មានគ្រោះថ្នាក់ចរាចរដ៏កម្រមួយបានកើតឡើងនៅតាមដងទន្លេដោយសារតែសាឡាងមួយគ្រឿងបានទៅបុកជាមួយទូកបូមខ្សាច់បណ្ដាលឱ្យម៉ូតូកង់ជិត២០គ្រឿង រងការខូចខាតដោយលិចចូលក្នុងទន្លេព្រមទាំងអង្ករចំនួន១០ការ៉ុង ហើយក្មេងប្រុសម្នាក់ រងរបួសបាក់ដៃឆ្វេងផងដែរ។ ហេតុការណ៍នេះបានកើតឡើងកាលពីរសៀលថ្ងៃទី៤ ខែកញ្ញា ស្ថិតក្នុងស្រុកពារក៍ ខេត្ដព្រៃវែង៕
ព័ត៌មានជាតិ
សាឡាងបុកទូកបូមខ្សាច់លិចកង់ម៉ូតូជាង២០គ្រឿង
- Wednesday, 05 September 2012 16:23
- សុខ ធារ៉ា
- Hits: 129
សហគ្រាសផលិតឪសថ PPM សម្ពោធថ្នាំប្រភេទថ្មីមួយទៀតគឺគីណាល់ អ៊ីប៊ុយ
- Wednesday, 05 September 2012 15:16
- សុខ ធារ៉ា
- Hits: 123
សហគ្រាសផលិតឪសថ PPM នាព្រឹកថ្ងៃទី០៥កញ្ញា នេះបានរៀបចំពិធីសម្ភោធនូវឪសថថ្មីមួយទៀតរបស់ខ្លួននោះ គឺឪសថគីណាល់អ៊ីប៊ុយ។ ក្នុងពិធីបើកសម្ភោធនោះមានការចូលរួមពីវេជ្ជបណ្ឌិតមួយចំនួនក្នុងនោះមានលោកហៃ លីអ៊ាង ប្រធានអគ្គនាយកសហគ្រាសផលិតឪសថ PPM សិស្សនិស្សិតសមាជិករបស់សហគ្រាសផលិតឪសថ PPM ជាច្រើននាក់ផងដែរ។
ឪសថគីណាល់ អ៊ីប៊ុយដែលទើបតែផលិតបាន ហើយដែលជាប្រភេទថ្នាំបំបាត់ការឈឺចាប់ និងហើមខ្លាំងនោះគឺ មានប្រសិទ្ធិភាពបំបាត់ការឈឺចាប់ដែលបណ្តាលមកពីរលាកថ្លើម ដូចជាការឈឺចាប់សាច់ដុំ ឈឺសន្លាក់ រលោកស្រោមទឹករំអិល ឈឺចង្កេះ គ្រេចចង្អេះការឈឺចាប់ពេលមានរដូវ ឈឺធ្មេញ។
សថគីណាល់ អ៊ីប៊ុយនេះ គឺស្ថិតនៅក្នុងចំនោមថ្នាំបំបាត់ការឈឺចាប់ប្រភេទ គីណាល់ជាច្រើនទៀតដែលផលិតដោយសហគ្រាសផលិតឪសថPPM។
លោកវេជ្ជបណ្ឌិត ហៃ លីអ៊ាង និងជាប្រធានអគ្គនាយកសហគ្រាសផលិតឪសថ PPM ក៏បានមានប្រសាសន៏ក្នុងពិធីនោះថា សហគ្រាសផលិតឪសថ PPMនឹងនៅតែបន្តកិច្ចការរបស់ខ្លួនជាបន្តទៀតដើម្បីបំរើដល់ប្រជាជនជាបន្តទៀតក្នុងនោះដែរ។
លោកហៃ លីអ៊ាង បានបន្តទៀតថា នៅឆ្នាំ២០១៥ខាងមុខ ដើម្បីឆ្ពោះទៅកាន់សហគមន៏សេដ្ឋកិច្ចអាស៊ានគីណាល់សង្ឃឹមថា ទៅថ្ងៃអនាគតនឹងអាចស្វែងរកទីផ្សារគោលដៅបានជាង៦០០លាននាក់នៅលើទីផ្សារផងដែរ៕
