យុវជន២នាក់បានស្លាប់នៅនឹងកន្លែងកើតហេតុ និងម្នាក់ទៀតរងរបួសធ្ងន់ បន្ទាប់ពីជនរងគ្រោះទាំង៣នាក់ បានជិះម៉ូតូទាំងស្រវឹងជ្រុលចង្កូតទៅបុករឺម៉កពីក្រោយយ៉ាងពេញទំហឹង។
ហេតុការណ៍នេះបានកើតឡើង កាលពីវេលាម៉ោង ១១និង១៥នាទីយប់២០ ខែឧសភា ឆ្នាំ២០១៣ ស្ថិតនៅចំណុចភូមិព្រែកខ្សេវ ឃុំរកាសខ្ពស់ ស្រុកស្អាង ខេត្តកណ្តាល។
សមត្ថកិច្ចមូលដ្ឋានបានឲ្យដឹងថា ជនរងគ្រោះដែលស្លាប់ទាំង២នាក់ នោះមានឈ្មោះ ឡុង វាសនា អាយុ ១៨ឆ្នាំ និង ឈ្មោះម៉ុន ម៉េង អាយុ ២០ឆ្នាំ និងម្នាក់ទៀតដែលរបួសធ្ងន់ឈ្មោះ សយ ប៊ុនលី អាយុ១៩ឆ្នាំ។ អ្នកទាំង៣រស់នៅ ក្នុងភូមិព្រែកស្នង ឃុំព្រែកគយ ស្រុកស្អាង ខេត្តកណ្តាល។
សវនាការលើករណីលោកឈូក បណ្ឌិត អតីតអភិបាលក្រុងបាវិត ត្រូវបានចៅក្រមតុលាការខេត្តស្វាយរៀង សម្រេចលើកពេល ទៅធ្វើនៅថ្ងៃទី១២មិថុនា ឆ្នាំ២០១៣វិញ ខណៈដែលតាមគម្រោង នឹងត្រូវធ្វើឡើង នៅព្រឹកថ្ងៃទី២១ ខែឧសភា ឆ្នាំ២០១៣។
កាលពីថ្ងៃទី២០ ខែឧសភា គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប.បានសម្រេចទទួលស្គាល់ជាផ្លូវការហើយលើពាក្យសុំចុះបញ្ជីគណបក្សនយោបាយឈរឈ្មោះបោះឆ្នោតនិងបញ្ជីបេក្ខជនឈរឈ្មោះរបស់គណបក្ស ខ្មែរអភិវឌ្ឍន៍សេដ្ឋកិច្ច។
សម្ដេចនាយករដ្ឋមន្ត្រី ហ៊ុន សែន បានធ្វើដំណើរមកដល់ប្រទេសកម្ពុជាវិញហើយ កាលពីល្ងាចថ្ងៃចន្ទ បន្ទាប់ពីលោកបានទៅចូលរួមកិច្ចប្រជុំមហាសន្និបាតលើកទី២នៃអង្គការអ្នកប្រជាធិបតេយ្យនិយមកណ្តាលអន្តរជាតិ អាស៊ីប៉ាស៊ីហ្វិកហៅកាត់ថា កាប់ឌី(CAPDI)ដែលបានប្រារព្ធធ្វើឡើង នៅថ្ងៃទី២០ ខែឧសភាឆ្នាំ២០១៣ នៅទីក្រុងម៉ាកាសា ខេត្តស៊ូឡាវេស៊ីខាងត្បូងនៃសាធារណរដ្ឋឥណ្ឌូណេស៊ី។
