VAYO FM

Wednesday, May 22nd

Last update04:38:56 AM GMT

ព័ត៌មានចុងក្រោយ:

ម៉ីយ៉ាន់ម៉ាកំពុងធ្វើដំណើរឆ្ពោះទៅរកភាពភ្លឺស្វាងក្រោយកំណែទំរង់ស៊ីជំរៅ

របាយការណ៍៖ កូដកម្មជាង៨០០ករណីបានកើតឡើងនៅក្នុងវិស័យកាត់ដេរកម្ពុជារយៈពេលជិត១០ឆ្នាំ

អង្គភាពប្រឆាំងអំពើពុករលួយព្រមានព្រះអង្គម្ចាស់ស៊ីសុវត្ថិ ធម្មិកោរឿងមិនប្រកាសទ្រព្យសម្បត្ដិ

លោកអូបាម៉ា ស្នើឲ្យលោកថេន សេន បញ្ឈប់ការសម្លាប់លើជនជាតិដើមភាគតិចរ៉ូហិនយ៉ា

វិស័យឧស្សាហកម្មកាត់ដេរនៅកម្ពុជាមានកើនឡើងគួរឲ្យគត់សម្គាល់

ទីតាំងឋិតនៅ: សេដ្ឋកិច្ច បច្ចេកវិទ្យា

Skip to content

សេដ្ឋកិច្ច

JICAផ្តល់ទឹកប្រាក់ជិត២០លានដុល្លារដល់កម្ពុជាបន្ថែមទៀត

Tuesday, 31 July 2012 18:23

យ៉ាន់ លីណា

ទឹកប្រាក់ជិត២០លានដុល្លារអាមេរិកនឹងត្រូវផ្តល់ឲ្យកម្ពុជា តាមរយៈទីភា្នក់ងារសហប្រតិបត្តិការអន្តរជាតិជប៉ុន ហៅកាត់ថា JICA សំរាប់ធ្វើការជួសជុលហេដ្ឋារចនាសម្ព័ន្ធ ដែលរងការខួចខាតដោយសារទឹកជំនន់កាលពីឆ្នំាមុន។

នេះបើយើងតាមកិច្ចព្រមព្រៀងដែលបានចុះហត្ថលេខារវាងលោក គាត ឈន់ រដ្ឋមន្រ្តីក្រសួងសេដ្ឋកិច្ចជាមួយតំណាងប្រធានការិយាល័យ JICA នៅកម្ពុជា គឺ លោក Suzuki Yasujiro (សូហ្សូគី យ៉ាសូជីរ៉ូ) កាលពី ថ្ងៃទី ៣០ កក្កដាកន្លងទៅ ។

ជាមួយគ្នានេះដែរ JICA ក៏បានសន្យាថានឹងជួយជួសជុល ស្ពានចំនួន៨កន្លែង ដែលនៅតាមបណ្តោយ ផ្លូវជាតិលេខ ១១ ព្រមទាំងផ្លូវ និងប្រព័ន្ធបង្ហូរទឹកនៅក្នុងក្រុងកំពង់ឆ្នំាង ដែលរងការខួចខាតដោយទឹកដែលហៀរចេញពីទន្លេមេគង្គ និង ទន្លេសាបកាលពីឆ្នំាមុន។ ក្រៅពីនេះ JICA ក៏បានឧបត្ថម្ភលើគម្រោងការពារទឹកជំនន់ និង ស្តារប្រព័ន្ធលូនៅក្នុងរាជធានីភ្នំពេញផងដែរ។

គួរបញ្ជាក់ថា កាលពីឆ្នំាមុន គ្រោះទឹកជំនន់ដែលកើតឡើងនៅប្រទេសកម្ពុជាបានសម្លាប់មនុស្សជាង ២៤៧នាក់ និង ដំណាំស្រូវត្រូវខូចខាតជាង ៣៩ម៉ឺនហិកតា ផ្លូវលំបានខូចខាតប្រវែង ៤.៤៦៩គីឡូម៉ែត្រ និង ខូតខាតហេដ្ឋារចនាសម្ព័ន្ធមួយចំនួនទៀតផងដែរ៕