សាលាដំបូងរាជធានីកោះហៅអ្នកភូមិប្រមា៤០នាក់ ដើម្បីចូលរូមសវនាការលោកម៉ម សូណង់ដូ
- Wednesday, 05 September 2012 15:01
- សុខ ធារ៉ា
- Hits: 114
សាលាដំបូងរាជធានី បានកោះហៅអ្នកភូមិប្រមាចំនួន ៤០នាក់ ទាំងអ្នកត្រូវបានចោទប្រកាន់និងអ្នកត្រូវធ្វើជាសាក្សី ដើម្បីមកចូលរួមនៅក្នុងការបើកសវនាការលោក ម៉ម សូណង់ដូប្រធានវិទ្យុសំបុកឃ្មុំ និងជាប្រធានសមាគមអ្នកប្រជាធិប្បតេយ្យ។
សវនាការនេះនឹងប្រព្រឹត្តទៅនៅថ្ងៃអង្គារ ទី១១ ខែកញ្ញាសប្តាហ៍ក្រោយនេះ។ អ្នកភូមិប្រមាទាំង៤០នាក់នោះអ្នកខ្លះត្រូវបានចោទប្រកាន់ពីបទបង្កើតតំបន់អបគមន៍ ប៉ុន្តែពួកគេនឹងត្រូវបង្វែអោយទៅធ្វើជាសាក្សីវិញ ដើម្បីដាក់បន្ទុកបន្ថែមលើរូបលោកម៉ម សុណង់ដូរ។
ដីការកោះហៅនេះបានចេញតាំងពីខែ សីហាមកម្លេះដោយបានកោះហៅពលរដ្ឋរស់នៅភូមិប្រមាចំនួន ៤០នាក់ ដើម្បីចូលបំភ្លឺនៅក្នុងការបើកសវនាការនោះ ដើម្បីធ្វើជាសក្ខីកម្មក្នុងរឿងផែនការបង្កើតតំបន់អបគមន៍ក្នុងភូមិប្រមា ឃុំកំពង់ដំរី ស្រុកឆ្លូង ខេត្តក្រចេះដែលលោកម៉ម សូណង់ ដូត្រូវបានចោទគេប្រកាន់ពីបទមេគំនិតនោះ។
នេះបើតាមការបញ្ជាក់អោយដឹងពីលោក មាស ចាន់ពិសិទ្ធិ ដែលជាព្រះរាជអាជ្ញារងសាលាដំបូងរាជធានី។ លោកសុក សំអឿន ប្រធានប្រតិបត្តិនៃអង្គការក្រុមអ្នកច្បាប់ការពារសិទ្ធិកម្ពុជា ដែលជាមេធាវីរបស់លោកម៉ម សូណង់ដូ បានថ្លែងថា លោកក៏បានដឹងដែរថា មនុស្សមួយចំនួននៅភូមិប្រមាដែលត្រូវបានតុលាកោះហៅនោះ ប៉ុន្តែលោកមិនបានដឹងថា អ្នកដែលមកចូលទាំងនោះមានអ្នកណាខ្លះនៅឡើយទេ។
លោកបានបន្ថែមទៀតថា ការកោះហៅនេះ គឺផ្អែកទៅលើរបាយការណ៍របស់នគរបាលដែលមានឈ្មោះរបស់ប្រជាពលរដ្ឋទាំងនោះ។ លោកសុខ សំអឿនបានបញ្ចាក់ទៀតថា ការចូលបំភ្លឺរបស់សាក្សីទាំងអស់នោះ គឺប្រសើរជាងការមិនចូលពីព្រោះថានៅពេលពួកគេមកបំភ្លឺវាអាចធ្វើឲ្យមានភាពខុសគ្នាពីចម្លើយនៅក្នុងរបាយការណ៍របស់នគរបាល។
គួររម្លឹកថា លោកម៉ម សូណង់ដូ ប្រធានវិទ្យុសម្បុកឃ្មុំ និងជាប្រធានសមាគមអ្នកប្រជាធិបតេយ្យត្រូវបានទទូលរងការចោទប្រកាន់ពាក់ព័ន្ធនឹងបទល្មើសព្រហ្មទណ្ឌក្នុងករណីជម្លោះដីធ្លីនៅភូមិប្រមា ឃុំកំពង់ដំរី ស្រុកឆ្លូង ខេត្តក្រចេះ ចំនួន៤ធំៗ។
