង​សមុទ្រ​ចិន​ខាងត្បូង អាច​នឹង​មាន​ចំនួន​ច្រើន​ជាង​ឆ្នាំ​២០១៣​។

​សេចក្ដីជូនដំណឹង របស់​ក្រសួង​ធនធាន និង​ឧតុនិយម​ខាងលើ ក៏​បាន​បញ្ជាក់​ដែរ ថា នៅ​ចុង​រដូវប្រាំង​នេះ ទឹកភ្លៀង​នឹង​បន្ដ ធ្លាក់​រាយប៉ាយ​ក្នុង​ក្របខ័ណ្ឌ​ទូទាំងប្រទេស​។ រដូវប្រាំង​ឆ្នាំ​២០១៤ នឹង​បញ្ចប់​នៅ​សប្ដាហ៍​ទី​០២ នៃ​ខែ​ឧសភា​។ យ៉ាង ណាក៏ ដោយ ក្រសួង​បាន​នឹង​កំពុង បន្ដ​តាមដាន​លើ​ស្ថានភាព អាកាសធាតុ​ជាប់​ជាប្រចាំ ហើយ នឹង​ធ្វើការ ជូនដំណឹង​បន្ថែម ជា​បន្ដបន្ទាប់ ក្នុង​ករណី​ចាំបាច់​៕(ដោយៈឃួន សុភ័ក្រ)

សាលាក្រុង​ភ្នំពេញ​​នឹង​ជួប​ក្រុម​សហជីព​​​ពី​​ការស្នើរ​​សុំ​​​ទី​លាន​​ប្រជាធិ​បេតយ្យ​​​នៅ​រសៀល​​នេះ​

  • PDF

​សាលា​រាជធានី​ភ្នំពេញ នឹង​ជូ​ប សហព័ន្ធ​សហជីព និង​សមាគម​សរុប​ចំនួន​១៨  នៅ​រសៀល​នេះ ដើម្បី ជូ​ប​ពិភាក្សា​ពី​ការស្នើរ​សុំ ទីលាន​ប្រជាធិបតេយ្យ​ប្រារព្ធ​ទិវា​ពលកម្ម​អន្តរជាតិ​នៅ​ថ្ងៃទី​០១ ខែ​ឧសភា​។​នេះ​បើ​តាម​ការបញ្ជាក់​ឲ្យដឹងពី លោក អាត់ ធន់ ប្រធាន​សម្ពន្ធ័​សហ ជីព​ប្រជាធិបតេ​យ្យ​កម្មករ​កម្ពុ​ជា​។​

​គួរបញ្ជាក់​ថា ការ​កោះ​ជួបពិភាក្សា​នេះ ធ្វើឡើង សហព័ន្ធ​សហជីព និង​សមាគម​សរុប​ចំនួន​១៨ បាន​ផ្ញើលិខិត​ជូនដំណឹង​ទៅ​អភិបាល​រាជធានី​ភ្នំពេញ ដើម្បី​ស្នើរ​សុំ​ទីលាន​ប្រជាធិប តេយ្យ​ប្រារព្ធ​ទិវា​ពលកម្ម​អន្តរជាតិ​នៅ​ថ្ងៃ​ទី​០១ ខែ​ឧសភា​។ យើង​នៅ​រង់ចាំ​មើល​លទ្ធផល ទាំងអស់គ្នា នៅ​រសៀល​ថ្ងៃ​ទី​២៤ មេសា​នេះ ថា​តើ សាលា​រាជធានី​ភ្នំពេញ អនុញ្ញាត រឺ​មិន​អនុញ្ ញាត​។​