ចិនវ៉ាដាច់គេ ក្នុងការប្រកួតកីឡាអូឡាំពិក

Tuesday, 31 July 2012 17:26

យ៉ាន់ លីណា

ក្រុមអត្តពលិករបស់ប្រទេសចិន រហូតមកដល់ពេលនេះ នៅតែនាំមុខគេនូវចំនួនមេដាយ ដែលទទួលបានពីប្រភេទកីឡាផ្សេងៗ នៅក្នុងព្រឹត្តិការណ៍កីឡាអូឡាំពិក ទីក្រុងឡុងដ៍ ឆ្នាំ២០១២នេះ។

ក្នុងនោះប្រទេសចិន ទទួលបានមេដាយមាសចំនួន៩ សហរដ្ឋអាមេរិកទទួលបានមេដាយ៥ និង ប្រទេសបារំាងទទួលបាន៣មេដាយ និងប្រទេសមួយចំនួនទៀត ជាប់លំដាប់ថ្នាក់ជាបន្តបន្ទាប់។

គួរបញ្ជាក់ថា ព្រឹត្តិការណ៍កីឡាអូឡាំពិក នៅក្នុងទីក្រុងឡុងដ៍ប្រទេសអង់គ្លេស ឆ្នាំ២០១២នេះ បានចាប់ផ្តើមពីថ្ងៃទី២៧ កក្កដា និង បញ្ចប់ទៅវិញ នៅថ្ងៃទី១២ ខែសីហាខាងមុខ៕

អត្តពលិកកម្ពុជាបន្តត្រៀមកំលាំងប្រកួត

Sunday, 29 July 2012 22:03

យ៉ាន់ លីណា

ពិធីបើកជាផ្លូវការនៃកីឡាអូឡាំពិក នៅទីក្រុងឡុងដ៍ លើកទី៣០ បានធ្វើឡើងកាលពីថ្ងៃសុក្រ ទី២៧ ខែកក្កដានេះ នៅក្រោមអាកាសធាតុដ៏ត្រជាក់ ដែលកម្ពុជាមិនធ្លាប់មាន។ ប៉ុន្តែទោះបីត្រូវប្រឈមនឹងអាកាសធាតុនេះ ក៏កីឡាករ-កីឡាការនី កម្ពុជានៅតែមានសុខភាពធម្មតា។

លោក វ៉ាត់ ចំរើន អគ្គលេខាធិការគណ:កម្មាធិការជាតិអូឡាំពិកកម្ពុជា បានឲ្យដឹងថា ស្ថានភាពសុខភាពរបស់កីឡាក កីឡាការនីកម្ពុជាមិនមានអ្វី គួរឲ្យកត់សំគាល់ឡើយ ពោលគឺកីឡាករ កីឡាការនីម្នាក់ៗបានប្រុងប្រៀបជាស្រេច ចាំតែការប្រកួតមកដល់តែប៉ុណ្ណោះ។

ពាក់ព័ន្ធនឹងការប្រកួតនេះដែរ លោកវ៉ាត់ចំរើនបានបន្ថែមថា សម្រាប់កីឡាករយូដូ ខុម រតនៈមុនី របស់កម្ពុជាដែលវ៉ៃក្នុង ទម្ងន់៦០គីឡូក្រាម នោះ បានធ្វើការចាប់ឆ្នោតរួចហើយ ដែលជួបប្រកួតជាមួយកីឡាករម៉ិចស៊ីកូនៅថ្ងៃទី ២៨កក្កដានេះ។ ចំណែកឯកីឡាការិនីតៃក្វាន់ដូ ស៊ន ដាវីន នឹងប្រកួតក្នុងទម្ងន់៦៧គីឡុក្រាម មានប្រទេសចំនួន១៦ប្រកួតនៅថ្ងៃទី៦ ខែសីហា ខាងមុខនេះ។ រីឯវិញ្ញាសារដទៃទៀតមិនទាន់ដល់ថ្ងៃប្រកួតនៅឡើយទេ ។ កីឡាករ យូដូ ខុម រតនៈមុនី និងកីឡាករ គៀង សាម៉ន បានផ្តល់បទសម្ភាសន៏មកថា ស្ថានភាពនៃការ រស់នៅមួយរយៈនេះ

