ការស្នើរសុំបើកកិច្ចពិភាក្សាជាផ្លូវការជុំវិញការបិទតំបន់ឧស្សាហមក្មរួម Kaesong ត្រូវបានធ្វើឡើងនៅព្រហស្បតិ៍នេះដោយប្រទេសកូរ៉េខាងត្បូង។ ការស្នើសុំនេះ មានគោលបំណងចង់ ឲ្យមានផ្លូវដោះស្រាយអំពីការបិទតំបន់ឧស្សាហកម្មរួម Kaesongមិនអោយដំណើរការបណ្តោះអាសន្ន។
ជាមួយគ្នានោះក្រុងសេអ៊ូលក៏បានព្រមានថា នឹងចាត់វិធានក្តៅភ្លាម ប្រសិនបើរដ្ឋអំណាចក្រុងព្យុងយ៉ាងបដិសេធមិនយល់ព្រមនោះ។ អ្នកនាំពាក្យនាយកដ្ឋានឯកភាពវូប្បនីយកម្មលោក Kim Hyung-Seok បាននិយាយថា កូរ៉េខាងត្បូងពិតជាមានគោលបំណង ចង់ពិភាក្សាតាមផ្លូវការរវាងអាជ្ញាធររដ្ឋាភិបាលទាំងពីរដូច្នេះទីក្រុងព្យុងយ៉ាង ត្រូវតែឆ្លើយតបនូវការស្នើសុំនេះយ៉ាងយូបំផុតនៅថ្ងៃសុក្រ។
ទន្ទឹមហ្នឹងនេះលោក Kim Hyung-Seokក៏ បានបញ្ជាក់ដែរថា ប្រសិនបើរដ្ឋអំណាចក្រុងព្យុងយ៉ាងបដិសេធនឹងគោលបំណងនៃកិច្ចពិភាក្សានេះ កូរ៉េខាងត្បូងនឹងចាត់វិធានការក្តៅគគុកភ្លាម ដោយគ្មានការពិចារណាឡើយ ពោលគឺ កូរ៉េខាងត្បូងនឹងដកខ្លួនចេញជាអចិន្ត្រៃយ៍ពីតំបន់ឧស្សាហកម្មនោះ។
គួរបញ្ជាក់ថារដ្ឋអំណាចក្រុងព្យុងយ៉ាង បានបិទច្រកចេញចូលក្នុងតំបន់ឧស្សាហកម្មរួម Kaesong ចាប់តាំងពីថ្ងៃទី៣ ខែមេសា មកម្លេះ ដោយសារមានភាពតានតឹងផ្នែកយោធាក្នុងឧបទ្វីបកូរ៉េ។ យ៉ាងណាក្តីរហូតមកដល់ពេលនេះមានបុគ្គលិកកូរ៉េខាងត្បូង១៧០នាក់ទៀត កំពុងស្ថិតនៅក្នុងតំបន់ឧស្សាហកម្មមួយនោះ។
សូមរម្លឹកជូនថា តំបន់ឧស្សាហកម្ម Kaesong ដែលបានសាងសង់ឡើងក្នុងឆ្នាំ ២០០៤នៅខាងដែនដីកូរ៉េខាងជើង មានចម្ងាយប្រមាណជា១០គីឡូម៉ែត្រពីព្រំដែន។ បច្ចុប្បន្ននេះមានរោងចក្រ សហគ្រាសរបស់កូរ៉េខាងត្បូងចំនួន ១២៣កំពុងដំណើរការនៅក្នុងតំបន់ឧស្សាហកម្ម Kaesong ដោយបានផ្តល់ការងារជូនបុគ្គលិក កម្មករកូរ៉េខាងជើងប្រមាណជា ៥៣,០០០នាក់។
ឥឡូវតំបន់ឧស្សាហកម្មរួមដែលជានិមិត្តរូបនៃកិច្ចសហប្រតិបត្តិការសេដ្ឋកិច្ចនៃប្រទេសគូរសត្រូវបងប្អូនបង្កើតទាំងពីរត្រូវបានគេមើលឃើញថាបានក្លាយជាប្រដាប់វាស់ស្ទងកម្តៅនៃស្ថេរភាពក្នុងឧបទ្វីបកូរ៉េ៕(ដោយៈថា ថៃ)
