ព័ត៌មានជាតិ

មេដឹក​​នាំ​​សហជីព​៖​ នីតិវិធី​​ នៃ​ការតំឡើង​​ប្រាក់​​ឈ្នួល​​កម្មករ​​ របស់​ក្រសួង​ការងារ ​ហាក់ដូច​ជា​យឺត​​ពេល​​ទៅ​​ហើយ​​

  • PDF

​លោក​​ប៉ាវ ស៊ីណា​​​ ប្រធាន​សម្ព័ន្ធ​សហជីព​ចលនា​កម្មករ ​បានបញ្ជាក់​ថា លោក​បាន​ទទួល​រួច​ហើយ​នូវ​លិខិត អញ្ជើញ​ឲ្យ​ចូល​​​​រួម​ក្នុង សិក្ខាសាលា​កំណត់​ប្រាក់​ឈ្នួល​អប្បបរមា របស់​ក្រសួង​ការងារ​។ ដោយឡែក​សម្រាប់​ការយល់ឃើញ​របស់​លោក​ប៉ាវ ស៊ីណា ចំពោះ​សិក្ខាសាលា​ដែល​រៀបចំ​ដោយ​ក្រសួង​ការងារ​នេះ ហាក់បីដូច​ជា​យឺត​ពេល​ទៅ​ហើយ ព្រោះ​ដោយសារ​តែ​ដំណើរការ​នៃ​ការកំណត់​ប្រាក់​ឈ្នួល​អប្បបរមា​នេះ ទំរាំ​តែ​បញ្ចប់ គឺ​រហូត​ទាល់តែ​ដល់​ចុង​ឆ្នាំ​ឯណោះ​។​

សម្លេង​លោកប៉ាវ ស៊ីណា​

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​ដោយឡែក​ លោក​អាត់ ធន់ ប្រធាន​សម្ពន្ធ័​សហជីព​ប្រជាធិបតេ​យ្យ​កម្មករ​កម្ពុ​ជា បាន​លើកឡើង​ផង​ដែរ​ថា នីតីវិធី​នៃ​ការ​​​​កំណត់​​ប្រាក់​ឈ្នួល ក​ម្មករ​របស់​ក្រសួង​ការងារ​នេះ គឺ​មាន​ភាព​យឺត​ពេល​ទៅហើយ ព្រោះ​ការរៀបចំ​នីតីវិធី​នេះ គឺ​ត្រូវ​ចំ​ណា​​​​យ​​​​​​​​​ពេល​ពី​៥ ទៅ​៦​ខែ​ទៀត​ទើប​អាច​បញ្ចប់ ដូច្នេះ​វា​មិន​ឆ្លើយតប​នឹង​ស្ថានការណ៍​បច្ចុប្បន្ន​ឡើយ​។​

សម្លេង​លោក​អាត់ ធន់

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​តែ​​​យ៉ាងណាក៏ដោយ លោក​ប៉ាវ ស៊ីណា បាន​បញ្ជាក់បន្ថែម​ថា លោក​គាំទ្រ​ចំពោះ​ក្រសួង​ការងារ ដែល​បាន​រៀបចំ​ឲ្យ​មាន​​​​​​កិច្ច​​ពិគ្រោះ​ យោបល់​អំពី​បញ្ហា​ប្រាក់ខែ​កម្មករ ដោយ​មាន​ជំនួយ បច្ចេកទេស​ពី​អង្គការ​ពលកម្ម​អន្តរជាតិ​(ILO) ដែល​ជា​ចំនុច សហជីព​ទាំងអស់​ចង់បាន ក្នុង​ការបញ្ចប់​វិវាទ​ការងារ​លើ​ប្រាក់​ឈ្នួល​អប្បបរមា​របស់​កម្ម​ករ​រោងចក្រ​។

សម្លេង​លោកប៉ាវ ស៊ីណា​​

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​គួរ​​​បញ្ជាក់​ថា ក្រសួង​ការងារ ដោយ​មាន​ជំនួយ​បច្ចេកទេស​ពី​អង្គការ​ពលកម្ម​អន្តរ​ជា​ILO នឹង​រៀបចំ​សិក្ខាសាលា​កំណត់​ប្រាក់​​​​​ឈ្នួល​អប្បបរមា​នៅ​សណ្ឋាគារ​ភ្នំពេញ នៅ​ថ្ងៃ​ទី​២៤-២៥  មេសា​ខាង​មុខ​៕(​ដោយៈ​សៅ វិសាល​)



លិខិត​​គណបក្ស​​សង្គ្រោះ​ជាតិជា​លើក​​ទី​២ ​​ដាក់​ស្នើរ​​​សុំ​ទីលាន​​​ប្រជា​ធិបតេយ្យ​​ ដើម្បី​សុំ​​ធ្វើ​ការ​​ឃោសនា​​​បោះឆ្នោត