គួររម្លឹកថា ប្រទេសកម្ពុជា បានបញ្ជូនកីឡាករ-កីឡាការិនី ចំនួន៦រូប ដើម្បីទៅចូលរួមប្រកួត នៅក្នុងព្រឹត្តិការណ៍ កីឡាអូឡាំពិក នៅទីក្រុងឡុង ចក្រភពអង់គ្លេស ដែលបានបើកជាផ្លូវការ នៅថ្ងៃទី ២៧ កក្កដានេះ៕

Helloទទូលបានពានរង្វាន់៣ពីក្រុមហ៊ុន Axiata Group

Friday, 27 July 2012 15:15

យ៉ាន់ លីណា

ក្រុមហ៊ុនHelloទទួលបានពាន់រង្វាន់ចំនួន៣ ពីក្រុមហ៊ុន ធំ axiata Group ក្នុងឆ្នំា ២០១១ កន្លងមកនេះ ក្រុមហ៊ុន axiata Groupគឺ ជាក្រុមហ៊ុនដ៏ធំ មួយ ក្នុងវិស័យទូរគមនាគមន៍ នៅក្នុង តំបន់អាស៊ី។ដើម្បីជាការអបអរសាទរ ចំពោះជោគជ័យនេះ Hello Axiata បាន ប្រារព្ធ ពិធី ជប់ លៀងជូនចំពោះបុគ្គលិកទាំងអស់ របស់ Hello អោយចូលរួមកាលពី ល្ងាច ថ្ងៃទី២៦កក្កដា នៅសណា្ឋគាណហ្គាវើល។ ពិធីជប់លៀងនោះធ្វើឡើងក្នុងគោលបំណងដើម្បីថ្លែងអំណរគុណដល់បុគ្គលិកហេឡូ និងដើម្បីសម្តែងការកោតសរសើរនិងថ្លែងអំណរគុណពីថ្នាក់គ្រប់គ្រងដល់ បុគ្គលិកទាំងអស់ ចំពោះការតាំងចិត្ត លះបង់ និងចូលរូមចំនែករបស់បុគ្គលិកទាំង អស់គ្នាដែលជូល ឲ្យHelloទទូឡបានពាន់រង្វាន់ចំនួន៣ ពីក្រុមហ៊ុនធំ axiata Group ។ ពាន់រង្វាន់ដែលទទូលបានរួមមានគឺការសម្រេចបានស្នាដៃជាទូទៅល្អជាងគេក្នុងឆ្នាំ២០១១ (Overall best performance 2011) គ្រប់គ្រងការចំណាយបានល្អជាង គេក្នុងឆ្នាំ២០១១( best performance against Budget 2011)ធៀបទៅនឹងការចំណាយដែល បានគ្រោង ទុកក្នុងឆ្នាំ២០១១និងក្រុមហ៊ុនដែលមានសហប្រតិបត្តិការល្អជាងគេ២ផ្ទូនឆ្នាំ១០១០ និង ១០១១(Most collaborative Opco for 2consecutive years 2010 &2011)។
មានប្រសាសន៏ក្នុងពិធីជប់លៀងនោះ លោក Simon PerKins នាយកប្រតិបត្តិរបស់ Helloបានឲ្យដឹងថា យើងបាន ទទូលពាន់រង្វាន់ទាំងបីខាងលើក្នុងវេទីការភាពជាអ្នកដឹលនាំខ្ពស់នៅទីក្រុងបានដុង ប្រទេសម៉ាឡេស៊ី សម្រាប់អ្នកស្នាដៃ របស់យើងទាំងអស់គ្នាឆ្នាំ២០១១កន្លងមកនេះ។ការសម្រេចសមិទ្ធផលដ៏អស្ចារ្យនេះគឺបានមកដោយសារការខិតខំប្រឹងប្រែងនិងការតាំងចិត្តរបស់បុគ្គលិកHelloទាំងអស់ និងបង្ហាញពីភាពរលូននៃការធ្វើ ការងារជាក្រុមរបស់យើង។ អ្វីដែលកាន់តែអស្ចារ្យយើងបានឈ្នះពាន់រង្វាន់ជាក្រុមហ៊ុន ដែលមានការ សហប្រតិបត្តិការយ៉ាងល្អជាងគេ២ឆ្នាំផ្ទូនគឺឆ្នាំ២០១០និង២០១១។
គួរបញ្ជាក់ថា កាលពីពេលថ្មីៗនេះ Hello បានប្រកាសដាក់ឲ្យប្រើជា ផ្លូវការនូវគម្រោងថ្មីមួយមានឈ្មោះថា “ហេឡូអស្ចារ្យ” ដែលអតិថិជនចំណាយតិចតែទទូលបានច្រើន សម្រាប់ការហៅទូរស័ព្ទក្នុងប្រព័ន្ធ ការប្រើអ៊ីនធឺណិត ការផ្ញើសារជាអក្សរនិងការហៅទូរស័ព្ទទៅក្រៅ ប្រទេសក្នុងអត្រាតម្លៃពិសេសគ្មានគួរប្រៀប។លើសពីនេះHelloនឹងប្រកាសដាក់លក់សារជាថ្មីនូវទូរស័ព្ទស៊ីម៣របស់ហេឡូ ក្នុងពេលឆាប់ៗនេះដើម្បីបំពេញតម្រូវការរបស់អតិថិជន ផងដែរ៕

