ព័ត៌មានអន្តរជាតិ

សហរដ្ឋ​អាមេរិក​​នឹងដាក់​​ទណ្ឌ​សេដ្ឋ​កិច្ច​ទៅ​លើ​ប្រទេស​​រុស្ស៊ី​ បើ​រុស្ស៊ី​​មិន​គោរព​​តាម​កិច្ច​ព្រមព្រៀង​​អន្ដរជាតិ​​

  • PDF

បញ្ហា​ជម្លោះ​​រវាង​ប្រទេស​​រុស្ស៊ី​ និង​ប្រទេស​​អ៊ុ​យក្រែន​ កាន់តែ​​រីក​រាល​​ខ្លាំង​ឡើងៗ​​ហើយ​ រហូត​​ដល់​​ធ្វើ​ឱ្យ​​ប្រទេស​​អ៊ុ​យក្រែន​ ស្ថិត​នៅ​លើ​​ជ្រុង​មួយ​​នៃ​ភាព​វឹកវរ​។​​វឹកវរ​ដោយ​សារ​ភាព​ចលាចល​​នៃ​ក្រុម​បាតុករ​​ដែល​គាំទ្រ​​រដ្ឋាភិ​បាល​រុស្ស៊ី​ និង​ចលនា​​កង​កម្លាំង​​ទ័ព​រុស្ស៊ី​​ដែល​បាន​​បង្ករ​​ភាព​អុកឡុក​ និង​បាន​កាន់​កាប់​អាគារ​​មួយចំនួន​​នៅក្នុង​​ប្រទេស​​អ៊ុ​យក្រែន​ ។​

​ជាថ្មី​​ម្ដងទៀត​ កាល​ពី​ថ្ងៃ​​សុក្រ​ សហរដ្ឋ​អាមេរិក​បាន​ប្រកាសថា​ ខ្លួន​នឹង​​ដាក់​ទណ្ឌ​កម្មសេដ្ឋ​កិច្ច​ជាថ្មី​ ទៅ​លើ​​សេដ្ឋកិច្ច​ប្រ​ទេស​​រុស្ស៊ី​ ឲ្យ​កាន់​តែ​មាន​​ភាព​តឹង​រឹង​​ជាង​​មុន​ ដើម្បី​​ជា​ការ​គំរាម​កំហែង​​ដល់​ប្រទេស​​រុស្ស៊ី​ និង​ដើម្បី​​ជួយ​ដោះ​ស្រាយ​​វិបត្តិ​ ដែល​​កំពុង​​រីក​រាល​​នៅក្នុង​​ប្រទេស​​អ៊ុ​យក្រែន​។​​

​ម្យ៉ាងវិញ​ទៀត​​ការប្រកាស​​របស់​​សហរដ្ឋ​អាមេរិក​​នៅពេលនេះ​ គឺ​អាមេរិក​​ចង់​ឲ្យ​រុស្ស៊ី​ គោរព​​តាម​កិច្ច​ព្រមព្រៀង​​អន្ដរជាតិ​ថ្មី​​មួយ​ ដែល​ប្រទេស​​រុស្ស៊ី​​ធ្លាប់បាន​​យល់ព្រម​ ហើយ​បាន​​សន្យាថា​​នឹង​ដក​កង​កម្លាំង​យោ​ធា​របស់ខ្លួន​ ដែល​បាន​​កាន់កាប់​ បរិ​វេណ​​រដ្ឋាភិបាល​ ចេញ​ពី​ប្រទេស​​អ៊ុ​យក្រែន​ នៅក្នុង​​អំឡុង​ពេលនៃ​​កិច្ច​ពិភាក្សា​​មួយ​​នៅ​ក្នុង​ទី​ក្រុង​ហ្សឺ​ណែ​វ​។​

​ចំពោះ​​បញ្ហា​​នៃ​ភាព​​តានតឹង​​នៅក្នុង​​ប្រទេស​​អ៊ុយ​ក្រែន​នេះ​ មិនមែន​​មាន​តែ​​សហរដ្ឋ​​អាមេរិក​​នោះ​ទេ​ ដែល​មាន​​ការ​ព្រួយ​បា​រ​រ​ម្ភ​​ សូម្បី​​តែ​អង្គ​ការ​ណា​តូ​ និង​សហ​ភាព​អឺរ៉ុប​ ក៍​មាន​ការ​ព្រួយបារម្ភ​​យ៉ាងខ្លាំង​​ផង​ដែរ​។​ អង្គការ​​ណា​តូ ​និង​សហភាព​​អឺរ៉ុប​ក៍​​ធ្លាប់​បាន​​អំពាវនាវ​ ឲ្យ​ប្រទេស​​រុស្ស៊ី​ដក​​កងទ័ព​​របស់​ខ្លួន​ ចេញ​ពី​​ព្រំដែន​​អ៊ុយ​ក្រែន​​ត្រឡប់​មកវិ​ញ​ ដើម្បី​លុប​បំបាត់​​ការរីក​​រាល​ដាល​​នៃ​បញ្ហា​​វិបត្តិ​ និង​ដើម្បី​​បញ្ចប់​​ស្ថានភាព​​តានតឹង​​នៅក្នុង​​ប្រទេស​អ៊ុយ​​ក្រែន​នេះ​​ផង​ដែរ​។​