ក្នុងនោះរួមមានការផ្តួមផ្តើមគំនិតប្រឆាំងអ្នករាជការសាធារណៈ ការធ្វើកុបកម្មការជ្រៀតជ្រែកខុសច្បាប់នៅក្នុងការបំពេញមុខងារសាធារណៈរបស់អាជ្ញាធរ និងបទញុះញង់ឲ្យប្រជាពលរដ្ឋកាន់អាវុធខុសច្បាប់ដែលមានចែងក្នុងមាត្រាមួយចំនួននៃក្រមព្រហ្មទណ្ឌ។
កាលពីពេលថ្មីៗនេះប្រមុខរដ្ឋាភិបាលកម្ពុជាបានជំរុញអោយក្រុមអ្នកពាក់ព័ន្ធនឹងករណីនេះចេញមកសារភាពហើយនឹងបង្វែរពួកគេពីជនជាប់ចោទទៅជាសាក្សីវិញ ដើម្បីដាក់បន្ទុកបន្ថែមទៅលើលោកម៉ម សុណង់ដូរ នាយកវិទ្យុសំបុកឃ្មុំដែលកំពុងជាប់នៅក្នុងពន្ធនាគា៕
កងពលដឹកជញ្ជូនលេខ៩៩និងកម្លាំងអ.ហធ្វើសមយុទ្ធជួយសង្គ្រោះពេលមានគ្រោះទឹកជំនន់
- Wednesday, 05 September 2012 10:42
- សុខ ធារ៉ា
- Hits: 98
កងពលតូចដឹកជញ្ជូនលេខ៩៩ និងកម្លាំងកងរាជអាវុធ(អ.ហ)ប្រមាណជា៣០០នាក់ បានធ្វើសមយុទ្ធរួមគ្នាជិតទីបញ្ជាការដ្ឋានកងទ័ពជើងទឹកនាព្រឹកថ្ងៃពុធ ទី៥ ខែកញ្ញា ដើម្បីត្រៀមជួយសង្គ្រោះដល់ប្រជាពលរដ្ឋដែលជួបនូវគ្រោះទឹកជំនន់។
ដោយមានការអញ្ជើញចូលរួមជាអធិបតីដោយលោកឧត្តមសេនីយ៍ឯកស៊ុម សំណាង អគ្គនាយកនៃអគ្គនាយកដ្ឋានភ័ស្តុភា។ លោកឧត្តមសេនីយ៍ទោហ៊ុល សំអ៊ុន ប្រធានកងពលតូចដឹកជញ្ជូនលេខ៩៩បានប្រាប់ឲ្យដឹងថា ការធ្វើសមយុទ្ធនេះធ្វើឡើង ដើម្បីជួយសង្គ្រោះដល់ប្រជាពលរដ្ឋគ្រាដែលជួបនូវគ្រោះ ទឹកជំនន់។
សម្ភារៈដែលធ្វើសមយុទ្ធដើម្បីជួយសង្គ្រោះបន្ទាន់នេះរួមមានអូរបរចំនួន ២៦គ្រឿង រថយន្តសង្គ្រោះចំនួន ១៧គ្រឿង រថយន្តដឹកជញ្ចូន១៦គ្រឿងតង់សម្រាប់បោះជំរុំចំនួន ២៣ជំរុំ និងប្រុងការចំនួន៣០៕
ស្ត្រីអ្នករស់នៅបឹងកក់ម្នាក់ដែលព្រួតគ្នាចាក់និងកាប់លើបុរសពីរនាក់ត្រូវឃុំខ្លួន
- Wednesday, 05 September 2012 09:18
- សុខ ធារ៉ា
- Hits: 118
ឃុំខ្លួនស្ត្រីអ្នករស់នៅបឹងកក់ម្នាក់ដាក់ពន្ធនាគារ កាលពីរសៀលថ្ងៃទី៤ ខែកញ្ញា ជាប់ពាក់ព័ន្ធនឹងការព្រួតគ្នាចាក់ និងកាប់បុរស ២នាក់ឱ្យរងរបួសធ្ងន់កាលពីយប់ថ្ងៃទី៧ ខែសីហា កន្លងទៅនៅមុខផ្ទះសំណាក់បុប្ផា សង្កាត់ស្រះចក ខណ្ឌដូនពេញ ក្រោមការចោទប្រកាន់ពីបទហិង្សាដោយចេតនា។