  • PDF

​​​​នេះ​ជា​​លិខិត​​លើក​ទី​២​​ហើយ​ ដែល​គណ​បក្ស​សង្គ្រោះ​​ជាតិ​ដាក់​ជូន​សាលា​ក្រុង​ភ្នំពេញ​ ស្នើសុំ​ទី​លាន​ប្រជា​ធិបតេយ្យ​ ដើម្បី​​ធ្វើ​​ការឃោស​នាបោះ​ឆ្នោត​នៅ​​ថ្ងៃ​ទី​០២​ ខែ​ឧសភា​ ឆ្នាំ​២០១៤​​ខាងមុខនេះ​។​​

មេធាវី​លោក​វ​ន់ ពៅ​សង្ឃឹម​​ជា​ថ្មី​ថា​នៅ​ថ្ងៃ​ទី​២៥​មេសា​លោក​វន់ ពៅ​​នឹង​រួចផុត​​ពី​បទ​ចោទ​ប្រកាន់

  • PDF

​ថ្លែង​ប្រាប់​វិទ្យុ​ខ្មែរ​អន្តរជាតិ​វា​យោ​FM​នៅ​ថ្ងៃ​ទី​២៣​មេសា​នេះ​លោក​គីម សុជាតិ​មេធាវី​​ការពារ​ក្ដី​​លោក​វ​ន់ ពៅ​​ប្រធាន​សមាគម​​ប្រជាធិបតេយ្យ​​ឯករាជ្យ​​នៃ​សេដ្ឋកិច្ច​​ក្រៅ​ប្រព័ន្ធ​បានបង្ហាញ​​ជំនឿ​ចិត្ត​​ជា​ថ្មី​ថា​លោក​វន់ ពៅ​​នឹង អាច​រួច​ទោស​​ពី​បទ​ចោទ​ប្រកាន់​​របស់​តុលាការ​​លើ​រូប​​លោក​វ៉ន ពៅ​ក្នុង​ការបើក​សវនាកា​រ​​សាកសួរ​នៅ​សាលា​ដំបូង​​រាជធានី​​ភ្នំពេញ​នៅ​ថ្ងៃ​ទី​២៥​ខែ​មេសា​ខាង​មុខ​នេះ​។

​លោក​គីម សុជាតិ​សង្ឃឹម​បែបនេះ​ដោយសារ​តែ​​ក្នុង​សវនាការ​​នៅ​ថ្ងៃ​​ខាង​មុខ​នេះ គឺ​មាន​វត្តមាន​​អ្នកពាក់ព័ន្ធ​ក្នុង​ករណី​​ទាំង​នោះ​​ចូលរួម​ដែល​ជា​ការ​ងាយស្រួល​ក្នុងការ​​សួរនាំ​​រក​ខុស​ត្រូវ​ហើយ​ម្យ៉ាងវិញ​ទៀត អង្គចៅក្រម​​ជំនុំជម្រះ​ក៍​បាន​ប្ដូរ​បទ​ចោទ​ប្រកាន់​លោក​វន់ ពៅ​ពី​បទ​ហិង្សា​​ដោយ​ចេតនា​​មាន​ស្ថាន​​ទម្ងន់ទោស និង​ធ្វើឲ្យ​​ខូចខាត​ទៅ​ជា​បទ​ញុះ​ញ៉​ង់​​ធ្វើឲ្យ​ខូចខាត​​សណ្ដាប់ធ្នាប់​​ក្នុង​សង្គម​​តែ​មួយ​​ករណី​វិញ​​តែ​ប៉ុណ្ណោះ។

​សម្លេង​លោក​គីម សុជាតិ៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​គួរ​បញ្ជាក់ដែរថា គិត​មកដល់​ថ្ងៃនេះ​លោក វ​ន់ ពៅ​និង​មនុស្ស​២០​នាក់​ទៀត​ត្រូវបាន​ឃុំខ្លួន​​នៅ​ពន្ធនាគារ​ត្រពាំង​ផ្លុង​អស់​រយៈពេល​ជាង​៣​ខែ​ហើយ​។​សូម​រម្លឹក​ដែរ​ថា​លោក វ​ន់ ពៅ​ប្រធាន​សមាគម​​ប្រជាធិបតេយ្យ​ឯករាជ្យ​​នៃ​សេដ្ឋកិច្ច​ក្រៅ​ប្រព័ន្ធ​និង​ជនជាប់ចោទ​ទាំង​២២​នាក់​ទៀត​ត្រូវបាន​អាជ្ញាធរ​​ចាប់​ខ្លួន​​ក្នុង​ហេតុការណ៍​ប៉ះ​ទង្គិច​​រវាង​កម្មករ និង​សមត្ថកិច្ច​កាលពី​ថ្ងៃ​ទី​០២​និង​ទី​០៣​ខែ​មករា​នៅ​មុខ​រោងចក្រ​យ៉ាក​ជី​ង​និង​សួន​ឧស្សាហកម្ម​​កាណាឌីយ៉ា​ផ្លូវ​វ៉េងស្រេង​នៅ​ពេល​កម្មករ​​ធ្វើ​បាតុកម្ម​​ទាំងនោះ​​ទាមទារ​​ដំឡើង​​ប្រាក់​ឈ្នួល​​ដល់​កម្មករ​១៦០​ដុល្លារ​​ក្នុង​មួយខែ​។​ ដោយឡែក​កម្មករ​​ចំនួន​ពីរ​នាក់​ត្រូវបាន​តុលាការ​​ឲ្យនៅ​ក្រៅ​ឃុំ​បណ្តោះ​អាសន្ន​កាលពី​ថ្ងៃ​ទី​០៧​ខែ​កុម្ភៈ​កន្លងទៅ​៕​(​ដោយៈ​រំដួល ចិ​ត្រា​)

