បើតាមការបញ្ជាក់ពីមន្ត្រីអគ្គិសនីបានឲ្យដឹងថាមូលហេតុដែលបណ្តាលឲ្យដាច់ចរន្តអគ្គីសនីស្ទើរទូទាំងប្រទេសកម្ពុជា និង ប្រទេសវៀតនាពេលកន្លងមកនេះ ដោយសារតែរថយន្តស្ទូចមួយគ្រឿងបានបុកដើមឈើឲ្យដួលលើខ្សែបញ្ជូនចរន្តអគ្គិសនីដ៏សំខាន់មួយដែលស្ថិតក្នុងប្រទេសវៀតណាម។
ពីរភាគបីនៃបណ្តាខេត្តដែលស្ថិតនៅភាគខាងត្បូងវៀតណាមក្នុងចំណោម ៦៣ ខេត្តបានដាច់ចរន្តអគ្គិសនីអស់ប៉ុន្មានម៉ោងកាលពីរសៀលថ្ងៃពុធរួមទាំងមជ្ឈមណ្ឌលពាណិជ្ជកម្មហូជីមីញផងដែរ។
ទំហំនៃការខូចខាតនេះបានបង្កឲ្យមានការខ្វះអគ្គីសនីប្រើប្រាស់ប្រមាណជិត១០០០០មេហ្គាវ៉ាត់នៅវៀតណាមភាគខាងត្បូង។
ជាមួយគ្នានោះ មនុស្សរាប់លាននាក់រងផលប៉ះពាល់ដោយការដាច់ភ្លើងនៅវៀតណាមនៅពេលការិយាល័យនិងរោងចក្រត្រូវបង្ខំបិទទ្វារនៅទូទាំងភាគខាងត្បូងនៅពេលភ្លើងចរាចរណ៍ត្រូវគាំងជាហេតុនាំឲ្យមានបញ្ហាចរាចរណ៍នៅតាមទីក្រុងធំៗ។
ដោយឡែកនៅក្នុងរាជធានីភ្នំពេញវិញក៏បានរងផលប៉ះពាល់យ៉ាងខ្លាំងផងដែរដោយសារតែកម្ពុជាទិញអគ្គិសនីមកពីវៀតណាម។
គួរបញ្ជាក់ថា ប្រទេសវៀតណាមបានផ្គត់ផ្គង់ភ្លើងដល់អគ្គិសនីកម្ពុជាចំនួន ១៧០មេហ្គាវ៉ាត់ គឺស្មើប្រមាណជា៤០ភាគរយ នៃភ្លើងដែលអគ្គិសនីកម្ពុជាមានសរុបចំនួន៤០០មេហ្គាវ៉ាត់៕(ដោយៈសៅ វិសាល)
បណ្ដាញសង្គមដែលគណៈកម្មាធិការជាតិរៀបចំការបោះឆ្នោត(គ.ជ.ប)បានអំពាវនាវនោះរួមមាន៖ Facebook, Twitter, Google, Linkedln, Myspace, Tumblrនិង Blogជាដើម។
នេះគឺ ជារឿងថ្មីមួយសម្រាប់អ្នករាយការណ៍ពិសេសអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំនៅកម្ពុជា លោកសូរិយា ប្រាសាទ ស៊ូប៊ែរឌី។
គ.ជ.ប នឹងបោះពុម្ពសន្លឹកឆ្នោតប្រមាណជា១២លានសន្លឹកសំរាប់ការបោះឆ្នោតជាតិនាខែកក្កដាខាងមុខនេះ ដែលមានចំនួនសរុប ៩.៦៧៥.៤៥៣នាក់។