គណៈកម្មការអូឡាំពិចសុំទោសកូរ៉េខាងជើង ពីបញ្ហាច្រឡំទង់ជាតិ

Friday, 27 July 2012 12:34

យ៉ាន់ លីណា

ការប្រកួតបាល់ទាត់នារី រវាងប្រទេសកូរ៉េខាងជើង និង ប្រទេសកូឡុំប៊ីកាលពីថ្ងៃពុធកន្លងទៅនេះ បានពន្យាពេលរហូតជាង១ម៉ោង បន្ទាប់ពីក្រុមកីឡាការិនី កូរ៉េខាងជើង បានដើរចេញពីទីលាន ដោយសារថា គណៈកម្មការរៀបចំការប្រកួតកីឡាអូឡាំពិកបានបង្ហាញទង់ជាតិច្រឡំ។ ពួកគេជាកីឡាការិនី របស់ប្រទេសកូរ៉េខាងជើង តែបែរជាបង្ហាញទង់ជាតិរបស់ប្រទេសកូរ៉េខាង ត្បូងដែលជាគូសត្រូវនឹងគ្នាទៅវិញ។

តែយ៉ាងណាក៍ដោយ អ្នករៀបចំការប្រកួតកីឡាអូឡាំពិចនៅទីក្រុងឡុងន៏ ប្រទេសអង់គ្លេសបានចេញមកសុំទោសជាផ្លូវការ ចំពោះកំហុសឆ្គង នៃការបង្ហាញទង់ជាតិប្រទេសកូរ៉េខាងជើងខុសនេះ។ ទាក់ទងនឹងបញ្ហានេះផងដែរ ក៏ត្រូវបានក្រុមគ្រូបង្វឹក របស់ក្រុមបាល់ទាត់កូរ៉េខាងជើងបានឲ្យដឹងថា ក្រុមរបស់យើងមិនអាចចូលប្រកួតបានទេនាពេលនោះ យើងរង់ចាំរហូតទាល់តែកំហុសនោះត្រូវបានកែប្រែវិញ។ លោកបានបន្ថែមថា ក្រុមកីឡាកររបស់យើងមិនអាចត្រូវបង្ហាញមុខ ជាមួយទង់ជាតិដទៃនោះឡើយ ជាពិសេសជាមួយទង់ជាតិកូរ៉េខាងត្បូងតែម្តង។