អាជ្ញាធរ​អនុ​ញ្ញាត្ដ​ឲ្យ​បក្ស​សង្គ្រោះ​ជាតិ យក​ទីលាន​ប្រជាធិបតេយ្យ ធ្វើ​យុទ្ធនាការ​ឃោសនា​បោះឆ្នោត​ហើយ​

  • PDF

សាលា​រាជធានី​ភ្នំពេញ​បាន​ឆ្លើយតប ទៅ​គណបក្ស​សង្គ្រោះ​ជាតិ​វិញ​ហើយ កាលពី​ល្ងាច​ថ្ងៃ​អង្គារ​ម្សិលមិញ ថា អាជ្ញាធរ​រាជធានី​ភ្នំពេញ អនុ​ញ្ញាត្ដ​ឲ្យ​គណបក្ស​សង្គ្រោះ​ជាតិ យកទីលានប្រជាធិបតេយ្យ រៀបចំ​ពិធី​ឃោសនា បោះឆ្នោត​ជ្រើស​រើស​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ អណត្តិ​ទី​២ ដែល​នឹង​ចាប់ផ្ដើម នៅ​ថ្ងៃ​ទី​០២ ខែ​ឧសភា ឆ្នាំ​២០១៤ ខាងមុខនេះ​។ នេះ​បើ​តាម​ការ​ឲ្យដឹង​ពី​លោក​ម៉ៅ មុនី​វណ្ណ តំណាងរាស្ដ្រ​គណបក្ស​សង្គ្រោះ​ជាតិ​។

​លោក ម៉ៅ មុនី​វណ្ណ មន្ដ្រីជាន់ខ្ពស់​គណបក្ស​សង្គ្រោះ​ជាតិ បាន​ប្រាប់​វិទ្យុ​ខ្មែរ​អន្ដរជាតិ​វាយោ​FM នៅ​ថ្ងៃ​ពុធ​នេះ ថា សាលា​រាជធានី​ភ្នំពេញ បាន​អនុ​ញ្ញាត្ដ​ឲ្យ​គណបក្ស​សង្គ្រោះ​ជាតិ ធ្វើការ​ឃោសនា​បោះឆ្នោត នៅ​ទីលាន​ប្រជាធិបតេយ្យ​ហើយ ព្រោះថា បើ​យោងតាម​ច្បាប់បោះឆ្នោត គឺ​ត្រូវ​ជូនដំណឹង​ទៅ អាជ្ញាធរ​ឲ្យបាន​០៣​ថ្ងៃ មុន​ការឃោសនា តែ​គណបក្ស​សង្គ្រោះ​ជាតិ បាន​ជូនដំណឹង​មុន​០៣​ថ្ងៃ​ទៅ​ទៀត​។​

សំលេងៈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​សូមបញ្ជាក់ ថា កាលពី​ថ្ងៃ​ទី​១៨ ខែ​មេសា គណបក្ស​សង្គ្រោះ​ជាតិ បាន​ដាក់​លិខិត​ស្នើ​សុំ ទីលាន​ប្រជាធិបតេយ្យ ដល់​សាលា​រាជ​ធា​ភ្នំពេញ ដើម្បី​ឃោសនាបោះឆ្នោត ជ្រើសរើស​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ អណត្តិ​ទី​២ ដែល​នឹង​ចាប់ផ្ដើម នៅ​ថ្ងៃ​ទី​០២ ខែ​ឧសភា ឆ្នាំ​២០១៤​។

​បើ​តាម​លោក ម៉ៅ មុនី​វណ្ណ ដដែល​បានឲ្យ​ដឹងប​ន្ដ ថា គណបក្ស​សង្គ្រោះ​ជាតិ នឹង​បើក​យុទ្ធនាការ​ឃោសនា​បោះឆ្នោត នៅ​ទីលាន​ប្រជាធិបតេយ្យ នៅ​ថ្ងៃ​ទី​០២ ខែ​ឧសភា ហើយ​នៅ​ថ្ងៃ​បន្ដបន្ទាប់​ទៀត នឹង​មាន​ការដើរ​ហែរ​ក្បួន​ឃោសនា​ផង ដែរ​។ នៅថ្ងៃនេះ វិទ្យុ​វាយោ​FM មិនអាច​សុំ​ការ បញ្ជាក់​បន្ថែម​ពី​មន្ដ្រី​សាលា​រាជធានី​ភ្នំពេញ​នោះទេ​។​