​សូម​បញ្ជាក់​​ដែរ​ថា​ វិបត្តិ​អ៊ុយ​​ក្រែន​បាន​​កើតឡើង​​អស់រយៈ​​ពេល​ជាង​​២​ខែ​​មក​ហើយ​ ចាប់តាំង​ពី​ប្រទេស​​អ៊ុ​យក្រែន​ បាន​ផ្តួល​​រំលំ​​ទម្លាក់​​លោក​ប្រធា​នាធិបតី​​វិកទ័​រ​​យ៉ានូ​កូ​វិច​ ចេញពី​តំ​ណែង​កាល​ពី​ខែ​កុម្ភៈ​​កន្លងទៅ​ រហូត​បាន​​បណ្ដាល​ឲ្យ​ក្រុម​​អ្នកគាំទ្រ​​លោក​​យ៉ានូ​​កូ​វិច​ និង​ក្រុម​​ប្រជាជន​​គាំទ្រ​រុស្ស៊ី​ កើត​ទុក​​មិន​សុខចិត្ត​ ហើយ​បាន​​បង្ករភាព​ចលាចល​​និង​បាន​​ប្រមូល​ផ្ដុំ​គ្នា​ ដើរ​​អុក​ឡុក​កាន់​កាប់​តំបន់​​មួយចំនួន​​នៅក្នុង​​ប្រទេស​​អ៊ុ​យក្រែន​ នាពេល​​បច្ចុប្បន្ន​​នេះ​ផង​ដែរ​៕​ (​ដោយៈ​រំដួល ចិ​ត្រា​)


ជប៉ុន​និង​អាមេរិក​នឹង​រួម​គ្នា​ជួយ​ប្រទេស​ជា​សមាជិក​អាស៊ាន​ស្តីពីសុវត្ថិភាព​ដែនសមុទ្រ​ ​

  • PDF

ប្រធានាធិបតី​ប្រទេស​ជប៉ុន និង​សហរដ្ឋអាមេរិក នឹង​រួមគ្នា ជួយ​ប្រទេស ដែល​ជា​សមាជិក​អាស៊ាន ទាក់ទង​ទៅនឹង ការបង្កើន​សមត្ថភាព​ឃ្លាំមើលតំបន់​សមុទ្រ​នៅ​តំបន់​អាស៊ីអាគ្នេយ៍ ។ ប្រទេស​ទាំង​ពីរ បាន​ផ្តោត សំខាន់ លើ​ភាព​តានតឹង នៃ​ម្លោះ​ដែនសមុទ្រ នៅ​ភាគ​ខាង​កើត និង​ភាគខាងត្បូង ប្រទេស​ចិន​ផងដែរ​។  ទាក់ទង​ទៅនឹង​បញ្ហា​នេះ លោក​បា​រ៉ាក់ អូ​បា​មា នឹង​ធ្វើដំណើរទៅកាន់​ប្រទេស​ប៉ុន នៅសប្តាហ៍​ក្រោយនេះ ដើម្បី​ពិភាក្សា  ជាមួយ​ប្រធា​នា​ធិបតី​ជប៉ុន លោក ស៊ីន​ហ្សូ អាបេ ។ ក្រោយ​ពី​កិច្ចពិភាក្សា​បញ្ចប់ លោក​អូ​បា​ម៉ា និង​លោក​អាបេ នឹង​​ចុះហត្ថលេខា ទៅ​លើ​កិច្ចព្រមព្រៀង​ដែល​បាន​ពិភាក្សា​នោះ ។​

​ពាក់ព័ន្ធ​ទៅ​និង​ការពិភាក្សា​នេះដែរ ប្រធានាធិបតី​ប្រទេស​ទាំង​ពីរ និង​ផ្តោត​សំខាន់ ទៅ​លើ​ការអភិវឌ្ឍន៍​ប្រព័ន្ធ ចែករំលែកព័ត៌មាន ប្រឆាំង​ទៅនឹងចោរ​សមុទ្រ និង​នាវា​គួរឲ្យ​សង្ស័យ ខណៈ​ ​ធ្វើដំណើរ​ឆ្លងកាត់ នៅលើ​សមុទ្រ​តំបន់​អាស៊ី​អាគ្នេយិ៍ ។ កា​ផ្តួចផ្តើម​គំនិត ពី​ប្រទេស​ជប៉ុន និង​សហរដ្ឋអាមេរិក នៅ​ក្នុង​គោលបំណង ជួយ​ទៅ​ដល់​ប្រទេស​ដែល​ជា​សមាជិក​អាស៊ាន​នេះ មិនមែន​ត្រឹមតែ​ចាត់វិធានការ ឲ្យមាន ប្រសិទ្ធិភាព​ទៅលើ​ការ ប្រឆាំង​ទៅនឹង​ចោរ​សមុទ្រ​និង​គ្រោះធម្មជាតិ តែ​ប៉ុណ្ណោះ​ទេ​ប៉ុន្តែ​ក៏​បង្កើន​សមត្ថភាព​ការពារ​បណ្តឹង របស់​ប្រទេស​ដែល​ស្ថិតនៅ​ប៉ែក​អាស៊ីអាគ្នេយ៍ ទាក់ទង​ទៅ​និង​ជម្លោះ​ដែនទឹក នៅ​តំបន់​ភាគខាងត្បូង និង​ភាគ​ខាងកើត​ប្រទេស​ចិន ដែល​ជារឿយៗ​ចិន​បាន​អះអាង​ថា​វា​ជា​របស់​ខ្លួន ។