តែយ៉ាងណាក៍ដោយ ការប្រកួតបានប្រព្រឹត្តិទៅជាធម្មតា ដោយក្រុមបាល់ទាត់នារី របស់កូរ៉េខាងជើងបានយកឈ្នះក្រុមបាល់ទាត់របស់ប្រទេសកូឡំប៊ីក្នុងលទ្ធផល២-០។

កំពង់ផែភ្នំពេញចុះបញ្ចីក្នុងផ្សារហ៊ុនកម្ពុជានៅឆ្នំា២០១៣

Thursday, 26 July 2012 01:10

យ៉ាន់ លីណា

ជាការគ្រោងទុក កំពង់ផែភ្នំពេញនឹងចុះបញ្ចីក្នុងផ្សារហ៊ុនកម្ពុជា នៅពេលឆាប់ៗខាងមុខនេះ។ ការចុះបញ្ចីនេះនឹងធ្វើឡើងភ្លាមៗ បន្ទាប់ពី កំពង់ផែក្រុងព្រះសីហនុ បានចុះបញ្ចីក្នុងផ្សារហ៊ុនកម្ពុជា រួចរាល់ហើយ នៅកំឡុងឆ្នំា២០១៣ខាងមុខ។ នេះបើតាមការបញ្ជាក់ឲ្យដឹងពីលោក ហ៊ី ប៉ាវ៉ា អគ្គនាយកកំពង់ផែភ្នំពេញ ដែលបានថ្លែងប្រាប់វិទ្យុខ្មែរអន្តរជាតិវាយោនៅថ្ងៃទី២៥ ខែកក្កដានេះ។

លោកហ៊ី ប៉ាវ៉ា បានបន្តទៀតថា ការរៀបចំហេដ្ឋារចនាសម័ន្ធការងារផ្ទៃក្នុង របស់កំពង់ផែនេះ ត្រួវបានរៀបចំធ្វើរយៈពេលជាងមួយឆ្នំាមកហើយ ដើម្បីត្រៀមរៀបចំគម្រោងនេះ។ ក្នុងនោះដែរ លោកក៏បានបញ្ជាក់ពីគោលបំណងសំខាន់ៗ ចំនួនពីរចំណុចក្នុងការត្រៀមចុះបញ្ចីក្នុងផ្សារហ៊ុនកម្ពុជានេះផងដែរ។

សូមបញ្ជាក់ផងដែរ បច្ចុប្បន្ននេះ រដ្ឋាករទឹកស្វ័យ័តភ្នំពេញ គឺជាក្រុមហ៊ុនរដ្ឋដំបូង ដែលបានចុះបញ្ចីនៅក្នុងផ្សារហ៊ុនកម្ពុជា កាលពីពាក់កណ្តាល ខែមេសា កន្លងទៅនេះហើយ ដើម្បីឈានមួយជំហានទៀត នៅក្នុងការអនុវត្ត យុទ្ធសាស្រ្ត អភិឌ្ឍន៏វិស័យហិរញ្ញវត្ថុ ក្នុងឆ្នាំ២០០៦-២០១៥ រដ្ឋាភិបាលកម្ពុជា បានសម្រេចបង្កើត ក្រុមហ៊ុនផ្សារមូលបត្រកម្ពុជា ដែលជាសហគ្រាសសាធារណៈ ដែល ៥៥% នៃភាគហ៊ុនសរុប ត្រូវបានកាន់កាប់ ដោយរាជរដ្ឋាភិបាលកម្ពុជា ហើយភាគហ៊ុនដែលនៅសល់ កាន់កាប់ដោយក្រុមហ៊ុនផ្សារមូលបត្រកូរ៉េ ដែលជាប្រតិបត្តិករ ទីផ្សារមូលបត្រដ៏ល្បីល្បាញនៃសាធារណរដ្ឋកូរ៉េ។