​គួរឲ្យ​ដឹង​ផង​ដែរ ថា បន្ទាប់ពី​មាន​ការ ប៉ះទង្គិច​គ្នា​រវាង​សមត្ថកិច្ច និង​ក្រុម​កម្មករ​តវ៉ា កាលពីដើម​ខែ​មករា ឆ្នាំ​២០១៤​នោះ មក រដ្ឋាភិបាល​បាន​សម្រេច បិទ​ទីលាន​ប្រជាធិបតេយ្យ មួយរយៈ ហើយ​ឲ្យតែ​មានការ ប្រមូលផ្ដុំ ឬ​ជួបជុំ​នៅ​ទីលាន​ប្រជាធិបតេយ្យ​នោះ តែងតែ​មាន​ការបង្ក្រាប និង​បណ្ដេញចេញ​ពី​ទីនោះ​។

​យុទ្ធនាការ​ឃោសនា​បោះឆ្នោត ជ្រើសរើស​ក្រុមប្រឹក្សា នឹង​ចាប់ផ្តើម​ធ្វើ​នៅ​រយៈពេល​១៥ ថ្ងៃ​គឺ​ចាប់ពី​ថ្ងៃ​ទី​២ ដល់​ថ្ងៃ​ទី​១៦ ខែ​ឧសភា ខាងមុខ​។ រីឯ​ការបោះឆ្នោត​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ អណត្តិ​ទី​២ ឆ្នាំ​២០១៤​នឹង​ត្រូវ​ប្រព្រឹត្តិ​ទៅ​នៅ​ថ្ងៃ​ទី​១៨​ឧសភា ឆ្នាំ​២០១៤​។​

​លោក សម រង្ស៊ី និង​លោក កឹម សុខា ប្រធាន និង​អនុប្រធាន​គណបក្ស​សង្គ្រោះ​ជាតិ នឹង​មកដល់​ប្រទេស​កម្ពុជា​វិញ នៅ​ចុងខែ​មេសា​នេះ ហើយ​នឹង​ចូលរួម ការឃោសនាបោះឆ្នោត នៅ​ខែ​ឧសភា​ផងដែរ​៕(ដោយៈឃួន សុភ័ក្រ)

ADB៖​ដំណើរ​ការ​ប្រមូល​ពន្ធ​​កកស្ទះ​​ដោយសារ​​ស្ថាប័ន​​ពន្ធដារ​​នៅ​កម្ពុជា​​ខ្វះ​ធនធាន​ច្រើន​

  • PDF

​ការវិភាគ​មួយ​ដែល​បាន​ធនាគារ​អភិវឌ្ឍន៍អាស៊ី​ហៅ​កាត់​ថា​ADB​ចេញ​ជា​របាយការណ៍​​​កាលពី​ដើម​​ខែ​មេសា បាន​បញ្ជាក់​ថា​ដើមចម​ដែល​​ធ្វើឲ្យ​មាន​​ការរាំង​ស្ទះ​​ដល់​សមត្ថភាព​ក្នុង​ការប្រមូល​ព​ន្ឋ​នៅ​​កម្ពុជា​ដើម្បី​បង្កើន​ចំណូល​បណ្ដាល​មក​ពី​​ស្ថាប័ន​ពន្ធដារ​​នៅ​កម្ពុជា​មិនទាន់​មាន​ធនធាន​និង​បុគ្គលិក​គ្រប់គ្រាន់​។​ ការ​ចេញ​របាយ​ការណ៍​​នេះ បន្ទាប់​ពី​​ADB​​បាន​រកឃើញថា​ក្នុង​បណ្ដា​​ប្រទេស​​នៅ​អាស៊ី​អគ្គនាយកដ្ឋាន​​ពន្ធដា​រ​​របស់​កម្ពុជា ជា​ស្ថាប័ន​​ប្រាក់ចំណូល​​ស្វយ័ត​​តិច​ជាង​គេ​​បំផុត​ក្នុងចំណោម​​អង្គភាព​​ប្រាក់​ចំណូល​​ស្វយ័ត​។​ នេះ​បើ​តាម​ការ​ពិចារណា​​ពី​លទ្ឋផល​​អង្គេត​​បាន​ពី​​អង្គភាព​​ប្រាក់​ចំណូល​​ពន្ធ​ទាំង​២២​​ប្រទេស​​នៅ​អាស៊ី​ចន្លោះ​​ឆ្នាំ​២០១២​និង​២០១៣​។​