​សូមបញ្ជាក់​ថា ពាក់ព័ន្ធ​ទៅ​និង​ជម្លោះ​ដែនទឹក ប្រទេស​ចិន​និង​ជប៉ុន​បាន​ដណ្តើម​គ្នា​ធ្វើជា​ម្ចាស់​ទឹក​ដី នៅ​តំបន់​សមុទ្រ​ចិន​ភាគ​ខាងកើត ។ ចំណែក​នៅ​តំបន់​ភាគខាងត្បូង​សមុទ្រ​ចិន ក៍មាន​ការ​ប្រទាញប្រទុង​គ្នា រវាង​ចិន ហ្វីលីពីន និង​ប្រទេស​វៀតណាម​ផងដែរ​៕(ដោយៈ អ៊ុន សុខឡា)

មនុស្ស​ស្លាប់​​ក្នុង​ហេតុ​ការណ៍​​លិច​នាវា​​កើន​ដល់ ​២៩​នាក់​​និង​បន្ត​បាត់​​ខ្លួន​២៧៣​នាក់​

  • PDF

​ក្រុម​អ្នកស្រាវជ្រាវ​បាន​រកឃើញ​សារ​ជា​ថ្មី​ទៀត​​ហើយ​ទាក់ទង​ការ​លិច​នាវា​នៅ​កូរ៉េ​ខាងត្បូង គឺមាន​មនុស្ស​ស្លាប់​២៩​នាក់ និង​បាត់​ខ្លួន​មិន​ទាន់​រក​ឃើញ​២៧៣​នាក់​។

ស្របពេល​ដែល​លិច​នាវា​នេះ​បានធ្វើឱ្យ​អ្នកសារព័ត៌មាន​យ៉ុន​ហាប់​បានបញ្ជាក់​ថា លោក​លី​ដែលជា​​អ្នក​គ្រប់គ្រង​នាវា​នោះ​បាន​ប្រឈមមុខ​ទៅ​និង​​បទល្មើស​​ព្រហ្ម​ទណ្ឌ​ធ្ងន់ធ្ងរ​​ក្នុងនោះ​​មាន​ដូចជា ការ​ធ្វេសប្រហេ​ស​ដោយអ​ចេនា​និង រំលោភ​លើ​ច្បាប់​សមុទ្រ​។

​លើសពីនេះ​ទៀត​នោះ​ឳ​ពុក​ម្ដាយ​ជនរងគ្រោះ​បាន​រិះគន់​ទៅលើ​លោក​លី និង​អាជ្ញាធរ​ថា នៅពេល​លិច​នាវា​ភ្លាម​មិនសូវ​អើពើ​ស្វែងរក​នោះទេ គឺ​​ចេះ​​តែ​ពន្យា​​ពេល​រហូត ប៉ុន្ដែ​បើសិន​ស្វែងរក​ភ្លាមៗ​នោះ គឺ​មិន​មាន​អ្នក​បាត់​ខ្លួន​នោះ​ទេ​។​

​ទាក់ទង​និង​បញ្ហា​នេះ​ឳ​ពុក​ម្ដាយ​ជនរងគ្រោះ​ដែល​បាន​បាត់​កូន​ភាគច្រើន​បាន​បោះ​ជុំរុំ រង់ចាំ​ផ្លូវ​កូន​ជា​ទីស្រលាញ់​ត្រលប់​មកវិញ ទោះបីជា​ក្រុម​អ្នកស្រាវជ្រាវ​មិន​ទាន់​រកឃើញ​ក៏ដោយ​។ ក្រុម​គ្រួសារ​ខ្លះ​ក៏​បាន​រកឃើញ​តែ​សាកសព​កូន​របស់​ខ្លួន គឺ​បាន​ត្រឹមតែ​សោកស្ដាយ និង​រិះគន់ អ្នក​គ្រប់​គ្រង​​នាវា​តែប៉ុណ្ណោះ​។​

