ការយល់សុបិន្តតែងតែកើតឡើងលើមនុស្សគ្រប់គ្នា ស្ទើររៀងរាល់ថ្ងៃ ប៉ុន្តែពេលខ្លះយើងអាចចងចាំសុបិន្តទាំងនោះបាន និងពេលខ្លះមិនចងចាំសោះក៏មាន។
បើតាមការសិក្សាស្រាវជ្រាវរបស់អ្នកចិត្តសាស្ត្រជនជាតិស្វីសដ៏ល្បីល្បាញមួយរូបលោក Carl Jungបានបញ្ជាក់ថា ការយល់សុបិន្តកើតឡើងចេញពីសកម្មភាពរបស់មនុស្សដែលរស់នៅប្រចាំថ្ងៃ។
ប្រសិនបើលោកអ្នកសុបិន្តល្អ ប្រាកដណាស់ លោកអ្នកនឹងមានភាពស្កប់ស្កល់ក្នុងដំណេក ផ្ទុយទៅវិញបើសុបិន្តអាក្រក់អាចនឹងធ្វើអោយអ្នកអស់កំលាំង និង មិនសូវស្រួលខ្លួន។ តើហេតុអ្វីបានជាមនុស្សយល់សុបិន្តអាក្រក់?
សុបិន្តអាក្រក់មានការប៉ះពាល់ដល់សុខភាពដែរឬទេ? ចង់ដឹងពីបញ្ហាទាំងនេះឲ្យកាន់តែច្បាស់សូមស្តាប់សៅ វិសាល នៅក្នុងនាទីបច្ចេកវិទ្យានិងវិទ្យាសាស្ត្រ៖
សំលេងៈ
ម្រេចដែលទទួលឈ្មោះល្បីល្បាញផ្នែកគុណភាពនៅខេត្តកំពត សម្រាប់ឆ្នាំ២០១៣នេះ ទទួលបានទិន្នផលទាបជាងការព្យាករប្រមាណ១៨ភាគរយ។
ក្រុមហ៊ុន Shenzhen Scope និងក្រុមហ៊ុន Yingtao of China របស់ប្រទេសចិនត្រូវបានរំពឹងថានឹងឈ្នះការដេញថ្លៃតាមប្រព័ន្ធអ៊ីនធឺណិត ដើម្បីផ្គត់ផ្គង់កុំព្យូទ័របន្ទះស្តើងចំនួន១,៦៣លានគ្រឿងដែលមានតម្លៃ៤,៦១ពាន់លានបាត ក្រោមគម្រោងសិស្សម្នាក់កុំព្យូទ័រមួយ One Tablet per Child។
តារាបាល់ទាត់អង់គ្លេស ដាវីដ បេកខេម បានប្រកាសចូលនិវត្តន៍ពីកីឡាករបាល់ទាត់អាជីពហើយ បន្ទាប់ពីកីឡាករដ៍ល្បីល្បាញរូបនេះបានជួយអោយក្រុម ប៉ារីស សែនជើម៉ែនParis Saint Germain លើកពានលីគកំពូលរបស់បារាំង។
ប្រទេសជប៉ុនដែលជាមហាអំណាចសេដ្ឋកិច្ចទីបីក្នុងពិភពលោកនោះបានទទួលកំណើនសេដ្ឋកិច្ច០.៩ភាគរយសំរាប់ត្រីមាសដើមឆ្នាំ២០១៣នេះ។
គ្រឹះស្ថានមីក្រូហិរញ្ញវត្ថុអ៊ីអនកម្ពុជា បានបង្ហាញរបាយការណ៍ថាការលក់ឧបករណ៍ អេឡិចត្រូនិច និងម៉ូតូតាមរយៈការបង់រំលោះ សម្រាប់ត្រីមាសទី១ឆ្នាំ២០១៣នេះ បានកើនឡើងដល់ទៅជាង៧០០% បើធៀបទៅនឹងរយៈពេលដូចគ្នាកាលពីឆ្នាំ២០១២កន្លងទៅ។ នេះបើយោងតាមការចេញផ្សាយដោយការកាសែតភ្នំពេញប៉ុស្ដិ៍នៅថ្ងៃនេះ។
ប្រទេសកម្ពុជាបានចំណាយទឹកប្រាក់ជិត១០លានដុល្លា ដើម្បីនាំចូលគ្រឿងសម្អាងពីបរទេសនៅត្រីមាសទីមួយឆ្នាំ២០១៣នេះ ពោលគឺកើនឡើងប្រមាណ១៣០ភាគរយ បើធៀបរយៈពេលដូចគ្នាកាលពីឆ្នាំមុន។
យោងតាមទីភ្នាក់ងារសារព៌មានស៊ីនហ៊ បានចេញផ្សាយកាលពីថ្ងៃទី១៤ខែឧសភាថា ទំហំពាណិជ្ជកម្មទ្វេភាគីរវាងកម្ពុជា-ជប៉ុនកើនឡើងដល់១៨០លានដុល្លាអាមេរិកនៅត្រឹមត្រីមាសទីមួយនៃឆ្នាំ២០១៣នេះ។
វិស័យលក់រាយរបស់ក្រុមហ៊ុនលក់រាយនៅសហរដ្ឋអាមេរិកបានកើនឡើងបន្តិចបន្តួចប៉ុណ្ណោះគឺ ០,១%ក៏ប៉ុន្តែយ៉ាងណាក្តី កាលពីខែមេសាកន្លងទៅវាបានជួយកាត់បន្ថយកង្វល់ពីការធ្លាក់ចុះការចំណាយលើទំនិញប្រើប្រាស់ដែលនឹងរារាំងដល់សេដ្ឋកិច្ចដែរ។