​របាយការណ៍​វិភាគ​របស់​ADB​បានបញ្ជាក់​ថា​ស្ថាប័ន​ប្រាក់​ចំណូល​​តម្រូវឲ្យ​​មាន​បុគ្គលិក​​គ្រប់​កម្រិត​បា​ន​គ្រប់គ្រាន់​​ដែល​មាន​អាជីព​បណ្ដុះបណ្ដាល​​បាន​ល្អ​​​ដោយ​មាន​​ការលើកទឹកចិត្ត​និង​មាន​ភាព​​សុចរិត​ខ្ពស់​។​របាយការណ៍​ដដែល​បាន​កត់សម្គាល់​ថា​បណ្ដា​ប្រទេស​​នៅ​អាស៊ី​​ស្ថាប័ន​​ប្រាក់ចំណូល​​ដែល​មាន​​ធនធាន និង​បុគ្គលិក​​មិន​គ្រប់​គ្រាន់​​​ដើម្បី​តប​តាម​​ការងារ​​និង​ទំហំ​ប្រជាជន​​នៅ​ប្រទេស​នោះ​មាន​ប្រទេស  កម្ពុជា ឥ​ណ្ឌ ឥណ្ឌូនេស៊ី ហ្វី​លីពីន និង​មី​យ៉ាន់​ម៉ា​។​

​ទាក់ទង​នឹង​របាយការណ៍​ការវិភាគ​របស់​ADB​នេះដែរ លោក​កែម ឡី​អ្នកវិភាគ​សង្គម​​កម្ពុជា​​​​ធ្លាប់បាន​​និយាយថា​កត្តា​ដែល​ការ​ប្រមូល​ពន្ធដារ​​នៅ​កម្ពុជា​​មិន​បាន​បង្កើន​​ប្រាក់​ចំណូល​​ច្រើន​បណ្ដាលមកពី​​ពន្ធដារ​នៅ​កម្ពុជា​​នៅ​មាន​ភាព​​ធ្លុះធ្លាយ​។ ភាព​ធ្លុះធ្លាយ​​ដែល​អ្នកវិភាគ​រូបនេះ​បាន​សំដៅ​​ទៅលើ​អំពើ​ពុករលួយ​​របស់​មន្ត្រី​​ដែល​ធ្វើ​ការងារ​​ផ្នែក​នេះ​។​

​តែ​យ៉ាងណាក៏ដោយ កន្លង​មក​អង្គភាព​ប្រឆាំង​អំពើពុករលួយ​ធ្លាប់បាន​​បញ្ជូន​មន្ត្រី​​ពន្ធដារ​​មួយចំនួន​
​ទៅ​​តុលាការ​​​បន្ទាប់​​ពី​​​អង្គភាព​​​ប្រឆាំង​​អំពើ​​ពុករលួយ​ថ្នាក់ជាតិ​នេះ​បាន​រក​ឃើញ​​ពី​អំពើ​​ស៊ីសំណូក ឬ​លួច​បន្លំ​របស់​​មន្ត្រី​​ទាំងនោះ​៕​(ដោយ៖វណ្ណ វុត្ថា)

​អ្នក​ភូមិ​បឹងកក់​​ប្រកាន់​​ជំហរ​​មិន​ព្រម​ទទួល​យក​ដំណោះ​ស្រាយ​​បញ្ហា​ដីធ្លី​​ពី​សាលាក្រុង​

  • PDF

​បន្ទាប់ពី​ជួប​ប្រជុំ​ប្រមាណ​ជា​ជិត​៣​ម៉ោង​រវាង​អ្នក​ភូមិ​បឹងកក់​និង​អភិបាលក្រុង​ភ្នំពេញ​លោកប៉ា សុជាតិ​វង្ស បាន​សម្រេច​ថា ប្រគល់​ដី​ប្រវែង​៤​ម៉ែត្រ​​ គុណ ​១៨​ម៉ែត្រ ក្នុង​មួយ​គ្រួសារ​ជូន​ប្រជាជន​ភូមិ​បឹងកក់​ទាំងនោះ។

ប៉ុន្ដែ​ដំណោះស្រាយ​នេះ​អ្នក​ភូមិ​បឹងកក់​មិន​ព្រម​ទទួលយក​នោះ​ទេ ដោយ​​ពួកគាត់​ទាមទារ​​ ទំហំ​ដី​តាម​​អនុក្រឹត​​របស់​សម្ដេច​ហ៊ុន ​សែន ដែល​ធ្លាប់​​​បាន​​​ចេញ​​​​សេចក្ដី​​សម្រេច​​​​ប្រគល់​​​ដី​​ជូន​​​​ប្រជាជន​​​អ្នក​​ភូមិ​បឹង​កក់​ដែល​​សល់​​​មិនទាន់​បាន​​ដោះ​​ស្រាយ​មាន​​ចំនួន​១២.៤៤​ហិកតា​។​ នេះ​បើ​តាម​ការបញ្ជាក់​ឲ្យដឹង​ពី​សំណាក់អ្នកស្រី ហុង សុខ​ខេង​តំណាង​អ្នក​ភូមិ​បឹងកក់​៖