​សូមបញ្ជាក់​ថា មូលហេតុ​ដែល​នាវា​លិច​គឺ​ដោយសារតែ នាវា​នេះ​បាន​ធ្វើដំណើរ​ទៅកាន់​កោះ​ជី​ជូ ហើយក៏​បាន​ទៅបុក​និង​ផ្ទាំង​ថ្ម​មួយ​ដ៏​ធំ​ដែល​មាន​ចុង​ស្រួច​មួយ​ទើប​បណ្ដាលឱ្យ​នាវា​មួយ​នេះ​ធ្លាយ​ហើយក៏​បាន​លិច​តែម្ដងទៅ​។

គួរបញ្ជាក់​ថា រហូតមកដល់​ពេលនេះ មាន​មនុស្ស​ជួយ​សង្គ្រោះ​​ទាន់​ពេលវេលា​មាន​ចំនួន ១៧៤​នាក់ ស្លាប់​២៩​នាក់ និង​មនុស្ស​បាត់​ខ្លួន​២៧៣​នាក់ ក្នុង​ចំណោម​មនុស្ស​ជាង​៤០០​នាក់ ក្នុងនោះ​មាន​សិស្ស​វិទ្យាល័យ​ជាង​៣០០​នាក់​៕(ដោយ​៖លាង​​ ធីតា)

​ប្រធានាធិបតី​រុស្ស៊ី​​យល់ព្រម​ដក​​កងទ័ព​​ចេញពី​​ព្រំដែន​​ប្រទេស​​អ៊ុ​យក្រែន​

  • PDF

​ក្រោយ​ពី​ការធ្វើ​កិច្ច​ពិភាក្សា​រវាង​មន្ត្រី​ជាន់ខ្ពស់​អាមេរិក​លោក​ច​ន​ ឃែ​រី និង​ប្រធានាធិបតី​​រុស្ស៊ី លោក​វ្ល៉ា​ឌី​​មៀ ​ពូ​ទីន​ ដោយ​ជោគជ័យ​រួចមក​​នោះ ប្រធា​នាធិបតី​រុស្ស៊ី​​ បាន​បញ្ជា​ឱ្យ​កងទ័ព​ទាំងអស់​ដកចេញ​ពី​ព្រំដែន​អ៊ុយ​ក្រែន​ជាបន្ទាន់​។

ទាក់ទង​ទៅ​និង​កិច្ចប្រជុំ​នោះ​លោក​ច​ន​ឃែ​រីក៏​បាន​ព្រ​មាន​ប្រធានាធិបតី​រុស្ស៊ី ដែល​ទាក់ទង​ទៅ​​និង​ ការនាំ​ចេញ​អាជីវកម្ម​​រុស្ស៊ី ត្រូវតែ​មាន​តម្លៃ​ទាប​​ជាង​ប្រទេស​ដទៃ​ពីព្រោះ បច្ចុប្បន្ន​មើលឃើញថា ផលិត​ផល​​របស់​ប្រទេស​​រុស្ស៊ី​​នាំ​ចូល​ទៅ​​ប្រទេស​អ៊ុយ​ក្រែន​​មាន​តម្លៃ​​ថ្លៃ​ជាង​ការ​នាំ​ចូល​ទៅ​ប្រទេស​ដទៃ ជា​ពិសេស​​តម្លៃឧ​ស័​ន្ម​បាន​យក​​ថ្លៃ​ដូច​នាំចូល​ប្រទេស​អ៊ឺរ៉ុប ដែល​ជា​ហេតុ​នាំឱ្យ​ប្រទេស​អ៊ុ​យក្រែន​គ្នាន​លទ្ធភាព​និង​ទិញ​។​

​ទាក់ទង​នឹង​បញ្ហា​នេះ ប្រទេស​រុស្ស៊ី​បាន​ប្រកាស​ដាក់​សម្ពាធ​អ៊ុ​យក្រែន​ទៅ​លើ​ការ​ជំពាក់​បំណុល​ថ្លៃ​​ឧស្ម័ន​​រុស្ស៊ី​​ ដោយ​រុស្ស៊ី​កំណត់​រយៈពេល​ផុត​កំណត់​​មុន​មួយ​ខែ​ដូចដែល​មានចែង​នៅ​ក្នុង​កិច្ចសន្យា​។ ​ស្រប​ពេល​នេះ​ដែល​សហភាព​អ៊ឺរ៉ុប​ក៏​បាន​ប្រកាស​ពី​ការជឿ​​ទុកចិត្ត​ប្រទេស​រុស្ស៊ី​ពី​ការ​នាំ​ចូល​​ឧស្ម័ន​មក​ប្រទេស​របស់​ខ្លួន​និង​ការដាក់ទុន​អាជីវកម្ម​ផ្សេងៗ​ផងដែរ​។