ស្ត្រីរូបនេះឈ្មោះ យ៉ោម បុប្ផា បានត្រូវសមត្ថកិច្ចប៉ូលិសឃាត់ខ្លួនកាលពីព្រឹកថ្ងៃទី៤ ខែកញ្ញា តាមដីកាបង្គាប់ឱ្យនាំខ្លួនរបស់លោក តែ សំអាង ចៅក្រមស៊ើបសួរសាលាដំបូងរាជធានីភ្នំពេញ។
រីឯប្តីរបស់ស្ត្រីរូបនេះបានត្រូវតុលាការមិនឃុំខ្លួនទេ តែដាក់ឱ្យស្ថិតក្រោមការត្រួតពិនិត្យតាមផ្លូវតុលាការ។ ចំណែកបក្សបួក ២នាក់ទៀតបានគេចខ្លួនបាត់។
បើតាមការបញ្ជាក់របស់មន្ត្រីតុលាការ ការចាប់និងឃុំខ្លួនស្ត្រីរូបនេះ គឺជារឿងបុគ្គលពុំមានជាប់ជំពាក់នឹងករណីប្រជាពលរដ្ឋបឹងកក់ ឬបុរីកីឡាធ្វើបាតុកម្មនោះទេ៕
អង្គភាពប្រឆាំងអំពើពុករលួយបញ្ជូនចាងហ្វាងកាសែតម្នាក់ទៅតុលាការ
- Wednesday, 05 September 2012 09:12
- សុខ ធារ៉ា
- Hits: 125
អង្គភាពប្រឆាំងអំពើពុករលួយបានបញ្ជូនចាងហ្វាងកាសែត "ពន្លឺសាមគ្គី" ទៅកាន់អយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី៤ ខែកញ្ញា។
ដើម្បីសាកសួរករណីបរិហារបង្កាច់កេរអ្នកដទៃតាមរូបភាពកាត់ឯកសារមកផ្គុំ រួចថតចម្លងហើយយកទៅរៀបចំពាក្យបណ្តឹងដាក់ទៅតាមស្ថាប័នមួយចំនួន ដើម្បីប្តឹងអ្នកដទៃដោយគ្មានមូលហេតុអ្វីទាំងអស់។
ចាងហ្វាងកាសែតរូបនេះឈ្មោះហង្ស ចំរើន ហៅហង្ស សាខន ភេទប្រុស អាយុ ៤៧ឆ្នាំ មានទីលំនៅភូមិព្រៃរងៀង ឃុំស្គុះ ស្រុកសំរោងទង ខេត្តកំពង់ស្ពឺ។
ADB៖ពិនិត្យហេដ្ឋារចនាសម្ព័ន្ធនិងប្រព័ន្ធធារាសាស្ត្រដែលស្តារឡើងវិញក្រោយទឹកជំនន់ក្នុងខេត្ត២
- Wednesday, 05 September 2012 09:02
- សុខ ធារ៉ា
- Hits: 78
ធនាគារអភិវឌ្ឍន៍អាស៊ី (ADB) នៅថ្ងៃទី៥ ខែកញ្ញា នេះបានរៀបចំដំណើរទស្សនកិច្ចរបស់ខ្លួនមួយដែលមានការចូលរួមដោយស្ថាប័នព័ត៌មានជាតិ និងអន្តរជាតិប្រមាណជាង១០ ដើម្បីចុះពិនិត្យមើលហេដ្ឋារចនាសម្ព័ន្ធដែលមានដូចជាផ្លូវ ស្ពាន ទំនប់ ប្រឡាយក្នុងគ្រោងស្តារឡើងវិញក្រោយការខូចខាតដោយទឹកជំនន់កាលពីឆ្នាំ២០១១ នៅក្នុងខេត្តចំនួន២ គឺខេត្តកំពង់ចាម និងព្រៃវែង។
