ប្រិយមិត្តជាទីមេត្រីនៅក្នុងថ្ងៃនេះវាយោអេហ្វអឹមនិងនាំអារម្មណ៏អ្នកអានទៅអានសុខភាពមួយដែលនិយាយអំពីញុំាចំណីអាហារបែបណាចៀសផុតពីមេរោគ? យើងមិនអាចមើលឃើញមេរោគដោយភ្នែកទទេនោះទេ។
មេរោគទាំងនោះស្ថិតនៅជាប់នឹងដៃក្រណាត់ និងប្រដាប់ប្រដាប្រើប្រាស់ក្នុងផ្ទះបាយ ហើយអាចចម្លងទៅចំណីអាហារដែលមនុស្សញ៉ាំដោយធ្វើឲ្យមនុស្សទទួលរងនូវគ្រោះថ្នាក់សុខភាពមួយចំនួន។ ក៏ប៉ុន្តែទោះជាយ៉ាងនេះក្តីយើងនៅតែមានវិធីទប់ស្កាត់វាបានផងដែរដោយអនុវត្តវិធីសាស្ត្រដូចខាងក្រោមនេះ។
ទុកដាក់ប្រភេទសាច់ឆៅ និងឆ្អិនដាច់ដោយឡែកពីគ្នា៖ សាច់ឆៅអាចមានមេរោគដែលអាចចម្លងទៅឲ្យម្ហូបអាហារដែលឆ្អិនល្អនោះបាននៅពេលណាយើងរក្សាទុកម្ហូបនោះនៅជាប់នឹងសាច់ឆៅ។ ដើម្បីសុខភាពក្នុងការទទួលទានអាហារ យើងគួររក្សាទុកម្ហូបដែលចំអិនរួចនៅកន្លែងដែលមានសុវត្ថិភាពគឺ ត្រូវនៅដាច់ពីសាច់ឆៅ។
ចម្អិនអាហារឲ្យបានឆ្អិនល្អ៖ តាមការសិក្សាស្រាវជ្រាវបានបង្ហាញថា អាហារដែលមានសុវត្ថិភាពពីមេរោគទាំងឡាយគឺជាអាហារដែលត្រូវបានចម្អិននៅកំដៅយ៉ាងហោចណាស់៧០អង្សាសេ។ ចំពោះអាហារដូចជាស៊ុត និងអាហារសមុទ្រត្រូវចម្អិនឲ្យបានឆ្អិនល្អទើបយើងអាចញ៉ាំបានប្រកបដោយសុវត្ថិភាព។
ត្រូវរក្សាភាពស្អាតជានិច្ចទាំងនៅក្នុងផ្ទះបាយ និងមុនពេលញ៉ាំអាហារ៖ មេរោគអាចនៅនឹងក្រណាត់ជូតសម្ភារៈផ្ទះបាយដែលអាចបង្កឲ្យយើងឆ្លងមេរោគ តាមរយៈអាហារបាន ដូចនេះយើងត្រូវរក្សាអនាម័យស្អាតជានិច្ច។
កំដៅអាហារដែលអ្នកចំអិនទុកនៅពេលវាត្រជាក់៖ អាហារដែលចុះត្រជាក់អាចជា ឱកាសសម្រាប់ភ្នាក់ងារចំលងមេរោគនានាមកតោងនឹងអាហារនេះសារជាថ្មី ដូចនេះរាល់ពេលអាហារត្រជាក់ យើងត្រូវកំដៅវាឡើងវិញទើបជាការប្រសើរ៕(ដកស្រង់ពីគេហទំព័រសួស្ដី)
សំណួរមួយដែលយើងតែងឮញឹកញាប់ប់ផុំត គឺគួរប្រើពណ៌ផាត់ភ្នែកពណ៌ផ្សេងៗបែបណាទើបល្អ? ខាងក្រោមនេះគឺជាវិធីតុបតែងភ្នែកឱ្យស្អាតតាមចំនួនពណ៌...។