​សូមបញ្ជាក់​ថា ប្រធានា​ធិ​តី​រុស្ស៊ី​បានប្រកាស​ស្ដីបន្ទោស​ប្រធានាធិបតី​អ៊ុយ​ក្រែន​ថ្មី​ថា មិន​ចេះ​គ្រប់គ្រង​ផ្នែក​នយោបាយ និង​គ្រប់គ្រង​ប្រទេស ដូច​អតីត​ប្រធានាធិបតី​អ៊ុយ​ក្រែនលោក​វ៉ិ​ចទ័​រ​យ៉ា​ណូ​កូ​វ៉ិ​ច​នោះទេ​។​លោក​បាន​បន្តទៀតថា មូលហេតុ​ដែល​ប្រទេស​រុស្ស៊ី​នាំ​ឧស័​ន្មចេញ​ទៅ​ប្រទេស​អ៊ុ​យក្រែន​ដែល​មាន​តម្លៃ​ស្មើ​និង​ប្រទេស​អ៊ឺរ៉ុប​នោះ គឺ​ដោយសារតែ​លោក​ខឹងសម្បា​​​និង ​ប្រធានាធិបតី​អ៊ុយ​ក្រែន​ថ្មី​ដោយ​បាន​បណ្ដេញ​ចេញ​លោក​វ៉ិ​ច​ទ័​រ​យ៉ា​ណូ​កូ​វ៉ិ​ច​ចេញ​ពី​​តំណែង៕(ដោយ៖លាង ​ធីតា​)​

៩​នាក់​​ស្លាប់ ៥​​នាក់​​បាត់​​ខ្លួន ដោយ​សា​បាក់​​ផ្ទាំង​ទឹក​កក​លើ​​ភ្នំ​អេ​វើ​រ៉េស​

  • PDF

​យ៉ាង​ហោច​ណាស់ មាន​មនុស្ស​​ចំនួន ៩ នាក់​បាន​​ស្លាប់ និង​៥​នាក់​​ផ្សេង​ទៀត បាត់​ខ្លួន បន្ទាប់​ពី ផ្ទាំង​​ទឹក​កក​​នៅ​រយៈកម្ពស់ ៥.៨០០​ម៉ែត្រ​នៃ​ភ្នំ​អេ​វើ​រ៉េស ដែល​ខ្ពស់​​ជាងគេ​បំផុត នៅលើ សកល លោក បាន​បាក់ និង រអិល​ធ្លាក់​ចុះ​មក​។ ឧប្បទ្ទវហេតុ​នេះ​បាន​កើតឡើង កាលពី វេលា​ម៉ោង ៦ និង ៤៥​នាទី​ព្រឹក​ថ្ងៃ​សុក្រ នេះ ម៉ោង​ក្នុង​តំបន់​។​​នេះ​បើ​តាម​ការអះអាង​​របស់​មន្ត្រី​ប៉ូលិស​ប្រចាំ​តំបន់​។​
​មន្ត្រី​ដដែល​បាន​បន្តថា តំបន់​ដែល​រលំ​នោះ ត្រូវ​គេ​ស្គាល់​ឈ្មោះ​ថា popcorn field ដែល​ស្ថិតនៅ ខ្ពស់​ជាង​ជំរុំ​មូលដ្ឋាន​របស់​ភ្នំ​អេ​វើ​រ៉េស​។ តំណាក់កាល​ដំបូង​គេ​បាន​ជីក​រកឃើញ សាកសព ៤​នាក់​ពី​ក្នុង ព្រិល​ទឹកកក ហើយ ៥​នាក់​ទៀត ក្រុម​សង្គ្រោះ​បាន​រុករក​សាកសព ឃើញ​ជា​បន្ត​ទៀត​ផង​ដែរ​៕(ដោយៈ ឡេង ដេត)

មនុស្ស​ស្លាប់​កើន​ដល់ ២៨នាក់ និង បាត់​ខ្លួន ២៦៨​នាក់ក្នុង​ហេតុការណ៍​លិច​នាវា​កូរ៉េខាងត្បូង​​

  • PDF

រហូតមកដល់​ថ្ងៃ​ទី​១៨ ខែ​មេសា ក្រុម​អ្នកជំនាញ បាន​រកឃើញថា មាន​មនុស្ស​ស្លាប់ ២៨​នាក់ មនុស្ស​បាត់​ខ្លួន ២៦៨​នាក់  ក្នុង​ចំនោម​មនុស្ស​សរុប​ជាង៤០០​នាក់ ដែល​ភាគច្រើន​ជា​សិស្​ស​​​វិ​ទ្យាល័យ​ទាំងអស់សរុបជាថ៣០០នាក់​។​