ភារកិច្ចចម្បងរបស់ក្រុមហ៊ុនផ្សារមូលបត្រកម្ពុជា គឺដើម្បីបង្កើត និង ដាក់ឲ្យដំណើរការ ទីផ្សារមូលបត្រ ប្រព័ន្ធផ្ទៀងផ្ទាត់ និងទូទាត់ មូលបត្រ និង ប្រព័ន្ធរក្សាទុកមូលបត្រ ស្របតាមច្បាប់ស្តីពីការបោះផ្សាយ និង ជួញដូរមូលបត្រមហាជន និង បទប្បញ្ញត្តិដែលពាក់ពន្ធ័៕

IMF បារម្ភខ្លាំងពីសេដ្ឋកិច្ចពិភពលោក

Tuesday, 17 July 2012 19:57

យ៉ាន់ លីណា

កាលពីថ្ងៃចន្ទទី១៦ខែកក្កដា អង្គការមូលនិធិរូបិយវត្ថុអន្តរជាតិ ហៅកាត់ថា IMF បានចេញមកព្រមាន អំពីការកើនឡើងហានិភ័យចំពោះសេដ្ឋកិច្ចសកលលោក ភាគច្រើនមកពីតំបន់ចាយលុយអឺរ៉ូ ដែលរងវិបត្តិបំណុល ខណៈដែលស្ថាប័នមួយនេះ បានកាត់បន្ថយការព្យាករណ៍ អំពីកំណើនរបស់ខ្លួន សម្រាប់រយៈពេលដែលនៅសល់សម្រាប់ឆ្នាំនេះ។

ក្រុមអ្នកសេដ្ឋកិច្ចវិទូរបស់ IMF បាននិយាយថា ជាពិសេសស្ថានភាពមិននឹងន នៅក្នុងប្រទេសអេស្ប៉ាញ និង អ៊ីតាលីអាចប្រែទៅជាយ៉ាប់យ៉ឺនទៅៗ យ៉ាងឆាប់រហ័ស ចំពេលដែលទីផ្សារ កំពុងមានមន្ទិលសង្ស័យ លើការដោះស្រាយ របស់ក្រុមមេដឹកនាំ ប្លុកចាយលុយ អឺរ៉ូក្នុងការអនុវត្តកំណែទម្រង់ដែលបានសន្យា ។

អាស៊ានចង់ឲ្យវិនិយោគិនអាមេរិកបង្កើនការវិនិយោគ

Saturday, 14 July 2012 19:49

យ៉ាន់ លីណា

សម្តេចនាយករដ្ឋមន្រ្តី ហ៊ុន សែន ក្នុងនាមជាប្រធានអាស៊ាន បានមានប្រសាសន៍ នៅក្នុងវេទិការធុរកិច្ច អាស៊ាន - សហរដ្ឋអាមេរិក ថា អាស៊ានមានជំនឿយ៉ាងមុតមាំ ចំពោះតំណាងសហរដ្ឋអាមេរិក គឺ លោកស្រីរដ្ឋមន្រ្តីការបរទេស សហរដ្ឋអាមេរិក ហ៊ីល ឡារីគ្លីនតុន នឹងផ្តល់ការលើកទឹកចិត្ត ឲ្យ វិនិយោគិន សហរដ្ឋអាមេរិក និង អ្នកជំនួញអាមេរិក មកវិនិយោគនៅកម្ពុជា និង ប្រទេសក្នុង សមាជិកអាស៊ាន ទៅលើវិស័យហេដ្ឋារចនាសម្ព័ន្ឋ ថាមពល ប្រេង ឧស្ម័ន និង ហ្គាស ក្នុងសហគមន៍នេះ។

ជាមួយគ្នានេះដែរលោកស្រី យីងឡាក់ស៊ីណា វ៉ាត្រា នាយករដ្ឋមន្រ្តីថៃ បានមានប្រសាសន៍ផងដែរថា ការភ្ជាប់ទំនាក់ទំនង រវាងអាស៊ាន និង អាមេរិកនៅពេលនេះ គឺជាបេះដូងអាស៊ាន នៅពេលដែលទីផ្សារអាស៊ាន ក្លាយទៅជាផ្សាររួមសម្រាប់ប្រជាជនជាង ៦០០លាននាក់ នៅ ក្នុងឆ្នាំ២០១៥ខាងមុខ។