ដែលគម្រោងស្តារឡើងវិញជាបន្ទាន់នេះមានទឹកប្រាក់ចំនួន ៦៧,១៨លានដុល្លារ ក្នុងនោះកម្ចី ៥៥លានដុល្លារជារបស់ADB ជំនួយឥតសំណង៥,២៥លានដុល្លារ ជារបស់រដ្ឋាភិបាលអូស្ត្រាលីតាមរយៈទីភ្នាក់ងារ AUSAID និងរដ្ឋាភិបាលកម្ពុជាក៏បានរួមវិភាគទានចំនួន៦,៩៣លានដុល្លារ។
ដោយនឹងស្ថាបនាឡើងវិញ និងជួសជុលផ្លូវប្រវែង ៥២៤គីឡូម៉ែត្រ ស្ពានចំនួន៦ និងប្រព័ន្ធធារាសាស្ត្រចំនួន ២៦កន្លែង នៅក្នុងខេត្តដែលរងផលប៉ះពាល់ធ្ងន់ធ្ងរដូចជាខេត្ត បន្ទាយមានជ័យ បាត់ដំបង កំពង់ចាម កំពង់ធំ ព្រៃវែង និង សៀមរាប៕
ម្តាយពលការិនីអំពាវនាវអោយជួយសង្គ្រោះកូនស្រីពីរនាក់របស់គាត់
- Tuesday, 04 September 2012 09:24
- សុខ ធារ៉ា
- Hits: 112
ម្តាយពលការិនីម្នាក់បានអំពាវនាវអោយរដ្ឋាភិបាលកម្ពុជាអន្តរាគមន៍ជួយកូនស្រីពីរនាក់របស់គាត់ដែលត្រូវបានក្រុមហ៊ុននាំពលករ HRD បង្ខំអោយធ្វើការជាស្ត្រីមេផ្ទះនៅក្នុងប្រទេសម៉ាឡេស៊ី ខណៈកូនស្រីទាំងពីររបស់គាត់បានចប់កុងត្រាពីរឆ្នាំទៅហើយនោះ។
លោកស្រី ពោជ ជាន់ជាម្តាយរបស់ពលការនីពីរនាក់ឈ្មោះ អូន គន្ធា និង អូនឈុនលី ដែលបានទៅធ្វើការនៅប្រទេសម៉ាឡេស៊ី បានប្រាប់អោយដឹងថា កូនស្រីរបស់គាត់ទាំងពីរនាក់ បានទៅធ្វើការនៅប្រទេសម៉ាឡេស៊ី តាំងពីថ្ងៃទី២៤ ខែឧសភា ឆ្នាំ២០១០ ដោយសន្យាជាមួយក្រុមហ៊ុនថា កូនស្រីរបស់គាត់ធ្វើការរយៈពេលត្រឹមតែពីរឆ្នាំប៉ុណ្ណោះហើយនឹងត្រលប់មកវិញ ក៍ប៉ុន្តែមកដល់ឆ្នាំ២០១២នេះ ក្រុមហ៊ុននេះមិនបានបញ្ជួនកូនស្រីទាំងពីររបស់គាត់មកវិញនោះទេ។
លោកស្រីបានបញ្ជាក់ថា កូនស្រីរបស់គាត់ឈ្មោះ អូន គន្ធា និង អូនឈុនលី ត្រូវបានគេវាយធ្វើបាបយ៉ាងខ្លាំងដោយសារតែកូនគាត់សុំត្រឡប់មកប្រទេសកម្ពុជាវិញ។
សំលេងៈ
លោកអ្នកនាងទើបតែបានស្តាប់ប្រសាសន៍របស់លោកស្រី ពោជ ជាន់ ដែលជាម្តាយពលការនីរងគ្រោះនៅប្រទេសម៉ាឡេស៊ីដែលសាកសួរដោយថា ថៃ នៅប៉ុន្មានម៉ោងមុននេះ។
ចាប់ផ្តើមដំណើរការពិនិត្យបញ្ជីឈ្មោះនិងចុះឈ្មោះបោះឆ្នោតឆ្នាំ២០១២
- Monday, 03 September 2012 15:43
