ក្រុមហ៊ុនហេឡូនឹងរោងភាពយន្តផ្លាទីនីម ស៊ីនេផ្លិចផ្សារសូរិយាជាន់ទី៥បានសម្ពោធជាផ្លូវការភាពជាដៃគូនឹងគ្នារួចរាល់ហើយកាលពីថ្ងៃទី៣១តុលាម្សិលមិញនេះ។
ស្របពេលជាមួយគ្នានោះដែរក្រុមហ៊ុនហេឡូក៏បានបង្កើតកម្មវិធីពិសេសមួយសម្រាប់អតិថិជនហេឡូផងដែរ ដោយបង្កើតនូវកម្មវិធីហេឡូ Platinum Day ដែលផ្តល់ឪកាសដល់អតិថិជន ហេឡូទាំងអស់ឈ្នះសំបុត្ររឿង Silent Hill ដ៏គួរឲ្យរន្ធត់ក្នុងថ្ងៃ Halloweenនៅថ្ងៃទី31 តុលាដដែលនោះផងដែរ។
កម្មវិធីនោះបានចាប់ផ្តើមតាំងពីថ្ងៃទី០១តុលា ដល់ថ្ងៃទី៣០ តុលាមកម្ល៉េះដោយអតិថិជនហេឡូគ្រាន់តែផ្ញើរសារ HP ទៅកាន់1303 ប៉ុណ្ណោះ។ ថ្លែងនៅក្នុងកម្មវិធីបើកសម្ពោធនោះដែរ។
លោកអាល់ហ្វី ប្រាសិត្យូ នាយកគ្រប់គ្រងផ្នែកទីផ្សាររបស់ក្រុមហ៊ុនហេឡូ បានមានប្រសាសន៏នៅក្នុងឪលាសសម្ពោធជាផ្លូវការនូវភាពជាដៃគូរសហការគ្នានេះថា នេះជាមោទនភាពរបស់យើងមួយទៀតដែលបានផ្តល់ជូននូវការកំសាន្តដ៏អស្ចារ្យមួយបែបថ្មីទៀតដល់អតិថិជនរបស់យើងក៏ដូចជាប្រជាជនកម្ពុជាទាំងមូលផងដែរ ។
ហើយលោកអាល់ហ្វី ប្រាសិត្យូក៏មានសង្ឃឹមយ៉ាងមោះមុតថា ហេឡូនឹងទទួលបានការគាំទ្រយ៉ាងមុតមាំពីសំណាក់ប្រជាជនកម្ពុជាផងដែរ។
គូរកត់សំគាល់ថា នេះគ្រាន់តែជាការចាប់ផ្តើមនៃការផ្សារភ្ជាប់ភាពជាដៃគូររវាងហេឡូ និងផ្លាទីនីមស៊ីនេផ្លិចតែប៉ុណ្ណោះនៅថ្ងៃអនាគតក្រុមហ៊ុនទាំងពីរនេះនឹងផ្តល់ជូននូវកម្មវិធីកំសាន្តក៏ដូចជាសេវាថ្មីៗ និងទំនើបៗអស្ចារ្យជាច្រើនទៀតដើម្បីបំរើដល់ប្រជាជនកម្ពុជា ជាពិសេសគឺអតិថិជនហេឡូផ្ទាល់តែម្តង។
គូរបញ្ជាក់ផងដែរថា វិស័យភាពយន្តបរទេសខ្នាតធំបានចាប់ផ្តើមចូលមកក្នុងប្រទេសកម្ពុជាកាលពីពាក់កណ្តាលឆ្នាំ២០១១ហើយត្រូវបានទទួលការគាំទ្រកាន់តែខ្លាំងក្លាពីស្រទាប់យុវវ័យកម្ពុជានៅដើមឆ្នាំ២០១២ជាពិសេសគឺភាពយន្ត3D។
ដូចច្នេះហើយទើបHello បានចាប់ដៃគូរជាមួយរោងភាពយន្ត ផ្លាទីនីម ស៊ីនេផ្លិច ដើម្បីនាំមកជូនយុវវ័យនៅរោងភាពយន្តផ្លាទីនីម ស៊ីនេផ្លិច ផ្សារសូរិយាជាន់ទី៥។ Hello Platinum Day នាំមកជូនអតិថិជននូវហេឡូរឿងដ៏គួរឲ្យរន្ធត់ក្នុងថ្ងៃ Halloween៕