នៅវេទិការធុរកិច្ច អាស៊ាន - សហរដ្ឋអាមេរិក នោះផងដែរ លោកស្រីគ្លីនតុនបានថ្លែងថា សេដ្ឋកិច្ចរបស់សហរដ្ឋអាមេរិក ពង្រឹងខ្លាំងទៅលើអាស៊ាន ដែលជាដៃគូពាណិជ្ជកម្មដ៏ធំ ហើយសហរដ្ឋអាមេរិក កាលពីឆ្នាំ២០០៩ បាននាំចេញទៅកាន់អាស៊ាន ក្នុងទំហំទឹកប្រាក់ ៧៦លានដុល្លារសហរដ្ឋអាមេរិក ។

សូមបញ្ជាក់ថា វេទិការធុរកិច្ចអាស៊ាន មានការចូលរូមជាអធិបតី ពីសម្តេចហ៊ុនសែន នាយករដ្ឋមន្រ្តី នៃព្រះរាជាណាចក្រកម្ពុជា រដ្ឋមន្រ្តីការបរទេសអាមេរិក លោកស្រីហ៊ីល ឡារី គ្លីនតុន ប្រធានាធិបតីមីយ៉ាន់ម៉ា នាយករដ្ឋមន្រ្តីថៃ លោកស្រី យីង ឡាក់ស៊ីណាវ៉ាត្រា ក៏ដូចជាតំណាងក្រុមហ៊ុន ពាណិជ្ជកម្ម សហរដ្ឋអាមេរិក ចំនួន៧០នាក់ ផងដែរ និង មន្រ្តីជាន់ខ្ពស់ ជាច្រើនរូបផ្សេងទៀត៕

បារាំងផ្តល់ជំនួយ ២,២៥ លានដុល្លារ ដល់កម្ពុជា

Friday, 13 July 2012 10:06

យ៉ាន់ លីណា

បារំាងបានផ្តល់ទឹកប្រាក់១,៨លានអឺរ៉ូ ស្មើរប្រមាណ២,២៥ លានដុល្លារអាមេរិក ដល់វិស័យមីក្រូហិរញ្ញវត្ថុ និង ដំណាំកៅស៊ូ នៅកម្ពុជា។គំរោងនេះត្រូវបានដាក់ឲ្យអនុវត្ត ដោយទីភ្នាក់ងារ អភិវឌ្ឍន៍បារាំង AFD និង ត្រូវបានចុះហត្ថលេខា កាលពីថ្ងៃទី១២ ខែកក្កដា ម្សិលមិញនេះ នៅក្រសួងសេដ្ឋកិច្ច និង ហិរញ្ញវត្ថុ ក្រោមអធិបតីភាព លោកឧបនាយករដ្ឋមន្ត្រី គាត ឈន់ រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ ជាមួយ ឯកអគ្គរដ្ឋទូតបារាំង ប្រចាំកម្ពុជា។

កិច្ចព្រមព្រៀងនេះ មានគោលដៅជួយគាំទ្រវិស័យដំណាំកៅស៊ូ ដែលជាវិស័យផ្គត់ផ្គង់ធនធានដ៏សំខាន់ សម្រាប់ការនាំចេញ។ គម្រោងនេះ នឹងត្រូវយកទៅអនុវត្ដក្នុងក្របខ័ណ្ឌ កម្មវិធីពង្រឹងសមត្ថភាព ពាណិជ្ជកម្ម ដែលបង្កើតឡើងដោយទីភ្នាក់ងារ AFD។ នឹងរួមចំណែក ក្នុងការកែលម្អផលិតភាពដំណាំកៅស៊ូជាលក្ខណៈគ្រួសារ និង ឯកជន តាមរយៈនៃការដាក់ជំនួសសួនបណ្ដុះកូនកៅស៊ូ ប្រមាណ ៧០ហិកតា និង ការផ្ដល់ ពូជកៅស៊ូ ដែលមានការបញ្ជាក់គុណភាព។