​សម្លេង​អ្នកស្រី​ហុង សុខ​ខេង៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​ការប្រកាស​បដិសេធរ​បស់​អ្នក​ភូមិ​បឹងកក់​បាន​ធ្វើឡើង បន្ទាប់​ពី​អ្នក​ភូមិ​មាន​បញ្ហា​ដីធ្លី​បាន​ជួបពិភាក្សាជាមួយ​អភិបាលក្រុង​ភ្នំពេញ លោក​ប៉ា សុជាតិ​​វង្ស កាលពី​​រសៀល​ថ្ងៃ​ទី​២២​ មេសា​នេះ តប​តាម​ការ​កោះអញ្ជើញ​មក​ពិភាក្សា​អំពី​បញ្ហា​ដីធ្លី ដើម្បី​រក​ដំណោះស្រាយ​ជូន​ពួកគាត់​។​ ប៉ុន្ដែ​ជា​លទ្ធផល​ក្នុង​ការពិភាក្សា​រក​ដំណោះស្រាយ រវាង​អភិបាលក្រុង​ភ្នំពេញ និង​អ្នកភូមិ​បឹងកក់​មិន​មាន​លទ្ធផល​វិជ្ជមាន​នោះទេ​។​

​តែ​យ៉ាងណា​ក៍ដោយ​អ្នក​ភូមិ​មាន​ជម្លោះ​ដីធ្លី​ទាំងនោះ​បានបញ្ជាក់​ថា ពួក​គាត់​​នឹង​បន្ដ​​ការ​ទាម​ទារ​​ជា​​បន្ដ​​ទៀត​ ដរាប​ណា​ការ​ទាមទារ​​របស់​​ពួក​​គាត់​នៅ​​មិន​ទាន់​​ទទួល​បាន​​ដំណោះ​ស្រាយ​ត្រឹមត្រូវ​នោះ​។ ​សូម​បញ្ជាក់​ដែរ​ថា បញ្ហា​ដីធ្លី​អ្នក​ភូមិ​បឹងកក់​នេះ​បាន​កើតឡើង​រ៉ាំរ៉ៃ ជា​យូរណាស់​មក​ហើយ ប៉ុន្តែ​បញ្ហា​នេះ​នៅ​មិនទាន់មាន​ដំណោះស្រាយ​ចប់សព្វគ្រប់​នៅឡើយ​នោះទេ​៕(ដោយ៖រំដួល ចិ​ត្រា)​

សហជីព​ថាការចូលរួមសិក្ខាសាលា​​ពី​​ការពង្រឹ​ង​​​ដំណើរ​ការ​កំណត់​​ប្រាក់​​ឈ្នួល​​កម្មករគួរមានតុល្យភាព

  • PDF

ក្រោម​កិច្ចសហប្រតិបត្តិកា​ររ​វាង​ក្រសួង​ការងារ​និង បណ្តុះបណ្តាល​វិជ្ជាជីវៈ​និង ​អង្គការ​ពលកម្ម​អន្តរជាតិ​ដែល​ហៅ​កាត់​ថា ILO នឹង​រៀបចំ​សិក្ខា​សាលា​​ថ្នាក់ជាតិ​មួយ​ស្តីពី​ការពង្រឹង​ដំណើរការ​កំណត់​ប្រាក់​ឈ្នួល​អប្បបរ​របស់​កម្មក​រ​កាត់ដេរ​នៅ​កម្ពុជា​។​

សិក្ខាសាលា​នោះ គឺធ្វើឡើង​ក្នុង​សណ្ឋាគារ​ភ្នំពេញ​នៅ​២៤-២៥ ខែ​មេសា​ដោយ​មាន​ការចូលរួម​ពី​ភាគី​ពាក់ព័ន្ធ​ក៏ដូចជា​តំណាង​សហជីព​កម្មករ មួយចំនួន​នៅ​កម្ពុជា​ផងដែរ។​

នេះ​បើ​យោងតាម​លិខិត​អញ្ជើញ​មួយ​ដែល​ចុះហត្ថលេខា​ដោយ​លោក​អ៊ុំ​មាន​រដ្ឋលេខាធិការ​ក្រសួង​ការងារ និង​បណ្តុះបណ្តាល​វិជ្ជាជីវៈ​។ សម្រាប់​​លោក​ប៉ាវ ស៊ីណា ប្រធាន​សហព័ន្ធ​សហជីព​ចលនា​កម្មករ​មានប្រសាសន៍ថា សហជីព​របស់​លោក​បាន​ទទួល​លិខិត​អញ្ជើញ​នោះ​ហើយ។​ ជា​ការឆ្លើយតប​សហជីព​របស់​លោក​នឹង​ចូលរួម​ក្នុង​សិក្ខាសាលា​នោះ​។​