- សុខ ធារ៉ា
- Hits: 84
សេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោតហៅ កាត់ថា គ.ជ.ប. បានបង្ហាញឲ្យដឹងថាការពិនិត្យបញ្ជីឈ្មោះ និងចុះឈ្មោះបោះឆ្នោតមានរយៈពេល៤២ថ្ងៃ ដោយបានចាប់ផ្តើមហើយ កាលពីថ្ងៃទី១ខែកញ្ញា។ តាមគម្រោងការពិនិត្យបញ្ជីឈ្មោះនិងចុះឈ្មោះបោះឆ្នោតនឹងបញ្ចប់ទៅ វិញនៅថ្ងៃទី១២ខែតុលាខាងមុខ។
គ.ជ.ប.បានប្រកាសថាតាម របាយការណ៍គិតត្រឹមថ្ងៃទី៣០ ខែសីហាមានគណបក្សនយោបាយចំនួន២គឺគណបក្សប្រជាជនកម្ពុជានិងគណបក្ស ហ្វ៊ុនស៊ិនប៉ិចបានដាក់តំណាងចូលរួមពិនិត្យមើលដំណើរការនេះ។ រីឯអង្គការមិនមែនរដ្ឋាភិបាលជាតិនិងអន្តរជាតិចំនួន២គឺខុមហ្វ្រែល និងNDIក៏បានដាក់អ្នកសង្កេតការណ៍ ចូលរួមពិនិត្យមើលផងដែរ។
លោកទេព នីថាអគ្គលេខាធិការ គ.ជ.ប.បានបញ្ជាក់នៅក្នុងសេចក្តីប្រកាសនោះថា ដើម្បីបោះឆ្នោតបានប្រជាពលរដ្ឋត្រូវមានឈ្មោះក្នុងបញ្ជីបោះឆ្នោត និងមានឯកសារបញ្ជាក់អត្តសញ្ញាណផ្លូវការដែលមានឈ្មោះនិងទិន្នន័យ ត្រូវគ្នានិងឈ្មោះនិងទិន្នន័យក្នុងបញ្ជីបោះឆ្នោត។
ចំពោះ អ្នកមានឈ្មោះស្ទួនឬឈ្មោះលើសពីមួយក្នុងបញ្ជីឈ្មោះបោះឆ្នោត ត្រូវតែទៅជួបស្មៀនឃុំសង្កាត់ដើម្បីបំពេញបែបបទសុំលុបឈ្មោះដែលលើស ចេញនិងរក្សាទុកឈ្មោះនៅការិយាល័យបោះឆ្នោតតែមួយគត់ក្នុងឃុំ សង្កាត់ដែលត្រូវបោះឆ្នោត។
កាលពីពេលកន្លងមក គ.ជ.ប.បានប្រកាសថា ក្នុងឆ្នាំ២០១២នេះមានអ្នកត្រូវចុះឈ្មោះបោះឆ្នោតថ្មីចំនួនជាង ៦សែននាក់។ រីឯអ្នកដែលត្រូវលុបឈ្មោះពីបញ្ជីបោះឆ្នោតមានចំនួនជាង១សែន៤ម៉ឺន នាក់ដែលជាអ្នកផ្លាស់ប្តូរទីលំនៅនិងអ្នកស្លាប់បាត់បង់ជីវិត។តាម ការប៉ាន់ស្មានរបស់គ.ជ.ប.បញ្ជីឈ្មោះអ្នកបោះឆ្នោតឆ្នាំ២០១២នឹង កើនដល់ជាង ៩,៦លាននាក់។
គួររំលឹកដែរថា កន្លងមក គ.ជ.ប បានអំពាវនារសូមឲ្យប្រជាពលរដ្ឋជាពិសេសយុវជនយុវនារីទើបគ្រប់អាយុ១៨ ឆ្នាំនិងអ្នកផ្លាស់ទីលំនៅក្នុងឃុំសង្កាត់សូមអញ្ជើញទៅចុះឈ្មោះ បោះឆ្នោតឲ្យបានគ្រប់ៗគ្នាដើម្បីចូលរួមការបោះឆ្នោតជ្រើសតាំង តំណាងរាស្ត្រ នីតិកាលទី៥ នាថ្ងៃទី២៨ខែកក្កដា ឆ្នាំ២០១៣៕