​យ៉ាងណាក៏ដោយ កន្លងមក ក៏​មាន​មេដឹកនាំ​សហ​ជី​មួយចំនួន​ធ្លាប់បាន​ប្រកាស​ដែរ​ថា បើទោះបីជា​សាលា​រាជធានី​ភ្នំពេញ​មិន​អនុញ្ញត​ឲ្យមាន​ការប្រមូលផ្គុំក៏​ដោយ កម្មករ​វិស័យ​កាត់ដេរ សម្លៀក​បំពាក់ និង​ស្បែកជើង មន្ត្រីរាជការ គ្រូបង្រៀន​និស្សិត កម្មករសំណង់ កសិករ យុវជន បុគ្គលិក​ផ្នែក​សេវាកម្ម​បុគ្គលិក​សណ្ឋាគា​រ បុគ្គលិក ភោជនីយដ្ឋាន អ្នកធ្វើការ តាម​ផ្ទះ អា ជីវករ សរុប​ប្រមាណ​៥០០​នាក់  និង​សហព័ន្ធ​សហជីព នៅតែ​បន្ត​ការប្រមូលផ្តុំ​នៅ​ទីលាន​ប្រជាធិបតេយ្យ​ដើម្បី​ប្រារព្ធ​ទិវា​ពលកម្ម​អន្តរជាតិ​នៅ​ថ្ងៃ​ទី​០១ ខែ​ឧសភា​ដដែល​។​(​ដោយៈ ឆេង សូរិយា​)





កិច្ចប្រជុំ​ត្រីភាគី​ ដើម្បី​កំណត់​ប្រាក់​ឈ្នូលក​ម្មករ ចាប់ផ្តើម​ហើយ​នៅ​ព្រឹក​នេះ​

  • PDF

​កិច្ចប្រជុំ​ត្រីភាគី​ដែល​មាន​ភាគី តំណាង​រាជរដ្ឋាភិបាល​កម្ពុជា ភាគី​ថៅកែ​រោងចក្រ និង​ភាគី​សហជីព បានចាប់ផ្តើម ដូច​ការគ្រោងទុកនៅ​ព្រឹក​ថ្ងៃទី ២៤ មេសា នេះនៅ​សណ្ឋាគារ​ភ្នំពេ​ញ​​។​​​កិច្ច​ពិគ្រោះ​យោបល់ អំពី​បញ្ហា​ប្រាក់ខែ​កម្មករ ដោយ​មាន​ជំនួយ បច្ចេកទេស​ពី​អង្គការ​ពលកម្ម​អន្តរជាតិ​(ILO) នេះគឺជា​ចំនុច ដែល​សហជីព​ទាំងអស់​ចង់បាន ក្នុង​ការបញ្ចប់​វិវាទ​ការ​ងារ​​លើ​ប្រាក់​ឈ្នួល​អប្បបរមា​របស់​កម្ម​ករ​រោងចក្រ​។​

សមាសភាព ដែល​ចូលរួម​កិច្ចប្រជុំ​នៅ​ព្រឹក​នេះ ភាគី​រដ្ឋាភិបាល តំណាង​ដោយ លោក អ៊ិត សំហេង រដ្ឋមន្ត្រីក្រសួង​ការងារ បណ្តុះបណ្តាល​វិជ្ជាជីវៈ ភាគី​សហជីព រួមមាន លោក អាត់ ធន់ និង​ក្រុម​សហជីព​ជាច្រើនរូប​ទៀត ក្រៅពីនោះ គឺ​ភាគី​ថៅកែ​រោងចក្រ​សំខាន់ៗ មួយចំនួនទៀត​។​

​គួរបញ្ជាក់​ថា ក្រសួង​ការងារ ដោយ​មាន​ជំនួយ​បច្ចេកទេស​ពី​អង្គការ​ពលកម្ម​អន្តរ​ជា​ILO រៀបចំ​សិក្ខាសាលា កំណត់​ប្រាក់​ឈ្នួល អប្បបរមា នៅ​សណ្ឋាគារ​ភ្នំពេញ នៅ​ថ្ងៃ​ទី​២៤-២៥  មេសា​នេះ​៕(ដោយៈ ឆេង សូរិយា)

Vayo FM Song Request