ប៉ុន្តែ​លោក ប៉ាវ​ស៊ីណា បានបញ្ជាក់​ថា​ការរៀបចំ នូវ​ការពិភាក្សា​គ្នា​នេះ ហាក់បីដូចជា យឺត​ពេល​បន្តិច​ហើយ​។​ព្រោះ​ថា​ពេល​នេះ​ក្រុម​កម្មករ​នៅ​តែ​បន្ត​ធ្វើ​កូដកម្ម​ដើម្បី​ទាមទារ​កា​ដំឡើង​ប្រាក់​ឈ្មួល​គោលនៅ​ឡើយ​។​មិនតែប៉ុណ្ណោះ ចំពោះ​នីតិវិធី​និង​ក្រុម​ការងា​បច្ចេកទេស​គឺ​មាន​ការ​អូស​បន្លាយពេល​យូរ ហើយ​ការសិក្សា​ដំឡើង​ប្រាក់​ឈ្នួល​នេះ​គឺ​ប្រហែល​មិន​ធ្វើ​ក្នុង​ឆ្នាំ​នេះ​ទេ​តែ​ប្រហែល​នៅ​ឆ្នាំក្រោយ​ឯណោះ​។​

​សំលេង​លោក​ប៉ាវ ស៊ីណា​៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​ដោយឡែក លោក ជា មុន្នី ប្រធាន​សហជីព​សេរី​កម្មករ​នៃ​ព្រះរាជាណាចក្រ​កម្ពុជា បាន​លើកឡើង​ថា សហជីព​របស់​លោក​គឺ​មិនទាន់​បាន​ទទួល​បានកា​រ​អញ្ជើញ​ពី​ក្រសួង​ការងារ​នោះទេ​។ ហើយ​ថា ប្រសិនបើ​ក្រសួង​ការងារ​មិន​អញ្ជើញ​សហជីព​របស់​លោក​ឲ្យចូល​រួម​នោះ​ទេ​គឺជា​ការរើសអើង​សហជីព​។​

​សំលេង​លោក​ជា មុន្នី​៖

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

​សូមបញ្ជាក់​ថា កន្លង​មក​ពាក់ព័ន្ធ​នឹង​ការទាមទារ​ដំឡើង​ប្រាក់​ឈ្នួល​គោល​១៦០​ដុល្លារ​ក្នុង​មួយ​ខែ​របស់​ក្រុម​កម្ម​ការ​រោងចក្រ​កាត់ដេរ​សំ​លៀក​បំពាក់​និង​ស្បែកជើង​គឺ​ តែងតែមាន​កើតឡើង​នូវ​ការធ្វើ​បាតុកម្ម​និង​កូដកម្ម​ជា​ញឹកញាប់​​ដែល​បណ្តាលឲ្យ​មាន​អ្នកស្លាប់​និង ​រងរបួស​ជាច្រើន​នាក់​។​ មិនតែប៉ុណ្ណោះ​កម្មករ​និង​សកម្មជន​ទាមទារ​ដំឡើង​ប្រាក់​ឈ្នួល​ដល់​កម្មករ​ចំនួន​ ២១​នាក់ ក៏​កំពុង​ជាប់​ព័ន្ធ​ធនាគារ​ផង​ដែរ​នា​ពេល​សព្វ​ថ្ងៃ​​នេះ​៕(ដោយ៖​ហេង សំណាង​)​

​កម្ពុជា​និង​​អា​ស៊ែ​​បៃ​ហ្សង់​​ចុះ​អនុស្សរណៈ​​ដើម្បី​រឹតបន្តឹង​​ចំណង​មិត្តភាព​​រវាង​ប្រទេស​​ទាំង​២

  • PDF

ដើម្បី​រឹតបន្តឹង​ចំណង​មិត្តភាព​រវាង​ប្រទេស​កម្ពុជា និង​ប្រទេស​អា​ស៊ែ​បៃ​ហ្ស​ង់​ឲ្យ​កាន់តែ​រឹងមាំ​ថែម​មួយ​កម្រិត​ទៀត​នោះ ក្រសួង​ការបរទេស​នៃ​ប្រទេស​​កម្ពុជា​និង ​ក្រសួង​ការបរទេស​នៃ​ប្រទេស​អា​ស៊ែ​បៃ​ហ្ស​ង់​បាន​ចុះ​អនុស្សរណៈ​នៃ​ការយោគយល់​គ្នា​ស្តីពី​ការបង្កើត​កិច្ច​ពិគ្រោះ​យោបល់​ទ្វេភាគី​រវាង​ប្រទេស​ទាំង ២​។​

ការចុះ​អនុស្សរណៈ​នេះ​គឺ​ធ្វើឡើង​នៅក្នុង​ដំណើរ​បំពេញ​ទស្សនកិច្ច​រយៈពេល​៣ថ្ងៃ នៅ​សាធារណ​រដ្ឋ​​អា​ស៊ែ​បៃ​ហ្សង់​របស់​សម្តេច​ហ៊ុន​ សែន​នា​យក​រដ្ឋមន្ត្រី​និង​ប្រតិភូ​ជាន់ខ្ពស់​របស់​កម្ពុជា​។ នេះ​បើ​យោង​តាម​ការចុះផ្សាយ​របស់​ទូរទស្សន៍​ជាតិ​កម្ពុជា​។