បញ្ហាសមុទ្រចិនខាងត្បូងបានក្លាយទៅជាប្រធានបទដ៏សំខាន់នៅក្នុងកិច្ចប្រជុំកំពូលអាស៊ានលើកទី២២ ដែលបានបើកធ្វើនៅក្នុងប្រទេសព្រុយណេរយៈពេលពីរថ្ងៃនៅឆ្នាំនេះ។
កូរ៉េខាងជើងកាលពីរថ្ងៃអង្គារកន្លងទៅបានទាមទាឲ្យអាមេរិកនិងកូរ៉េខាងជើងក៍ដូចជាពិភពលោកទទួលថា ខ្លួនជាប្រទេសមហាអំណាចនុយក្លេអ៊ែរក្នុងពិភពលោកមួយដែរ។ ហើយនេះគឺជាលក្ខខណ្ឌមួយផងដែរ ដើម្បីបើកផ្លូវឲ្យកូរ៉េខាងជើងអាចចូលរួមតុចរចារជាមួយនឹងអាមេរិក និង កូរ៉េខាងត្បូងបាន។
នាយករដ្ឋមន្ត្រីជប៉ុនបានស្បថថានឹងដេញដោយប្រើកម្លាំងយោធាបើសិនចិនមកជាន់ដីលើកោះកំពុងមានជម្លោះដ៏ក្ដៅគគុកម្ដងទៀតបន្ទាប់ពីនាវារដ្ឋាភិបាលចិន៨គ្រឿងបានធ្វើដំណើរឆ្ពោះមកដែនទឹកមានជម្លោះនោះ។ នេះជាការព្រមានខ្លាំងៗពីសំណាក់នាយករដ្ឋមន្ត្រីជប៉ុនលោក Shinzo Abe។
ជាទូទៅនៅមុនពេលការបោះឆ្នោតគណបក្សនានានៅក្នុងប្រទេសម៉ាឡេស៊ីតែងតែដើរឃោសនាបញ្ចុះបញ្ចូលប្រជាជនក្នុងប្រទេសខ្លួន ដើម្បីទទូលបានការគាំទ្រ។
ជាថ្មីម្តងទៀត រដ្ឋាភិបាលរបស់ប្រទេសមីយ៉ាន់ម៉ា ដែលត្រូវបានអន្តរជាតិទទួលស្គាល់ថា បានកែទំរងយ៉ាងច្រើននោះបានសម្រេចដោះលែងអ្នកទោសចំនួន៩៣នាក់ ដែលក្នុងនោះមានអ្នកទោសនយោបាយចំនួន៥៩នាក់ ដែលធ្លាប់រងការឃុំឃាំងដោយសារបញ្ហានយោបាយផងដែរ។
ស្របពេលដែលភាពតានតឹងកំពុងតែកើនឡើងក្នុងឧបទ្វីបកូរ៉េជាពិសេសរវាងកូរ៉េខាងត្បូង និង កូរ៉េខាងជើងនោះគេបានទទួលដំណឹងថា រដ្ឋមន្ត្រីក្រសួងការពារជាតិរបស់កូរ៉េខាងត្បូងគឺ លោកKim Kwan-jin នៅថ្ងៃអង្គារនេះ បានទទួលរងនូវការគំរាមកំហែងផងដែរពីរសំណាក់ជនមិនស្គាល់មុខ។
សមាជិកសភារបស់ជប៉ុន រហូតដល់ទៅ ១៦៨រូបដែលទៅគោរពវិញ្ញានក្ខន្ធនៅវិហារយ៉ាស៊ូគូនី( Yasukuni )លើកនេះត្រូវបានគេកត់សម្គាល់ថា ជាលើកទីមួយហើយចាប់តាំងពីខែតុលាឆ្នាំ២០០៥មកដែលមានគ្នាលើសពី១០០នាក់។