ការ​លិច​នាវា​នៅ​សមុទ្រ​កូរ៉េខាងត្បូង​បានធ្វើឱ្យ​ឳ​ពុក​ម្ដាយ​ជនរងគ្រោះ មាន​ការសោកស្ដាយ​ចំពោះ​កូន​ទីស្រលាញ់​ដែល​បាន​បាត់​ខ្លួន​ដោយ​លិច​នាវា​ខណៈ​នាវា​នេះ​បាន​ធ្វើដំណើរ​ទៅ​កោះ​ជី​ជូ កាលពី​ថ្ងៃ​១៦​ខែ​មេសា​កន្លង​ទៅ​ស្រប​ពេល​នេះ​ដែល​លោក​បា​រ៉ាក់​អូបា​ម៉ាក៏​សំដែង​អានិតអាសូរ ចំពោះ​ឳ​ពុក​ម្ដាយ​ជន​រងគ្រោះ​ផង​ដែរ​។

ទាក់ទង​ទៅ​និង​ការ​លិច​នាវា​នេះ ក្រុម​អ្នកជំនាញ​បាន​អះអាង​ថា ការធ្វើដំណើរ​របស់​នា​វា​នេះ បាន​ទៅបុក​និង​ផ្ទាំង​ថ្ម​មួយ​ដ៏​ធំ​ដែល​មាន​ចុង​ស្រួច ទើប​បណ្ដាលឱ្យ​នាវា​មួយ​នេះ បាន​ធ្លាយ ហើយក៏​បាន​លិច​តែម្ដងទៅ​៕ដោយៈ លាង ធីតា)

មនុស្ស​ស្លាប់​​ក្នុង​​ហេតុការណ៍​​លិច​នាវា​​កូរ៉េខាងត្បូង​​កើន​ដល់​២៥​នាក់ និងបាត់​ខ្លួន​២៧១​នាក់​

  • PDF

​រហូតមកដល់​ថ្ងៃ​ទី​១៨ ខែ​មេសា ក្រុម​អ្នកជំនាញ​បាន​រកឃើញថា មាន​មនុស្ស​ស្លាប់​២៥​នាក់ មនុស្ស​បាត់​ខ្លួន​២៧១​នាក់ ក្នុង​ចំនោម​មនុស្ស​សរុប​​៣៥២​នាក់ ដែល​ភាគច្រើន​ជា​សិស្ស​វិទ្យាល័យ​ទាំងអស់​។​

ការ​លិច​នាវា​នៅ​សមុទ្រ​កូរ៉េខាងត្បូង​បានធ្វើឱ្យ​ឳ​ពុក​ម្ដាយ​ជនរងគ្រោះ​មាន​ការសោកស្ដាយ​ចំពោះ​កូន​ទីស្រលាញ់​ដែល​បាន​បាត់​ខ្លួន​ដោយ​លិច​​នាវា​ខណៈ​នាវា​នេះ​បាន​ធ្វើដំណើរ​ទៅ​កោះ​ជី​ជូ កាលពី​ថ្ងៃ​១៦​ ខែ​មេសា​កន្លង​ទៅ​។

ស្រប​ពេល​នេះ​ដែល​លោក​បា​រ៉ាក់​អូបា​ម៉ាក៏​សំដែង​អានិត អាសូរ​ចំពោះ​ឳ​ពុក​ម្ដាយ​ជន​រងគ្រោះ​ផង​ដែរ​។ ទាក់ទង​ទៅ​និង​ការ​លិច​នាវា​នេះ ក្រុម​អ្នកជំនាញ​បាន​អះអាង​ថា ការធ្វើដំណើរ​របស់​នា​វា​នេះ​បាន​ទៅបុក​និង​ផ្ទាំង​ថ្ម​មួយ​ដ៏​ធំ​ដែល​មាន​ចុង​​ស្រួច​​ទើប​បណ្ដាល​ឱ្យ​នាវា​មួយ​នេះ​បាន​ធ្លាយ​ហើយក៏​បាន​​លិច​តែម្ដងទៅ​៕​(ដោយ៖លាង ធីតា)​

មនុស្ស​​ស្លាប់​១២​នាក់​​និង​រងរបួស​​១២​នាក់​​ដោយសារ​​បាញ់​និង​​បំផ្ទុះ​គ្រាប់​​នៅ​ប្រទេស​​អ៊ីរ៉ាក់​

  • PDF

យ៉ាងហោចណាស់​ទាហាន​អ៊ីរ៉ាក់​ចំនួន​ ​១២​នាក់ ​ត្រូវបាន​សម្លាប់​និង ១២​នាក់​ផ្សេង​ទៀត​​រងរបួស​ធ្ងន់​កាលពី​​ថ្ងៃ​ព្រហស្បតិ៍ ​នៅក្នុង​ហេតុការណ៍​វាយ​ប្រហារ​ដោយ​បំផ្ទុះ​គ្រាប់បែក​នៅក្នុង​រថយន្ត​មួយ និង​មាន​ការបាញ់​វាយប្រហារ​ទៅលើ​មូលដ្ឋាន​យោធា​មួយ​កន្លែង​នៅក្នុង​តំបន់​ម៉ូ​ស៊ូ​ល Mosul ​ដែល​ជា​តំបន់​មានតែ​ភាព​ជ្រួល​ច្របល់​​មួយ​​នៅ​​ភាគ​​ខាង​ជើង​​នៃ​ប្រទេស​​អ៊ីរ៉ាក់។​