ប្រភព​ដដែល​បានឲ្យដឹងថា ក្នុង​ជំនួប​ពិភាក្សា​រវាងសម្តេច​ហ៊ុន​ សែន និង​លោក​អា​ទូ រ៉ាស៊ី នាយករដ្ឋមន្ត្រី អា​ស៊ែ​បៃ​ហ្ស​ង់​​បាន​​សំដែង​​នូវ​​ការ​​វាយ​​តំលៃ​​ខ្ពស់ ​និង​​កោត​សរសើរ​​ចំពោះ​​ទំនាក់​ទំនង​កិច្ច​សហប្រតិបត្តិការ​នៃ​ប្រទេស​ទាំង​ពីរ​ដែល​បាន​និង​កំពុងតែ​បោះជំហាន​ទៅមុខ​ប្រកប​ដោយ​​ភាព​សុខដុម​រម្យ​នា​និង​ការរីកចំរើន ពីមួយថ្ងៃ​ទៅមួយថ្ងៃ​។​

ប៉ុន្តែ​ទន្ទឹ​មនឹងនោះ​សម្តេច​ហ៊ុន ​សែន​ និង​​លោក​អា​ទូ រ៉ាស៊ី សាដ​ក៏​បាន​សម្តែង​ការ​មិន​ពេញចិត្ត​ដូចគ្នា​ចំពោះ​ទំហំ​ពាណិជ្ជកម្ម​នៃ​ប្រទេស​ទាំងពីរ​ហាក់​នៅ​មាន​កំរិត​នៅឡើយ​។ ប៉ុន្តែ​តាមរយៈ​ជំនួប​ចរចា​ទ្វេភាគី​នេះ ប្រមុខ​​ថ្នាក់ដឹកនាំ​នៃ​ប្រទេស​ទាំង​ពីរ​បាន​សន្យា​រួមគ្នា​ថា​នឹង​បង្កើន​នូវ​កិច្ច​សហ​ប្រតិបត្តិការ​លើ​គ្រប់​កំរិត និង​គ្រប់​វិស័យ​សំដៅ​ធ្វើយ៉ាងណា​ពង្រីក​ទំហំ​ពាណិជ្ជកម្ម​នៃ​ប្រទេស​ទាំង​ពីរ​កម្ពុជា​អា​ស៊ែ​បៃ​ហ្ស​ង់​ឲ្យ​កាន់តែ​មាន​ទំហំ​ធំ​ទ្វេ​ឡើង​ថែម​ទៀត​។

​សូមបញ្ជាក់​ថា ប្រធានសភា​នៃ​ប្រទេស​អា​ស៊ែ​បៃ​ហ្សង់​លោក​ឧក​តៃ សា​បៀរ អា​សាដូវ​បាន​ស្នើ​នូវ​គំនិត​ក្នុង​ការបង្កើត​សមាគម​មិត្តភាព​សភា​នៃ​ប្រទេស​ទាំង​ពីរ​គឺ​កម្ពុជា​និង​អា​ស៊ែ​បៃ​ហ្សង់​ដោយសារតែ​កន្លង​មក​សភា​របស់​ប្រទេស​អា​ស៊ែ​បៃ​ហ្ស​ង់ បាន​បង្កើត​សមាគម​សភា​ជាមួយនឹង​ប្រទេស​​ចំនួន​៧៣​រួចមក ហើយ​លើ​ពិភពលោក​។​

តាម​សំណើរ​របស់​ប្រធានសភា​រូបនោះ សម្តេច​ហ៊ុន​ សែន ​បាន​ចាត់តាំង​ឲ្យ​លោក​ឧបនាយករដ្ឋមន្ត្រី​សុខ អាន តំណាង​ឲ្យ​សភា​កម្ពុជា​ក្នុង​ការ​បង្កើត​សមាគម​មិត្តភាព​ ជាមួយ និង​សភា​អា​ស៊ែ​បៃ​ហ្សង់​ហើយ​ដែល​ភាគី​សភា​អាស៊ែ​ ​បៃ​ហ្ស​ង់ បានដាក់​បេក្ខភាព​រដ្ឋមន្ត្រីការបរទេស​នៃ​ប្រទេស អា​ស៊ែ ​បៃ​ហ្ស​ង់​ធ្វើជា​ប្រធាន​សមាគម​សភា​អា​ស៊ែ​បៃ​ហ្ស​ង់ ដើម្បី​បង្កើត​ក្រុមការងារ​រួម​នៃ​ការបង្កើត​សមាគ​ម​​មិត្តភាព​សភា​ប្រទេស​ទាំង​ពីរ​៕​​(ដោយ៖​ហេង សំណាង)​


Vayo FM Song Request