​មន្ត្រី​អជ្ញាធរ​នៅ​តំបន់​នោះ​បាន​និយាយថា​ក្នុង​រយៈពេល​ប៉ុន្មាន​ខែ​កន្លងមកនេះ នៅ​តំបន់​ម៉ូ​ស៊ូ​ល Mosul និង​តំបន់​ជុំវិញ​នោះ គឺ​មាន​ការវាយ​ប្រហារ​​ជា​​ញឹក​ញាប់​ភាគច្រើន​បង្កឡើង​ដោយ​ពួក​យុទ្ធជន​មកពី​ក្រុមអាល់​កៃ​ដា ដែល​គេ​ស្គាល់​ថា​ជា​ពួក​បាន​បំបែក​ខ្លួន​ទៅជា​រដ្ឋអ៊ីស្លាម​នៃ​ប្រទេស​​​អ៊ីរ៉ាក់​និង​ពួក​លឺ​វែន​(Levant)​​។

ដែល​តែងតែ​ប្រឆាំងនឹង​វាយប្រហារ​មកលើ​កងកម្លាំង​យោធា​និង សន្តិសុខ​នៅ​ទីនោះ​ចាប់តាំងពី​កងកម្លាំង​សន្តិសុខ​របស់​រដ្ឋាភិបាល​អ៊ីរ៉ាក់ និង​យុទ្ធជន​កុលសម្ព័ន្ធ​ស៊ុន​នី ជា​សម្ព័ន្ធមិត្តបាន​ធ្វើការ​បោសសំអាត​បណ្តេញ​សមាជិក​ពួក​អ៊ី​ស៊ី​ល ISIL​ចេញពី​តំបន់​ម៉ូ​ស៊ូ​ល Mosul នោះ​។​

​មន្ត្រី​អាជ្ញាធរ​បាន​បន្តទៀតថា​អំពើ​ហិង្សា​នៅ​ប្រទេស​អ៊ីរ៉ាក់​បាន​កើនឡើង​ជា​បន្តបន្ទាប់​នេះ គឺ​ចាប់តាំងពី​កងកម្លាំង​របស់​សហរដ្ឋអាមេរិក​បាន​ចាក​ចេញ​​ពី​ប្រទេស​អ៊ីរ៉ាក់ នៅ​ឆ្នាំ​២០១១​មក​ម្លេះ​។​

​សូមបញ្ជាក់​ថា អំពើហិង្សា​ដែល​បាន កើតឡើង​នៅក្នុង​ប្រទេស​អ៊ីរ៉ាក់ ក្នុង​រយៈពេល​ពេញ​មួយឆ្នាំ នៅក្នុង​ឆ្នាំ​2013​កន្លងទៅនេះ មាន​មនុស្ស​ជាង 8.800​នាក់​ ​ត្រូវបាន​សម្លាប់​នៅក្នុង​អំពើ​ហិង្សា​ដែល​ចំនួន​នៃ​​អ្នកស្លាប់​​មាន​​ការ​កើន​ឡើង​ខ្ពស់​បំផុត​​ជាង​​ឆ្នាំ​​២០០៧។ ​នេះ​បើ​យោង​តាម​តួលេខ​របស់​​អង្គការ​សហប្រជាជាតិ​៕(ដោយ៖​​រំដួល ចិ​ត្រា)​

សារ​ចុង​ក្រោយ​ដែល​​អ្នកដំណើរ​​នៅ​លើ​នាវា​​បាន​ផ្ញើរ​​ជូន​សាច់​ញាត្តិ​

  • PDF

សារ​តក់ស្លុត​មួយចំនួន​ដែល​សិស្ស​មាន​វ័យ​ជាង​​១០​ឆ្នាំ បាន​ផ្ញើរ​ជូន​ឪពុក​ម្តាយ​ពួកគេ​មុន​នឹង​ពួកគេ​បាន​ស្លាប់​បាត់បង់​ជីវិត​នៅក្នុង​ហេតុការណ៍​លិច​​នាវា​នៅ​សមុទ្រ​ភាគ​នរ​តី​ប្រទេស​កូរ៉េខាងត្បូង។

អត្ថន័យ​សារ​ស្រដៀង​គ្នា​ជាច្រើន ដែល​សិស្ស​មួយ​សំនួន​បាន​ផ្ញើ​តាម​ប្រព័ន្ធ​ទូរស័ព្ទ​ទៅ​ឪពុក​ម្តាយ​របស់​ពួកគេ ខណៈ​ដែល​ពួកគេ​ដឹងថា លែង​មាន​ឱកាស​អាច​និយាយ​និង​ជួប​មុខ​​សាច់ញាត្តិ​​សាជាថ្មី​។

អត្ថន័យ​សារ​ដែល​បង្ហាញ​ពី​សោកនាដកម្ម​មាន​អត្ថន័យ​ថា ម៉ាក់​នេះ​គឺ ជា​ពាក្យ​សម្តី​ជា​លើក​ចុងក្រោយ​របស់​កូន​ហើយ កូន​ចង់​ប្រាប់ថា​កូន​ស្រ​ឡាញ់​ប៉ា​ម៉ាក់។ អ្វី​ដែល​អាច​ធ្វើ​បាន​នៅ​នាទី​ចុង​ក្រោយ​របស់​ឪពុកម្តាយ​បានត្រឹមតែ​បញ្ជូន​សារ​ត្រឡប់​ទៅ​វិញ​ថា ប៉ា​ម៉ាក់​ក៏​ស្រឡាញ់​កូន​ដែរ។

សារ​ដែល​បញ្ជាក់​ពី​សោកនាដកម្ម​នេះ ត្រូវបាន​ផ្សព្វផ្សាយ យ៉ាង​ទូលំទូលាយ នៅក្នុង​ប្រព័ន្ធ​ផ្សព្វផ្សាយ​នៅ​ប្រទេស​កូរ៉េខាងត្បូង និង​បាន​បន្ថែម​ទម្ងន់​សោកស្តាយ អាណិតអាសូរ រួម​ទាំង​ការភ្ញាក់ផ្អើល​កាន់តែខ្លាំង ទៅ​ដល់​ប្រជាជន​កូរ៉េខាងត្បូង​ផងដែរ​។

​ជាមួយគ្នា​នោះ​ដែរ លោក​ស៊ីន ស៊ូ​អា​ប៊េ ប្រធានាធិបតី​ប្រទេស​ជប៉ុន​បាន​ថ្លែង​នៅក្នុង​វេទិការ​មួយ​នៅ​ទីក្រុង​តូ​ក្យូ ដោយ​លោក​បាន​ថ្លែង​យ៉ាង​ដូច្នេះ​​ថា លោក​សូម​សម្តែង​ការអាណិតអាសូរ​ដ៏​ស្មោះស្ម័គ្រ​របស់លោក​ទៅ​ដល់​មនុស្ស​ដែល​ត្រូវ​បាន​វាយប្រហារ​ដោយ​ឧប្បទ្ធហេតុ​លិច​នាវា។​ នេះ​​គឺ ជា​សមានចិត្ត​របស់​លោក​អា​ប៊េ​ចំពោះ​ប្រជាជន​កូរ៉េ​ខាងត្បូង បើទោះជា​មិត្តភាព​រវាង​ប្រទេស​ទាំង​ពីរ ជប៉ុន​និង កូរ៉េខាងត្បូង មិនសូវ​ជា​មាន​លក្ខណៈ​ស្និទ្ធស្នាល​ក៏ដោយ ។​

​សូមបញ្ជាក់​ថា កាលពី​ថ្ងៃ​ទី​១៦​ខែ​មេសា​មាន​នាវា​មួយគ្រឿង​បាន​ក្រឡាប់​លិច ខណៈ​ធ្វើដំណើរ​ទៅ​កាន់​កោះ​ជី​ជូ ភាគ​នារតី​ប្រទេស​កូរ៉េខាង​ត្បូង។ អ្នកដំណើរ​នៅ​លើ​នាវា​រួមទាំង​នាវិក​សរុប​ចំនួន​៤៧៥​នាក់ នៅ​ចំណោម​នោះ​មាន​អ្នកដំណើរ​ជិត​​៣០០​នាក់​ សុទ្ធតែ​ជា​សិស្ស​ថ្នាក់​វិទ្យា​ល័យ​ដែល​ពួកគេ​បាន​ធ្វើដំណើរ​កំសាន្ត​ទៅ​កាន់​កោះ​ដ៏​ពេញនិយម​នោះ​នៅ​ថ្ងៃ​ឈប់សំរាក។

បើ​តាម​របាយការណ៍​ចុងក្រោយ​ដែល​សារព័ត៌មាន​អន្តរជាតិ​Channel News Asia បាន​ចុះផ្សាយ​នៅ​ថ្ងៃ​ទី​១៧ ​ខែ​មេសា​ថា មាន​មនុស្ស​៩​នាក់​ហើយ​ត្រូវ​គេ​រកឃើញ​ថា​បាន​ស្លាប់​បាត់បង់​ជីវិត និង​ប្រមាណ​ជិត​៣០០​នាក់ នៅ​បាត់​ខ្លួន​នៅឡើយ​ពេល​នេះ​ក្រុម​អ្នកស្វែងរក​កំពុង​បន្ត​សកម្ម​ភាព​​ស្វែងរក​យ៉ាង​ស្វិតស្វាញ​នៅ​តំបន់​នោះ៕(ដោយ៖​អ៊ុន សុខ​ឡា)​


Vayo FM Song Request